14-11-2009, 01:28 PM
|
#1 | |
|
الوسام البرونزي
|
صبآح/مسآء معطر بأجمل باقات الورود بما اني دايما في بيت لحم عشان جامعتي هناك قررت اروح انا وصحباتي نزور كنيسة المهد وحبيت اشاركم بالصور والمعلومات الي عنجد فاجئتني لما عرفت عنها خلينا نبدا اول اشي بدي احط صورة حبيتها لبيت لحم لما كانت الدنيا تشتي صار قوس قزح وانا سرحت فيه هههههههه وصورته طبعا  قبل منبدا رحلتنا على الكنيسة حابة احكيلكم اكم من معلومة انا استفدت منها لما رحنا طلبنا مرشد وشرحلنا كلشي اول اشي كنيسة المهد موجودة في بيت لحم في البدة القديمة لبيت لحم وبتضم ساحة بسموها ساحة المهم على اسم هالكنيسة الرائعة برأيي والمسيحية بيجو على هاي الكنيسة لأداء الحج فيها طبعا بيجو من مختلف انحاء العالم من اوروبا واكيركا وحتى من الدول العربية وتعتبر من الكنائس الررائعة والقديمة جدا بفلسطين بنتها الملكة زنوبيا زمااان وكان بنائها رائع جدا لانه انبنت على شكل صليب يعني لما بتفوتو جوا الكنيسة بتلاحظو انها مجسم للصليب وجاي شكلها على شكل الصليب والكنيسة جوا مقسمة لعدة اديرة لعدة طوائف فمثلا الروم الهم جزء منها والارذوكس الهم قسم و الكاثوليك الهم قسم ومن المعلومات الي فعلا ادهشتني انه هاي الكنيسة بكشوها مرة وحدة بالسنة وهالمرة بشهر 12 يعني بعيدهم وكل طائفة بتنضف جهتها او القسم المخصص الها بالكنيسة ومن زمان كانووو كتير يتقاتلو ازا حدا اتعدى على حدود التاني بالكنيسة بلا طول سيرة خلينا نبدا هادي الصورة اول مدخلنا على الكنيسة ومتل ما بتلاحظو كل الكنيسة فوانيس بالسقف وضواو قديمة وفي تقريبا 15 عمود جواها  طبعا هادي الكنيسة مش الكنيسة الاصلية زمان كانت في كنيسة بس انبنى فوقها وانضافلها شغلات كتيرة والدليل انه هادي الارضية للكنيسة القديمة كانت الارضية القديمة كلها من الفسيفساء الغالي والملون والرائع بنفس الوقت  وطبعا زي محيت قبل في تقريبا 15 عمود داخل الكنيسة اول منفوت وفي على عمود من هالعمدان الموجودات رسمة صليب بالخمس اصابع محفور وطبعا هادا الصليب اله خرفيتين عند المسيحية اول خرافية انه بالزمنات صار زلزال وستنا مريم حطت اصابعها على العمود على شكل صليب متل ما انتو شايفين بالصورة الي تحت والزلال وقف وانحفر محل اصابعها هادا الاشي والخرافية التانية بصراحة انسيتها  متأسفة كتير .... بس رح احكيلكم شغلة اعجبتني او بالاحرى عادة بسووها المسيحية بحطو على العمود هادا حولين الصليب شيكل ازا الشيكل لزق يعني انت انسان محظوظ اما ازا ما لزق فأنت انسان منحوووس وطبعا رح تتسالو كيف بده يلزق الشيكل على العمود وانا اتسألت زيكم فالجواب كان انه من كتر الوسخ الي على العمود والخمة اكيد الشيكل بلزق ههههههههه يعني انت وحظك واضغط على الشيكل منيح عشان تكون انسان محظوظ قدام الناس الي معك .... وانا جربتها وحاولت قد مأقدر اضغط على الشيكل بس لزق ههههههه  زي محكيت قبل انه الكنيسة هادي مش الاصلية وحابة افرجيكم السقف القديم والرسومات الي كانت عليه طبعا الرسمة هادي فيها دهب  وهادي الصورة للكنيسة وزي محيت انها كتير ملانة فوانيس قديمة بالسقف معلقة وضواو تقريبا اثرية  وطبعا مستحيل الواحد يروح على الكنيسة بدون ميشوف السرير تبع سيدنا عيسى او زي مبحكو عنه يسوع ومكان ولادته وحابه اضيف انه حولييين مكان ولادته 14 فنوس وهدول الفوانيس بدلو على 14 ألم الي صابو ستنا مريم اثناء المخاض الي صابها والولادة هادي صورة للسرير ... "بس انا شاكة بالموضوع ههههههه "  وهادي الصورة لمكان ولادة سيدنا عيسى وهادا المحل يعتبر مقدس كتير عند المسيحية ولازم بتملسو من هادا المحل ويبوسو وممكن يركعوله واذا بتلاحظو في 14 فانوس حوليين هادا المكان  وهون في مسيحيين بتملسو او بباركو لسيدنا عيسى وبدعووو عند مكان ولادته سيدنا عيسى  هادا المجسم الي انتو شايفينه هوون ممنووووووووووووووووووع ولا اي انثى تفوت عليه هادا المجسم بس للرجال ورجال الدين وممنوع اي انثى مين ما كانت انها تفوووت طبعا فضولي قتلني اني افوووت وفتت بس انصدمت انه المكان بس في كتب انجيل وكلوو صلبان وكلهم بصلو وبدعو جوا وكمان جوا في خوري وبيجو الزلام بعترفو بذنوبهم اله .... طبعا فتت بالسرقة