|
23-06-2008, 07:33 PM | #1 | ||
مشرفة
isawiah online |
اقتباس:
كل الشكر والتقدير لخيي معاذ وما راح انساك خيي تيمو شكراً الك على هذه التصاميم الروعة ومشكورة خيتي حمدانية على هذا الإبداع في المنتدى ... بالفعل أنتِ عضو مميز. تسلمي اختي روعة الإحساس على كلامك الحلو ومشكورة على مشاركتك بهاي المقابلة أسئلتي راح تكون من خلال إجاباتك على أسئلة الأعضاء السابقة. اهلا وسهلا تفضلي *عمرك انجرحتي من حد نعم من اكتر من حد لأني بعتبر كل انسان بظلمني وهو انسان بجرحني هذا السؤال موجه لكِ من أحد الأعضاء. ما علاقة الظلم بهذا السؤال؟ وماذا يعني لك الظلم من ناحية غير ناحية جرح المشاعر؟ لاني انا ما في اشي بجرحني غير الظلم هو الإشي الوحيد اللي ممكن يجرحني يعني يمكن تعتبروني انسانة غريبة شوي مثلا لو شافني واحد بالشارع وحكالي انت وحدة حمارة .. هههههه عادي ما بزعل بحكيلو انت واحد بتعبر عن رايك وانا بحترم رايك الظلم هو انو الواحد يحكم على إشي ، مش انا وهاد الشي ما بريحني بعتبر اني ما اخدت فرصة تحتى يعطيني الحكم الصحيح والظلم هو إخفاء الحق وانا حقانية ما بحب الحق يضيع *الغناء والعزف والرسم هواياتك فهل تمارسين كل منها؟ واذا كان الجواب نعم فأين تمارسين تلك الهوايات؟ بصراحة نعم انا بمارس هاي الاشياء بالبيت يعني عنا اورغ وبعزف عليه والغناء مكركعة راس اهلي بس همة بحبو صوتي فش مشكلة إذا بطربهم بتعرفوا... انا بنت وصعب امارس هيك هوايات خارج المنزل.. اما الرسم كمان بالمنزل وبالجامعة في دراستي *الجنسية : فلسطينية 100% هذا جاوبك على الجنسية . فهل تفتخري بأنك فلسطينية؟ وإن قام شخص ما بجنسية أخرى بسؤالك ما هي جنسيتك فهل سيكون جوابك بكل فخر كما تفضلتي وأضفت على جوابك 100%؟. نعم انا بفتخر اني فلسطينية ورح اجاوب نفس الجواب صحيح احنا ناس متعتسين بس اكتر نسبة ناس متعلمين همة الفلسطينية وهاي احصائية صحيحة 100% وكمان احنا بنبدع بالبلاد المش بلادنا مش بس عشان هيك كمان....يعني انا من فلسطين و كل انسان بضل يحب وطنو الأم ومهما غاب عنو او شو ما صار الا يضل يفتخر انو هو منو *الاكلة المفضلة: كبسة ومسخن ودوالي هذا جوابك على سؤال المدمر . أكلاتك المفضلة أكلات شعبية ما هو سبب اختيارك لهذه الأكلات ؟ وهل عائلتك تسعى لطهي الطعام الشعبي؟ انا اخترت هاي الأكلات لانو هية الكتير بحبها هههه بصراحة زاكية كتير من ادين امي مش عشان انها اكلات شعبية بس عشان انا بحبها وفي اكلات مش شعبية بس برضو بحبها بس هدول التلت اكلات همة اكتر اكلات مفضلة الي *طموحك ومهنتك المستقبلية مهندسة معمارية . هل اختيارك مناسب ؟ ولو لم يكون اختيارك مهندسة معمارية ماذا كنتي ستختارين؟؟ إن شاء الله يكون مناسب لأني بعتبر جالي إن شاء الله يكون عندي القدرة في هيك مجال امممممم يمكن لو ما صحلي هندسة معماري يمكن كان اخترت تجارة او اعلام *لمـن تعطين هذه المسميـات ؟! قلب ابيـض super nanny فـآرض احترامهblack cat شهادة تقدير محمد نخال كتـاب مفتوح ballak طيوب ذات النطاقين مميز ماما رويدة غامض العيساوي دمه قشطه fu2sh حساس rama عصببي صمت الليالي (محمد المصري) كتـوم المدمر عقله كبير رغم صغر سنة فادي هذه أيضاً إحدى الإجابات على أحد أسئلة المدمر فماذا يعني لكِ كل من : وأرجو تقديم النصيحة لهم super nanny بحبها كتير بنت مثالية ما شاء الله عنها بتمنالها مستقبل باهر بنصحها اتضل متل ما هي لانها ماشية على طريق الصح black cat بنت امورة وفرفوشة دمها خفيف بنصحها تشد حالها في دراستها والله يوفقها محمد نخال اخو كتير عزيز والله ، بحكيلا قربت عالتوجيهي اترك الفوتبول والمنتدى وعلى كتبك جراي ، صحيح كمان هو مفششتي يعني لما اكون معصبة بتفشش بـ نخال هههههههه ballak ههههههه نكشة وطيوب بس بالع راديو بس ما شاء الله عنو ذكي كتير وشطور بنصحو يستمر لانو إن شاء الله رح يحقق طموحاتو ذات النطاقين بنت ما شاء الله عليها تعرفت عليها من المنتدى انا اشتقتلها كتير والله بتمنالها كل التوفيق وياريت ارجع اسمع اخبارها لاني زمان ما شفتها ماما رويدة ماما رويدة بحبها كتير وانا بعتبرها قدوة الي وام مثالية بكل معنى الكلمة بتمنى انها اتضل معنا بالمنتدى وما تغيب عنو ابداً لانها مميزة وبتقدم مش بس في بيتها كمان بالمنتدى العيساوي العيساوي الله يرضى عليه اللي جمعنا بهيك منتدى وبتمنى عمرك ما تفكر تاخد استراحة من المنتدى علشان صعب نلاقي حد زيك fu2sh ههههههه فرفوش ودمو خفيف بتمنالك التوفيق وشد حالك بدراستك كويس rama\ لطيفة كتير وبتحب تضحك كتير عقلها اكبر من سنها .. بهنيها على شخصيتها و بتمنالها التوفيق صمت الليالي محمد المصري إنسان طيوب وخدوم بحب يقدم وشخصيتا حلوة بتمنالا التوفيق بحياتا والا مستقبل منيح لو شد حالو المدمر انا شو بدي احكيلكوم عنا اول شي قلبا طيب كتييير كتيير وإنسان خدوم عالآخر ساعدني ووكف جنبي كتير وعندو غموض شوي يعني كتوم ما بنعرف منا لا حق ولا باطل هههههه بعدين هو انسان حنون كتيير كتيير وانا بتمنالا التوفيق وبتخيلّو مستقبل حلو بالإعلام بحسو ببدع في هيك مجال فادي فادي .. الله يخليه هالشب بصراحة فادي يا جماعة زلمة على كد حالا هههه جدع ما شاء الله عليه بيقدر يتحمل المسؤولية وبرضو بتمنالا التوفيق في دراستا وبكرة القدم كمان خلينا مع شخصيتك في المنتدى *7amdaneya هذا اسمك المستعار في المنتدى . لماذا اخترتي هذا الاسم ليكون اسمك المستعار؟ بصراحة علشان انا من دار حمدان عشان امثل اسم عيلتي وانا بحب عيلتي *when you feel that your tears want to leave your eyes and your abroad smile wants to compete the sunrise.....you have to know that you are full of happiness لماذا اخترتِ هذه الكلمات لتكون توقيعك؟ بصراحة هاي الجملة انا الفتها هههههههه انو بتعبر عن اشياء كتيرة انو لما يكون الواحد في محنة راح يجي الفرج بيوم من الأيام وهاي اشياء بالتدريج بتكون النجاح ما بيجي من اول مرة هل هذه حقاً شهادة تقدير مقدمة للأخت حمدانية ؟ حدثينا أكثر عن ذاك المخيم وهل كان هناك أعضاء غيرك من المنتدى مشترك فيه؟ ههههه بصراحة اه هادا المخيم هو اروع مخيم لو بدي احكي عنو من هان للصبح ما بخلص .. بصراحة انا كنت يعني هههه مديرة او بالأحرى مشرفة على المرشدين فيه ، هاي كانت اللي اول تجربة اكون بهيك محل اممممم عن شو بدك احكيلك بالزبط ؟ تقريباً بدي موضوع كامل احكيلك كل شي بالنسبة للاعضاء اه كان فيه كان موجود فيه كل أعضاء اللي حكيت عنهم هلا واحد واحد انتهت أسئلتي معك وبانتظار الإجابة تحياتي الك اختك همسة الاحساس وانا بهديكي احلى تحية واحلى سلام مني جد شكراً الك كتير وانا بإنتظار كل اسالتك الجديدة إذا في كمان ، اسالتك حلوة ومميزة دمتي بإبداعك الرائع |
||
|
23-06-2008, 09:43 AM | #2 | |
|
شو هذا انتو ما سذقتوا و صارت ضيفة و نازلين اسئلة هههههههههههههههه على كل حال انا لي عودة بس يهدى الوضع مع اكم سؤال و بالتوفيق اختي حمدانية ( و الله يكون بعونك ) و اذا بدك فينا نجاوب عنك اذا مشغولة ( خدمة جديدة ) خخخخخخخخخخ |
|
23-06-2008, 07:39 PM | #3 | ||
مشرفة
isawiah online |
اقتباس:
هههههههههه شايف بالله عليك يا خضر صدق بدها >>>لا انا بصراحه كاعد بداور عالناس تطبعلي عربي الله يرضى عليهم مش مقصرين لا بلاك كات ولا نخال ولا معاذ ولا صمت اليالي ههههههه ولا انت كمان ...يا عمي الله يخليلي اياكم تعيشو ونضل إيد وحده يا رب |
||
|
23-06-2008, 08:00 PM | #4 | |
عيساوي VIP
|
وأجوبتك كتير حلوة تحياتي الك همسة الاحساس |
|
25-06-2008, 10:24 PM | #5 | |
مشرفة
isawiah online |
|
|
24-06-2008, 02:28 AM | #6 | |
|
أختي العزيزة حمدانية ارحب بكِ ضيفة في هذا القسم الذي لطالما أطلق عنانه إليْك لتضيئيه بنورك وتزيديه جمالاً ، وها قد لبيت النداء أخيراً ^_* وكلمات الشكر والتقدير وحدها لا تكفي للمتألق المدمر والفنان الرائع تيموو لكن سأقولها شكراً لكم على هذا الأداء الرائع والمتكامل أسألتي بسيطة 1- صفِ ما تشعرين به الآن ..؟ 2- أجمل لحظة مررتي بها ..؟ 3- ثمار جهدك التي قطفتيها في الثانوية العامة هل انت راضية عنها ..؟ 4- نقطة تحوّل في حياتك ، أتت ام تنتظرينها وما هي ..؟ 5- لو خيروكي بالعودة الى المدرسة او بقائك في الجامعة ، ماذا تختارين ولماذا ..؟ 6- لمن تشكي همومك بعد الله سبحانه، ولمن تلجأي في وقت الشدةّ ..؟ (الله يبعد عنك وعنا الهموم والشدائد) 7- تواجدك في المنتدى قليل ، وكثير من الأعضاء يستغربون بقائك في الإشراف ، ومنهم لا يعرف من هي حمدانية ، ما ردك عليهم ..؟ 8- من اسباب نجاح المرء هو تنظيمه الصحيح لوقته ، هل أنت إنسانة ناجحة ، وكيف تنظمين وقتك ..؟ 9- الصداقة شيْء جميل ، ولكن هل هذا المفهوم يتماشى مع صداقة الشاب للفتاة من وجهة نظرك ..؟ 10- الحب عبر الإنترنت ، هل تؤمنين به ، وما نسبة نجاحه برأيك ..؟ الصراحة فرصة لا تعوض حمدانية بحالهااااا ضيفة لازم نستقبلها أحسن إستقبال ونضيفها أسالة أشكال وألوان ^_* ، بس بنفس الوقت بدناش نثقل عليكي كثير ، بكفي 10 أنواع أسالة ^_* يلا بستنى الإجابات تحياااااااتي أخوكي الصغير محمد نخال ^_^ |
