ارجو المساعدة

[الفراشة]

مسى الخير كيفكم في عندي مشكلو كبيرة بالجهاز عندي الي هيا اول شي كل ما بدي اجي احمل اي اشي ما بينفع عندي وكمان صفحة ويندوز ابديت ما بتفتح عندي بتيجي صفحة فاضية وكمان حسابات المستخدمين صفحة بيضة ما فيها اشي وكل ما بدي ابعت تعليق او افتح تعليق ما بيفتح عندي مش عارفة شو المشكلة ومش عارفة ارجع حسابات المستخدمين ولا اعمل اي اشي بالجهاز ويا ترى ازا اشتريت سي دي ويندوز جديد بيزبط عندي او لأيا ريت يلي بيعرف يرد عليا بأسرع وقت لانو مش عارفة استعمل الجهاز من مرة ولكم جزيل الشكر اختكم الفراشة

[أبوالنون]

بسم الله الرحمن الرحيم
السلام عليكم و رحمة الله و بركاته

هل يوجد لديك ِ في الجهاز مضاد فايروسات ؟
إن كان لديك ِ فيجب تشغيله لعمل معاينة شاملة للكشف إذا ما كان هناك فايروسات
وإن لم يكن فيجب وضع احد برامج مضادات الفايروسات

تأكدي أيضا ً أن الجهاز ليس حارا ً كثيرا ً فالحرارة تشوّش على عمله و ذلك بسبب طول استخدام الجهاز أحيانا ً أو موقعه أو غبار متراكمة
ممكن أيضا ً أن يكون سبب ما قلته هو اختلاط المعلومات و في تلك الحالة يفيد عمل إعادة التجزئة و الذي يرتب المواضيع في الجهاز !
و هناك برنامج ccleaner لتنظيف الجهاز من فضلات الانترنت و هو مهم جدا ً

هذه بعض الاقتراحات و الاحتمالات الممكنة

اللهم صل ِ و سلـّم و بارك على الحبيب سيدنا محمد
و على آله و أصحابه أجمعين

[الفراشة]

يسعد صباحك اخي ابو النون الاقترحات الي كتبتها تقريبا عملتها كلها بس المشكلة عندي انو انا عملت تغير لاسم المستخدم وبعدين اجيت بدي ارجع للاسم القديم ما عرفت لانو دخلت على الحسابات وما لقيت اي اشي يعني صفحة بيضة فتحت عندي وكمان بالنسبة لاستعادة النظام كمان نفس الشي بتفتح عندي صفحة بيضة راح يجنني هالكمبيوتر مش عارفة اعمل اي اشي وكمان كنت لما بدي افوت اي موقع متلا موقع بانيت او موقع العرب افوت على موضوع يكونو كل الردود والتعليقات موجودة وكمان لما بدي ابعت يبعت عادي هلأ لا موجود ردود ولا تعليقات ولا حتى اني انا ابعت ولا اشي وكمان شغلة صفحة الرسائل بالهوت ميل ما بتفتح كمان نفس الشي صفحة بيضة وبس مش عارفة ايش المشكلة وكمان مش عارفة ارجع حسابات المستخدمين الي كانت عندي ولا اعمل استعادة للنظام ولا اي اشي مشكور اخي ابو النون على ردك وازا بتعرف كيف اعمل وارجع للنظام السابق الك كل الاحترام والمودةاختك الفراشة

[yone]

السلام عليكم

اختي الكريمه المشكله انو هيك صعب نحدد شو صاير لجهازك لانه انتي ما عم توضحي شو صاير معك بالزبط بس حسب ما فهمت جهازك والويندوز يلي عندك مش نسخه اصليه من شان هيك اكيد الحل بالفورمات مع حفظ اي ملفات مهمه الك هادا خياري انا طبعا في كتير خيارات تانيه بس صعب تتنفذ بالشرح
واي مساعده احنا بالخدامه وحياكم الله

[سفير الأقصى]

انا بحكي نظفي الجهاز لانو بيكون في اوساخ او يعني بدو فرمتة من اول وجديد



تحياتي : سفير المحبة

[الفراشة]

المشاركة الأصلية كتبت بواسطة yone

السلام عليكم

اختي الكريمه المشكله انو هيك صعب نحدد شو صاير لجهازك لانه انتي ما عم توضحي شو صاير معك بالزبط بس حسب ما فهمت جهازك والويندوز يلي عندك مش نسخه اصليه من شان هيك اكيد الحل بالفورمات مع حفظ اي ملفات مهمه الك هادا خياري انا طبعا في كتير خيارات تانيه بس صعب تتنفذ بالشرح
واي مساعده احنا بالخدامه وحياكم الله

مسى الخير اخي yoneبالنسبة للويندوز عندي اصلي لاني اتأكدت انو اصلي وبالنسبة للمشكلة انو حسابات المستخدمين مش قابلة تفتح عندي يعني لما اروح على حسابات المستخدمين بتفتح الصفحة عادي بس بتكون فاضية ما فيها اشي ومش عارفة كيف ارجع جهازي لوضعو القديم لانو كمان لما اروح افتح استعادة النظام نفس الشي بتفتح الصفحة عادي بس بتكون فاضية ان شاء الله تكون فهمت قصديمشكور خيوو اختك الفراشة

[الفراشة]

المشاركة الأصلية كتبت بواسطة سفير المحبة

انا بحكي نظفي الجهاز لانو بيكون في اوساخ او يعني بدو فرمتة من اول وجديد



تحياتي : سفير المحبة

يسعد مساك اخي سفير المحبة بالنسبة لفرمته الجهاز عملتلو فرمته جديدة قبل شهر بس المشكلة متل ما كتبت بالرد السابقشكرا كتيرر خيووواختك الفراشة

[yone]

اختي الكريمه جربتي استعادة النظام بالوضع الامن يعني safe mode يعني حاولي تعملي استعادة في الوضع الامن ومنشوف شو بيصير اذا ما نفع منعمل كمان شغله ومنحلها ان شاء الله

[الفراشة]

المشاركة الأصلية كتبت بواسطة yone

اختي الكريمه جربتي استعادة النظام بالوضع الامن يعني safe mode يعني حاولي تعملي استعادة في الوضع الامن ومنشوف شو بيصير اذا ما نفع منعمل كمان شغله ومنحلها ان شاء الله

مسى الخيرشكلي راح اغلبكم معي اخي yoneدخلت بالوضع الامن وجربت كل اشي بس المشكلة متل ما حكيت انو صفحة استعادة النظام بتفتح عندي صفحة فاضية ما فيها ولا اي اشي حاولت اعمل كل اشي وارجع النظام متل ما كان بس على الفاضي مرسي كتير الكم واتحملوني اختكم الفراشة

[محمد هيثم]

أختي الكريمه
ريحي راسك ... وأعملي فورمات
مش مشكله لو كان عاملتيلو فورمات قبل شهرين ما بأثر على الجهاز
قومي بنسخ ملفاتك في القرص (دي) لحفظ البيانات
وتوكلي على الله بعد التسميه والاستعاذه ومبارك عليكي الفورمات الجديد

هذا رأيي لاختصار التجارب وكسب الوقت

تقبلي مروري... محمد هيثم