منتدى العيساوية يقسو على كورة جبل الزيتون

[abo 3zab]

والله مبارة جميله
وشكراااااااااا على الاستضافه الرائعه
من منتديات العيسويه

[خيّال البلد]

المشاركة الأصلية كتبت بواسطة أ. خضر عبيد

بعرف يا خيال البلد انك تقصدني ولكن راحت عليك مشاركة آدم لأنني سمعت بأنك لن تتواجد بسبب عدم مشاركة آدم وأريد أن أوجه لك سؤال يحق للاعبي الفريق الاول في النادي أن يشاركوا في المباراة اذا كانوا أعضاء في المنتدى أم لا؟
شكراً نخال كثير وفي هذا المجال العيساوي كفى ووفى أيضاً شكر للمدمر

السلام عليكم ورحمة الله وبركاته ..
اول اشي بالنسبة لراحت علي .. بجوز اه راحت علي ... شو نسوي .. ما الناش نصيب ..
ثاني اشي .. بالنسبة لادم ... المعلومة واصلتك بالعكس يا استاز .. ادم بكا ما بده يلعب عشان انا ما بدي العب .. مش العكس .. بس حكيت معه عشان هو يلعب .. ما ابكاش انا السبب في عدم لعبه ..
ثالث اشي وهو الاهم .. من ناحية احقية نعم .. لهم الحق الكامل بانهم يلعبوا ...
بس في اشي اسمه اولوية ... احنا من اول ما شكلنا فريق المنتدى .. حطينا انه الاولية في المشاركة في هذا الفريق هي للذين لا ينتسبون للفرق والاندية ... وبعدين في حال ما بكاش في عدد .. ساعتها بنشوف من اللي منتسبين للفرق ومسجلين في المنتدى ..
هذا بالنسبة للاولية ..
بحكيها بصراحة انا بكا اعتراضي على هالاشي ..
وبعدين اول مرة سوينا الفريك .. اللي لعبوا في بطولة منتديات العيساوية ... هم اول من لعب في الفريك ... بغض النظر عن مستوى اللعب .. بس اغلبهم الهم حق اولوية كبل كثير ناس .. لانه يومها .. كعدنا ندور دوارة على لعيبة .. حتى من الانية .. ما حداش رظى يلعب ... اذا بدك تحكيلي انهم كلهم بكوا مسجلين في الفرق وبكوا لاعبين طيب مش مشكلة ... بس بتذكر شغلة صارت يومها ... عادل عبيد .. طلبنا انه ييبكى معنا حارس .. بس انت ما رظيتش يا استاز لانه بكا مسجل في قوائم المسجد .. مع انه ما لعبش ولا لعبة وظل ع الاحتياط .. وانت حكيتلي اذا بدكم حدا بتكدروا توخذوا من المسجد ....
ومع هذا ما رظيتوش تخلوه يلعب معنا حارس .. واحنا بحاجة اله ..
في مباراة امبارح ... انا بعرف انه عماد حط التشكيلة وبكو منهم من اللي لعبوا هذيك المرة .. وبالصدفة بشوف التشكلة تغيرت بشكل كبير ..
شو اللي صار ما عرفتش .. بسال عماد . حكالي استاذ خضر حكالي اغير التشكيلة ..
وهذا الواضح من ردك عليه في الموضوع ..
طيب ليش يعني ؟؟
هل اللعيبة اللي بكو مش مناح مثلا .. حتى لو مش مناح.. الهم حق اولوية بكو ... وبعدين
بصراحة حسيت الشغلة فيها نوع من التسلط ...
(( استاز خلينا نحكي بصراحة ومن غير زعل .. ))
انت مدير النادي على عيني وراسي ومدرب كبير والك كل الاحترام .. وانت بتعرف كديش بحترمك .. وبصراحة بحسدك ع هالمخ اللي عندك ..
بس عندي سؤال .. شو العلاقة بين النادي وفريك المنتدى ... هل يعني المسؤولة مشتركة بينهن .. والمسؤولين هان مسؤولين غاد ؟؟ ..
بصراحة انا هيذ حاسس .. وبتمنى احساسي يبكى غلط ...
وان شاء الله ما تفهمني غلط .. وما تزعل مني ..
احترامي للجميع ..

