20-05-2008, 06:03 PM
|
#1 | |
|
ام شهيد
|
والله حرام والله حرام عذابك يا ابني ما بتحمله انسان يا ابني عدوك صهيوني ما عنده نخوة ولا رجولة بعذبك وبتلذذ بتعذيبك ومقيدك وهيك هو حاسس بامان لولا سلاحه,لولا سلاحه هالجبان وانت صامد,صامد وبتنادي يمة الارض مثل العرض لا تعتبي علي يمة الوطن غالي بفديه بدمي وروحي ومالي يمة حب الوطن علمتيني وعلى العزة والكرامة ربيتيني يمة لا السجن دايم ولا السجان بكرة بطلع فجر الحرية وبنعيش العيشة الهنية مثل ايام زمان يا ابني ما عاد في ارض وما عاد في وطن الوطن صار للمستوطنين و جيوشه بالأسر مأسورين و الشعب على هامش هالوطن ناطرين يا ابني ستين سنة صارلنا عايشين و بنستنى ترجعلنا فلسطين لا تقول لهجتك تغيرت يمة لا تقول ولا تقول اليأس دب فيكي يمة لا تقول ولا تقول اصبري يمة لا تقول لا يا ابني لا تقول فيا لا تقول والله لو اني صغيرة وبقدر انجب لأنجبكم ميت مرة ومرة يا ابني بعدكم كاويني نفسي اعيش مثل باقي البشر استغفر الله,استغفر الله على كلامي استغفر الله اللي بيصير مخوفني و على بلادي مقلقني حقدي ما بنوصف ولا اله وصف على اللي اغتصبوا ارضي و خلوني دخيلة انا صاحب الحق صرت محقوق يا صبر ايوب,يا صبر ايوب على هالذل و المهانة يا صبر ايوب انا يا ابني المرض هدني و حزني عليكم ما اله دوا اربع شهور يا ابني لا زيارة ولا خبر و لا علوم الحمد لله يا ابني ان سلم العود, الصحة بتعود بعون الله وما اقدر اقول,ما اقدر اقول سوى الله معك ]و توكل على الله انك على الحق المبين) ساصبر حتى يعجز الصبر عن صبري واصبر حتى يأذن الله في امري و اصبر حتي يعلم الصبر اني صابر على شئ امر من الصبر والدتكم ام رافت |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض الشجري