23-01-2010, 07:40 AM
|
#31 | ||
 
|
انا مع الأم التي تعلّم ابنتها منذ صغرها كل شئ ..خاصةً ان البنت في صغرها ترغب ان تقوم بأعمال المنزل وطهي الطعام لتقلد امها . وانه شغلة ملحّقة و بدري عليها انا ضدها ... لانه ما في يوم بغني عن اللي قبله او اللي جاي يعني اذا اكلتي كثير اليوم ...مش راح يشعرك بالشبع ويخليكِ ما توكلي بعد كم يوم كل يوم وله نشاطه وعمله المختلف . فالعمل في البيت حاجة ملحة وعلينا القيام بها سواء اشتغلنا واحنا صغار او تدللنا وما كنا نشتغل الفرق بكون مدى القدرة والاستعداد للعمل وهذا يحدده ما تعلمت البنت منذ صغرها . اذن يا بنات تعلموا من كل مناهل العلم ومن ضمنها شؤون البيت والطهي وليكن شعارك سأتعلم شئ عن كل شئ ! شكراً لتجاوبك سوفت غيرل وسأترج الاجابة لغيري ليجيب ويضع سؤال . والسؤال هو اقتباس:
|
||
|
|
23-01-2010, 12:16 PM
|
#32 | |
|
عيساوي مجتهد
|
السلام عليكم السوال الي سالتو ام زيد كتير حلو بس قبل ما اجاوب على السوال بحب احكيلك يا ام زيد اناnidal_smile شب مش صبية السوالي الي سالتو انو الام تعلم بنتها وهي صغيرة كل اشي عن البيت حلو كتير يعني بكره البنت لما يجيها نصيبها وتروح على بيت زوجها ما بتستنا حماتها وبنت حماتها تعلمها على الطبخ والترتيب وهيك بتكون هي متعلمة كل اشي من امها يعني بصير كتير مشاكل كعاها اولها مع زوجها واهلو ازا ما كانت بتعرف تطبخ بس البنت الشاطرة لازم تختصر كل هاد الاشي ولازم تتعلم كل اشي هي وصغيرة علشان بتقدر تستوعب اكتر من وهي كبيرة وعمرها بالعشرينات بتصير ما تلاقي وقت تلحق تتعلم تربي للولاد ولا تتعلم الطبخ ولا تتعلم الترتيب ولا تتعلم كيف تعامل جوزها علشان هيك الواحدة تتعلم هي وصغيرة بكون كتير احسن انا عندي سوال صغير هل انت او انتي من النوع الي بحب يجرب الاشي ويعر ف انو مش كويس ولا من النوع الي ازا بسمع انو هاد الاشي مش كويس فببعد عنو وكمان سوال انتي بتفضل تسمع من الناس انو هاد الاشي مش كويس وترد عليهم ولا بتحب وعندك فضول بكون تجرب الاشي الي مش كويس علشان تتعلم منو |
|
|
|
|
23-01-2010, 03:30 PM
|
#33 | |
|
الوسام البرونزي
|
هل انت او انتي من النوع الي بحب يجرب الاشي ويعر ف انو مش كويس ولا من النوع الي ازا بسمع انو هاد الاشي مش كويس فببعد عنو ممم انا من النوع الي ازا بسمع عن شغلات مش كويسة ما بجربها من الاصل عشان ما اوقع بمشاكل انا بغنى عنها وطبعا مرات الانسان فيه شغلة الفضول وبحب يجرب بس الشغلات الي ممكن تأذيني اكيد ما بجربها اما الشغلات الي فيها أذى الي بكفي اني اسمع انها مش كويسة فببعد عنها .. على سبيل المثال ممكن تكوون صاحبة الي مش كويسة والكل بحكي عنها مش كويسة والشغلة معروفة يعني اكتر من شخص بحكي عنها نقول كل البلد متلا بتحكي