[أ. خضر عبيد]

أبداً الله لا يجيب زعل لم أفهم قصدك يا خيال بأن المسؤولين هان وهان وهان شكلك نسيت انهم كلهم يعملوا لغرض واحد وهو سمعة البلد ورفع مستواها في كل المجالات
صدقني واسأل الجميع من عماد للعيساوي ولنخال ولكثير من الناس سمعوني بأنني قلت هذه الجملة أنا اليوم واحد مثلي مثلكم لاعب وجاي ألعب مثل باقي اللعيبه وأنت قرأت بأن يقوم كل من العيساوي وخيال البلد وعماد ونخال بتحضير لاعبين .
بالنسبة لتغيير اللاعبين اذا قرأت بمنتديات كوورة فلسطينية أسماء اللاعبين الخصم مع لاعبي التعزيز هذا هو السبب الوحيد للطلب من عماد بتغيير التشكيلة.
هذا من جهة من جهة أخرى أنا لا أعرف أن تسمية التعاون المثالي ما بين النادي والمنتدى كيف يحسب بحساباتك فيبدو أننا خطونا خطوة للأمام ورجعنا مئة خطوة للخلف وصدقاً من كل ما ذكرت فقط هذه الجملة الوحيدة المزعجة !!!!!!!!
وأخيراً اسمعها جيداً يا زيد أنا لا أحب أن أخسر مباراة

[محمد نخال]

برأي مثل هذه المواضيع لا أعتقد بأن مكانها المناسب في المنتدى !! ..

أقترح بأن نجتمع ونكوّن فريق ثابت للمنتدى ..

تحياتي

[صمت الليالي]

ميرسي يا نخال على الموضوع دا

ويعطيك الف عافي يا اخي


مبروووووووك الفوز ما تنسى شغلة في بالك يا واااااد


ههههههههههه

تحياتي محمد المصري

[صقر الأقصى]

والله يااا عمي الف الف مبروك لمنتدى العيساوي ومشكورررر خيي محمد نخال كثير الشكر على تعبك للموضوع

والله يا جماعه ولا بختم على الحكي ولا شي بس كل كلمه حكاها خيال البلد معو حق فيها انو يحكيها ومشكور يا خيي خيال البلد على كلامك

تحياتي اخوكم

صقر الأقصى

[&قاهر النساء&]

اول شي الف مبروك للشباب الي لعبو محلنا وتحياتي الهم
تاني شي
مزبوط يا استاذ خضر زي ما حكيت فوق انك بتحبش الخساره وكلنا بنحبهاش
بس الدنيا هيك ربح وخساره ولو انو لعيبت المنتدا لعبو وخسرو مش مشكله بتعلمو اما اذا ضلهم هيك عمرو ما رح يصير فريق للمنتدا عشان هيك النا حق دايمن نلعب عشان نصير نعرف نلعب ونتقدم مش نضلنا نتفرج

وانا بأيد اخي خيال البلد في كل كلمه حكاها
وبدي احكي لاستاذنا استاذ خضر انو ما الو حق يحط لعيبه النادي محل لعيبه المنتدا هذا حق النا احنا نلعب في المنتدا
وانت حكيت كلمه يا استاذ
حكيت تعاون مشترك
ليش التعاون مش من الطرفين ليش من طرف واحد بس وهو انو النادي يشترك مع المنتدا وليس المنتدا يشارك مع النادي
وانا بطلب من الاستاذ خضر انو ينظر في الموضوع
ويسوي فريق للمنتدا ثابت وانتا يا استاذ تكون انت تديرو زي مانتا بدير النادي وكلنا بنضل اولاد بلد وحده والسمعه الي بتيجي من الفوز بتيجي للجميع واولها الك يا استاذ لانو فش حد تعلم يلعب فطبول في العيساويه الا عايدك
اتمنا ما اكون غلطت في حق حدا
تحياتي
قاهر النساء

[أ. خضر عبيد]

لماذا من حق الفرق في المنتديات الاخرى يوجد لاعبين أندية ولا يقف الى هذا الحد بل يستدعوا لاعبين من أندية عريقة لتمثل منتداها وما في حد يعلق لماذا هذه النظرة فقط في العيسوية
عليكم الاهتمام بما يلي :
أولاً/ هذا شرف لمنتدانا أن نكون أعضاء به وهنا من حقنا أن نمثل فريقه وهذا الكلام لا يختلف عليه اثنان
ثانياً/همكم الوحيد هو أن تلعبوا وهذا غير سليم وليس صحيحاً ولو كان هذا الكلام صحيح فمن حق السيدات والصبابا المشاركين/الأعضاء في المنتدى اللعب في الفريق وكذلك من حق أبو كايد المشاركة بالفريق
ثالثاً / التعاون موجود من النادي وبشكل كبير مع المنتدى وهذا ليس مدار حديثنا
يبدو أنكم نسيتم نتيجة المباراة لصالح منتدانا وهذا كان يستدعي منكم الاحترام والتقدير للفريق الذي مثل منتدانا