05-07-2007, 05:43 PM
|
#21 | |
 
|
1_ نفهم انو الي بتحبها مش رح تكون الزوجة في المستقبل؟؟؟ انو حكى اني بحب ؟؟!! انا حكيت معجب بس مش بحب .. وبعين ليش ما تبكاش مرتي في المستقبل وحدة حبيتها ؟؟ كلشي ممكن وما راح يصير الا المكتوب .. 2_ بس انت مش مع المقولة الي بيحب بضحي؟؟؟؟ بلا .. اللي بحب حب مزبوط بضحي وهذا اشي اكيد .. 3_ عمرك فكرة بالانتحار؟؟ بصراحة اه .. بس ما فكرتش انفذ هالفكرة 4_ الي بنتحر بنظرك شو هو؟؟ اكبر غلط ... لانه دوام الحال من المحال 5_ أعظم شيء فقدته ؟ 4 مهور .. 6-وأعظم جرح دفنته ؟ خليه مدفون .. مش حابب اعاود اطوله 7- اسوأ خبر سمعته ؟ موت سيدي .. 8-ماذا يمثل لك الموت ؟ نهاية مؤكدة للجميع .. 9-دعوه صادقه من اعماق قلبك لمن تهديها ؟ لابن عمي .. لابو احمد ..  عمي العيساوي .. شكرا الك كثير على الحكي الحلو وان شاء الله يخليلنا اياك يا رب .. بعدين الله يسامحك انو بيزهك منك انت ؟؟ اه ؟؟ اله يخليك ويسعدك ويفرحك فييا 1- في الفترة الاخيرة صار في مشاركات وشكاوي كثير علشان المشاركات وعددها ...هل برأيك هذا اشي طبيعي وبيستاهل الشكوي؟؟؟وشو اسباب هالظاهرة ؟ بصراحة مع احترامي لجميع اللي بكاتلو على هالشغلات .. بحكيلهم هذا الحكي اللي انتو بتكاتلوا ليه كل عالفاضي لانه عمره ما بكا مقياس الشخص بعدد مشاركاته وانتو بتفكروا انه اللي عدد مشاركاته كثيرة هو العضو اللي ببكا متميز او اشي ... وان بحكيلكم هالحكي غلط وفش منه اشي .. اسباب هالظاهرة حسب رايي بجوز انه الجهل او حب الظهور امام الاخرين بطريقة يظنو انها صحيحة في الوقت الذي لم يسطيوا اثبات انفسهم بطريقة صحيحة 2- انت وينته اول مره وقعت فيها عن الحصان؟؟؟ مش ركبت على الحصان لا وقعت عنه؟ وشو حسيت ؟ والله زمااااااااااااان بجوز وانا عمري تكريبا 8 سنين .. بكيت انا وابوع وابن عمي كل واحد على حصان او فرس وانا بكيت على الفرس دلال وبكينا شركة عند مزرعة راظي وايامها بكت الفرس والدة جديد وبده ترجع لبنتها وما كدرتش اوكفها ووكعت عنها ع الصخر .. بصراحة انا ما حسيت بالخوف انه الفرس لما شردت يصير فيها اشي .. وكمت اطارد بدي الحكها .. ابوي سالني شو صارلك حكيتله ولا اشي الحك الفرس ووالله ولحكوها ..اطمنوا انها وصلت البلد بسلام .. رجعو حملوني وروحنا .. 3- شو شعورك لو صحيت يوم وملقيتش المنتدى؟ ولقيت رساله بتقول حبينا نعمل خير مع البلد بس كثر الشكاوى اجبرنا نقول خلص بكفي شو بدنا بوجع الراس؟ والله بنكهر كثييييييييييييييير بس في الاخر بقتنع انه معك حك من ورى هالشغلة لانه بصراحة كثير ناس من هالبلد ما بتستاهل الخير .. طبعا مش الكلبس في نسبة منيحة .. 4- شو بتتوقع من مباراة المنتديات مع جبل الزيتون؟ هل ستدخل جول ؟ هل تعتقد ان العيساوي لازم يجي ام الافضل لا؟ والله بصراحة انا بتوقع اننا نلعب لعب حلو ويبكى في روح رياضية في اللعبة .. وما بتوقع النتيجة .. بس اللي خايف منه اني انا ما اكدرش اجي لظروف خاصة .. بس راح اكاتل لاخر لحظة اني اجي .. اذا لعبت مش اكيد اجيب جول يعني الاحتمال 5% لاني بلعب دفاع .. وبعرفش شو بصير .. بالنسبة للعيساوي .. والله كل الفريك بستنى المباراة لحظة بلحظة حاببين يلعبوا مع العيساوي .. وبصراحة مجيئه ضروري جدا جدا وراح يعطي دفعة وهمة للشباب .. بنستناك في الملعب . 