24-09-2008, 10:47 PM
|
#1 | |
 
|
كيفكم يا جماعه؟ شو الاخبار؟ اليوم جايبتلكم معي خبر مش ح تصدقوه ... بس انا شفتو بعيني وسمعتو بادني ...معقول تكزبوني؟؟؟؟ هادا يا جماعه ...اليوم الساعه 10 الصبح ما لقيت الا باب البيت بيندق ...دق دق دق .... ليل الهجر : (غريب مين اللي بدو يجي بهالوقت لسه الدنيا الصبح) مين؟؟؟ ابو وديع: هادا انا ابو وديع (يللا افتحي بدك تعمليلي تحقيق ع الباب؟؟) ليل الهجر : اهلين ابو وديع (الله يستر شو جابو هادا هلأ؟؟) ابو وديع : فيكي...شو ح تخليني واقف ع الباب؟(والله بتعملها) ليل الهجر : لا لا يا عيب الشوم منك ..اتفضل ...ما اتأخزني اتفاجأت بزيارتك... ابو وديع: عادي بسيطه (واخيرا راح ادخل تخو اجري من الوقفه) ليل الهجر : ما اتأخذني رمضان ...مش ح اضيفك شي.... ابو وديع: ههههه بسيطه ولو ...مش جايين نجربك (اصلا برمضان ولا بلا رمضان ما بيطلع من تحت ايدك كاسة مي) ليل الهجر : خير يا ابو وديع شو في؟(ما بيجي من وراه غير المصايب على هالصبح) ابو وديع :سلامتك ...بس حبيت اعيد عليكي ... ليل الهجر : تعيد علي؟شو يا ابو وديع ؟لسه احنا برمضان(شكلو مع رمضان صيف ع الاخر) ابو وديع: هههه بعرف بعرف ... بس يعني بالعيد الواحد يا دوب يلحق الاهل والقرايب ف انا قلت خليني ابلش بمشرفين ومشرفات المنتدى قبل العيد ليل الهجر: مش غلط بردو (هادا انهبل ع الاخر) ابو وديع: اه صحيح يا ليل الهجر كيف انتي وهالاداره؟(ايمتى ح تفكي وتخلصينا) ليل الهجر: والله تمام ..يعني في مشاكل بس مو متل ما كنت مفكره ...للحظه حسيت انو كل يوم ح يكون في مصيبه جديده..بس الحمد لله ..زالوضع تمام لليوم ابو وديع: ولايمتى انتي ح تضلي مديره؟(شكلها ح تلزق) ليل الهجر: والله يا ابو وديع لاخر الشهر (هادا مستقلع مني ع الاخر ... وجاي يقلي معايده وما معايده ...لا واضح...) ابو وديع: اه يعني ع العيد ح تعيدي ع المزبوط من الداره كمان (اي بكفيكي هريتي وبرنا ) ليل الهجر : يمكن والله ما بعرف ...ما حسبتها (اطمن يخي مش قاعدتلك) ابو وديع: طيب ليل الهجر يعني انتي عارفه مين ح يكون مدير بعدك؟ ليل الهجر : لا والله ...ليه بتسأل؟؟ ابو وديع: ولا شي ..بس يعني بتعرفي هلأ كل المشرفين مشغولين توجيهي ومخا توجيهي ليل الهجر: اه؟؟؟(شو يعني لشو بدو يوصل هادا؟؟؟) ابو وديع: يعني انا كنت خايف ما تعرفوا تلاقو مدير ويعني ......(اي افهميها وخلصيني لازم اجيبلك اياها على بلاطه يعني؟؟؟) ليل الهجر:اه؟(وبعدييييييييين؟؟؟) ابو وديع: يعني انا كنت جاي احكيلك انو يعني في حال اتلبكتوا وما عرفتوا تلاقو حد فانا موجود ليل الهجر : اه ..طبعا طبعا (جاي يعيد علي ...لا واااااااااااااااااضح) ابو وديع:اه صحيح نسيت احكيلك .... ليل الهجر :خير شو في(طبعا بدو ينسى...) ابو وديع: هاي الك...(ان شاء الله ما تروح ع الفاضي بس) ليل الهجر : شو هاي؟لشو مغلب حالك؟(ابصر شوفيها) ابو وديع : مافي شي من قيمتك..بس ان شاء الله بتعجبك (يا محلاها وهيه مش عاجبتها والله...مكلفتني 10 شيكل) ليل الهجر : ولو يا ابو وديع ما كان الها داعي ... ابو وديع: ولو كم ليل الهجر عنا احنا (الحمد لله انها وحده) ليل الهجر : تسلم ابو وديع: انا هلأ بدي اطلع ...بدي اكمل على المشرفين والمشرفات... بس ان شاء الله ما تنسي موضوعي ... ليل الهجر: اه...ان شاء الله ... سلملي عليهم...الله معك بعد ساعتين .... تررت ترررت .....تررررن ترررررن ..... ليل الهجر : الو احدى المشرفات : مرحبا ليل الهجر كيفك؟ ليل الهجر : يا هلا... الحمد لله مشتقالك احدى المشرفات: هيك يا ليل الهجر؟ الله يسامحك... ليل الهجر : خير شو في؟ احدى المشرفات: مش ملاقيه غير ابو وديع تخليه مدير ليل الهجر : انا(شو عامل هادا؟؟؟؟؟) احدى المشرفات: اه من شوي كان عندي وقلي انو انتي خلص اخر يوم الك بعد اسبوع تقريبا وانو ح يكون المدير من بعدك.... وبلش يسمعني حكي انو لازم اسمع الكلمه بلاش وبلاش ليل الهجر: معقول؟؟؟وصلت لهون؟؟؟ احدى المشرفات: اه والله ليل الهجر : طيب ان شاء الله انا بحل الموضوع بعد 10 د تررررررررررررررن ...تررررررررررررررن....تررررررررررررن ليل الهجر : الو احد المشرفين: مرحبا ليل ..شو الاخبار؟ ليل الهجر الحمد لله (الله يستر شكلو ابو وديع مخبص معو كمان) احد المشرفين: معقول اللي سمعتو يا ليل الهجر؟؟؟ ليل الهجر: خير وشو سمعت؟ احد المشرفين : اليوم مر علي ابو وديع وقلي انو هوه المدير اللي ح يكون بعدك بالمنتدى ...وقلي اني اذا زبطت وضعي معو ح يخليني بعدو ليل الهجر: كيف كيف؟؟؟(كيف هاي يزبط وضعو... الله ينكبك يا ابو وديع) احد المشرفين: قلي انو الواحد لازم يكون مفتح ومزوء منشان يكسب الناس ..زوانو هديه صغيره ممكن تحل الموضوع ليل الهجر : رشوه يعني؟؟ معقول وصلت فيه لهون؟؟؟ احد المشرفين: بتحكي عنو يا ليل الهجر؟؟مانتي قبلتيها ليل الهجر : انا( معقول الهديه؟؟؟؟...روح يا ابو وديع اللــــــــــــــــــــــــــــــه) احد المشرفين: الو؟ليل الهجر انتي لسه معي ع الخط؟؟؟ ليل الهجر: اه معك معك ... اسمع انا اليوم بحل الموضوع احد المشرفين: اوك سلام  ليل الهجر تدخل لوحة التحكم .... وتحول ابو وديع لعضو (جديد لنج) هههههههههههههههههههههه |
|
|
|
24-09-2008, 11:29 PM
|
#2 | |
|
عيساوي مميز
|
له يا أبو وديع لهاي الدرجه و صلت فيك ترشي المديره  كبيره هادي ... المسكين ما عرف مع مين وقع :3eb4e7b3: ما حسبتها مزبوط هالمره :36_1_2: يلا خيرها بغيرها :20f27c58: بس لا تيجي تترجانا نعملك واسطه مع ليل الهجر ترجعك بالاداره <<< هادا الي كنا بدنا اياه من زمان و أخيراً :11_12_13[1]: ههههههههههههههههههههههههه مع تحيات روعة و اخواتها همسه & فوفو & اسيره  |
|
|
|
|
24-09-2008, 11:38 PM
|
#3 | |
|
احلى رد وبالجمله كمان يا بلاش هههه كنتوا بدكم اياها من زمان قلتيلي اه؟ يللا منيح اني رجعتوا عضو يعني ما بيقدر ينتقم منك على هالجمله هههه بشكرك على مرورك واكيد ابو وديع حبيبنا ونكشة منتدانا ما بيطلع معنا نزعلو هههههه |
|
|
|
|
24-09-2008, 11:49 PM
|
#4 | |
|
مشرفة همس القوافي
|
اووووووووووووووف وصلت معو لهون يروح لعندك ويرشيكي انا مش عارفه كيف لحد هلاء ساكته للموضوع لو محلك سهل ارجعو لنج لو محلك بخلي موقوف للأبد :36_1_2: مع تحيات فوفو * وروعه * واسيرة * همسة احنا خلص اشتغلنا ضدك مع ليل الهجر هههههههه  هو انا شكلي من هون للعيد راح يطخني ابو وديع ومش عاجبو الوضع كلياً لا هو بيعرف انو احنا بننمزح مابهونلنا |
|
|
|
|
|
25-09-2008, 01:44 PM
|
#5 | |
|
مشرف الرياضة
 
|
ياجماعه رمضان الدنيا وإنتوا نازلين بتتبلوا على الزلمه هدا كيف لو مش رمضان:4_12_12[1]: كان بتعملوا جاسوس للمسكين .....الله يسترنا من كيد النسوان  أبو وديع مش شايف إنهم زودوها؟؟؟  |
|
|
|
|
25-09-2008, 01:47 PM
|
#6 | |
|
مافي حد قلو يرشيني .... ويا ريتو رشاني وسكت ...لا وراح فضح الدنيا كمان .... يعني تطلع براسي لحالي؟ لا يا عمي علي وعلى اعدائي بعدين هيك شايف شو بصير باللي ما بيوقف معي ....(يعني مش تهديد...اعوذ بالله ....بس يعني لفت نظر) |
|
|
|
|
25-09-2008, 02:43 PM
|
#7 | |
|
عيساوي VIP
|
ايوى هيك من زمان صارلي شهر بستنى انا كنت متأكده انه ح يرشيكي يا ليل الهجر يعني مو غريبة على " بياع قطايف" بس الله يستر يا ليل الهجر أبصر شو نتلقى منه ويعيّدنا اياها ع العيد :3eb4e7b3: مع تحيات همسة/فوفو/روعة/أسيرة |
|
|
|
|
25-09-2008, 03:21 PM
|
#8 | |
|
عيساوي مميز
|
له يا ابو ويع له وصلت لعند انك ترشي مديرتنا وكمان شو بـ 10 شيكل بسس ولله يا ابو وديع لو كان بس بـ50 شيكل كان ساعدتك ههههههه .. بس يالله يا بتاع الرشوات حساب سنه اولا حقوق احسن الك اتبطل من هلكيت هههههههه هههههههه ولله الف الف مبروك يا ابو وديع على التقيم الجديد او حتى الوسام خخخخ بحكيها من قلبي ... ومنهاا لللاصغر خخخخخخخخ مع تحيات اسيرة..فوفو..روعه..وهمسه |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
