هاام.."همسة الاحساس" عـ(كرسي الاعتراف)..

[همسة الاحساس]

سحر يحيى ابو الحمص

بسم الله الرحمن الرحيم
مرحبا با أحلى همسة على كرسي الاعتراف ....

أهلين يا هلا بأحلا سحر بالمنتدى

أسفة عزيزتي لأني تأخرت بالمشاركة بس انت بتعرفي صارلي أسبوع بحاول ألفت نظر الأعضاء
لقسم النقاش ولكن لا حياة لمن تنادي ...ومات المرحوم .... وانا بصرخ ...صدقي حتى صوتي راح

ولو الغايب عذره معه والله يعطيك العافية وعى قولتك لا حياة لمن تنادي يعني ديري بالك على صوتك بلاش يروح بالمرة ههههه أحلى سحر

المهم همسة انا طبعاً أحترت لأنهم ماشاء الله خلصوا الاسئلة ..

اها يلا عاد ما تتحججيش

بس كثير حلوه المقابلة لأننا تعرفنا على همسة عن قرب ...

بوجودك أحلا

نبدء ياهموسه بكم سؤال ....بعد إذنكِ ...

أها يلا

ماذا تعني لك الصراحة ؟؟؟ (مع أني أجدكِ صريحة جداً بالإجابات )

الصراحة أهم اشي بحياتي لانه اذا بدنا نضل نجامل وما نصارح عمره ما بمشي الحال ولا بتمشي الدنيا وصح لكل شيء حدود لكن الصراحة ولا مرة تكون وقاحة بس لما توصل درجة الصراحة بانها تفضح فهاي اسمها مش صراحة هاي اسمها عدم مبالاة بالغير.

هل تهمكِ نظرة الآخرين لكِ ؟؟؟

مش الكل ! بهمني نظرة البعض لي وكثيراً لا أبالي بنظرة غيري لي لانه (كلام الناس عندي لا بقدم ولا بأخر)

لو منعتي من الكتابة للشعر والتي تحبيها ؟؟ماذا سيكون البديل ؟؟

امممم بعتقد انه صعب حدا يمنعني وخصوصاً بكتابة الشعر وإذا حصل ومنعوني فمش راح يكون بديل .

ماهو السؤال الذي كان نفسكِ حد يسألكِ ياه ؟؟واذا يوجد جاوبي عليه ؟؟

ما كانش بنفسي حدا يسألني سؤال أنا كان نفسي (عضو معين) يسألني0

همسة بدي أسئلك سؤال جاوبتي عليه ..

سُئلتي عن الصلاة وقلتي أنها أهم شيء ...لماذا لا تُصلي ؟؟؟ ( أسفة اذا كان سؤالي محرج)

عجبني سؤالك ! صحيح بأنها أهم شيء وأنا لا أنكر بأني لم أكن أصلي سابقاً لكن يوم عن يوم أصبحت أقطع بالصلاة (يوم بصلي وعشرة ماخدتها حوفش !!!) فقلت أنه لماذا أصلي وأنا أقطع ! وهذه الأيام أحاول بأن أواصل صلاتي والحمد لله على كل شيء.

همسة من خلال كتاباتكِ أجد أنكِ حساسة جداً ..ماهو أكثر شيء ممكن يبكي همسة ؟؟

صعب أبكي لكن أكثر شيء ممكن أن يجعلني أبكي هو الفراق.

بما أنكِ وحدانية يعني لا يوجد لديكِ أخت ..هل هذا الشعور مؤلم بالنسبة لكِ؟؟وتجدي نفسكِ
بحاجة للأخت في بعض المواقف ؟؟(طبعاً بسألك ِ هذا السؤال لأني مثلكِ ليس لي أخت )

أووو هاد كمان انتي مثلي هههه بالنسبة لي ليس شعور مؤلم بالعكس بتضلي مدللة ههههه لكن في بعض المواقف أشعر بأني بحاجة لأخت لكن كل شيء من الله خير وبركة والحمد لله.

