:: إستعدادات شهر رمضان ::

[ثائر ابو لبدة]

مسلسل :: رمضان في منتدانا :: حلقة ( 1 )




:: إستعدادات شهر رمضان ::

أبو وديع : شو شباب شو صار معكم ؟ شو سويتوا بغيابي ؟
( شو هالمشرفين التعبانين ) ..

المشرفين : سوينا شاي تشرب خخخ ..

( أبصر وين كاين صايع ) ..

أبو وديع : هلا وقت شاي و قهوة إنتا التاني ( مسوي فيها معلم ) ..

رمضان قرب واحنا لسا مش مخلصين تزيين المنتدى همة يا شباب ..

بدي شغل الف الف وعالخارطة وكل شي تمام ,, أي خطأ مرفوض ..

بدي كل لامبة محلها الحمرا عالصفرا والخضرا عالزرقا ووو الله يعطيكم العافية ..

( شو مع الشاي ,, صب يا ولد صب ,, اااخ هالنعنعات شغل وين ؟؟ )

المشرفين : ولا يهمك أبو وديع كل شي قبل رمضان بكون جاهز ..
( بدو يقلب المنتدى ديسكو بهالرمضان !! ) ..

أبو وديع : ( واضح ,, واضح ) ..

يا شباب حطوا لامبات بزيادة لا تبخلوا ولا يهمكم ..

أهم إشي حط لامبات هون فوق مكتب العيساوي ( ) ههه ..

( إن بعض الظن إثم ,, لا تطلعوا على الأيقون هه ) ..

المشرفين : يا زلمة بكفي لامبات ,, حرام عالكهربا بكرة بتيجي الفاتورة ..

( بنصير نغني يا عين يا ليل ) ..

أبو وديع : بلا كلام فاضي انتا دافع اشي من جيبة ابوك ,, حط بس وبلا كثرة كلام ..

أصلا ً أنا إلي معارف بشركة الكهربا .. كلهم بعرفهم موظفين شركة الكهربا وما بخلي المنتدى

يدفع ولا شيكل ( أصلا ً ليش العيساوي مخليني لليوم ) ..

أبو وديع : عالعافية يا بنات هه ..

المشرفات : هلا أبو وديع ( بنات بعينك ) ..
أبو وديع : اشتغل انتا وياه شايفكم .. مين كسر اللامبا الحمرا ؟
مشرف ( 1 ) : أنا .. ( الله يكسر رقبتك ) ..

أبو وديع : روح مفصول طول شهر رمضان ..

المشرفات : ( عدي رجالك عدي ) هه ..

أبو وديع : شو صار معكم يا شباب ؟

المشرفين : خلصنا .. ( تخلص روحك ) ..

أبو وديع : الله لا يعطيكم العافية , هيك أنا قلتلكم ؟؟

قلتلكم الحمرا على الحمرا والخضرا عالخضرا ..

المشرفين : !!!! ..

أبو وديع : إضوي يا ولد أشوف ..

اوووووووه هي الشغل .. خلوا اللامبات مضويين للصبح ..

( بدي أقلبها ديسكو أصبرو علي )

وفي الصباح ,,

ليل الهجر : مين مخلي اللامبات مضويين ؟!

أبو وديع : شو دخلك إنتي ؟ ( يا فتاح يا عليم ) ..

ليل الهجر : حرام هالكهربا ( شو هالصباح ) ..

أبو وديع : عفوا ً , شكلك انتي انسيتي حالك مع مين بتحكي ..

انسيتي انو أنا إلى معارف بشركة الكهربا انسيتي ااه الزمي حدودك يا بنتي !!

ليل الهجر : هه ( ولله في خلقه شؤون ) ..

الباب طق طق طق ..

شوف مين عالباب يا ولد ..

مشرف ( 2 ) : هادا موظف شركة الكهربا أبو وديع ..

أبو وديع : اتفضل يا حبيبي أي خدامة ..

موظف الشركة : عليكم فواتير بـ 1000 شيكل وأنا جاي أسلمكم إنذار ..

اتفضل ..

untitled-726305.jpg

أبو وديع : اسمع حبيبي ,, انتا زودتها اكثير ..

شكلك ما بتعرف مين أنا ..

موظف الشركة : ومين انتا بلا صغرى ؟!

أبو وديع : أنا !! ااايه أنا أنا مممم ,,

أنا إلي معارف بالشركة معارف اكثير وصحبة عالعظم ..

موظف الشركة : زي مين ؟

أبو وديع : ابو محمد ..

موظف الشركة : ابو محمد ترك الشغل من زمان ..

أبو وديع : أبو ايهاب ..

موظف الشركة : أبو إيهاب انتقل على بيت لحم ..

أبو وديع : أبو موسى ..

موظف الشركة : أبو موسى عطاك عمره ..

أبو وديع : لااااا إله إلا الله ..

المشرفين : معارف اااه يا ابو المعارف انتا هه ..

المشرفات : ..

العيساوي : ( بعد ما وصله الخبر من ليل الهجر طبعا ً ) ..

أبو وديع الحقني على مكتبي ..

أبو وديع : هه مفصول طول شهر رمضان ..

بس على الله يخليني بس أكمل المسلسل هه ..

[همسة الاحساس]

هيهيهيهيهيهيهيه
صبابا يابا
نااااار من أولها
اممم قلتلنا معارف في شركة الكهربا هع هع

مشكور أبو وديع وبانتظار الحلقة الثانية على أحر من الجمر
ورمضان كريم علينا وعليكم
تهروه بالعافية

[ريمونا]

ههههههههه

اطعـــج
الاشي دندره

الله يسترر شو رح يصير فيك

يلا هينا بنستنى في الحلقات الجايات

يسلموو ايديك ويعطيك ألف عافيه،،

[ريّانه]

نفسي اشوف ردة فعل العيساوي هه .. (غير الطرد) .
شو هاذ يا أبو وديع طعجتها طعج ههه ..

يسلمو على البرنامج ..
بإنتظار الحلقات الجايه ..

\\

[ثائر ابو لبدة]

همسة الإحساس ..

كل عام وأنتي بخير ,, رمضان كريم ..

تحياتي الك والله يوفق الجميع .

[ليل الهجر]

طيب يا ابو وديع ....
من اولها بطب فيي انا؟
رمضان الفيصل بيناتنا ....

[ثائر ابو لبدة]

له له له ..

هدي هدي شوي ليل الهجر ..

شوفوا ,, بالله عليكم لسا ما جبت سيرتها ..

بلشت تهديدات ..

هه لسا مغلغلة علي من رمضان السنة الماضية !!!

كل عام وإنتي بخير ,, رمضان كريم ..

تحياتي الك والله يوفق الجميع .

[عقاب]

السلام عليكم ورحمة الله وبركاته

ياسلام عليك يا أبو وديع

والله زمان عنك وعن نكشاتك الحلوى وياريت طول السنة رمضان

علشان دايماً تعطي المنتدى أكشن يا رجل

احترامي لك أبو وديع على ابداعك وخيالك الواسع

وأكيد احنا في انتظار رد ليل الهجر من بعد التهيد ههههههههههههههه

علشان المسلسل يزيد جمال طبعاً والكل يتمتع هههههههههه

وتحيتي لك وفي انتظار باقي المسلسل ويعطيك العافية

[ثائر ابو لبدة]

ريمونا ..

كل عام وأنتي بخير ,, رمضان كريم ..

تحياتي الك والله يوفق الجميع .

[ثائر ابو لبدة]

Rayan ..

كل عام وأنتي بخير ,, رمضان كريم ..

تحياتي الك والله يوفق الجميع .