5- شو قصة خالك الصغير؟صحيح اذا بيزعلك بتسخه كف ولا اشاعات هالحكي؟ لا كصة ولا ما يحزنون ... انا لا اول واحد ولا اخر واحد عنده خال .. اللهم انه خالي اصغر مني والشغلة عادية .. وبحيله خالي عادي .. بس الكصة وما فيها هذاك اليوم بكيت كاعد انا والمدمر ونخال والا خالي مرك من كدامنة والا بحكيلهم هذ خالي يا شاب مسدكوش وصاروا بدهم ينكشوا المهم .. اجا المدمر هان وصار يتشاطر في الاسئلة مع انه عارف جواب السؤال 100% .. بس شو بدنا نسوي .. سوسة 6- وبعدين شو صار بالمقابلات مع شخصيات البلد؟ هل سنرى مقابلات جديدة ؟ وبعرف ان في مقابلة جاهزة هل سنراها قريبا؟ المقابلات .. والله في مقابلة جاهزة من قبل شهر تكريبا . بس عشان التوجيهي ما كدرتش انزلها واخوي ادم مضغوط في شغله والله .. بس هلكيت لازم تنزل .. ان شاء الله خلال الاسبوع هذا بتزل .. وبدنا نسوي المقبلة البعدها عن قريب ان شاء الله ... يا حياك الله اختي براءة .. والله المنتدى منور بوجودك ووجود الاعضاء .. 1. كيف علاقتك مع البنوتات ؟؟ واله سؤال محرج ومش عارف كيف بدي اجاوب عليه .. لانه بصراحة هن من طريك وانا من طريك وما بحكي معهن الا في المناسبات .. حتى بنات صفي اللي الهن 13 سنة في صفي ما حكيت معهن الا في التوجيهي ومش هذا الحكي .. كثير بكيت اتجنبهن .. لاني بصراحة بستحي ومش متعود احكي معهن ...بس مرات اذا احكيت بحكي ع الماسنجر لانه فش لا صوت ولا ارباك ولا ما يحزنون .. 2. بتحب تنكش راسك على العالم؟ ومين اكتر واحد بتحب تنكش عليه؟ اه بحب انكش .. اللي بلاكيه رايك للنكش بنكش عليه .. 3. شو اخر موقف احرجك ؟؟ ناسي والله بس اكيد بكا موقف فيه بنت .. !! 4. شو طبختك المفضلة ؟؟ انا بكره الصحن الفاضي .. بوكل كل اشي .. واكثر اشي بحبه الكرشات اللي بتطبخهن امي وبتزبطهن .. 5. قلتلنا انو نوع عطرك لاكوست وتومي .. "يا عمي واقع ع تقيل الزلمة".. المهم يعني بفهم من كلامك انك زلمة شيك واشي اشي؟؟ زي ما كلتي .. المفضل .. يعني مش اللي كل يوم برشه .. هلكيت في كثير شغلات مفضلة عن الواحد بس يا هل ترى انه بسويهن كلهن .. اكيد لا .. وكذلك الامر بالنسبة للعطر ... يعني مش شرط تفهمي اني شيك ومش عارف شو .. بالعكس كثيييييييير مرات ببكا بمنظري زي اللي شايفين شوفة ومرعوبين .. انا داري .. خليها ع الله .. بس اكيد اخرى بحاول كثير اهتم بمنظهري وبدير بالي عليه كد ما بكدر 6. ايمتى اخر مرة مرضت؟ الحمد لله بجوز صارلي كثر من 3 اشهر 7. ليش سنة التوجيهي كانت احلى سنة في حياتك؟؟ اكيد صاير فيها اشي مميز .. بصراحة لانها احلى ايام حياتي كظيتها فيهن .. لانها هي السنة اللي حسيت فيها بمعنى الاصحاب واللحظات الحلوة اللي ما بتنتسى .. ولانها فيها بكا اكثر اشي في تفاعل بالحياة مع الاصحاب واخر طلب الي ازا ممكن.... ازا بطلب منك تعمل مقابلة مع شخص مهم صعب انا اعملها لاني بنت.. ممكن تساعدني؟ بصراحة اذا الطلب بكدر عليه .. اكيد بسويه من غير اي مشكلة .. بالعكس بكل سرور .. حياك الله .. طيب يا عمي حكك علي يا امر الحب .. متاسفين اذا زعلت .. بس بكاش كصدي اشي ..بس مزحة اهلا وسهلا وميت مرحبا باخونا دعاء الكروان .. 1..اي النقاشات تحب الفكريه...السياسيه...الاجتماعيه..لخ ؟؟؟؟؟ اي نقاش بشكل عام وببكا افهم فيه طبعا .. 2..اي الاساليب التي تحب استعماله بالحياه؟؟؟؟؟ اسلوب التفاهم بالرواكة .. 3..ما هي حكمتك المفضله والتي تعمل بها؟؟؟؟؟ ذا بدي احكيلكم حكمة واني ماشي عليها ..بجوز يبكا في بالحكي اشي من الكذب .. والحكم كثير ومرات بحاول اطبك اشي منها في ظرف معين .. 4..من هي الشخصيه القياديه التي تقتدي بها ان كانت من عصرنا او مما سبقونا؟؟؟؟؟ بصراحة لا اقتدي باحد ..بس في كثير شخصيات معجب فيها وبحبها .. وبجوز اهمها شخصية سيدنا محمد صلى الله عليه وسلم 4..ما هي المواقف التي تؤثر عليك او تتاثر بها وتلامس مشاعرك بحق؟؟؟؟؟ مشاعر الفرحة بالنجاح 5..من هي الشخصيه التي تؤثر على شخصيتك وتكون مسلوب الاراده امامها؟؟؟؟؟ ابوي .. اذا بدي اناقشه مرات بحكيلي انو شو بحكي ؟؟ 6..اسمك الشخصي هل انت راض عنه ام كنت ترغب ان تسمى باسم اخر وما هو هذا الاسم؟؟؟؟؟ اه كل الرضا .. ناصر دين الله .. شرفت الموضوع بقدومك .. هناك بعض الأسئلة تدور في ذهني، ولك هي: 1) بعد أن أنجزت هذا العام من الدراسة والجد والسهر والتعب، هل من هدف تتمنى إنجازه بعد التخرج والزواج ؟؟ بعد الزواج .. بناء عائلة محترمة ومتعلمة وفهمانة ان شاء الله .. 2) هل من نصيحة تقدمها لمن هم مقبلين على هذه المرحلة، ولا سيما هناك عدد كبير من الأعضاء سيقبلون عليها بعد عام أو عامين ؟؟ اقول لهم .. اقبلوا عليها بحب وتبكا الدوافع من ذاتكم ودراستكم نابعة منكم ومش حدا يغصبكم عليها .. 3) لا بد أنك قرأت كتاباً أو أكثر، ما هو أكثر كتاب نال إعجابك، وما هي الفكرة الرئيسية التي تحدث عنها الكتاب ؟؟ بقرا كتب بين فترة وفترة بس بصراحة بتذكرش منها اشي ..بس الكتاب الوحيد الي اكيد ما بنساه هو كتاب الله .. 5) ما هي نظرتك لكل من ( الثوابت، التنازلات، الالتزام، الخيانة، الوفاء، الظلم ) ؟؟ الثوابت : شيء يجب الالتزام به وعدم التنازل عنه الالتزام :هو مصطلح في علم الادب وهو ان يلتزم الاديب بقضايا وطنه وشعبه ويبين رايه فيها ويبين اماله للمستقبل واعتقدن انه للكل وليس فقط للادباء 6) كلمة تريد أن تقدمها لأحد المسؤولين، سواء في السياسة، أو في التربية، أو في مجالات أخرى ؟؟ لكل مسؤول ..اعلم انك ستاحسب عن المسؤول عنه يوم القايبة فراقب اعمالك .. 7) ماذا يعني لك المسجد الأقصى، وما واجبنا تجاهه ونحن نسكن بالقرب منه، وهناك من يتمنى أن يصلي صلاة واحدة في المسجد الأقصى ؟؟ المسجد الاقصى الكل يعلم مكانته واهميته .. اقل واجب يمكننا ان نقوم به هو الدوام على الصلاة فيه .. وهذا نعمة كبيرة من الله يجب ان نستغلها قدر الاماكن وتقبلوا فائق الاحترام .. واسف ع التاخير .. لانه الكمبيوتر عندي سخناااااان .. |