واخيراً يا أروع همسة ..

اها و أخيراً ؟؟؟؟؟

كلمة نفسكِ تقوليها لي وبكل صراحة ؟؟؟ بالعربي رأيكِ في ؟؟؟

مع انه لسا ما حصلي الشرف انه أتعرف عليكِ أكثر وأكثر لكن بصراحة انتي طيوبة ونبيهة وعندك إبداعات كثيرة ومميزة و متميزة والدليل إنك قدرتي تثبتي وجودك بالمنتدى بوقت قصير وبتمنى انك تواصلي على هذا الدرب.

وبشكركِ للكلمة الرائعة اللي سبق قلتيها عني ...

بس بدي شيء نفسكِ تقوليه أنا مابزعل من الصراحة ..

ولو لا شكر على واجب هه وقلتلك الاشي بآخر سؤال طرحتيه

وشكراً للمدمر وكارين على الأستضافة الحلوه ..

واحترامي لنسمة المنتدى الرقيقة همسة ...

والشكر الك على الأسئلة الرائعة
واحترامي الك

[مجد الاسلام]

السلام عليكم

موضوع حلو وهمسة الحساس صريحة

طيب خلينا نبالش:

1) اخوكي بعرف انك بتحبي ولو بعرف شو سوة اول ما عرف؟

2) انو العضو الي ببالك يسئل وشو بتحبي يسئلك؟

3) شو ضل سؤال بتحبي نسئلة وما سئلنا؟

4) شو رأيك في كل عضو كتبلك اسئلة؟



ان شاء الله ما حكيت اشي غلط

[همسة الاحساس]

مجد الاسلام

السلام عليكم

وعليكم السلام

موضوع حلو وهمسة الحساس صريحة

اهااا

طيب خلينا نبالش:

اوكي

1) اخوكي بعرف انك بتحبي ولو بعرف شو سوة اول ما عرف؟

اممم أول اشي صيغة السؤال مش كل هالقد يمكن لانك مش عارف شو تحكي اممم مو ضروري تعرف الجواب .

2) انو العضو الي ببالك يسئل وشو بتحبي يسئلك؟

.....

شو ضل سؤال بتحبي نسئلة وما سئلنا؟

سؤالك مكرر

4) شو رأيك في كل عضو كتبلك اسئلة؟

رأيي انهم محترمين وأروع من هيك أعضاء ما فيه

ان شاء الله ما حكيت اشي غلط

في مثل بقول( الي على راسه بطحة بحسس عليها)و أنا بقولك مادام انك عارف جواب سؤالك ليش تسأله !

[YâŖâ]

هموووووسةة
ما تواخذينا ع التاخيررر

ممم

ركزي معي
بس كم سؤال خفاف ^!^

^وين بطلنا نشوفك بتدبكي عنا :$:$
^شو رأيك بشخصيتك..وهل بتحسي انك حابة تغيري اشي فيكي؟
^شو رأيك بعادة حب التملك عند الانسان؟!

وبــس *!*

موفقة ..

[همسة الاحساس]

YâŖâ

هموووووسةة

ياروووووشتي

ما تواخذينا ع التاخيررر

ولوزووووو

ممم

مممم ؟

ركزي معي
بس كم سؤال خفاف ^!^

اها يلا هيني مركزة

^وين بطلنا نشوفك بتدبكي عنا :$:$

ههه مهو انا بطلت من الدبكة من شان هيك

^شو رأيك بشخصيتك..وهل بتحسي انك حابة تغيري اشي فيكي؟

اممم الي بدو يعطي رأيه في شخصيته بكون مغرور هه بس أنا بقلك حابة أغير عنادتي ومخي الناشف .

^شو رأيك بعادة حب التملك عند الانسان؟!

برأيي انها عادة سيئة وأنا ما بأيدها لانه مش حلو انه الواحد يحب كل اشي لنفسه .

وبــس *!*

وووو بس *!*

موفقة ..