ههههههه  وبيني وبينكم بالكنيسة حبيت هاي الثريا وكنت بدي اروحها معي للجامع عنا ومن كتر ما حبيتها صورتها هههههههههه  بحب اضيف انه الكنيسة مقسمة لقسمين القسم الاول الي هو هادا والقسم التاني الي هو مبني جديد يعني تقريبا من 50 سنة او اقل شوي وهو زي الكنايس العادية الي فيها كراسي والي بصير فيها مراسم الزواج عند المسيحية وبتم الخطبه عندهم انه يروحو على الكنيسة والخوري بقرأ اشياء على الدبل والعرسان بلبسو بعض الدبل والعرس بصير زي مبنشوف على التلفزيون انه بعلنهم زوج وزوجة وبحب اضيف شغلة انه بكووون في غرفة صغيرة بفوت فيها العريس مع الخوري وبعدين العروس مع الخوري وبعترفو بالذنوب الي سووها بحياتهم وبهيك بعتبرو حالهم بدوو حياة جديدة بدوون ذنوب مع شريك حياتهم " بس براهنكم ازا حدا بعترف هههههههه" ولسوء حظي انه التصوير بالقسم التاني ممنوع بس قدرت اصورلكم المجسم تبع ستنا مريم وسيدنا عيسى الي حطينه بنص الكنيسة وجمبه طبعا بتضوي شمعه وبتتمنى امنية المجسم اعجبني كتييييير  وهادا المجسم لسيدنا عيسى وهو صغير ومن الشغلات الي أدهشتني ايضا انهم بحممو المجسم تبع سيدنا عيسى وبغسلو بالعيد وما في زجاج من برا يعني بتقدر تلمس المجسم تبع سيدنا عيسى بس طبعا ممنوع اللمس  وبهيك بنكووون اوصلنا لاخر الرحلة بس بحب اضيف كمان صورة مجسم للخضر ازا بتعرفو وهو الانسان العالم الي راحله سيدنا موسى لحتى يتعلم منه لما الله سبحانه وتعالى حكى لسيدنا موسى انه في انسان اعلم منه فراح سيدنا موسى لحتى يتعلم منه بس طبعا كلنا بنعرف القصة انه سيدنا موسى ما صبر على الخضر لما كان يغلط .. وهي الصورة  وبهيك بنكووون خلصنا رحلتنا وان شاء الله بحاول ارجعلكم بصوور لجامعتنا عشان اعرفكم عليها اكتر بأقرب فرصة بتسمحلي وما تأخدوني الصور مش واضحة كل هالكد لانها من بلفوني وما كنت حاسبة حساب اني اصور عشان هيك ما اخدت الكاميرا معي وياريت تردوو لاني تعبت وانا بحط الصور وعنيي راحووو  مع خالص ودي |
|
|
|
|
14-11-2009, 07:04 PM
|
#3 | |
|
عيساوي زعيم
|
كنيسة كتيير حلوة وشكرا الك مرة تانية ... ومع تحياتي ... |
|
|
|
|
|
14-11-2009, 08:17 PM
|
#4 | |
|
عيساوي مجتهد
|
السلام عليكم انا واعود بالله من كلمة انا بشكرك على الموضوع وعلى مجهودك الي بذلتيه في كتابة الموضوع وتصوير وتنزيل الصور بس في عندي انتقاذ بسيط ارجو انك ما تعتبريه انتقاذ شخصي الك لازم يكون طرحك للموضوع بطريقة اكثر جدية خصوصا انك بتحكي عن مكان ديني مقدس انتي لازم اتراعي انك ما تجرحي الاخرين( بشكو انو لسرير) ( بيلزق الشيكل من كثر الوسخ) مثل ما احنا بندعو العالم انهم يحترموا دينا وحرية الديانات لازم نحترم دينهم وامكانهم المقدسة . تحياتي [/align] |
|
|
|
|
|
14-11-2009, 10:24 PM
|
#5 | |
|
الوسام البرونزي
|
بتشكرك اختي على مرورك الرائع وتعليقك الحلووو عالم توشيفا مشكور اخوي وانا عادي بتقبل النقد بس الحكي الي حكيته صحيح وهيك المرشد حكالنا انا ما بتمصخر وما بجيب اشي من عندي |
|
|
|
|
|
14-11-2009, 11:16 PM
|
#6 | |
|
مشرفة بنات.. بنات
|
دمتي بكل إبداع ........ [align=center]مع تحياتي[/align] |
|
|
|
|
|
14-11-2009, 11:51 PM
|
#7 | |
|
عيساوي مجتهد
|
اول اشي شكرا لا سعة صدرك وتقبلك النقد ثاني اشي مع احترامي لا مرشدكم هادا انسان فاشل سلام |
|
|
|
|
|
15-11-2009, 10:59 AM
|
#8 | |
|
الوسام البرونزي
|
شكرا الك حبيبتي على مرورك الحلو وانبسطت انه الموضوع اعجبك اخوي عالم توشيفا بس بحب اضيفلك معلومة انه المرشد مسيحي :s يعني انا بحتر كل الديانات شو مكانت وما بسمح لحالي اتمصخر عليها لاني ما بقبل حدا يتمصخر عليي بس الحكي طلع منهم مش مني ومشكورين مرة تانية |
|
|
|
|
|
16-11-2009, 06:47 PM
|
#9 | |
|
معلومات جديدة وصور جديدة كمان .. كنيسة المهد ولا مرة دخلتها ..تعرفت عليها من خلال كاميرتك .. ومعلش صغرت الصور حتى يكون التصفح اسهل واسرع .. يعطيكِ العافية ومشكورة |
|
|
|
|
|
18-11-2009, 03:20 PM
|
#10 | |
|
مشرفة عيلة ولا احلى
|
على الصور الروعه والمعلومات المفيدة مع تحياتي ********** |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
