11-05-2007, 07:36 PM
|
#1 | |
|
عيساوي مشارك
|
الله يرحمك يا جدتي من زمان ....من زمان كان الكرسي حصيرة وخلقة جنبية فرشة ومخدة وقطمة اللحاف الله يرحمك يا جدي الله يرحمك يا جدتي تعالي شوفي يا عمتي ...يا عمتي سارة اليوم .....اليوم كراسي الحكام مصنوعة من جماجم بشرية وهياكل عظمية وعظام قتلت .. وجمعت من كل دار ودار من داري ...من دارك ...من داره رئيس .....نائب رئيس ....وزير ...نائب وزير وعلى هالموال كانت الطاولة .....كانت الطاولة من زمان ....في دار عمتي سارة بدون كراسي وانت قاعد ...وانت قاعد بتشوف ....وبشوفك يلي رايح .....ويلي ماشي كان شباك عمتي سارة شباكها .....بشباكين كان يطل على الحارة والجيران ودايما .....دايما الدنيا صباح .......الله يصبكم بالخير الدنيا مسا ....الله يمسيكم بالخير في الصباح بتنادي ...وبتنادي بأعلى صوتها اسوق عليكم الله الفطور جاهز ....خبز طابون زيت زعتر لبنة والموجود يا عطشان ...يا عطشان اتفضل اشرب ....هاي الزير مليان تعالو ..تعالو.......... اتفضلو الغدا شيش برك ورشتاية بعدس تعالو ...تعالو على داري وانت...وانت يلي عريان هذا ثوبي ثوب (الملك) ثوب (الخلق) مبروك عليكم ....مبروك عليكم وربي ,,,,,وربي ما بينساني وهو ....وهو الخالق الصمد الاحد وهو يلي خلقني وكل ما خلق عمتي سارة ......عمتي سارة كانت تلم ....وتلم ...وتلم كانت تلم من حواليها الناس كل الناس كرم ....جود شهامة لا حاتم الطائي .....ولا ابو فراس الحمداني هي للناس وأهل للناس عمتي سارة .....عمتي سارة كانت تشوف بالفنجان هي لا فتاحة لا بصارة كانت ملهمة ....كانت ملهمة من الرب العالي الرحيم الرحمان ياما ...وياما ..............قصدناها في دارها والكل قصدها عمتي لاهي في (فيلة ) ولا هي في (قصر ) هي....هي في دار اسمها دارها عمتي كانت في دار اسمها (الحوش) وكان اسمها دارها وكانت الدار اسمها الراوية ....الجملون ...الصليب سمي شوبدك ......سمي شو بدك وهــــي وهــــي دارها يا عمتي .....يا عمتي يا ريت ....يا ريت ظلينا على خلقة الجنبية والحصيرة ....والمخدة ... .والفرشة ....وقطمة اللحاف ونقعد ونتمدد لا كرسي ....ولا كراسي ولا طاولات اخوي ....اخوي اليوم ....بقتلني يا عمتي سارة فتحـــــاوي بقتـــل حمســـــاوي وحمســـــاوي بقتــل فتحـــــاوي عشان الطاولة .....والكرسي والكراســـــي عمتي .....عمتي انتي ......انتي ابكي ......ابكي عليــــــنا دم ابكي علينا دم ابكي علينا دموع نحنا .....نحنا يا عمتي في عيــون وما في دمـــوع دموعـــنا ...دموعـــنا يا عمتي ....من زمان من زمــــان .......زمان نشفت .........وجفت انهارا والسلاح.....والسلاح يللي بتقتلني فيه وبقتلك فيه ربنا ما بيسامحني ......ولا بسامحك حتى لو قرأنا المعــــوذات وقل هو الله احد بنظل ...بنظل انا وايــاك ابو لهــــب ابو لهـب وامرأته حمالة الحطب في حيدها حبل من مسد والكراسي والطاولات يلي قاعدين عليهم حضرة الرؤساء من لحم .....ودم ومن قوت اهــل البلد والكراسي .....والطاولات لابني .....لابنك لبنتي ....لبنتك لأبوي ....لأبوك لجدتي ...لجدك لكل اهل البلد ...ولكل أهل الحارة يا حضرة الرئيس يا حضرة الزير يا نائب ....يا مقدم يا مارشال لا تلف على رقابنا الحبل .....والعقال خليك ....خليك كالشمعة بتنور ....وبتنور عشان غيرها يحيا ...ويعيش وهي بتنهار ....بتنهار وما راح تشوف نهاره ابوماهر العيساوي |
|
|
|
12-05-2007, 12:25 PM
|
#2 | ||||
|
واحد من الناس
|
اقتباس:
اقتباس:
اقتباس:
والله يا عمي ابو ماهر صح لسانك واشهد انك بتصور بالاحداث والبتاريخ بكلماتك كل الاحترام والتقدير وكلام اجمل من الذهب |
||||
|
|
|
17-05-2007, 07:35 PM
|
#3 | |
|
عيساوي مشارك
|
القصيدة حلوة وكلماتها حلوة لانه سيدي الي كتبها وخالتي الي نقلتلنا اياها تحياتي للجميع بنستنا المزيد من قصائد سيدي |
|
|
|
|
24-05-2007, 10:05 PM
|
#4 | |
|
عيساوي جدع
|
الله يخليك لامك سيد العاطفي ************* |
|
|
|
|
24-05-2007, 10:46 PM
|
#5 | |
|
عيساوي مجتهد
|
الكلمات ف محلها وعلى الجرح مشكوووووووووووووووووووور meno |
|
|
|
|
25-05-2007, 03:53 PM
|
#6 | |
|
عيساوي مجتهد
|
|
|
|
|
|
26-05-2007, 09:38 PM
|
#7 | |
|
مشرف العيساوية خلف القضبان
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
