17-07-2009, 04:02 PM
|
#21 | |
 
|
شو هالاسئلة المهم على العافية محمد ( وشكرا على تقييمك الي ) المهم س1- محمود داري طلب جامعي كيف بتوفق بين الكلية و التمارين والمباريات س2- مركزك المفضل شو هو س3- رسالة بتوجهها للناشئين بشكل عام شو هي س4- شو احلى مباراة بحياتك و ازنخ مباراة بحياتك س5- انو احلى جول بحياتك |
|
|
|
17-07-2009, 05:57 PM
|
#22 | |
|
رئيسة القسم الثقافي
|
السلام عليكم ورحمة الله وبركاته big boss انا أرجعتلك ومعي كمشه صغيره من الاسئله يلا انبلش مستعد يلا انو نادي الاكثر شعبيه الك ؟ انو نادي الذي يبهرك بأدائه داخل الملعب ؟ مين هو ناديك المفضل ؟ مين هو اللاعب الي بجبرك انك تحضر العبه اول باول (مباريات الي بتصير على التلفزيون) ؟ هل تعتقد ان نادي العيساوية افضل نادي على مستوى محافظة القدس ؟ وان لم يكن أفضل نادي بصراحة وموضوعية وبدون تحبز : أيهما أفضل العيساوية أم هلال القدس؟ لو لم تكن تلعب مع نادي العيساوية مع من كنت تفضل اللعب ؟ ما هي الاشيــــاء التي تحبها في فريقنا ( العيسوية ؟ ايش رئيك بالأستاذ خضر عبيد كمدير للنادي ؟ رئيك بـ باسل محمود و وسام عبيد من ناحيه التدريب وفي أي عهد كانت الانتصارات اكثر ؟ من لديه القدرة من فريق الناشئين على الاختراق بكل سهولة لكل من المدافعين : أ- حسن عليان ب- شادي عليان ج- غسان ابو الحمص د- احمد عسو بخصوص المدربين: من افضل مدرب تعاملت معه؟ من هوالمدرب الذي قدّم لك معلومة أو اضافه؟ وماذا تعني لك الفرق التاليه؟ 1 نادي العيساوية 2 هلال القدس 3 سلوان 4 انصار القدس 5 بيت صفافا بحكم ان كره القدم هي الرياضه الأم فا شو فريقك العالمي ومنتخبك ونجمك المفضل بكره القدم ؟ ليش الكل بعشق رياضه كره القدم ؟ شو السر الي فيها ؟ ليش بحس الجميع بتفاعل وحماس للعبه ؟ ليش برئيك هاي العبه دايما تحت محط انظار واهتمام من الجميع ؟ واخيراً ما هو رائيك بالقسم الرياضي من حيث الاعضاء المشرفين اختيار الردود اختيار المواضيع اشياء مصر تكون موجوده بالقسم الرياضي ومش موجوده؟ بس ما اكون طولت عليك بالاسئله ملاحظه لي رجعه بأذن الله بس الاسئله راح تكون مش هيك الي بدي احطها راح تكوت بقواعد اللعبه وهيك يعني ههه حضر حالك يعني زي هيك راح يكونو الاسئله خود فكره هل يمكن تسجيل هدف من ركلة البداية وفي نفس مرمى المنفذ؟ اثناء اداء ركلة المرمى الثابتة قام حارس المرمى وركل الكرة في مرماه غضبأ؟ هيك راح يكونو اسئلتي المره الجاي مممممم حضر حالك تحياتي |
|
|
|
|
17-07-2009, 06:09 PM
|
#23 | |
|
مشرف قضيتنا وقسم هل تعلم
|
