25-06-2007, 02:24 PM
|
#1 | |
|
عيساوي مميز
|
(( ليلى والذئب )) باللهجة (( الفلسطينية )) كانت ليلى ماشيه بالغابه بنص الليل ورايحه لعند نانتها متل في الحكايات والذئب المسكين راح وقفها لليلى وسالها لوين رايحه يا ليلى ؟ ردت عليه ليلي : وانت شو دخلك ولك يا بهيم .... وشو بتعمل هون بنصاص الليالي ؟ وليش بتسالني لوين رايحه ؟؟؟ ول عليك يا حيوان ... ان شاءالله بتخبطك سياره بلا نمره وبلا شوفير يا رزل يا مبهدل يا قليل الحيا كنو ما عندك خوات ... صحيح قليل حس ووقح تفوو عليك ومسكت ليلى الذئب من ادنوا وشلفتوا 7 امتار وتابعت المسير لعند نانتها . هون .. الذئب لقيها كبيره كتير بحقو وقال لحالوا :_ هلق بنت فصعونه ما بتطلع بطول رجلي تشرشحني هيك بوسط الغابه ! قدام الحيوانات الرايحه والجاي واللي بيسوى واللي ما بيسوى ... وانا الذئب اضرب واطرح ... طيب يا ليلى ... راح الذئب اخد تاكسي وطيران على بيت نانتها لا ليلى من شان يصل قبلها ... دق الجرس ... فقامت سالت العجوز :_ مينو هاد اللي على الباب ؟ جاوب الذئب :_ انا ليلى ... افتحيلي نانا ... واول ما فتحتلوا الباب اطلع فيها بنظره شريره من طرف عينو وقلا :_ يبلاكي بكتله شو هبله مين قلك انا ليلى بتفتحيلوا ؟ ولك كيف بقولوا عنك ذكيه وحربوقه ؟؟؟ تسائل الذئب ؟؟؟ وركض وراها من غرفه لغرفه ومن غرفه لغرفه وهي عم تصيح وتولول وكل ما بدها تيجي تفتح تمها بكلمه يلطشها الذئب بهداك الكف على بوزا ... وعمى قمارها وبالاخر حاصرها بزاوية الاوضه وقلها ... تعبتيني يا ختيارة الجن ... واكلها . وفي نفس الوقت انفتح باب المصعد وظهرت ليلى وقد سمعت صوت ولاويل وعياط جاي من البيت وباب نصه مفتوح فنطت نط جوا البيت وشافت الذئب بعد ما اكل الجده المسكينه فخاطبها الذئب مستهزئا ... :_ ورجيني يالا شو بدك تعملي يا مسخه هلا ...ههههههههه وردت ليلى عليه وقد تطاير الشرر من عينيها : طيب انا اللي بورجيك .. واستلت ليلى من تحت البلوزه على خصرها موس كباس ابو ثلاث نجوم بطول 20 سم وشرحت فيه الذئب وقطعت اوصاله حتى خرجت نانتها من بطن الذئب ... وهنا حصلت المفاجاه حين صرخت ليلى : ناااااااااااااااااااااااااااااااااانا ... ولي انتي مش نانتي !!! منو انتي وشو عم بتسوي هون ؟؟؟؟ واجابت العجوز بدهشه ... عرفتك مو انتي ليلى بنت بنت جارتي ام عبدو اللي بالطابق الرابع ؟ فاجابت ليلى ... ليه انا باي طابق ؟ وردت العجوز .. هاد الطابق التالت ... بس الاصنصور في مشكله وبدل ما يطلع على الطابق الرابع بوقف بالطابق التالت ... فاجابت ليلى معتذره .... يييييه عدم المؤاخزه حجه ... بس ما اكون ازعجتك ... مزبوط انا ليلى وجاي عند نانتي ... بس معناها كل الحق على الاصنصور ... طنيب عليكي لا تاخزيني يا حجه ...وهلا رح نظفلك ياه وخليه متل البفته . وقامت ليلى بتنظيف البيت من جثة ودماء الذئب ووضعتها في كيس الزباله وشلفتوا من البلكون وثم اخذت ليلى سلتها ودخلت الى المصعد متوجهه الى بيت نانتها . وتوته توته خلصت الحدوته حلوه ولا فتفوته ؟؟؟؟ وهايي كمانة قصة لليلى بس قصتها مع شارون ليلى الفلسطينية والذيب شارون أم محمود، إمها لليلى عملت اليوم كدر مُغربية*, وكالتلها لبنتها إلبسى كبوعك اللحمر، وخذي هالطبك لسيدك* بغزة.. بس لا تروحي عن طريك الكدس، وسيحي صوب النكب*. طلعت ليلى وكالت بسرها طريك الكدس أكرب..! وما بسرلي غير يللي ربي مكدره علاي. وبنص الدرب طلعلها المبلي على آمته شارون وهو لابس زي الذيب وكلها: وين داشرة يالمكتوعة. كالتلو: وك يكتع خملك خشيتني*.. منكاش طاسس طبك المغُربية يللي مجلل بكراديش اللحم.. وسعلي يالمحورك مودياه لسيدي. كالها: يالفلسطينية.. مفيكمش منيح غير طبخكم. ومال عليها، وخلصها الطبك يللي بإيدها، و لهطوا لهطة وحدة. رجعت ليلى لدارها بتصيح*.. وكالت لأمها إنو هلمكطع شارون زلط كل جاط المُغربية تاعون سيدها، كالتلها أمها: يغص باله ما أسكعه هالنذل. والمسخم شارون نكلوه لهوسبيتال هاداسيا بعد ما إنجلط بنافوخه لأنو المُغربية الفلسطينيه طلعت تكيلة عمعدته.. وسم الزهرمان عكلبو إن شاء الله. ------------------------------------------------------ *المُغربية: أكلة فلسطينية (برغل يجبل مع السميد ويهبل عليه فوق مرق اللحم ). * سيدك : جدك ( أبو الوالد أو الوالدة ). *النكب : جنوب فلسطين. *خشيتني : خوفتني. *بتصيح : تبكي. |
|
|
|
|
28-06-2007, 12:43 AM
|
#2 | |
|
عيساوي مبدع
|
التانية حلوة يسلمووووو تحياتي .,.,.,.,.,.,.,.,.,.,. |
|
|
|
|
|
29-06-2007, 12:39 PM
|
#3 | |
|
عيساوي مميز
|
على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي شكرا يا SaNdRa على مرورك صفحتي |
|
|
|
|
|
01-10-2008, 03:51 PM
|
#4 | |
|
عيساوي VIP
|
والموضوع كتير كتير جميل ورائع تحياتي : مجد نخال |
|
|
|
|
|
22-11-2008, 07:48 PM
|
#5 | |
|
عيساوي مجتهد
|
يسلمو اخ ابو عريبي تحياتي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