|
|
|
05-07-2007, 06:38 PM
|
#22 | |
|
مشرف قسم الكشافة
|
ههههههههههههههههههههههههههههه |
|
|
|
|
07-07-2007, 03:13 PM
|
#23 | |
|
وليش يعني ما اوخذش بحالي مقلب .. يا عمي خذ بحالك مقلب وما حداش بحكي معك .. وانت لليش زعلان ؟؟ من قلة ما يصحلك يا صبي .. احلى ابو عطا بده تطبيش .. هههههه |
|
|
|
|
08-07-2007, 11:14 AM
|
#24 | |
|
مشرفة قسم العيساوي العام واخبار محلية وعالمية
 
|
مرحباا بعد كيفك وشو اخبارك .. استعد انطلق 1: كيف تعرفت ع المنتدى ؟ 2: اغنيتك المفضله ؟ 3: القناه المفضله ؟ 4: الاكله المفضله ؟ 5:البرامج المفضله ؟ 6: كيف خطر في بالك اسم خيال البلد ؟ 7: شو حابب تدرس ادبي ولا علمي ؟ 8: شو النسبه المئويه الي متوقع تجيبها بالتوجيهي ؟ 9: ما هي مواصفات فتاه احلامك ؟ 10: مين العضو الي بتحسو بيفهمك ؟ 11:مين العضو الي بتحسو بدو يسرق اسمك ؟ 12: لو خيروك الاشراف على احد الاقسام فأي قسم تختار ؟ جاوب عليهم برجعلك المرة الجايه خلصهم وخد كاسة مي تحياتي ,, |
|
|
|
|
08-07-2007, 11:39 AM
|
#25 | |
|
بعد الحمد لله ونشكر الله وكل اشي تمام خليني اجاوب ع الاسئلة . 1: كيف تعرفت ع المنتدى ؟ انا تعرفت ع المنتدى بالصدفة والله .. مرة دخلت ع الدار وبكا الكمبيوتر مفتوح .. كعدت عليه والا هو مفتوح على الصفحة الرئيسية للمنتديات وكرات منتديات العيساوية .. بالاول انا ما سدكتش وفكرته عيساوية ثانية مش احنا .. بس بعد ما كعدت وتصفحت وكل اشي اتاكدت انه النا وانبستط كثير .. واللي باكي فاتح الصفحة هو اخوي بس بعرفش من وين جاب العنوان ... 2: اغنيتك المفضله ؟ الاغاني الوطنية بشكل عام .. وبحب اغنية فلسطينيين 3: القناه المفضله ؟ كعدت فترة اتابع الجزيرة الرياضية بس لما شفرو الدوري الاسباني بطلت اكعد ع التلفزيون الا كل سنة مرة .. او اذا بكو اخوتي متابعين مسلسل معين مرات بحضر مع ... 4: الاكله المفضله ؟ مع اني جاوبته بس يللا مش مشكلة .... انا حكيت انه الطايح رايح بالنسبة الي .. يعني بكرهش الا الصحن الفاضي ... واكثر اشي بحبه الكرشات 5:البرامج المفضله ؟ ع الكمبيوتر كصدك والا ع التلفزيون ؟؟ اذا ع الكمبيوتر فهي برامج تصميم الصور وهيذ شغلات ... اما ع التلفزيون فمثل ما حكيتلك بطلت اتابع اشي 6: كيف خطر في بالك اسم خيال البلد ؟ اول ما سجلت سجلت باسم isawi بس ما زبطش معي يومها .. فعاودت فكرت باسم يربطني بالبلد وهوايتي المفضلة اللي هي ركوب الخيل .. من يومها حطيت خيّال البلد 7: شو حابب تدرس ادبي ولا علمي ؟ انا خلصت توجيهي علمي .. وان شاء الله ناوي ادرس هندسة 8: شو النسبه المئويه الي متوقع تجيبها بالتوجيهي ؟ اذا الله وفكني بجيب فوك ال 58% 9: ما هي مواصفات فتاه احلامك ؟ حكيت انها تبكى تلبس المنديل والجلباب واذا بتلبسش الجلباب لازم تلبسه وتبكى على خلق ودين وفهمانة ما يبكاش مخها ناشف وتبكى حلوة طبعا ومن هالقبيل 10: مين العضو الي بتحسو بيفهمك ؟ العيساوي وادم وفري جاي واختي حمدانية 11:مين العضو الي بتحسو بدو يسرق اسمك ؟ ما اظنش في حد .. مش هالاسم اللي يسركوه 12: لو خيروك الاشراف على احد الاقسام فأي قسم تختار ؟ القسم اللي انا عليه .. اخبار البلد وشكرا الك اختي ع الاسئلة وحياكم الله جميعا |