انها مش منيحة مش شطارة اضل معها وهادا الاشي بضر فيي يعني زي مبحكو " قل لي من ترافق اقل لك من أنت" وهادا المثل صحيح 100% فعشان هيك الواحد يتجنب الشغلات الي مش كويسة ازا سمع عنها وهو بعرف انها مش كويسة ومش بالضرورة يجربها بس عشان يشبع فضوله ازا بتأثر عليه  وكمان سوال انتي بتفضل تسمع من الناس انو هاد الاشي مش كويس وترد عليهم ولا بتحب وعندك فضول بكون تجرب الاشي الي مش كويس علشان تتعلم منو ممم تقريبا جاوبت عليه فووق ...بس بفضل اسمع النصيحة مع انه الشغلة ضد فضولي بس النصيحة بجمل  برجع وبعيد سؤالي : هل انت من مؤيدي التعليم في الخارج رغم ما سمعناه عنه من مضار ؟؟واحيانا انحراف للطالب وانشغاله بشغلات غير دراسته؟؟ |
|
|
|
|
23-01-2010, 03:38 PM
|
#34 | |
|
عيساوي نشيط
|
انا من مؤيدي التعليم في الخارج وذالك لأنني اعرف بان الذين يريدون الدراسه في الداخل او الخارج لا يهتمون بامور اخرى سؤالي وموضوع نقاشي هوم ما رأيك بالذين يدرسون هنا بفلسطين حيث انهم لا يدرسونالا انهم منشغلون بامور اخرى تافهه؟؟ تحياتي نسمه |
|
|
|
|
24-01-2010, 05:19 PM
|
#35 | |
|
عيساوي مجتهد
|
انا تقريبا من مؤيدي التعليم بالخارج حسب الشخص الي بدو يروح ويتعلم ازا بعرف انو هاد الشخص كويس وما بنجر ورا الرغبات وهيك فطبعا بايدو وما بوقف بوجهو بس ازا شخص تاني مبين عليه غير ينجر ورا الرغبات يضلو هو وقريب على اهلو علشان ما يخرب وطبعا الواحد بدون التجربة والتحدي والفضول والمغامرة ما بسوي اشي انا بنصح الواحد ازا حب بروح ويتعلم ويكمل تعليمو برا يروح بس يوم يحس حالو انو مش راح تزبط معو وانو هاي السفرة غير تجيبلو سلبيات اكتر من الايجابيات الي بدو يوخذها فبنصح انو من اول الطريق يختصر لعند بلدو واهلو احسنلو وانا بمجتعنا الواحد يضلو مرابط هو احسن اشي وبعدين ما بفرق اشي عنا التعليم بالخارج الجامعات الي عنا وكل اشي صار بمستوى التعليم بالخارج وافضل من كتير مناطق وشكرا كتيرسوالك كتير حلو وانا من الناس الي بستنا فيها الفرصة علشان اطلع فيها برا هاي البلاد [/align] |
|
|
|
|
24-01-2010, 05:36 PM
|
#36 | |
|
عيساوي مجتهد
|
انا عندي سوالين للشباب والبنات السوال الاول للشباب هل تقبل الزواج ببنت كنت تحكي معاها وتطلع معاها وليش دايما الشب برفض الزواج مع انو كان يحكي معاها قبل ؟ السوال التاني للبنات ليش البنت بتتزوج شب الو سوابق مش يمكن يوم يتزوج بفكر بالي كان يحبها ولساتو بحبها وانو نوع بتفضلي تتزوجي شب بصلي ومتحرم وكويسة سمعتو بس حالتو مستورة او شب مش كتير محترم ومسعتو مش كتير كويسة وحالتو المادية كويسة وبتمنا الكل يجاوب بصراحة [/align] |
|
|
|
|
25-01-2010, 09:24 AM
|
#37 | |
|
مشرفة قضايا النقاش وقسم ابداعات الشباب العيساوي
