05-09-2008, 05:22 PM
|
#1 | |
|
مشرف رياضه عالمية وقسم قضيتنا
 
|
 حبيت انقللكم هالموضوع الذي يتكلم على الوضع الفلسطيني والصراعات كتبه صديق لي الموضوع كما شاهدتم اسمه كلمة حق: خسئت جميع الاحزاب والتكتلات الفلسطينية .. وعاشت فلسطين ليس تنكيلا بأي فصيل فلسطيني او شخص بحد ذاته لكن هذا واقعنا وان شاء الله ينحل الخلاف بين هذه الفصائل ورجوع الى الهدف الوحيد الذي وجدت من اجله كل هذه القوى الموضوع عن هذه الوان  القضية صارت أشبه ما تكون في طيّ النسيان .. فلطالما .. نسينا الوطن .. وتكالبوا.. على بعضنا البعض .. نسيوا للحظة .. بإنووو بيجمعهم إسم الوطن ... وهناك عدو واحد .. بيتربص فيهم .. بينتظرهم .. ينهكوا قواهم .. ليكووون هو القوي .. لعبنا .. لعبة .. كنا بطلها الخاسر .. القاتل منا .. وحتى المقتول .. زرعنا الشوك بإيدينا .. وحصدنا الناتج .. وهو نفس الشوك ... اللي أدمت إيدينا .. فكنا بلا وطن .. أو أمسينا بأشلاء الوطن .. إن صح التعبير .. إنتم في رام الله .. وهم هناك في غزة .. أصبحتم في وطن .. وأصبحوا في وطن .. أصبحت غزة .. وحتى رام الله .. أقرب لنا .. وحتى أقرب للعدو .. من غزة نفسها .. لرام الله نفسها .. وهي بوطن واحد .. وارض واحدة .. ولدنا وفطمنا ونحن نعلم بإن فلسطين من النهر إلى البحر ... لكن .. أصبح الجسد .. أشلاء .. هناك .. يَستحكمون .. وهنا .. يَستعبدون .. نسينا بإنوو غزة في كل صباح .. تناجي القدس والرملة ورام الله .. نسينا بإنوو غزة بتشكي همها .. لجبال الخليل وبحر يافا .. وما زالت .. تقارع العدو .. في طرقاتها .. في زققها وحاراتها وجنباتها .. عرفت .. عدو واحد ... لكنها .. تفاجئت .. بالجرح من أقرب الناس إلها .. جرح .. ما زال ينزف .. وكذالك غيرها من مدن فلسطين فعلى ماذا يتقاتلون ؟؟؟ على ماذا يتصارعون ؟؟؟ هنا نأتي الى صلب الموضوع,,,,,,,, بدي أحكي جزء صغير من تاريخ فلسطين ... بدي أحكيلك فيها كيف تلوّن العلم الفلسطيني .. ورح أحكي الحق .. على الكل .. لإنووو بس تتعملق فلسطين .. بتلتزم التكتلات جحورها .. لحد الستينات .. ما عرفنا غير علم واحد كان يزيّن خاصرة فلسطين .. الا وهو العلم الفلسطيني الأصيل .. علم بألوانوا الأربعة .. في هاي الفترة وقبل .. كنا شعب واحد لوطن واحد .. جاءت الفتح في الـ 65 .. (كإعلان لحركة فتح أما التأسيس فكان في نهاية الخمسينات ) فعلاً .. ضربت الفتح .. فأوجعت .. باسم العاصفة .. لحظتها أجت الفتح وأخدت علمين (ليس علم واحد) كشعار لإلها .. وهم علم الكفاح المسلّح بصورة المثلّم باللون الأحمر والعلم التاني لحركة التحرير الفلسطيني الأصفر أو الابيض بداخله شعار العاصفة .. ما بدي أتعمق بالفتح .. رح أكتفي لهووون .. ما لبثت الجبهة الشعبية إلا بالخروج من صلب المقاومين العرب .. فأوجعت تلك اللحظة .. وأوجدت علم لإلها باللون الأحمر بداخله سهم مع حرف الجيم (وفي داخلها سهم بحرف ج) أيضا توالت الأحداث .. لتولد ولادة عسيرة من الجبهة الشعبية بما تسمى الجبهة الديمقراطية لتحرير فلسطين لتتخذ علم إلها كمان .. وكمان بروز الجبهة الشعبية _ القيادة العامة هووووون توقف خروج الأعلام لفترة .. ولحظتها كان الكل بيضرب إسرائيل عدو واحد .. جائت السبعينيات .. مما أضطرت الاحداث لخلق قوات 17 وهي وجدت للعمليات الخاصة وحماية الرئيس .. توالت الاحداث فبرز على الساحة فتحي الشقاقي خصوصا في التمانينات .. لم يعلن عن حركة الجهاد الإسلامي إلا متأخرا .. ليتخذ أيضا علما .. للجهاد الإسلامي .. لكن كان الاسرع بروز حركة المقاومة الفلسطينية (حماس) سنة 88 لتعلن أنها متمردة على الكيان الإسرائيلي .. ضربت وأوجعت وأوجعت .. واتخذت العلم بالون الاخضر لإلها .. لكن ايضا قبل خروج حماس كان هناك فصيل فتحاوي .. يعرف باسم الفهد الأسود وما أدراك ما الفهد الأسود ؟؟؟ أما بعد خروج حماس .. أيضا خرج فصيل فتحاوي .. للرد على عملية إغتيال الرمز ابو جهاد وهي كتائب الشهيد ابو جهاد .. بالاشارة لوجود كتائب العودة .. ايضا كفصيل فتحاوي .. توالت الاحداث وبدأت التكتلات .. تتوالى .. منها الوية الناصر .. كتائب الاقصى .. القسام .. سرايا القدس .. كتائب الياسر .. صقور فتح .. مجموعة فرسان الليل .. وأخرها مجموعة مغنية .. وغيرها الكتير .. منها من تسمى .. بالجناح العسكري .. ومنها من تغنى بفصيل من أخر .. خلاصة كل هاي المقدمة ... هل فلسطين أفضل بكل تلك المسيمات .. الدخيلة .. أكيد ..لأ .. مزقوا الوطن بأعلامهم الدخيلة .. مزقوات العلم الفلسطيني .. الأصيل .. ليصنعوا علم يتمجدون .. إلووو وليس .. للوطن .. خسئوا جميعاً .. فذاك علمي .. علم فلسطين الوحيد .. وليس سواه .. مزقوه .. وأعلنوا التمرد .. على بعضهم .. من الأقوى ؟؟ وشاهد المسرحية .. إسرائيل .. بل وكان المصفق .. أي قوم صرنا .. أي وطن أوجدنا ؟؟؟ لم يعد هناك فلسطين .. أصبحت دويلات ممزقة .. فتلك الضفة .. وتلك غزة .. وذاك داخل الحزام الاخضر .. اصبح الوطن بألف ألف وطن .. ما عدنا نعرف من نحن .. من القاتل ... ومن المقتول .. أنتم .. أضعتم فلسطين .. وأنتم من تتسألون .. أين العروبة ؟؟ أي عروبة ... ونحن سمعناها بأذاننا .. الشعوب العربيه وغيرها ..تقول .. هل هؤلاء .. من يدعون أنهم الشعب الأكتر تثقيفا في العالم العربي .. يتقاتلون ؟؟؟ لأ مش شعبنا اللي بتقاتل .. ما هؤلاء إلا شرمذة .. وستنتهي .. أيّاً .. كانوا .. حماس أم فتح أم غيرها .. اللي بضرب إسرائيل .. هاااد إبن وطني .. واللي بيطعن أخوه الفلسطيني .. ما هو إلا قاتلي .. نعم لأي جهة تضرب العدو لا والف لا لكل من يحاول النيل من كفاح الشعب الجبار تحت اي مسميات كانت نحن لسنا فتح.....ولسنا حماس...نحن فلسطينيون فقط هناك أرض مغتصبة... لا يعنينا من أي جهة خرج الصاروخ...هدفنا العدو فقط إحنا ما بهمنا .. من أين أطلق الصاروخ .. ومن أطلق الصاروخ ؟؟ فالصانع فلسطيني .. وحتى الصاروخ فلسطيني .. ولما بيضرب .. بيضرب قاتل الفلسطيني .. يا هل ترى حتى هالصاروخ .. هل سلم من التسميات ..؟؟ أكيد لأ .. أصبح يكتب على الصاروخ .. أسماء الأحزاب .. بل وبيتغنوا فيه .. ليش ما يكون إسموا للصاروخ .. فلسطين .. القدس .. الأقصى ..؟؟؟ لازم ننتغنى بتكتل .. ونلعب دور المنافق ؟؟ بالله تخيل معي .. علم واحد يرفع .. على غزة .. الضفة .. القدس الشرقية .. القدس الغربية .. مناطق الحزام الأخضر بأكملها .. بالله ما بتشعر .. بإنو فلسطين وطن واحد ؟؟ لإني بصراحة .. ما عدت أشوفها وطن .. صرت أشوفها أشلاء .. ربنا يهدي الجميع ويجمعهم على كلمه واحده خاليه من المصالح والمكاسب والثروات والامال ولا يكون لهم هم الا اهلنا في فلسطين من ذاقوا وبال امرهم اتقوا الله فقضيتنا الاساسية باتت في طي النسيان وذهبت ادراج الرياح نتيجة الاحزاب والتكتلات حسبنا الله ونعم الوكيل عليك توكلنا واليك امرنا ولا عدوان الا على الظالمين وطن يباع و يشترى و نصيح فليحيا الوطن لو كنت تبغي خيره لبذلت من دمك الثمن هذه الكلمات موجهة الى جميع من فرطوا في القضية و حولوا الصراع مع العدو الصهيوني الى قتال داخلي فرق الصف الفلسطيني و زاد من هموم و عذابات الشعب الاسطوري ذلك الشعب الذي لن يغفر لمن فرط في قضيته و حولها عن مسارها والله العظيم لو فلسطين النهر و البحر يتصارعون عليها لقلنا انهم يتصارعون من اجل حكم اكبر دولة بالعالم و لكنكم تتصارعون من اجل الكراسي و الكرسي هذا لا يملك سو المساحة التي تحته انا اسف على اطاله لكن والله ما بينفع معهم شيء ..و ما هذا إلا القليل .. فقط ليعلموا .. أن فلسطين .. أكبر من الجميع .. فلسطين .. أطهر من الجميع .. فلسطين .. أرقى من الجميع .. \\\\\\\\\\\\ مع تحياتي الفلسطينيه [/align] |
|
|
|
|
05-09-2008, 05:29 PM
|
#2 | |
|
مشرف رياضه عالمية وقسم قضيتنا
|
كما قلت صديقي اصبحت ساحة القتال للأحزاب والتكتلات على الكراسي والمناصب اصبحت التكتلات والاحزاب مثل المرض الذي ارهق جسد فلسطين جسد سقمت جميع اعضاءه فلم تعد ترى الاحزاب ابعد من هذا الكرسي ولم تعد ترى سوى عدوها من الحزب المنافس صديقي توقف لأكتب .. وبعد لهفي عالسفينة .. إخترت المزيد من الإختزال . فشكراً لك تحياتي 7ِANDALA |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