|
|
|
|
08-07-2007, 11:40 AM
|
#26 |
|
نائب مدير التقني
|
السلام عليكم ورحمة الله وبركاته أول اشي: كيف حالك ثاني اشي: شو أخبارك ثالث اشي: شو اكثر اشي بتحب تعمله في الكمبيوتر رابع اشي: شو اكثر موقع بتحبه في النت خامس اشي: شو بتتمنى للي بسألوك أسئلة كثير سادس اشي أنا زهقت من الأسئلة وبكفي هذول والسلام عليكم ورحمة الله وبركاته |
|
|
|
08-07-2007, 06:51 PM
|
#27 | |
|
مشرف الترحيب
|
مرحباا اخي خيال البلد ازيك ايه اخبارك .. 1: بعد المرحلة الثانوية اي التوجيهي مفكر انك تكمل تعليمك الى الجامعات ؟ 2: هل تحب لعبة كرة القدم واذا كنت تحب ان تلعب الكرة اين تحب ان يكون موقعك بالعب ؟ 3: ماذا تريد انا تكون في المستقبل ؟ 4: هل فكرة ان تتعلم خارج بلدك ؟ 5:هل عمرك فكرت ان تحب فتاة ؟ 6: ما هو اكتر حاجة تحبها في المنتدى ؟ 7: من هم المشرفين المحبوبين من اتجاهك ؟ 8:مين العضو او المشرف الي بتحبو زي اخوك بعرف انهم كلهم زي اخواتك بس انا عاوز واد هيك اي بتأمنه اسرارك ومثل الحاجات دي ؟ 9: لو خيروك ان تختار مشرف لكي يستلم من بعدك االاقسام مين بتختار ؟ 10: ايه رائيك بيا انا ؟؟ وشكرا تحياتي ,, محمد المصري |
|
|
|
|
09-07-2007, 02:08 AM
|
#28 | |
|
وعليكم السلام ورحمة الله وبركاته عليك وعلى كل اهلك .. منيح هيذ ؟؟ أول اشي: كيف حالك الحمد لله بخير بدي سلامتك وسلامة اقصانا الاسير ثاني اشي: شو أخبارك الاخبار بتلاكيها على الجزيرة الاخبارية او على السي ان ان او في الجرايد اذا بدك غاد تلاكي كل الاخبار .. ثالث اشي: شو اكثر اشي بتحب تعمله في الكمبيوتر اصمم صور .. بس للاسف زمااااان ما جربت اصور وانا لسا مبتدئ في هالشغلات رابع اشي: شو اكثر موقع بتحبه في النت من غير لف ودوران ومن غير وجهنة .. هو منتديات العيساوية خامس اشي: شو بتتمنى للي بسألوك أسئلة كثير ما بتمنالهم الا كل خير .. ويظلوا يسالو اكثر واكثر سادس اشي أنا زهقت من الأسئلة وبكفي هذول بس انا ما زهتكش لسا ...  اخوي محمد المصري 100 مرحبا .. شرفت الموضوع باطلالتك ... انا بخير من الله .. 1: بعد المرحلة الثانوية اي التوجيهي مفكر انك تكمل تعليمك الى الجامعات ؟ اه ان شاء الله .. 2: هل تحب لعبة كرة القدم واذا كنت تحب ان تلعب الكرة اين تحب ان يكون موقعك بالعب ؟ اه بحبها .. وبحب العب وسط .. بس بالعادة بلعب دفاع .. 3: ماذا تريد انا تكون في المستقبل ؟ مهندس !! 4: هل فكرة ان تتعلم خارج بلدك ؟ من ناحية فكرت اه فكرت .. بس بعد التفكير قررت انه لا 5:هل عمرك فكرت ان تحب فتاة ؟ من ناحية فكرت اه والله فكرت .. بس بعد التفكير انا مش عارف هو انا حبيت والا لا .. والاغلب لا .. 6: ما هو اكتر حاجة تحبها في المنتدى ؟ بعد الاعضاء . الاقسام الخاصة بالعيساوية 7: من هم المشرفين المحبوبين من اتجاهك ؟ كلهم .. دون استثناء .. 