|
بسم الله الرحمن الرحيم السلام عليكم ورحمة الله وبركاته ،،، أعزائي أشكركم للتواصل معنا بقسم النقاش وهو نور بوجودكم وخصوصاً الأخت العزيزة ام زيد التي تجاوبت معنا بشكل فعال الله يعطيها العافية .. وطبعا ماراح ننسى باقي الاعضاء .. اللي بشكرهم للتواصل ..مثل سوفت جيرل..nidal_smile و الاخت نسمة ..وارجو من الجميع ايضا المزيد من التجاوب.. يعني انا غبت يومين عنكم قلت بريحكم مني بس توقعت تسألوا عني ... ولحد سئل ..مو مشكلة .. انا بسأل عن حالي كيفك سحر ان شاء الله بخير ومش مريضة ..لا والله بس كنت بدي اعمل شويت اكشن بغيابي بس ما سألوا في الله يسامحهم ..وعشان هيك قررت أرجعلهم أعنف من أول وأشتغل فيهم ..ويا أنا يا هم بالمنتدى فش هون عنا حد يكون كسلان ..كل بده يشارك ولا لشو داخلين المنتدى تناموا ...  بدنا نستفيد منكم احنا ناس مصلحجيه ..فهمتوا ..  خلص سحر ..بكفي ..أرجعي للموضوع .. كل الاسئلة كانت جيدة وشكراً لكل اللي سألوا ..بس بتذكر أني سئلت سؤال وما حد عبرني وجاوب ..يعني معقول مافي ولا حد عنده نقطة تحول بحياته .. اه عرفت انتو جماعة بدكم طلعوني بره اللعبة ..بتحلموا ..وراكم وراكم ...بدي أشوف مين الامور ولا الامورة اللي بدهم يجاوبوا علي ..  أسهل لكم السؤال شوي يعني ولا مرة كنت قاعد قدام التلفزيون وشفت شيخ بيحكي بأمور دينية وانت ما بتعملها ..وشدك كلامه ..واصبح هو نقطة تحول في حياتك نحو الافضل وصرت تعمل كل ما قال عليه الشيخ .. طبعاً بدكم تعرفوا سؤالي أرجعوا للخلف كمان صفحة بدي أغلبكم ..عشان ما جاوبتوا ..  وقيسوا على نفس النمط من الامور اللي خلتكم تتغيروا بحياتكم من والى .. خلص بيكفي اليوم طولت عليكم ...والى لقاء اخر ..نعرف وين وصلنا بالنقاش ودمتم يا أروع اعضاء ..هاي بس للي بيشاركوا ...هههههههههههه بمزح للجميع ..كلكم على رأسنا من فوق .....  |
|
|
|
|
25-01-2010, 10:41 AM
|
#38 | |
|
الوسام البرونزي
|
 عنجد حقك على راسنا كيفك وين هالغيبة اشتقنالك <<< يا رب اكوون زبطت خطي معك ههههههواكيد مالنا غنى عنك انتي الكل بالكل نرجع لسؤالك عشان ما تحكي انه ما حدا عبرك بس انا والله ما انتبهتله لاني ما اجيت بعدك بس رح اجاوب كلوو ولا زعلك تقومي تعيطي تغرقي المنتدى سؤالي عن نقطة تحول في حياة كل واحد فينا .... من طبع الانسان التكيف مع الطبيعة الموجودة حوله ومهما كانت الظروف ... ولكن ردود أفعالنا تختلف بإختلاف تلك الظروف بمعنى : موت شخص عزيز / خيانة صديق / زواج / سفر / كلمة من أحدهم جرحتك أو أسعدتك/ سماع محاضرة دينية لشيخ كبير ... ممممم بصراحة اختي سحر كانت عدة تحولات في حياتي ما بشك انه بسمع محاضرات دينية بتأثر فيي لفترة قصيرة وبعدها كأن شيئا لم يكن للأسف !! يعني ممكن تأثر عليي يومين تلات وللأسف