22-10-2008, 09:00 PM
|
#41 | |
 
|
أول إشي بلنسبه للنظافه انا بشوف الاهل هم عليهم جزء كبير من اللوم ... للأسف ما بيهتموا لا بلبس ولا بنظافه المهم انو ابنهم بروح علمدرسه وبكفي... غير هيك في أهل والله ما بيعرفوا بأي صف إبنهم بصيروا يتحزروا قدام الناس ... طبعاً دليل على اهتمامهم الزايد بمستقبل أولادهم ... أما بلنسبه لروحة المدرسه ...حدث فلا حرج ... رايح على طوشه وجاهز الشب ... طبعاً اذا ما بدي أبالغ 60% من الطلاب رايحين رحله على المدرسه ... أو بضيع وقته ومستقبله وهو مش حاسس المهم يكون مبسوط ... صارت المدارس ملتقى الاحبه يعني ما شاء الله ... بكون الشب طالع بس عشان حاطط براسه يشوف فلانه بنت فلان ... يعني والله لو شوي الاهل يهتموا بأولادهم ما بصير هيك ... |
|
|
|
22-10-2008, 09:00 PM
|
#42 | |
|
عيساوي مشارك
|
مشكوورين على طرح الموضوع لانه جد اجا بوقتو ولازم نلاقي حل لهالمشكلة هاد الحال عنه وخصوصي عنا احنا العرب في حالة اهمال كبيره او سبب عدد الاولاد يعني ام بكون عندها خمس او ست اولاد بروحوا ع المدرسه او الولد بكون مخبي اشي عن اهلو والاهل بكفي اللي فيهم يعني ليتفقدو ولد ولد وكل اب بعرف شو عندو ولاد وبالاخر الولد بطلع مش بمكان ثقه من الاهل وبالنسبة للصبية اللي بتطلع على اخر طرز هاد بضل ع الام انها تتفقد بنتها وفي حالة انو الولد بكون يقوم بكير وبلبس اي اشي وبهرب بدري ع المدرسه عشان يلعب مع صحابو بساحة المدرسةوما بصير البنت تاخد معها هيك اشياء ع المدرسه لانو هاي مدرسه مش مسرح موضه وكل اشي الو قوانينه وحدوده والحل لهالمشكلة إنو الاهل يشددو ع اولادهم ويهتمو فيهم اكثر مع انو مستحيل ام تطلع اولادها الا لما تتفقدهم بس الاولاد صغار وبحبو يلعبو والاهل ما بقدرو 24 ساعه يضلو فوق روس ولادهم ولازم اندير بالنا لانو كلو بالاخر راجع لسمعة البنت او الشب والاهل والواحد بدو يحسن سمعتو مش يسودها ومن شان هيك لازم نهتم بهالشي . وبصراحه انا كتبت هالرد بمساعدة الاخ رافي |
|
|
|
|
22-10-2008, 09:11 PM
|
#43 |
|
عضو جديد لنج
 |
اول ايشي مسا الخير للكل وبشكر كل اللي علقوا على الموضوع لانو موضوع بستاهل الواحد انو يناقش فيه وانا بحب احكي من عندي انو والله التقصير من الاهل وانو ما في اهتمام بالمرة لانو الاب بصبح من طلوع الشمس حتى غروبها وهو في الشغل والام ما بهمها الا نفسها واللي بدها اياه الام انها اظل نايمة ولما تصحى تقوم تشتغل في الدار ما بهمها يف بطلعوا ولادها على المدرسة وشو في بشنتيهم ان كانوا ولاد صغار والا شباب كبار او بنات والله في بنات بطلعوا من دورهم زي كانهم طالعين من الصالون والله حتى الصالون ما بطلعم زي ما بطلعوا من دورهم وفي من الاهل بوافقوا انو بناتهم يطلعوا بهادا الشكل لانو في اهل بدهم بناتهم ينفقوا والبنات نفسهم بيحبوا انو الشباب يرموا حكي عليهم عشان هيك بتطلع مكيجة ومزبطة حالها وبتكون لابسة لبس غير زي المدرسة وهادا الشي تقصير من الاهل ان كان من الاب او الام وشكرا الك يا اخ الزير على الموضوع الحاد في النقاش والف شكرا لكل واحد علق وحكى رايه في الوضوع وشكرا[align=center][/align] [/ALIGN][/CELL][/TABLE1][/ALIGN] |
