أخ فوق الأخ طخ ..!!

[صقر الأقصى]

أخ فوق الأخ طخ ..!! بقلم: عبد الحميد عبد العاطي

سلم يا اللي بالقدس
على أهل الهمة
سلم ووصل رسالة للأمة
مكتوبة بحروف من دمي
أول كلمة ... اشتقتلك
وثاني كلمة ... يا أمي
محروم وبالي مشئوم
من طفل بلش يعوم
وأسير بشرعية عصافير
ومن شعب نسي قضيته
ونسي تقرير المصير
لمين أروح.. وين أجي
لمختار عقله طار
وله لعربنا أهل العار
أخ فوق الأخ طخ
وسلم على عدو ما بنخ
وقال بتصريح بلاش تجريح
عودتنا بفتحة معبر
وكاز وغاز وصورة تسبيح
وشفونا يا عالم حصار والله بحصار
وأولاد عمنا نهبوا الدار
وسرقوا أموال ما بتاكلها النار
تعالوا شوفوا غزة
امن وأمان ولقمة ما فيش
وحكاية خرفان بلون الحشيش
وسلامات يا شعب ...
كل واحد فيكم شاويش
كل واحد فيكم رئيس
كل واحد فيكم صح
والصح اللي فيكم شح
غلابة بحكم العادة
وسيرتنا صارت كذابة
بس فلسطين ..فلسطين
اكبر من هذا .. هذا

أخوكم
صقر الأقصى