دكان العجائب

[أبو عجيب]

بسم الله الرحمن الرحيم
السلام عليكم و رحمة الله و بركاته

يا هلا بيكم في دكانـّا دكان العجائب

في دكـّان العجائب بتلاقوا كل شي بدكم إياه
لكن دكان العجائب له طريقته الخاصة في التعامل مع زباينه
علشان نعطيكم طلبكم لازم تقولوا ليش بدكم ايّاه و شو بدكم تسوا فيه و لازم تستغنوا عن شي عندكم و تعطونا ايـّاه بداله
علشان تتوضـّح لكم طريقة دكانـّا دكان العجائب بنعطيكم مثال :
السيد بك بكيك : السلام عليكم يا سيد أبو عجيب المحترم , كيف حالك يا حبيبنا ؟
أبو عجيب ( أنا يعني *_^ ) : يا هلا بأحلى زباين ( طبعا ً هم أحسن زباين لإنهم جايين عندنا هههه)
شو بقدر أخدمك يا عيوني ؟
السيد بك بكيك : بدي أشتري فرحة لو سمحت عمـّوه
أبو عجيب : أحلى فرحة لأحلى زباين , كم كيلو بدّك عمـّوه ؟
السيّد بك بكيك : بدي فرحة كبيرة كثير
أبو عجيب : شو بدّك تسوّي فيها يا عيوني ؟
السيّد بك بكيك : بدّي أملى قلب أمي و أبوي و أهلي بهذي الفرحة
أبو عجيب : طيّب ماشي , عن شو بتستغني علشان نعطيك هذي الفرحة يا سـِيد الكوكو كوكو ؟
السيّد بك بكيك : بستغني عن الملل , ما بدّي إيـّاه لإنه بربّطني و بعقدني و بخلّي الوقت يمر ببطء

طبعا ً ممكن نتناقش مع كل واحد على الإشي اللي بدّه إيّاه و على الشي اللي بده يستغني عنه
بس المهم إنه احنا في هالدكان بنعطيكم عينة كبيرة من الأشياء اللي بدكم إيّاها , لكنها ما بتدوم
و علشان تدوم لازم تعمل عليها تسجيل ههههه يعني لازم نشتغل معكم شوي في مناكشة قصدي مناقشة كيف ممكن تحصلوا عليها بشكل دايم *_^

بتمنّى دكاننّا يعجنكم قصدي يعجبكم هههههه
عرض خاص : أوّل عضو بيشتري من عندنا مثله مثل أي عضو ثاني هاهاهاهاهاهاهاهاها
بانتظاركم يا أحلى زباين ( ييييييي من وين هالدّبق ؟!!!!! هههههه )

و لا تنسوا تصلوا على الحبيب