|
|
|
22-10-2008, 10:17 PM
|
#44 | ||
|
مشرف العيساوية خلف القضبان
|
اقتباس:
أنني احترم رأيك ولاكن اليهود ما الهم دخل لمعاملات هؤلائك الشباب والصباب بل الأهمال من الاهل نفسهم وليس اليهود وأقول لك أخي الكريم ليث اولا الواحد يشوف شو هما أهل بلده وبعدين بحكي عن اهل بلد تانيا وخصوصا احنا جميعا فلسطنيين وهذه التصرفات علينا جميعا كفلسطنيين ولا تعتقد بأننا لا نعرف اهلنا بلخليل وقراها وما هي تصرفاتهم بلا نريد حل لمشاكلنا كقرية وليس من مصلحتنا انكون قد ان نتكلم عن الخليل وغيرها ونحن لا نعرف ما يجري بأهل سكانها بلا نعرف بشبابها وفتياتها وتصرفاتهم السيئه وكذالك الحسنة احترامي على رأيك أخي ليث أخوك صقر الأقصى |
||
|
|
|
22-10-2008, 10:27 PM
|
#45 | |
|
مشرفة همس القوافي
|
موضوع حقاً رائع وبشكركم على طرحوا برأيي اجد انا المسؤوليه تبدأ بالأهل وتربيه والبيئه التي تحيطه وعليه ايضا بدون استثناء برأيي بالأساس ألوم على الاهل لأن الاهل هما نقطة الاساسيه للتربيه ومايعطيه الاهل من تربية وسلوك لأبنائهم فهم يستخدمونهِ فانا بهذه الفترة تمر الفتاة والشاب بسن المراهقه وهو سن ليس بأمكانه انا يتحكم به يحتاج الي توعية الاهل من حيث سلبيات والايجابيات وقد نرى هنا أنه لايجد اهتمام اطلاقاً ونرى الاهل ينشغلون في مشاغلهم وينسون أبنائهم وهناك فرق نرى بين الاهل الذين يزرعون الفكر والمبادىء والتربيه الجيدة في ابنائهم منذ صغرهم لكننا نرى احيانا انا التربية تبدأ فقط بسن المراهقه لماذا ؟؟ هل هذا يصح طبعا لاء فالانسان الذي يعيش على مبادىء وتربية صحيحه منذ صغره فا من الصعب عليه تغيره والاهل هما العطاء هما القدوة الحسنة لأبنائهم مثلا عندما نرى الاب يستخدم سجاير حتما (ابنه) سوف يقلده وعندما نرى الأم تستخدم الميك اب وغيره حتماً (الفتاة) سوف تقلد ذالك وايضاُ الوم البيئة التي يتربى فيها الابناء لان مايأخد منها يعطيه لها البيئه هيا البنائه لسلبيات وسلوك الابناء الذي يتربى في بيئه صحيه ومحافظه فا ينعكس عليه ولعكس صحيح ونقطة الاخيرة لانرد فقط ان نلوم الاهل ولبيئه ايضا تلتام االفتاة والشاب على ذالك لان الله خلق لنا عقل لكي ينتحكم به بسلوكياتنا من ايجابية وسلبيه وليس لنسخدمه بشكل الغير مناسب لنا يجب تفكير بكل شيء قبل اي عمل اي شيء يخطأ الشخص ولكن من الصواب ان يتعلم من اخطاءه ولايكررها وهاده رايي ووجهة نظري تحياتي للجميع |
|
|
|
|
22-10-2008, 10:30 PM
|
#46 | |
|
من رأي اختي الجوهره لانه انا والجوهره اتفقنا عليه وهي كتبته يعني رأينا واحد |
|
|
|
|
22-10-2008, 11:03 PM
|
#47 | |
|
عيساوي مجتهد
|
