!~! دواويــــــــــن !~!

[ثائر ابو لبدة]

~ صوما مقبولا وافطارا شهيا ~

مقولة لطيفة ظريفة لا أعرف من هو قائلها " الظريف " ..

لكنني أعرف أنها تكتب بعد دعاية زيت الذرة الخالي من

الكلوسترول " عافية " ..

مش هون موضوعنا .. ندخل في الموضوع بدون لف ودوران

و " وداوين " وبالمناسبة موضوعنا عن " الدواوين " ..

حسنا ً .. ما أعرفه يقينا ً أن الصوم المقبول هو أن تلتزم بفريضة

الصوم و أن تمتنع عن " الدواوين " .. والإلتزام بأخلاقيات الصوم

أي منع " الدواوين " من الدخول إلى فمك و الخروج من فمك ..

وليس هذا وفقط !!

و إنما تغض بصرك عن" الدواوين " الأخرى !!!

إلى حد كبير أو مطلق أو سموه ما شئتم ..

الكل يعلم " يقينا ً " ما هي " الدواوين " الممنوعة من دخول الفم ..

وما هي " الدواوين " الممنوعة من أن تخرج من الفم ..

لكن اذا ما جئنا الى " الدواوين " الأدهى ألا وهي !!!!!!!!!! ..

دواوين ما بعدها دواوين .. دواوين هون .. ودواوين هون .. دواوين

هناك .. دواوين في الإسواق .. دواوين في الساحات والشوارع ..

دواوين في الجامعات .. دواوين رايحة رايحة .. دواوين جاية

جاية .. دواوين لابسة أخضر .. دواوين لابسة أحمر .. دواوين

لابسة قصير .. دواوين مش لابسة .. دواوين تحت الشمس ..

دواوين تحت الشجرة .. دواوين في الموقف .. دواوين طويلة

و هبلة .. دواوين قصيرة و مزّة .. دواوين بتضحكلك .. دواوين

بتكشر في وجهك .. دواوين قاعدة مع دواوين و " بديونوا "

عالرايح و الجاي .. دواوين مش زابطة معها .. ودواوين زابطة

معها بزيادة .. دواوين قرفانها .. ودواوين " أخ " زمان عنها !!

تكتمل الحلقة عندما يكون هناك ديوان " مفرد دواوين - تجاوزا ً - " ..

قاعد مع شب - بديونوا - .. والديوان بكون سايح وراخي حاله ..

والشب يعتقد أنه عنتر زمانه .. فهو بديون مع أمزمز ديوان في

المنطقة !! وطبعا الديوان لوح " كزاز " هه ..

بعد كل هذا التشتت والهذيان أقول :

إن الصوم غير مقبول إلا لمن رحم ربي .. فالديوان الذي

أنزل آدم من الجنة لن يكون عسيرا ً عليه إبطال صيامك ..

" مش هيك " ..

لكي يكون صيامك مقبولا ً غض بصرك ..

و لا تمعن النظر وتقول اللهم إني صائم !!

يعني بلاش " دواوين " هه ..

دمتم بصوم مقبول .. وافطار على قدر صيامكم هه ..