24-08-2009, 06:09 AM
|
#21 | |
|
مشرف الكلمة الطيبة وقسم الشكاوي
 
|
بسم الله الرحمن الرحيم السلام عليكم و رحمة الله و بركاته الحلقة الثالثة أم عجيب : شو يا .. بدّكش تعلـّقلنا زينة رمضان ولـّلا الناس أحسن منـّا ؟! أبو عجيب : مين هذا اللي أحسن منـّا !؟ روح يا ولد اشتري أحلى حبل زينة بسرعة يا عجيب يا لخمة عجيب : يابا ليش سمـّيتني عجيب ؟! أبوعجيب : هلحين روح بسرعة و اسمع كلام أبوك مش عاجبك اسمك يا *** كان لازم أسمـّيك غضيب ولـّلا طوط بيب و عندما عاد عجيب بالزينة أخذها منه أبوه وأسرع ليتعلـّق بين الأحبال و يعلـّق الزينة على ذوقه الخاص !!!!!!!!!!!!! الوجه الآخر أم عجيب : ليش الناس بعلقوا كل هذي الزينة في رمضان ؟ أبوعجيب : تسلمي لي يا أم الحبايب , طبعا ً أنا مش مفتي لكن يمكن وجهة نظرهم فيها شي صح بدّي أسألك سؤال بعد إذنك أم عجيب : الله يسعدك كل الإذن الك يا ابو الحبايب أبوعجيب : طول عمرك مزوقة ولسانك شهد طيـّب , لو كان عندك مناسبة حلوة زي عرس نجاح , في توجيهي و لـّلا شو ما كان , بتعلقي زينة ؟ أم عجيب : طبعا ً و ليش لأ ! أبوعجيب :طيـّب لو رجع لك إنسان عزيز بعد غياب طويل والناس كلها بتحبـّه بتعلقي له زينة عشان تستقبليه ؟ أم عجيب : أكيد أبو عجيب : و رمضان مش فرحة و بهجة وضيف عزيز الكل بحبـّه ؟ بس يا ترى إذا الواحد حابب يعلـّق زينة كيف و وين و وقتيش و يا ترى لازم طول الليل تظل مضوية ؟! ويا ترى سألوا الناس الفهمانين بالدين ؟ و هم علـّقوا الزينة لفرحة رمضان ولـّلا شوفوني يا ناس !!!؟؟؟ شو رأيك يا عجيب ؟ عجيب : يابا ليش سمـّيتني عجيب ؟! عجيب : معك حق يا بني , الاسم شي مهم كان لازم نسمـّيك حبيب و لـّلا أديب ,بس مش ذنبي يا حبيبي هذا أبوالنون الظاهر بدو يضحـّك الناس عليّ , الله يسامحه عجيب : و إذا ما بدي أسامحه ؟ أبو عجيب : أنا عن نفسي مسامحه , و رغم إنه المسامح كريم لكن إذا إنت حاسس إنك مظلوم بها الاسم أكتب رد في المنتدى في موضوع " لمن يحب تغيير اسمه المستعار " و اكتب فيه الاسم اللي بناسبك و بتحبـّه وبتقدر كمان تقدم شكوى تظلـّم للعيساوي ترى هل سيقدم عجيب شكوى للعيساوي ؟ اللهم صل ِ و سلم و بارك على الحبيب سيدنا محمد وعلى آله و أصحابه أجمعين |
|
|
|
|
24-08-2009, 06:49 AM
|
#22 | |
|
عيساوي مجتهد
|
والله ضحكت على الصبح فعلا الاسم مهم بس يا ترى ليه يا ابو النون اختر اسم عجيب من بين كل الاسماء ؟؟؟ سلمت يداك على الحلقات الحلوة اختك الفراشة |
|
|
|
|
|
25-08-2009, 06:48 AM
|
#23 | |
|
رئيسة القسم الاسلامي
|
وعليكم السلام ورحمة الله وبركاته اخى فى الله ابو النون اضحك الله سنك دوما واسعد الله قلبك صدقنى يا اخى انك تصلح لان تكون داعية اسلامى مميز لانك قريب لفئة الشباب واتمنى بل وادعو الله لك ان تكون كذالك لانك ان شاء الله نعم الانسان المسلم الطيب الودود الملتزم المحب لدينه وأحسبك كذالك باذنه اختك الفقيرة لله بنت الاسلام |
|
|
|
|
|
25-08-2009, 08:03 AM
|