السلام عليكم ورحمة الله وبركاتة لا أريد الاطاله هنا لاننا تحدثنا كثير وليس جميلا ان نتحدث مجرد لا نرى التغير علىا لواقع حقا كم هو موضوع مهم لكن لا نعطي تلك الموضوع أهمية أقتراحي هو لكم أن نعمل لجنة من المعلمين والخريجين من المدارس وان نعطي الدور لهم ونعالج تلك الامور من خلال الزياارت لتلك المدارس ومن ثم الاهل الذين هم عليهم اكبر المسؤوليات التي وصل أبنائهم الى ما هو الحال عليه ونصيحه لمن يخاف الله ويهتم بتلك الموضوع ان يعمل على النقاشات من جميع الاطراف لان هناك استاذه سامحوني لا يصحلوا ان يعلموا وهناك اهل حقا لا خير بهم لذلك فلنجعل الايدي متماسكه من أجل النتيجه وليس التحدث بلا فعل تحيتــــــــــــي دلال المغربي |
|
|
|
|
|
23-10-2008, 12:36 AM
|
#48 | |
|
عيساوي VIP
|
السلام عليكم ورحمة الله وبركاته حابب احكي كلمتين بس .. كل الاشياء اللي منشوفها بترجع للاهل اولا وللطالب نفسو ثانيا بالنسبة للاهل :- ادا انتو مربينوا عالدلع وكل شي بعملوا غلط بتمشولوا اياها غصب عن الواحد بدو يعمل اللي بدو اياه لانو ما في حدا بحكيلو لا وهيك مش صح (( يعني ما حدا بنبهو عأفعالو ) وبالنســبة للطالب نفسو :- ادا الاهل بنبهو وبحكولوا لأ ولأ وهو ما برد عليهم فهادا الشي برجع الو فمصيروا يتعلم بعد ما يندم عأفعالو حابب احكيلكم مشكلة صغيرة صارت مع واحد صاحبي بحكيلي انا بتندم عالايام اللي ما كنت اروح فيها عالمدرسة لانو ما كان يرد عأهلو وكان لما يروح عالمدرسة يروح يعمل مشاكل ويروح ولما يتصلوا بأهلو يجو اهلو وبحكولهم شو بعمل فيهم ابنهم هسا هادا الشب صاحبي كبر ومتجوز وعندو ولاد بحكيلي انا متندم عالايام اللي ما كنت ارد على اهلو تعرفوا ليش ؟؟! لانو اولادوا صاروا ما يردوا عليه وصار يعــاتب حالو ويرجع ايام زمــان والله يا جماعة انو لما حكالي صار يبكي وبكاني معــاه فــأنت يا طــالب حــاسب نفسكــ ورد عأهلك قبل انت تحــاسب ويصيير معــاك نفس الشي لما تكبر .. والسلام ختـــام تحيــاتيــ ... |
|
|
|
|
23-10-2008, 01:45 PM
|
#49 | |
|
مشرف النقاش الجاد
|
قال عليه الصلاة والسلام كلكم راع وكلكم مسؤول عن رعيته الاباء والامهات هم المسؤولون امام الله عن تربية ابناءهم تربية اسلامية قويمة ولكن بعدنا عن التعاليم الاسلامية وتقليد الطلاب بعضهم لبعض اوصل الطلاب الى هذا الحال اذا الاب والام اعطوا الوقت والجهد لتربية ابناءهم ومتابعتهم منذ الصغر سيصلح الحال |
|
|
|
|
23-10-2008, 03:13 PM
|
#50 | |
|
عيساوي مجتهد
|
السلام عليكم ورحمة الله وبركاته انا رح احكي الصراحه والي بشوفه بعيني كل يوم والطبيعي انه الصراحه تزعل البعض وترضي البعض الاخر بس دائما لا بد من ان يكون هناك من يقول كلمة الحق انا بشوف بنات طالعات من دارهم وهن على اخر طرز وبتكون رايحه على المدرسه وكأنها رايحه على عرس اخوها وامها بتكون شايفتها ومبسوطه عليها عشان بنتها ملكة جمال وطبعا بتيجي تحكي لامها بنتك وحرام هاد الاشي بالدين بتجاوبك واحد من هالجوابين: بنتي لازم تكون انيقه ومرتبه هالاناقه ما بتكون الا بالمكياج وهالبنطلونات المصران الي طالعات جديد او بتحكيلك والله ما انا حاكمه عليها ومش قادرتلها!!!! استغفر الله العظيم بطلنا قادرين نربي تربيه اتدخلنا الجنه ؟؟؟؟ طبعا الحق على الاهل يعني ازا البنت طالعه هيك واهلها شايفينها وراضيين عنها فهون شو الفايده من تفتيش الشنته مهو الاشي واضح. هاد الاشي برجع لتربية الاهل وكمان لتربية الانسان لحاله يعني انا ازا بقبل وبرضى الغلط لحالي رح اعمله اما ازا انا مقتنع انه هاد الاشي غلط وبسوء لسمعتي وسمعة اهلي فخلص مش رح اعمله . انا كمان حابب اسأل الاهل سؤال يعني يا عم انت شايف بنتك مش شاطره بالمدرسه وما بدها تتعلم وكل شهاداتها حمرا لشو تبعتها على المدرسه تعرض ازياء اتقي الله فيها يعني صار الاشي الغلط هو الي يحكمنا انا بشجع العلم وبالعكس لازم الامه تكون مثقفه حتى تتخطى كل مشكله بتواجها وخصوصا البنت بس هاد للبنت الي طالعه من الدار تتعلم بجد مش تتسلى.والله هاد الي بنعملو في بناتنا حرام خلص مش شاطره ...الدار اولى فيها.وبعدين انسو اشي اسمه مدرسه كنا بعطله وشفنا بلاوي اكتر هالجينزالخصر ساحل وهالبلوزه الي بتيجي على بنت اربع سنين . انا كمان ما بدي يكون كل كلامي على البنات كمان الشباب عليهم مسؤوليه كبيره لو كل شب بعتبر كل بنت بشوفها بالشارع اخته صدقوني ما بتصير كل هالاشياء لو كل شب بردع اي بنت عن الخطأ كان بنتفادى مشاكل كتير.لو الشب بكون يمشي ورى هالبنت وقاعد بعاكس فيها قدام صحابه وفجأه هالبنت تلف وجهها تطلع اخته شو بكون موقفه انا بعرف شو هو رح يتمنى الارض تبلعه ليش ما نفكر قبل ما نعمل الخطأ ليش ما تحكي بعقلك زي ما انا بعمل مع بنات الناس رح يجي واحد يعمل باختي والا اختك غير عن بنات الناس انا بعرف انه الشب بس يجي حد يحكيلو هالحكي ويجيب سيرة اخته رح يعصب وينرفز طيب ليش؟؟ كلنا مسلمين وكل بنت لازم تكون اختك اعمل خير كل بنت بتشوفها بتغلط ما اطنش وتكمل معها بالعكس اردعها احرجها قدام الكل انا متاكده رح تخجل من الي بتعمله ورح انت تكسب حسناتها . تحكيلي انا بحب هاي البنت ليش لا خلي الحب يكون في الله في الها دار ابو تعال اخطبها هاد الحب الحقيقي مش انك تلحقها بشارع صلاح الدين وتحكي معها تلفون لو انك بتحبها بتعمل المستحيل لانك تحميها من اي كلمه عاطله ممكن الناس تحكيها بحقها وتكون بسببك . انا بعرف انه في شباب وبنات محترمين ومأدبين وانا ما ذكرتهم مش لاني بفكر انه مافي منهم لا في والحمد لله بس هاد الموضوع ما بخصهم هم بعيدين كل البعد عنه لانهم وما شاء الله قلوبهم وعقولهم مهذبه تهذيب اسلامي الله يحميهم ويهدي كل شبابنا وبناتنا . في كمان نقطه اخيره عندي حابب اني اعلق عليها هي انه جديد صارت عاده انه لما تروح الام تخطب لابنها يكون اول اهتمامها الجمال بغظ النظر عن الدين والاخلاق طبعا الجمال مطلوب بس الاهم الاخلاق والدين لانها هي الي بتدوم وبعد فتره لما يعاشرو هالعروس الجميله ويعرفو شو اخلاقها رح يندمو كثير،طبعا استثني البنات اللواتي يملكن الجمال والاخلاق وكل الاحترام لهن ، ان شاء الله ما اكون طولت عليكم وسامحونا مع تحياتي ابو خليل [/align] |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