تسلمي والله يوفقك

[ريّانه]

مسا الخير يما ..
متأخرة زي عوايدي .. بس بتعرفي أسألتي دسمه
طبعاً وزي عوايدي بنساش الضيافه بتحبي انتي كيكه الكندر بس انا جايبتلك معي الكندر من مجاميعه .!




نبلش ^-^

اول شي بعد ما كنا صاحبات من الابتدائي ونقلتي ..
وإجيت وشفتك في المدرسة .. أوصيفيلي شعورك !!

ووينته بتحسي حالك ضعيفه ؟

وووبس !!



^^

[همسة الاحساس]

ريّانه

مسا الخير يما ..

مسا الفل والورد والنرجس يابا

متأخرة زي عوايدي .. بس بتعرفي أسألتي دسمه

ههه الغايب عذره معاه اها اسئلتك دسمة دسمة

طبعاً وزي عوايدي بنساش الضيافه بتحبي انتي كيكه الكندر بس انا جايبتلك معي الكندر من مجاميعه .!

يااااي ما أحسنك ! أنا بديش ولا وحدة إلا الــ deliceــ أحلا رياااانة والله .

نبلش ^-^

اها يلاااا نبلش

اول شي بعد ما كنا صاحبات من الابتدائي ونقلتي ..
وإجيت وشفتك في المدرسة .. أوصيفيلي شعورك !!

امممم والله ما انتي شوفتي شو صار فيي زي المجانيين صرت هههه قال كنت أدرس جغرافيا زتيت الكتاب ونطيت من محلي من الصدمة والفرحة هههههه بجد وقتها انبسطت لانه صارلي فترة مو شايفتك

ووينته بتحسي حالك ضعيفه ؟

بحس حالي ضعيفة لما أوقف قدام الي بعزهم و لما أحس انه الدنيا كلها قلبت ضدي .

وووبس !!

وووو بس مشكورة ريانة على الأسئلة و على (الكيندر) من يوم يومك صبابا لك أحلا ريانة والله نورتي الموضوع بوجودك دمتي بود



^^

[lara]

[align=center]
دق دق دق دق دق
انااا جيييييت مسموحلي افووت ؟؟؟؟
كيفك ؟؟شو اخبارك؟؟زمان عنك؟؟الي يومين مش شايفتك؟؟هه
انا ما بدي اغلبك سؤال واحد وطالعه بلااش اكل قتله هههه قال يعني..هه
ايش انا بالنسبه لالك؟؟؟؟
يلا بالتوفيق يا احلى هموووسه بعوولم
[/align]

[همسة الاحساس]

lara

دق دق دق دق دق
انااا جيييييت مسموحلي افووت ؟؟؟؟

هههه صبابا !! اها أكيييييد مسموحلك يا هلا منورة .

كيفك ؟؟شو اخبارك؟؟زمان عنك؟؟الي يومين مش شايفتك؟؟هه

الحمد لله تمام

انا ما بدي اغلبك سؤال واحد وطالعه بلااش اكل قتله هههه قال يعني..هه

ههههههه وهو الأحسن ههه أحلا لارووووشتي

ايش انا بالنسبه لالك؟؟؟؟

اممم عاد انتي بتعرفي بس يلاااا :اممم انتي أعز صديقة عندي وطيوبة بس لما تزعلي صعب حد يراضيكي وهاد هو الي ما بعجبني فيكي وحنونة وطموحة وعندك إبداعات ... امم اذا بدي أضل أوصفك ما بخلص بس الأهم انك أعز صديقة (والحمد لله هه)

يلا بالتوفيق يا احلى هموووسه بعوولم

تسلمي والله يوفقك
تحياتي الك

[جنّات]

مرحبا
كيفك اخت همسة
بما انه انتي طالبة مدرسة وبالتوفيق يا رب شو الدرجة بالتعليم الي حابة توصليلها وشو دراستك الي بتفكري تدرسيها وليه اخترتيها بالذات ؟؟.؟

وشكرا الك ويعطيكي العافية