:: عزيمة أبو وديع لمشرفي المنتدى ::

[ثائر ابو لبدة]

:: عزيمة أبو وديع لمشرفي المنتدى ::

اجتمع مشرفو منتديات العيساوية لصلاة التراويح في جامع الأربعين في اليوم الأول من أيام شهر رمضان الفضيل

وبعد أن صلوا صلاة التراويح ..

أبو وديع : شو هاد يا .. الله يعين اللي بصلوا يوم يوم ..

المشرفين : هه ليش انتا أبو وديع كيف صلاتك ؟ ( شكله يوم اه ويوم لا ) ..

أبو وديع : امسكولي اياه هادا ,, تعال تعال هان انتا ,, انتا مسويلي حالك بتصلي و شيخ مش شفتك قبل اسبوع بالـ توووووووت ..

س : شو خصك انتا ,, مع مين جاي هاد ..

المشرفين : ضبوا ابو وديع ,, ضبوه بلاش هلا يسويلنا مشاكل مع العالم ..

أبو وديع : ابعد تشوف لمين بتحكي شو خصك يا تووووووت ,, خليني اشوف شو ماله ,, سيبوني بس ..

ما علينا ,, ها يا جماعة سيبوكم من المشاكل هلا وقت مشاكل هلا انتا وياه ,, ترا بدنا نحكي في هالموضوع ورمضان كريم ..

المشرفين : !!!!!!

أبو وديع : يا جماعة ,, الدنيا مسا الله يمسيكم بالخير ..

ان شاء الله بكريات هالوجوه الطيبة بتتفضلوا عندي على الفطور وووو سلامة خيركم وو رمضان كريم ..

شوية كبدة على شوربة شعيرية على مخلل خيار على سطلين خروب أبو 200 ,, 250 شيكل سلامة خيركم ..

المشرفين : له يا ابو وديع خليها علينا ( ابصر شو جرى ) ..

أبو وديع : خذلك هادا .. شو علينا ما علينا ,, علي الطلاق اللي ما بييجي ... بوفر ( عليكم ,, عليكم عاليوم ) ..

و أخونا العيساوي راس الكوم .. و كل الشباب الطيبة ..

المشرفين : بنتشرف أبو وديع بنتشرف ( شو كبدة و مش كبدة ) ..

باليوم التالي ..

أبو وديع : اتفضلوا يا جماعة أهلا و سهلا ,, أهلا و سهلا ..

اتفضل يا عيساوي الدار دارك ليش مغلب حالك يا زلمة ..

أبو وديع : ( بصوت واطي ) شكلها هديته محرزة ثقيلة ..

اتفضلوا اهلا و سهلا بتشرفوا و الله ..

مين هادا ؟ ادخل يا هلا بـ ballack هلا عمي ..

أبو وديع : ( بصوت واطي ) شو جايب هادا كولا عربية ..

أي أنا الإسرائيلية يا دوب أشربها ..

هلا و الله هلا ..

وين باقي الشباب ..

ballack : بالطريق أبو وديع بالطريق ..

أبو وديع : هلا بالشباب هلا عمي ..

شو تشربوا ؟

ballack : الدنيا رمضان أبو وديع هه سلامة فهمك ..

أبو وديع : بالله عليك رمضان .. طيب كل سنة وانتو سالمين قرب عيد الفطر معناته هه ..

العيساوي , ballack : !!!!!!

أبو وديع : خذوا راحتكم يا جماعة الدار داركم , أنا بدي أجهز الأكل .. عن إذنكم ..

أبو وديع دخل المطبخ وفتح الثلاجة ..

أبو وديع : له له له .. عمري ما شفتها ملانة هالثلاجة شو بدنا انطعمي الجماعة ..

مليش غير أسوي كالآتي ..

يسعد مساك يا عمي العيساوي أهلا و سهلا حبيبنا ,, خطوة عزيزة والله ..

معلشي تلفونك شوي بدي أوصي على سدر كنافة ,, سلامة خيركم ..

العيساوي : ما تغلبش حالك أبو وديع ,, احنا جايين انجربك ..

أبو وديع : باطل ,, هي جيتك علينا قليلة ..

العيساوي : خذ هي التلفون ,, خذ احكي ..

أبو وديع أخذ التلفون ودخل على المطبخ ..

0251335324 توووووت ,, توووووت ,, توووووت ..

أبو وديع : ملحمة ابو الزفر ..