#24 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الحلقة الرابعة أبو عجيب : خلصيني يا مرة تأخرت على الشغل وين المرسيدس تبعتي ؟ أم عجيب : إذا بدي ألاحق على مين بترميها كل مرة عمري ما بخلـَص أبو عجيب : قوم يا غضيب نايم و تحت راسك الكندرة ! عجيب : أحسن محل بخبـّيها فيه عشان ما ترميها علي ّ مرة ثانية أبو عجيب : و وين الفردة الثانية ؟ أم عجيب : هي لاقيتها في سلة الزبالة أبو عجيب : شو هالعيلة الـ ****** أنا بورجيكو يا **** يا ولاد الـ ***** و يخرج أبو عجيب من بيته و كأنّ عينيه ولاعة مجـّانية و في الطريق أثناء قيادته للسيـّارة أبو عجيب : إبعد يا ***** أمّا ناس بستحوش ناس ****** سائق السيارة الأخرى : على مين بتغلط يا **** ؟ و ينزل من سيارته و يعطـّل الطريق و تبدأ مسابقة أعلى صوت و المتنافسون فيها أصحاب السيـّارات , المشاة , زمامير السيـّارات في حين ... أين أبو عجيب ؟! الوجه الآخر أبو عجيب : تسلمي لي يا حنونة , الله يعزّك , مش عارف وين الكندرة ! أم عجيب : هيها معي يا ابو الحبايب , شفتها شوي مغبـّرة فمسحتلك إيـّاها و دهنتها أبو عجيب : تسلم هالأنامل عجيب : الله يسامحك يا امـّي , المفروض تخلـّيلنا إياها أنا أو حدا من إخوتي أو خواتي يخرج أبو عجيب من بيته و كأنـّه مولـّد سعادة مجـّانية و في الطريق أثناء قيادته للسيـّارة تعترضه سيـّارة أبو عجيب : صباحكم فتـّاح صاحب السيـّارة : الله يسعدك يا جار معلش سامحنا أمـّي رجلها مكسورة و اضطرّيت أوقف هون عشان أنزلها أبو عجيب خوذ راحتك , سلامتها صاحب السيـّارة : كلـّك ذوق يا ريت كل الناس زيـّك كان الناس كلهم حبايب اللهم صل ِ و سلم و بارك على الحبيب سيدنا محمد وعلى آله و أصحابه أجمعين |
|
|
|
|
|
25-08-2009, 08:38 AM
|
#25 | |
|
عيساوي جدع
|
|
|
|
|
|
|
25-08-2009, 09:45 PM
|
#26 | |
|
عيساوي مجتهد
|
حلقات كتير حلوة ومميزة بس فكرك يا ابو النون في ناس بتعمل بالوجه الاخر على ما اظن مو كتيررر حلقات مشوقة كتير وبنتظرها كل يوم يسلمو ايديك ابو النون ويعطيك ربي العافية والصحة اختك الفراشة |
|
|
|
|
|
25-08-2009, 10:56 PM
|
#27 | |
|
مشرفة قضايا النقاش وقسم ابداعات الشباب العيساوي
|
وبأنتظر المزيد......جزاك الله خيراً[/align] |
|
|
|
|
|
26-08-2009, 12:55 PM
|
#28 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الحلقة الخامسة أبو عجيب : شو هاذ ؟ يعني المرض ما تذكـّرني إلا في رمضان ! أم عجيب : سلامتك أبو عجيب : سلامتي شو بدّك فيها كمان سلامتي بدّك تاخذيها ! ما كلـّه منكم هو إنتو خلـّيتو عندي سلامة أم عجيب : شو أفطرت !؟!؟!؟!؟! أبو عجيب : ها و لـّلا , شو مش شافيتيني مرمي زي البسكوتة المبلولة بالشاي , روحي جيبي لي بسكوتة مع شاي أم عجيب : بس شاطر تتأمـّر , عمايلك مثل الاولاد الصغار أبو عجيب : شو ها البلا عيـّان و مرتي بتفقـّع فيّ آه يا راسي إن شاء الله الوجع اللي براسي يصير براسكو كلكو و اقعد أضحك عليكو زي البسّة الماسكة فار مدروَخ و بتتسلـّى فيه عجيبة : مالك يابا ؟ أبو عجيب : أبوكي عيـّان و لا حد معبـّره , شو رايك تجيبي لي شي أشرب شاي ولـّلا شي آكله عجيبة : بَس الدنيا رمضان ! أبو عجيب : شو رمضان ! مش شايفة أبوكي زي البطاطا المسلوقة ؟! أمـّا عيلة **** الوجه الآخر أبو عجيب : الحمد لله , إن شاء الله طهور و كفـّارة . كيـّف يا أبو عجيب فرصة حلوة في رمضان تكون عيـّان والأجر إن شاء الله مضاعف , لعلّ الله يغفر لنا ويسامحنا على التقصير الرهيب بحقـّه أم عجيب : شايفتك تعبان , ليش ما تفطر ؟ أبوعجيب :له يا بنت الحلال , هاذ رمضان , بنستنـّاه من السنة لـَلسنة , و بعدين شوية رشح ما بضرّوا عجيبة : سلامتك بابا , بقدر أساعدك بأي شي ؟ أبو عجيب : تسلمي لي يا غالية يا بنت الغالية , يا عيني على الأدب و الأخلاق , اللهم لك الحمدعلى هذي العيلة الطيبة شوية رشح و سخونة جمعت العيلة حولي عجيب : يا ريت الوجع في راسي يابا أبو عجيب : لا يا حبيبي سلامتك و لا ترى شر عجيب : طب أنا بعرف أنـّه ليس على المريض حرج , ليش ما تفطر ؟ أبو عجيب : الله يسعدك يا سندي , شوية رشح يا حبيبي ما بتضايق إنت ما بتعرف انـّه المرض نعمة عجيب و عجيبة : كيف ؟! أبوعجيب :هالحين لو كان عليكم وظيفة بيتية و الأستاذ قال اللي بحل الوظيفة إلـُه علامة و اللي بضيف معلومة صغيرة مع الإجابة إلـُه علامة إضافية ,شو بتسوّا ؟ عجيب : بحل وبضيف عشان آخذ علامات أكبر بدون جهد كبير أبوعجيب : و لوكنت أنا في الشغل و قاللي المسئول إذا بتفتح الشبابيك كل يوم الصبح وبتتأكـّد من تسكيرها آخر النهار وبعطيك زيادة , شو بتنصحوني ؟ عجيبة : طبعا ً تقبل لأنك هيك هيك موجود ومش راح يضرّك بالعكس بتكسب زيادة أبو عجيب : الله سبحانه و تعالى أكرمنا برمضان و أعطاني مَهمـّة زيادة هي الصبر على المرض وعليها زيادة أجر , شو رأيكم ؟ بالإضافة إنـّه الله عزّ و جلّ بيغفر الذنوب و بيطهـّر الإنسان و بيرفع درجته بالمرض و بجدد له جسمه بعد المرض بالله عليكم في أكرم من الله ؟! والمريض بمَرض صعب مسموح له يفطر بقدر يعني يشرب الدوا و شوية مي أو اللي بيطلبه الدكتور و ممنوع عليه يتصرف زي ما بدّه وياكل ويشرب قدّام الكل على خاطره إسمعوا هالنكته عشان نضحكلنا شوي مرة واحد عيـّان راح على الدكتور و قال له يادكتور كل ما بشرب الدوا عيني بتوجـّعني قال له الدكتور مش معقول فرجيني كيف بتشرب الدوا ! قام العيـّان حط معلقة من الدوا في كاسة مي زي ما قل له الدكتور من قبل و شرب طبعا ً من فصاحته كان يترك المعلقة في الكاسة و لمـّا بشرب بتضرب المعلقة بعينه اللهم صل ِ و سلم و بارك على الحبيب سيدنا محمد وعلى آله و أصحابه أجمعين |
|
|
|
|
|
26-08-2009, 09:22 PM
|
#29 | |
|
عيساوي مجتهد
|
|
|
|
|
|
|
26-08-2009, 09:28 PM
|
#30 | |
|
متابعين لك ابو النون .. قال باب الحارة قال ! بانتظار الحلقة الجديدة جزاك الله خير حلقاتك كالمرآة ...ولكن اين نقف نحن ..في الوجه الاخر ام ما قبله ؟؟؟ الله يهدينا للخير |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
