ظاهرة خطيرة معاكسة طالبات المدارس للطلاب

[الفراشة]

السلام عليكم ورحمة الله وبركاته
رجعت كمان مرة لاني ما خلصت حكي عملت انتر قبل ما اخلص كلامي وطلع الرد بسرعة

يعني هلأ شو لازمة البلفون لطالبة مدرسة قال يعني حاملة تلفون اول ما بتطلع من باب دارهم بتشغلو وقبل ما تفوت باب المدرسة بتسكرو وطول الطريق وهو شغال
وهي بالشارع او بالباص هات يا حكي وخد يا حكي ومو هاممها حد وازا بدك تيجي تحكي ما بتخلص يعني بتصير البنت عندهم اشرف الشريفات وانت الي بتاكلها لحالك هذا ازا ما صار فيها حق وشرف كمان يعني احسن اشي شوف واسكت وما بدك كل وجعة هالراس
يعني هلأ كتير بتشوف الام وبنتها ماشيات وبتكون البنت على اخر طرز والام جنبها مبسوطة على بنتها لانو الكل بيطلع فيها طيب قبل ما تنبسطي على بنتك شوفي على شو بيطلعو وليش بيطلعو من الاصل بس شو بدنا نقول بيظل قلة توعية وفهم عند بعض الناس
يعني لو الاهل براقبو بناتهم اول باول كان ما بصير متل هيك اشياء وبدك تيجي تحكي للام هيك وهيك بيدها تقولك لساها صغيرة حرام اطفسها من هلأ وكيف الناس بدهم يشوفوها ازا ما لبست وازا ما طلعت وازا وازا وما بيخلص الحكي وهذا الي بيخلي البنت تطمع وتعمل الي بدها اياه وما تكون سألة باي حد لا ابوها ولا امها حتى والله يسترنا من اخرتها
وبرجع بقول الحق بيرجع بالاول والاخر على الام قبل الاب لانو الاب يمكن يطلع من البيت قبل بنتو بس الام دايما بالبيت ومراقبة لتصرفات بنتها ولبس بنتها
بتمنى انو يصير وعي اكتر من هيك خاصة عند الامهات مشان يقدرو يربو تربية صحيحة وينشؤو جيل محترم

موضوع كتير حلو خيتي ومهم جدا خاصة بالوقت هذا لانو كل مالو بيرجع لورى بدل ما يتقدم
مشكورة كتير وبتمنى انو ما كون طولت عليكم بالحكي واكون خفيفة على قلوبكم
تقبلو مروري واحترامي
اختكم الفراشة