|
25-06-2008, 10:28 PM | #7 | ||
مشرفة
isawiah online |
اقتباس:
أختي العزيزة حمدانية نعم يا اخي العزيز نخال ارحب بكِ ضيفة في هذا القسم الذي لطالما أطلق عنانه إليْك لتضيئيه بنورك وتزيديه جمالاً ، وها قد لبيت النداء أخيراً ^_* تسلم تسلم الله يخليك وكلمات الشكر والتقدير وحدها لا تكفي للمتألق المدمر والفنان الرائع تيموو لكن سأقولها شكراً لكم على هذا الأداء الرائع والمتكامل طبعاً معك حق والله أسألتي بسيطة هههههههه مبين من المجلد اللي كاتبو يابا 1- صفِ ما تشعرين به الآن مممممم يعني بصراحة فش حد مرتاح بهالدنيا بس بحمد الله على كل حال فممكن يكون شعوري عادي ما بشعر بشيء !!؟ 2- أجمل لحظة مررتي بها ..؟ يعني بدك الصراحة لحظات حلوة كتيرة مريت فيها بحياتي الحمد لله لكن اكتر لحظة حسيت حالي فيها مبسوطة على الآخر يوم ما فاجئتوني بحفلة التوجيهي 3- ثمار جهدك التي قطفتيها في الثانوية العامة هل انت راضية عنها ..؟ بشكل عام اه ، على كد ما درست انا جبت بس بصراحة لو درست اكتر كان جبت اكتر 4- نقطة تحوّل في حياتك ، أتت ام تنتظرينها وما هي ..؟ لسا بستناها والله وهي إني ادخل بتخصص هندسة العمارة وغن شاء الله تيجي هاي نقطة التحول ... ادعولي 5- لو خيروكي بالعودة الى المدرسة او بقائك في الجامعة ، ماذا تختارين ولماذا ..؟ إذا المدرسة ليوم بوافق هههه بس عشان اتذكر الصحبات والنهفات ، اما على طول لا علشان الجامعة احلى من المدرسة بكتييييييير ههههه بيني وبينكم مدرستي كانت مدرسة التعقيد والعذاب بس ربتني بشخصية كويسة الحمد لله ، كل إشي كانوا يعجبو علينا فيه كان لصالحنا 6- لمن تشكي همومك بعد الله سبحانه، ولمن تلجأي في وقت الشدةّ ..؟ (الله يبعد عنك وعنا الهموم والشدائد) بصراحة ... لأقرب الناس الي يعني مش كل مرة نفس الشخص عشان إذا بدي اشكي لنفس الشخص هههههه بفكع مني هههه من كتر ما بشكي بس يعني مرات لإمي او لأبوي .. لأختي .. صحباتي .. اخوتي .. 7- تواجدك في المنتدى قليل ، وكثير من الأعضاء يستغربون بقائك في الإشراف ، ومنهم لا يعرف من هي حمدانية ، ما ردك عليهم ..؟ نعم .. انا بصراحة قسمي ما بدو هالمجهود الكبير بالإشراف يعني المشاركات فيه مش كتيرة يعني فسيطرة القسم سهلة ، مممم مزبوط انا مش كتير حدا بعرفني ولا انا بعرف حد كتير بس الما بعرفني ههههه اهلا وسهلا في اللي بدو يعرف مين انا زي كل البنات 8- من اسباب نجاح المرء هو تنظيمه الصحيح لوقته ، هل أنت إنسانة ناجحة ، وكيف تنظمين وقتك ..؟ يعني بصراحة كلامك مزبوط انا ناجحة بس مش 100% بحاول انظم وقتي دايما بس الا ما يطلع للواحد نهفات تعطل عليه أشياء كتيرة بالذات بلما يدخل على الجامعة ههههه اما عن كيف بنظم وقتي بالزبط فهو بخلي كل اشي الو وقتو ، بحب مرات اكتب على ورقة كل اشي بدي اسويه باليوم وبخليها قدامي بس هاي طريقة ناجحة بس ما بسويها دايماً 9- الصداقة شيْء جميل ، ولكن هل هذا المفهوم يتماشى مع صداقة الشاب للفتاة من وجهة نظرك ..؟ هو بصراحة ممكن انو يتماشى هههه واحياناً بكون احسن من صداقة الشب للشب او البنت للبنت .. لكن صعب كتير في البيئة اللي احنا عايشين فيها وفي كتير عوامل تمنع هذا الشي والأهل كمان ما بتقبلوا هيك إشي والدين بحكي انو الإختلاط يكون في النقاشات الهادفة والأمور الدينية .. هو ممكن يكون ناجح بس في كتير عوامل ما بتساعد على هذا الإشي انو يكون موجود بس احنا عنا العلاقات الموجودة يعني مش حلوة انو نسميها صداقة حسب رأي بعتبر انو تكون اخوة او زمالة وفي فرف بين الأخوة والزمالة .. 10- الحب عبر الإنترنت ، هل تؤمنين به ، وما نسبة نجاحه برأيك ..؟ بصراحة ممكن يكون في حب وتبادل مشاعر بس انا ما بآمن فيه لانو العلاقة بين الطرفين ما بتكون صريحة 100% وغالباً ما بنتهي بالفشل لأني بعتقد انو الصراحة هي الأساس في نجاح العلاقة الصراحة فرصة لا تعوض حمدانية بحالهااااا ضيفة لازم نستقبلها أحسن إستقبال ونضيفها أسالة أشكال وألوان ^_* ، بس بنفس الوقت بدناش نثقل عليكي كثير ، بكفي 10 أنواع أسالة ^_* تسلم الله يخليك هههه عادي انا بستناك ترجعلي بأسالة تانية حياك الله .. يلا بستنى الإجابات تحياااااااتي أخوكي الصغير محمد نخال ^_^ يا هلا والله نورت |
||
24-06-2008, 10:25 AM | #8 | |
الوسام البرونزي
|
منورة والله ^!^ بدي اسئلك كم سؤال مش رح اغلبك .. . • متل ما انا سمعت انك انتي هلء بالجامعة .. شو التخصص الي بتدرسي ؟ • مين أكتر شخص قريب ل الك ؟ • رح أعطيكي كم صفة وانتي بتحطي جمب كل صفة اسم العضو الي بستحقها : 1 حنون 2 فهمان 3محبوب 4 عسل *!^ ... . يعطيكي ألف عافية اختك يارا |
|
25-06-2008, 10:41 PM | #9 | ||
مشرفة
isawiah online |
اقتباس:
يــــــــا هلا بـ حمدانية يا هلا فيكي ومية مرحبا حبيبي انتي بدي اسئلك كم سؤال اها تفضلي اهلين مش رح اغلبك لا فش ولا غلبة . • متل ما انا سمعت انك انتي هلء بالجامعة .. شو التخصص الي بتدرسي ؟ انا بدرس هندسة ولسا بدي اتخصص في قسم الهندسة المعماري • مين أكتر شخص قريب ل الك ؟ هههه بصراحة مش عارف في كتير ناس مقربين الي متل اختي وامي وابوي وصحباتي بس اكتر شي امي واختي • رح أعطيكي كم صفة وانتي بتحطي جمب كل صفة اسم العضو الي بستحقها : 1 حنون ههههه حكيت من قبل .. المدمر 2 فهمان العيساوي 3محبوب نخال 4 عسل ماما رويدة *!^ ... . يعطيكي ألف عافية الله يعافيكي يا رب اختك يارا اهلا وسهلا حبيبي شكراً الك على أسالتك الحلوة وإذا عندك كمان اسالة انا مستعدة للإجابة |
||
24-06-2008, 11:20 AM | #10 | |
عيساوي مميز
|
1-تخيلي العالم يصغي إليكِ بهذه اللحظة ماذا ستقولي؟ 2-ما الحلم الذي تتمنيه وأنتِ على يقين أنه لن يتحقق؟ 3-ماذا تعني لكي (دمعة الطفل * دمعة المرأة * دمعة الرجل)؟ 4-ما الذي فعلتيه وندمتي عليه ؟ 5-هل سبق وحكيتي لحدا بكرهك؟ إن شاء الله تكون أسئلتي عليكي سهلة ودمتي بود مع تحياتي ೋ صمت العيون ೋ |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|