ابو الزفر : اتفضل ابو الزفر معك ..

أبو وديع : هلا عمي أبو الزفر ,, كيف خالتي إم الزفر و كيف زفر و زفرة و كيف ... ..

أبو الزفر : هوو هوو انتا صرت بدك تزورني بهالتلفون شو بدك ..

أبو وديع : بدي 5 كيلو لحمة خروف بلدي طقع الله يخليك و شوية كوستاليتة ..

ابو الزفر : معك تدفع كاش والله كالعادة ..

أبو وديع : لا سجلهم على العيساوي بتعرفه صاحب منتديات العيساوية ..

ابو الزفر : ولو زلمتنا هادا ,, وبعدين دفيع ..

0251226435 توووووت ,, توووووت ,, توووووت ..

أبو وديع : ألو ,, محلات نرفعلكم السكري للحلويات ..

سمعة : أيوه تفضل ..

أبو وديع : صحتين والله سبقتك ..

سمعة : قصدي ,, اتفضل احكي شو بدك ..

أبو وديع : بدي سدر كنافة محمر ومقمر .. وزيد القطر والفستق الحلبي والجبنة ..

سمعة : أبو وديع انتا ضايل عليك باقي حساب من أول ما بقدر أعطيك ..

أبو وديع : عمي سجل هادا السدر والحساب اللي قبل على العيساوي بتعرفة صاحب منتديات العيساوية ..

سمعة : اه اه بعرفه هادا زبون المحل ,, وبعدين دفيع ..

02523376981 توووووت ,, توووووت ,, توووووت ..

ابو وديع : مرحبا ,, محلات سوبر ماركت طلباتكم مش موجودة ..

أبو الطلب : اهلا عمي أبو وديع ,, عليك 200 شيكل من شهر 6 , و 300 شيكل عن شهر 7 ووو ..

ابو وديع : هوو هوو انتا ما صدقت وانا اتصل ..

عل كل ٍِ سجلهم على العيساوي بتعرفه اللي اله منتديات العيساوية ..

أبو الطلب : ايوه عرفته ,, دايما ً بشتري من ابني ,, وبعدين دفيع ..

02514546465 تت ,, تت ,, تت ,, لم يبقى بقية في رصيدكم , الرجاء شحن رصيدكم ..

أبو وديع : اووووف ,, اكره علي حد يترجاني ..

العيساوي : ها أبو وديع حكيت ,, قضيت حاجتك ..

ابو وديع : والله ما لحقت اتصل الا هو قاطع قال مفيش كرت !!!

العيساوي : !!!!!!

أبو وديع : هلا والله ببالاك هلا حبيبنا بالاك اهلا وسهلا ..

ممكن تلفونك بس دقيقة ..

ballack : خد أبو وديع ,,

أبو وديع : 035432232 توووووت ,, توووووت ,, تووووووت ..

عالعافية محمد نخال ..

محمد نخال :. هلا أبو وديع ,, خمس دقايق بنكون عندك ..

أبو وديع : اغلبك تجيب معك خروب + وتمر + وفانتا + ومخلوطة + ......... ..

لما تيجي بعطيك حقهم ..

محمد نخال : ولا يهمك أبو وديع ..

أبو وديع : هيك كل اشي تمام ..

الباب طق طق طق تن تن تن ..

أبو وديع : اتفضلوا اهلا وسهلا ( خلعوا الباب ) ..

اتفضلوا خطوة عزيزة والله هلا والله هلا بالشباب ..

هلا بمحمد نخال هلا هلا ..

يلا يا جماعة اتفضلوا قرب يأذن ..

جلس أبو وديع والمشرفين على طاولة الصفرة والطاولة من جميعه مش ناقصها اشي ..

لحمة و رز و لبن و مخللات و سلطات و دجاج محمر و خروب و عصير و كولا ..

أبو وديع : اتفضلوا يا جماعة هيو بأذن اتفضلوا سلامة خيركم ..

المشرفين : لسه يا ابو وديع بقرأ صبرك بالله ..

أبو وديع : ( بقص إيدي إذا صايمين ) ..

اللــه أكبر ,, اللــه أكبر ,,

أبو وديع :

اتفضلوا يا جماعة سموا بالله سموا ..

حطوا للعيساوي , قربولوا اللبن قربوه ..

( بصوت واطي ) ما كله على حسابه ..

المشرفين : يخلف أبو وديع ان شاء الله بنجيك بفرحتك بوديع ..