بنسى كل الي سمعتو وطبعا هادا الاشي بزعلني كتيير .. ومن أهم التحولات الي بعتبرها مهمة بحياتي اني انهيت مرحلة التوجيهي بنجاح وقدرت افوت الجامعة الي كنت بحلم اني اتعلم فيها وطبعا حياة الجامعة كتير حلوة وعالم تاني ومممم وكمان من التحولات الي صارت بحياتي هي خيانة اعز صديقة الي والي كانت صديقة الطفولة وأكيد بعدها انصدمت وبطلت اثق ولا بأي صديقة يمكن عادي بكوون مع صحباتي بس ثقة لحدا اني أأمن سر او اي اشي تاني بطلت واكيد كان درس اتعلمت منه كتير شو يعني صديق بدنيتنا الي هو صار شبه مستحيل انك تلاقيه !! وانا بوجه نفس السؤال للي بعدي عشان اعجبني |
|
|
|
|
|
25-01-2010, 11:20 AM
|
#39 | |
|
مشرفة قضايا النقاش وقسم ابداعات الشباب العيساوي
|
بسم الله الرحمن الرحيم حبيبتي سوفت جيرل الله يجبر خاطرك فعلاً حبيبتي كان ضايل شحطه وأعيط واغرقكم ..  غير شد الشعر ما خليتوا ولا شعرة برأسي الله يسامحكم ..  وشكراً على الإجابة على السؤال وياريت حبيبتي تحاولي تكوني إجابية أكثر عندما تجدي موضوع يستحق يكون نقطة تحول بحياتك وخصوصاً المواضيع الدينية لأنها أهم شيء بحياتنا ..الدنيا فانية وسريعة بسرعة البرق ولا تعرف صغير ولا كبير ويمكن ينتهي الاجل بأي وقت .. فلماذا لا نختم بأفضل الأعمال الى الله ..وهي العبادة الحق والتي خلقنا لأجلها .. ( وما خلقت الجن والأنس إلا ليعبدون )...الله يهدي الجميع لكل مايحبه الله ويرضاه .. وبالنسبة لحياة الجامعة هي من أروع المراحل التي تمر على المرء يتعلم منها الكثير بحياته القادمه بإذن الله ... أم موضوع الصداقة ..كبير ولا ينتهي الحديث فيه ولا تكوني متشائمة بسبب خيانة صديقة .. فليس أصابعك واحد والناس تختلف ولكن عزيزتي أحسني الاختيار للصديق الوفي والحق لأننا كابشر لانستطيع الأستغناء عن الاصدقاء ..والدنيا اذا خليت بليت ... الله يوفقك بحياتك ويحيطكِ بالأصدقاء الأوفياء حقاً ... وموضوع أن نجعل السؤال قائم نفسه حلوه الفكرة عجبتني وسوف أترك نفس السؤال .. لنرى نقطة تحول اخرى ... احترامي عزيزتي .... |
|
|
|
|
25-01-2010, 11:23 PM
|
#40 | |
|
عضو جديد لنج
|
اذا بتسمحولي ارد على موضوع بنت الاسلام كل الشكر لكي اختي على طرح هذا الموضوع لانه يعتبر من اهم المواضيع ونقول لكل ولي امر مسؤول عن ابنته ان ينتبه الى ابنته الى تصرفاتها الى لبسها فلو نجلس مع بناتنا ونعطيهم النصائح الصحيحه التي يجب ان يتبعنها في اللبس في الادب في الشارع في دراستهن ونحن مسلمون وهذا ما ينص عليه ديننا الحنيف ونتمنى من الاهالي الكرام ان يفتحو موضوع باص المأمونيه مع شركة الباصات حفاظا على بناتنا لانهم في الاول والاخر بناتنا .وشكرا لكم والسلام عليكم ورحمة الله |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
