18-08-2009, 11:36 PM | #1 | |
قلمٌ ثائر
|
[align=center] :: أبو وديع يراقب هلال رمضان :: [/align] أبو وديع : شو بتسوي انتا فوق ( بطلع عبنات الجيران هالــ توووووووت ) .. مشرف ( 1 ) : أنا ( الله لا كان جاب البلا ) .. أبو وديع : اه انتا و لا أبوي .. المشرفين : أبو وديع هادا العيساوي حطه يراقب الهلال .. أبو وديع : اسمع على الحكي انزل تشوف انزل , مين العيساوي هادا ؟! هاي الشغلة بس شغلتي انزل يا حبيبي انزل الله واسم الله يخي أبو عبد الله انزل انزل .. قال براقب الهلال قال .. المشرفين : شو أبو وديع بين معك اشي ( ابصر بشوف هادا ) .. مشرف ( 1 ) : ولك شوف ماسك الناضور بالشقلوب اطلع بالله عليك .. مشرف ( 2 ) : اه والله , شو رأيك أقله .. مشرف ( 1 ) : انساك منه هادا ضاوي .. أبو وديع : والله يا جماعة مش عارف شو بدي أقلكم ( هي ايدي اذا في رمضان السنة ) .. المشرفين : ها أبو وديع بشر امتى رمضان .. أبو وديع : والله يا جماعة الخير مبدئيا ً بنقدر نقول رمضان هالأسبوع .. المشرفين : هه ( جبنا عبد المعين ) .. أبو وديع : أنا بقول هلا الوقت اتأخر بكرة الصباح رباح .. المشرفين : ليش هو الهلال بطلع الصبح ولا بالليل !!! ( شكله مسطول ) .. أبو وديع : هو بطلع عادة ً بالليل بس بقولوا برمضان بصير يطلع بنهار .. والله هيك قالولي مش انا اللي قلت .. المشرفين : ماشي أبو وديع تصبح على خير .. أبو وديع : ( هو اللي بشوفكم بشوف الخير ) .. وفي الصباح ,, ليل الهجر : اسمعت على الأخبار انو رمضان يوم الجمعة .. أبو وديع : انو قلك هالحكي مترديش الخبر الصافي عندي ( شكلها سامعة النشرة الجوية ) .. ليل الهجر : وامتى رمضان يا ابو الأخبار الصافية انتا ( صوم وبصومش من وين صار يفهم ) .. أبو وديع : انا الليلة بجيب الخبر اليقين ( بدها تصوم قال ) .. وفي الليل ,, المشرفين : بين معك اشي أبو وديع .. أبو وديع : هوووهوووو خليني أعرف أركز , بدي أجيبها عالليبرة صبركم علي شوي .. هو مفتي القدس أحسن مني .. أي أنا النملة بشوفها تحت كومة قش .. المشرفين : لاااا ما شاء الله واضح ,, واضح .. أبو وديع : يا جماعة أنا عرفت كل شي بس ولا عليكم أمر بدي كاميرا .. علشان أصور اللي شفته وما يقولوا إني جايب اشي من دار أبوي .. مشرف ( 3 ) : خذ أبو وديع هي أحلى كاميرا .. ابو وديع : أهلين بالـ نغش , هات يخي هات .. أنا هلا يا جماعة طالع على ميدنة جامع الأربعين وطبعا ً راح اقول اللي عندي واللي شفتوا .. وعلى ميدنة الجامع والناس بتستنا الخبر على أحر من الجمر .. أبو وديع : يا أهل العيساوية الله يسعد مساكم .. بالنسبة لرمضان السنة أنا والله مصدوم اكثير باللي شفته ,, ولا تفكروا والله أنا مصدوم أكثر منكم .. بالنسبة للسنة ,, السنة يا جماعة الخير ما في رمضان ,, السنة ما في هلال في السما يعني ما في رمضان وما في صيام .. وفضولنا هالجمعة وكل واحد على شغله ايييييي قصدي على داره .. ( س ) : معقول السنة ما في رمضان شو بتحكي انتا نزلوه نزلوه .. أبو وديع : طولو بالكم يا جماعة هيك الله رايد ,, بدكم أكزب يعني .. حرام الكزب يا جماعة .. ( ص ) : شو بخربط هادا ,, نزلوه ياكل اللي فيه النصيب .. أبو وديع : طولوا بالكم يا جماعة .. حمضت الصور يا ولد .. هات تشوف هات .. هي الصورة اللي صورتها بتقدروا تتفرجوا عليها ,, انا لما احكي كلمة بكون متأكد منها مليون بالمية .. هلا هادا هلال هادا ,, بالله عليكم .. مشرف ( 3 ) : مش هذي صورة صحن الستالايت اللي على دار أبو محمود .. مشرف ( 2 ) : اه والله ,, قلتلكم كان ماسك الناضور بالشقلوب .. مشرف ( 1 ) : قال بقلي انزل قال ههه .. و أبو وديع عينه ما تشوف إلا النور هه .. |
|
|
18-08-2009, 11:52 PM | #2 | |
|
الله يقطع شرك يا ابو ديع مرة وحدة لغيت رمضان كان اتصلت علي على شان اطلع اتفرج معك بعرفك مرات بتغببش بالليل ههههههههههه المشرفين لبعضها اكييييد |
|
19-08-2009, 12:08 AM | #3 | |
عيساوي مشارك
|
حلو الموضوع وشكرا لكل من شارك في ومن كتبو ونقلو تحياتي للجميع وكل عام وانتو بخير |
|
19-08-2009, 12:08 AM | #4 | |
رئيسة القسم الثقافي
|
السلام عليكم ورحمة الله وبركاته اخي ابو وديع عنجد حلو كتير هههههههه وعفكره نكشه حلوه ههههههههههه بس حط اسماء مشرفين زي السنه الي فاتت بس عنجد يسلمو اديك منستنى باقي مواضيعك تحياتي |
|
19-08-2009, 02:04 AM | #5 | |
عيساوي مجتهد
|
بس لازم مو تراقب الهلال راقب الجوامع اللي راح يصيروووو الناس للباب وما في محل لحداا يصلي راقب الجامع هلاء وراقبو باول رمضان لحد قبل ما يخلص الشهر بيومين بس وشوف وقول رايك في الشي اللي بتشوفووو وبصراحه بس ارجو انو يكون معك كميرا او جوالك للتصوير |
|
19-08-2009, 02:44 AM | #6 | |
عيساوي مجتهد
|
وبعدين صحن ابو محمود عجبني بقدر اجيبو منو خخخخ مشكور ابو وديع بالتوفيق وانا ببشركم بعد رمضان فش عيد اجلوة برضو ولا غلط بحكي |
|
19-08-2009, 12:52 PM | #7 |
عضو جديد لنج
|
ابو وديع نكشة وحلوة كتير |
19-08-2009, 01:27 PM | #8 | |
عيساوي VIP
|
لعاد اسمع تاقولك شو رأيك تلغي العيد مبن مرة ؟!! عاليوم قال ما في رمضان هيهيهيهيه أحلا صحن ستالايت أبو محمود والله هع هع هع مشكور أبو وديع وبانتطار باقي نهفاتك ونكشاتك تحياتي |
|
19-08-2009, 05:10 PM | #9 | |
قلمٌ ثائر
|
كل عام وأنتم بخير .. رمضان يجمعنا في منتديات العيساوية .. تحياتي الكم والله يوفق الجميع . |
|
19-08-2009, 06:53 PM | #10 | |
مشرفة قسم العيساوي العام
|
هههههههههههههههههه جد نكشة بس يعني كزبة ما تتصدق هع هه بس نكشة |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|