محمود داري أهلاً بك ضيفاً عزيزاً وحياك الله من تتوقع أن يفوز بكأس العالم 2010 في جنوب أفريقيا ؟ من هو لاعبك المفضل على الصعيد المحلي ؟ لو أصبحت لاعباً عالمياً ومشهوراً أي الأندية تختار اللعب فيها ؟ رأيك : خضر عبيد ومحمد نخال لاعب الناشئين وثائر محمود لاعب نادي العيساوية ويعطيك العافية ونتمنى لك التوفيق وكل الشكر للمبدعة والمتألقة دائماً هداية على الموضوع الجميل ويعطيها العافية |
|
|
|
|
17-07-2009, 08:20 PM
|
#24 | |
|
عيساوي جدع
|
س1- محمود داري طالب جامعي كيف بتوفق بين الكلية و التمارين والمباريات الكليه دوامها نفس دوام المدرسه يعني اكتر يوم بوصل فيه على الدار بيكون الساعه 3 وما في اي مشكله بين تعليمي والرياضه س2- مركزك المفضل شو هو ما في مركز مفضل الي بس حسن الفريق الخصم كيف مدافعه بيكون ازا كان الكشاش مش نافع اكيد بختار العب مهاجم اما ازا المدافع الي بيكون بالطرف مش نافع رح اختار الجناح ولو كانو التنين اقوياء مش رح تفرق معاي لاني لاعب مهاري شوي وبتكتك على اتخن مدافع يعني ما تخاف علي س3- رسالة بتوجهها للناشئين بشكل عام شو هي يا ريت يلتزمو بالتمارين والمباريات وما يشوفو حالهم على المدرب لانه حاتط ثقته فيهم وبده يطلعكم للاول وانتو ما بدكم هاد الاشي برجع لمصلحتكم فا يا ريت تلتزمو اكتر مع المدرب وهو بحبكم س4- شو احلى مباراة بحياتك و ازنخ مباراة بحياتك ازنخ مباراه كانت ضد الموظفين وكان في كتير جمهور واداريه وانا كنت متردد وما بعرف ايش صارلي بالمباراه واحلى مباراه تقريبا كلهم حلوات وبلشو يحلوو اكتر واكتر بعد ما ارتفع مستواي عن قبل س5- انو احلى جول بحياتك كان ضد فريق الانصار من تسديده قويه وانا كيفت كتير لانه كان هدف ومن زماااااااان ما جبت هدف ومشان هيك انا كيفت وشكرا الك يا خضر على الاسئله |
|
|
|
|
17-07-2009, 08:51 PM
|
#25 | |
|
عيساوي جدع
|
 مرحباشكرا الك هدايه صاحبه الموضوع على الاسئله ومن جهت الاسئله التانيه عن قواعد اللعبه فا اسئلي ما تخافي لاني رح احصل على شهادت المدرب بشهر 8 السنه هاي انا حصلت على شهادت تدريب للصغار وانا هلقيت بدرب انو نادي الاكثر شعبيه الك ؟ تقريبا كلهم نفس الاشي ازا بتحكي عن النوادي والفرق المقدسيه لانهم كلهم خصومي وما بحب اتحيز واحب اي فريق غير فريقي اما بالنسبه للعالميه انا بحب ريال مدريد الاسباني اما العربيه فريق الزمالك المصري انو نادي الذي يبهرك بأدائه داخل الملعب ؟ كمان ما حددتي عالمي او على مستوى القرى هلال القدس بعجبني اداءه مين هو ناديك المفضل ؟ اكيد العيساويه لاني ربيت فيه مين هو اللاعب الي بجبرك انك تحضر العبه اول باول (مباريات الي بتصير على التلفزيون) ؟ زيد الدين زيدان على مستوى عالمي اما بمباريات العرب للاسف ما بحضرلهم هل تعتقد ان نادي العيساوية افضل نادي على مستوى محافظة القدس ؟ صعب يضله فريق بالقمه بس فريق العيساويه كان افضل نادي على مستوى محافظه القدس مع انه ما فاز ببطوله المحافظات بس هليقت لا مش هو افضل نادي وان لم يكن أفضل نادي بصراحة وموضوعية وبدون تحبز : أيهما أفضل العيساوية أم هلال القدس؟ هههه سؤال محيير بس كل واحد بعتقد اشي بس انا رح احكيها انه هلال القدس افضل من العيساويه لعدت اسباب اولها ولا واحد برفع صوته مع المدرب كلهم بيجو عل تمارين وبيكون الاحتياط زي الاساسي مش مشكله عنده ازا لعب او لا اما عنا العكس للاسف لو لم تكن تلعب مع نادي العيساوية مع من كنت تفضل اللعب ؟ بفضل فريق سلوان ما هي الاشيــــاء التي تحبها في فريقنا ( العيسوية ؟ ممم كلنا زي الاخوه بس في مرات بيكونو الشباب مش طايقين بعض وبحب بالفريق انهم كلهم عندهم روح المرح يعني ازا طلعنا بالباص مشان روح نلعب بمحل بعيد طول المسافه بيكونو يضحكو مش اسكت وانخم وطوش ايش رئيك بالأستاذ خضر عبيد كمدير للنادي ؟ الاستاذ خضر كل الاحترام اله ولولاته كان فريق العيساويه ما وصل للدرجه اولى ب رئيك بـ باسل محمود و وسام عبيد من ناحيه التدريب وفي أي عهد كانت الانتصارات اكثر ؟ انا ارتحت لوسام عبيد وحكيت من قبل انا ما ادربت كتير مع باسل بس كانو يحكو انه كتير منيح اما انا ما اعجبني اسلوبه باللعب اما بالتدريبات كان كتير منيح لانه كان يلعب الصغار قبل الكبار وتكون اللعبه للكبار ليش ما بعرف بس اكيد في سبب بس مش مشكله من لديه القدرة من فريق الناشئين على الاختراق بكل سهولة لكل من المدافعين : أ- حسن عليان: بكل سهوله ولا واحد بس احنا زمااان ما سوينا تحدي مين بيقدر يطلع عن هاد ومين ما بقدر بس لما يصير رح تحكو محمود قدر يطلع عنه هههههههه ب- شادي عليان: شادي مشكلته بالمباريات مش بالتدريب لانه بالتدريب ولا واحد بقدرله اما بالمباراه شوارع بيكون عنده ج- غسان ابو الحمص : طار من زماان الكل بقدرله هلقيت د- احمد عسو : الكل كان يقدرله بس كانو يخافو على حالهم بلاش يتحملو على المستشفى منه هههههههه بخصوص المدربين: من افضل مدرب تعاملت معه؟ استاذ خضر من هوالمدرب الذي قدّم لك معلومة أو اضافه؟ استاز خضر وماذا تعني لك الفرق التاليه؟ 1 نادي العيساوية : الفريق الام ومن الصعب اني اختار غيره الا لما يكون هو ما بده اياني 2 هلال القدس : الفريق الخصم الي لازم بكل مباراه نغلبه وانا ما بحب نتعادل مع الهلال او ننغلب 3 سلوان : كلهم صحابنا وبنضحك وبنمزح مع بعض بس بالمباراه ما في مزح طبعا 4 انصار القدس : الفريق الند النا دايما بنغاله وهو بيرجع بيردلنا غلبنا 5 بيت صفافا : ولا مره لعبنا ضده وانا موجود دايما بعتذر وما بيلعب بحكم ان كره القدم هي الرياضه الأم فا شو فريقك العالمي ومنتخبك ونجمك المفضل بكره القدم ؟ فريقي العالمي : ريال مدريد منتخبي : فرنسا النجم : كابتن منتخب فرنسا زيد الدين زيدان الاسطوره افضل لاعب بالعالم ليش الكل بعشق رياضه كره القدم ؟ لانها لعبه خشنه ولعبت التحدي والها مذاقها الخاص شو السر الي فيها ؟ ههه ما في سر انا بحس 22 لاعب بالملعب وبركضو ورا اشي مدور هههههههه  ليش بحس الجميع بتفاعل وحماس للعبه ؟ لانه ولا واحد بيحب فريقه يخسر ليش برئيك هاي العبه دايما تحت محط انظار واهتمام من الجميع ؟ مممم ما ظنيت الجميع وحتى انا ما بعرف ليش بحب هاي الرياضه واخيراً ما هو رائيك بالقسم الرياضي من حيث الاعضاء : كل الاعضاء خير وبركه والله المشرفين : لازم يشدو حالهم معنا شوي اختيار الردود : مش فاهم ايش اختيار المواضيع : ازا كان ازدك زي هاد المموضوع والله كتير اعجبني وشكرا الكم اشياء مصر تكون موجوده بالقسم الرياضي ومش موجوده؟ مممممم بالوقت الحالي لا ما في اشي يمكن مش في بالي |
|
|
|
|
17-07-2009, 08:58 PM
|
#26 | |
|
عيساوي جدع
|
من تتوقع أن يفوز بكأس العالم 2010 في جنوب أفريقيا ؟ ممم صعب شوي لانه رح يكون في تحدي بين تلت منتخبات البرتغال واسبانيا والبرازيل بس بتوقع اسبانيا من هو لاعبك المفضل على الصعيد المحلي ؟ ما في واحد محدد تقريبا الكل نفس المستوى يعني ما في واحد بتميز باشي لو أصبحت لاعباً عالمياً ومشهوراً أي الأندية تختار اللعب فيها ؟ فالنسيا الاسباني رأيك : خضر عبيد مدرب الكل والكل بشهدله بس يا ريت يتفضى لفريق العيساويه وبتمنى يرجع يدربنا وما بطلب منه الا يوم بالاسبوع ومحمد نخال لاعب الناشئين لاعب خلوق وكابتن لفريق الناشئين وهو الراكز دايما بالملعب ومحبوب وثائر محمود لاعب نادي العيساوية لاعب خطييييييير شدا وانا بعترفله انه هداف خطير وشكرا الك على طرحك للاسئله |
|
|
|
|
17-07-2009, 09:14 PM
|
#27 | |
|
رئيسة القسم الثقافي
|
السلام عليكم ورحمة الله وبركاته شو اخبارك محمود شو كيف الاستضافه ماشيه معك يلا معلش استحملني ارجعتلك ههههه سؤال: هل يمكن تسجيل هدف من ركلة البداية وفي نفس مرمى المنفذ؟ سؤال:اثناء اداء ركلة المرمى الثابتة قام حارس المرمى وركل الكرة في مرماه غضبأ؟ سؤال: ركلة حرة مباشرة وفي نفس مرمى المنفذ وسجل هدف في مرماه؟ سؤال: رمية التماس مباشرة في مرمى الخصم وسجل هدف؟ سؤال : رمية التماس في نفس مرمى الرامي وسجل هدف دون ان تمس احد؟ سؤال: اثناء اداء ركلة المرمى وقبل ان تخرج الكرة خارج منطقة الجزاء جاء المهاجم وسجل هدف؟ سؤال: ركلة المرمى لعبها مدافع وخرجت خارج منطقة الجزاء ثم قام بلعبها ثانية قبل ان يلعبها لاعب ثاني؟ سؤال: اذا تم ايقاف اللعب من قبل الحكم لتوجيه انذار للاعب كيف يستأنف اللعب؟ سؤال: لعب حارس المرمى رمية التماس نحو منطقة جزائه ومسك الكرة مرة ثانية هناك ؟ . سؤال: اثناء تأدية ركلة الجزاء رجعت الكرة من العارضة للراكل ثانية فلعبها؟ سؤال: مسك حارس المرمى الكرة اكثر من 6 ثانية؟ سؤال: ماالفرق في اشارة الحكم في الركلة الحرة الغير المباشرة؟ سؤال: متى تصبح الكرة في اللعب في الحالات الثابتة او عندما تتوقف الكرة؟ سؤال: اثناء ركلة الجزاء: سؤال: في اي منطقة لايعير الحكم اهمية لمكان الكرة في استئناف اللعب؟ سؤال: رمى المدافع رمية التماس تجاه منطقة جزائه ثم لحق الكرة ولعبها بيده ثانية ؟ سؤال: ركلة ركنية ارتطمت بالعارضة ورجعت الى نفس اللاعب فلعبها؟ سؤال : هل يمكن للاعب ان يغير مركزه مع حارس المرمى اثناء تنفيذركلات الجزاء بعد تمديد المباراة لكسر التعادل. تقبل مروري والي رجعه بأذن الله بتستقبلني ولا لاء هههههه تحياتي |
|
|
|
|
17-07-2009, 11:53 PM
|
#28 | |
|
عيساوي جدع
|
بعدين عادي ارجعي قد ما بدك سؤال: هل يمكن تسجيل هدف من ركلة البداية وفي نفس مرمى المنفذ؟ ااه بينفع سؤال:اثناء اداء ركلة المرمى الثابتة قام حارس المرمى وركل الكرة في مرماه غضبأ؟ لا يحتسب الهدف وركله ركنيه للفريق الخصم سؤال: ركلة حرة مباشرة وفي نفس مرمى المنفذ وسجل هدف في مرماه؟ يحتسب الهدف سؤال: رمية التماس مباشرة في مرمى الخصم وسجل هدف؟ لا يحتسب الهدف اذا لم تلمس اي لاعب اذا لمست لاعب ستحسب هدف سؤال : رمية التماس في نفس مرمى الرامي وسجل هدف دون ان تمس احد؟ لا يحتسب سؤال: اثناء اداء ركلة المرمى وقبل ان تخرج الكرة خارج منطقة الجزاء جاء المهاجم وسجل هدف؟ تعاد ويجب ان تخرج عن منطقه الجزاء سؤال: ركلة المرمى لعبها مدافع وخرجت خارج منطقة الجزاء ثم قام بلعبها ثانية قبل ان يلعبها لاعب ثاني؟ مممم والله اسالتك اسأله بس ما بيسير سؤال: اذا تم ايقاف اللعب من قبل الحكم لتوجيه انذار للاعب كيف يستأنف اللعب؟ من صفاره من الحكم او يؤشر الحكم باللعب بعد تسجيل صاحب الانذار سؤال: لعب حارس المرمى رمية التماس نحو منطقة جزائه ومسك الكرة مرة ثانية هناك ؟ بيتحول رميه التماس للفريق الخصم ويجب ان تلمس اي لاعب غير الي لعبها . سؤال: اثناء تأدية ركلة الجزاء رجعت الكرة من العارضة للراكل ثانية فلعبها؟ اذا كانت ركله الجزاء عن خطا او فاول بيقدر يلعبها اما اذا خلصت المباراه وصار انو يلعبو 5 ضربات جزاء ما بيسير سؤال: مسك حارس المرمى الكرة اكثر من 6 ثانية؟ خطأ غير مباشر سؤال: ماالفرق في اشارة الحكم في الركلة الحرة الغير المباشرة؟ حسب ازا بيرفع ايده او بنزلها سؤال: متى تصبح الكرة في اللعب في الحالات الثابتة او عندما تتوقف الكرة؟ بعد تنفيذ الضربه الثابته من صفاره من الحكم سؤال: اثناء ركلة الجزاء: سؤال: في اي منطقة لايعير الحكم اهمية لمكان الكرة في استئناف اللعب؟ ممم مش فاهم السؤال منيح بس على فهمي انا بحكي انو رميه التماس سؤال: رمى المدافع رمية التماس تجاه منطقة جزائه ثم لحق الكرة ولعبها بيده ثانية ؟ لا يجوز سؤال: ركلة ركنية ارتطمت بالعارضة ورجعت الى نفس اللاعب فلعبها؟ لا يجوز سؤال : هل يمكن للاعب ان يغير مركزه مع حارس المرمى اثناء تنفيذركلات الجزاء بعد تمديد المباراة لكسر التعادل. اكيد لا ممم بس سؤال واحد استصعبت منه وفي كمان سؤال ما فهمته |
|
|
|
|
18-07-2009, 02:09 AM
|
#29 | |
|
عيساوي زعيم
|
أولي أولي على هيك أسأله كان الله بعونك يا صديكي المفشفش عمرك طلعت من الملعب مصاب ؟ و تكعدش تعجك أه ومليان ههههه بمزح. أكبر مده بعدت فيها عن الملاعب ؟ يومين ولا ثلاث ؟ هههه هل أنت بترتاح نفسياً إزا عندكم غولجي ممتاز ولا عادي عليك ما بتفرك ؟ أهلك شجعوك للعب الفطبل ؟ ولا ما فركت عندهم نفس الشعور ؟ عمره أخوك محمد كسحك في التدريب ههههههه؟ أنتى أشطر بالركلاة الحره ولا في رفعات الكورن ؟ أفضل ملعب فلسطيني ؟ أفضل حاره بالعيساويه ههههههه؟ والله ما ضل أسأله بس يلا منخلكلك أسأله بتحب البض ؟هههه شو الطبخه المفضله ؟ شو أكتر أكل بتحب تاكله لما تتطلع طلعه؟ شو أزكا حلو عندك؟ الحلاوه فعيلتكم وراثه ولا متاخده من عيلة شعبان ؟ ههههههههههههههههههه أنتى فهمتني أكيد رأيك في كبني أدم ؟ هل أنا 1. حنون 2. كسول 3. خمبوج 4. بهلول ههههههههه.5. كويس و ما في أحسن مني ههههههه لا جد شو رأيك في كبني أدم ؟ و بكل صراحه و من جميع النواحي و لو في إشي ينفضح عني أنا قبلان بس إحكي يعطيك العافيه وكان الله بالعون ههههه |
|
|
|
|
18-07-2009, 03:15 AM
|
#30 |
|
عيساوي مشارك
|
عشان هيك حبيت اسئلك اسئله يلا مستعد اتفضل على الاسئله يلا فكر منيح ابل ما تجاوب لانو عليه علامه ميه من ميه ههههههههه بمزح لو طلبوا منك اهداء هدية للعضوه هدايه ومحمد نخال بغض النظر عن ماهي تلك الهدية هل ستقوم باعطائهم هديه ام تترد؟؟؟؟ أجمل اللحظات التي عاشها محمود في المنتدى ؟ .. كيف يرى محمود مستقبل المنتدى ؟ .. طرفة لن ينساها محمود في المنتدى وفي حياته ككل ؟ .. ـ قديش بضل كاعد على المنتدى مين من الاعضاء الموجودين بتعرفو شخصي شب وبنت لو كنت مشرف على القسم الرياضة شو أول إجراء تقوم فيه هل حققت اهدافك العملية ؟ النقد .. هل تتقبله بصدر رحب ؟ وكيف تكون درجة تقبلك له إن كان كذلك ؟؟ الأم ماذا تمثل لك ؟؟؟ هل أنت شخصية عصبية ؟؟ أو مغرور ؟؟ أو بسيط لقب تطلقه على هدايه ؟ مواضيع اعجبك لهدايه ؟؟ ميزه تميزت بها هدايه؟؟ سؤال تطرحه على هدايه صاحبه الموضوع؟؟؟؟؟ طلب تطلبه من هدايه ؟؟؟ كلمة اخيره توجهها لاعضاء المنتدى .... |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