العيساوي : يخلف أبو وديع ان شاء بضل عامر ..

أبو وديع : على الله ,, ما كله على حسابكم ..

العيساوي : ؟

أبو وديع : قصدي الدار وصاحبها على حسابكم ..

مع الف سلامة ,, اوعوا تعيدوها يا جماعة ..

بعد عدة أيام ,, تلفون العيساوي برن ..

ترن ترن ترن ,,

أبو الزفر : شو مع الدين اللي عليك يا طيب ..

ترن ترن ترن ,,

سمعة : شو يا عمي شكلك بدك تنصب علينا ..

ترن ترن ترن ,,

أبو الطلب : حبيبي بعطيك مهلة بس كمان يومين ..

[خضر أبورميلة]

اعطيها ابو وديع


وانا بقول ليش معدتي ذبحتني

من الكولا العربية؟؟ اه ؟

هههههههههههههههههههههههههههههههههههه

احلى ابو وديع و الله

تعال كل يوم واعمل عزومة بس المرة الجاي عند العيساوي بس عل حسابك
هههههههههههههههههه

اما الاكل روعه لأنه من عند ابو الزفر ( بدي اجيب منه لعزومتنا ) خخخخخخخخخخخخخخخ



ننتظر جديدك خيي

[نسائم الايمان]

ههههههههههههههههههههه

يعطيك الف عاافية اخ ابو وديع

[محمد نخال]

[align=center]ههههههههههههههههه

طول عمرك صاحب واجب يا أبو وديع

ما بتقصر أبداً بحق المشرفين ، فضلك كبير علينا صراحةً

ولازم نردلك هالعزومة بشي أكبر منها ان شاء الله ..... وبنفس الطريقة !!

حتى ما تقول عنا قليلين واجب لا سمح الله .!

فعلاً ابو وديع يعطيك الف الف عااافية مبدع كالعاادة

لكن قبل ما انهي ردي .....

وين حق الأغراض ؟!!!!!!!!!!!!!!!!!!!!!
[/align]

[خضر أبورميلة]

^
^
^
^
^


راحو عليك و العوض على الله


هو في بين الاخوة حساب يا محمد ؟

و الي بجيبك نفس الي بجيب اخوك

كبر عقلك و خليك ناصح


ههههههههههههههههههههههههههههههههههه

[أبوالنون]

بسم الله الرحمن الرحيم
السلام عليكم و رحمة الله و بركاته

له يا أبو وديع بتعزم الجميع و ناسيني يا آسي
طيـّب أنا بورجيك
غير المرة الجاي
المرة الجاي !
المررررررة الجايييييييييييييييييييي ؟
المرة الجاي !!!!!!!!!!!!
مش عارف !
شو مين ؟
عن شو كنـّا نحكي
آه آه عن
مين ؟
مين انت ؟
آه مين ما بيعرفك انت اللي عزمت العيساوي و نصبت عليه
هههههههه

جزاك الله خيرا ً
وأضحك الله سنـّك

اللهم صل ِ و سلم و بارك على الحبيب سيدنا محمد
و على آله و أصحابه أجمعين

[ثائر ابو لبدة]

بالاك ..

هه خلص المرة الجاي عند العيساوي وعلى حسابه ههه ..

بعدين ما في بعد لحمة أبو الزفر ههه ..


رمضان يجمعنا في منتديات العيساوية ..

تحياتي الكم والله يوفق الجميع .

[عاشقة البحر الحزينة]

[align=center]هههههههههههههه

احلا ابو وديع

بجد بجد طلعت زلمة جدع ههههههههههههههههههههههههه

كلشي على حسابهم

احلا اشي سوبر ماركت طلباتكم مش موجودة ..هههههههه نرفعلكم السكري للحلويات ..
هههههههههههههههههههه

هههههههههههههههههههههههه بس ليش ما عزمتني


مش دفعت عنك حق الكهربا

شو انتا بتبلينا كل بلوة شكل ............


بانتظار جديدكك احلا ابو وديع والله

مع تحيات

عاشقة البحر الحزينة[/align]

[دموع على خدود القمر]

[align=center]هههههههههه
شو هاد يا ابو ويع


لهون وصلت معك ههههههههههههههههههه


يلا


بانتظار جديدكك

تحياتي[/align]

[خديجه عبيد]

بسم الله الرحمن الرحيم
تحياتي للجميع وكل عام وانتو بخير
موضوع حلو كتير
وشكرا
تحياتي