8:مين العضو او المشرف الي بتحبو زي اخوك بعرف انهم كلهم زي اخواتك بس انا عاوز واد هيك اي بتأمنه اسرارك ومثل الحاجات دي ؟ adm 9: لو خيروك ان تختار مشرف لكي يستلم من بعدك االاقسام مين بتختار ؟ free guy 10: ايه رائيك بيا انا ؟؟ بصراحة من غير لف ودوران ومن غير زعل ونظل كشطة على عسل .. انا ما انتبهت عليك الا من اكم يوم وجاي والله .. وما شفت منك الا كل خير .. الله يوفكك ويخليك .. وفي الختام من الله السلام .. |
|
|
|
|
12-07-2007, 02:20 PM
|
#29 | |
|
مشرفة سابقة
|
1- لماذا اخترت منتدى العيساوية بالذات دون المنتديات الأخرى ؟ 2- هل انت عضو في منتدى آخر ؟ 3- ما الذي وجدته في منتدى العيساوية ؟ 4 - ما هي المواضيع التي تتفاعل معها ؟ 5 - ما الموضوع الذي قرأته وعجبك ؟ 6 - ما الموضوع الذي قرأته وتتمنى لو أنك أنت كاتبه ؟ 7 - كم من الوقت تأخذ أمام الكمبيوتر تتصفح منتدى العيساوية ؟ 8_اكثر الاعضاء تميزاً في نظرك؟ 9_ اوصف مشرفين ومشرفات المنتدى في اكم من كلمة وازا بتحب توصفهم فردا فردا بنكون ممنونينك 10_سؤال بيدور في ذهنك حابب توجه لعضو من الاعضاء وفي النهاية هل انت مبسوط في حياتك ؟ سلامات |
|
|
|
|
13-07-2007, 05:28 AM
|
#30 | |
|
1- لماذا اخترت منتدى العيساوية بالذات دون المنتديات الأخرى ؟ بكل بساطة لاني عيساوي .. 2- هل انت عضو في منتدى آخر ؟ كثير منتديات سجلت فيهن بس بتابعهنش ... يعني بجوز اكعد في المنتدى اسبوعين او ثلاثة او شهر بعدين انساه .. ومرات برجعله بعد فترة طويلة .. 3- ما الذي وجدته في منتدى العيساوية ؟ الاقسام الخاصة بالعيساوية اللي ما بلاكيهن في اي منتدى ثاني .. اما باكي الاشياء موجودة في كل المنتديات 4 - ما هي المواضيع التي تتفاعل معها ؟ المواضيع التي تتعلق بالقرية .. وبعض المواضيع الاخرى 5 - ما الموضوع الذي قرأته وعجبك ؟ كثير مواضيع .. بس والله ناسي هلكيت مش متذكر اشي .. 6 - ما الموضوع الذي قرأته وتتمنى لو أنك أنت كاتبه ؟ موضوع اللي بكا فيه اخبار بطولة منتديات العيساوية .. وكذلك موضوع اللي بكى فيه اخبار بطولة فيصل الحسيني .. 7 - كم من الوقت تأخذ أمام الكمبيوتر تتصفح منتدى العيساوية ؟ كد ما في مجال بكعد .. مرات بوصل 6 او 7 ساعات متواصلة والله .. 8_اكثر الاعضاء تميزاً في نظرك؟ في كل قسم في ناس مميزين في ذلك القسم .. مثلا في الرياضة في العيساوية .. نخال وعماد .. المدمر في الفرفشة .. ناصر دين الله وذات النطاقين في الاسلامي .. وفي كثير ناس .. 9_ اوصف مشرفين ومشرفات المنتدى في اكم من كلمة وازا بتحب توصفهم فردا فردا بنكون ممنونينك كثار فردا فردا .. اما بجوز لو برودة برودة اهون .. بصراحة مشرفين المنتدى .. همهم كبير انه المنتدى برتقي وانا متاكد كل واحد فيهم ببذل اقصى جهوده للمحافظة على مستوى المنتدى وتطوبره 10_سؤال بيدور في ذهنك حابب توجه لعضو من الاعضاء وفي النهاية هل انت مبسوط في حياتك ؟ حاليا فش اسئلة .. وانا بشكل عام مبسوط في حياتي والحمد لله ... |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
