شوفوا النسوان المتكبرات كيف الحكي تبعهن عن العرايس

[مجد نخال]

السلام عليكم ورحمة الله وبركاته

شوفوا النسوان المتكبرات كيف الحكي تبعهن عن العرايس
شفيقة ورفيقة .. اتقابله في البلد العتيقة .. ودار حوار بين شفيقة ورفيقة ..
وبالنسبة للنهاية فهي مش صعبة وكل اشي رايحين تشوفوه بالمحادثة
التالية اعزائنا زوار احلى قلب...



شفيقة : اهلا رفيقة وين هالغيبة ..


رفيقة : والله في هالدنيا بدنا نجوز هالولد ..


شفيقة : عخير ان شاء الله ..


رفيقة : الولد كتب كتابه ولبسنا العروس طقم ب 70 الف شيقل من لؤلؤ طبيعي ..


شفيقة : يلا ريتها مبروكة ..


رفيقة : يبارك فيك يا شفيقة ..


شفيقة : وبنت مين المحروسة ..


رفيقة : بنت فلان العلنتان ..


شفيقة : والله ناس محترمين واوادم ..


رفيقة : تسلمي يا شيفي (يعني شفيقة) وقوليلي وانتي شو عاملي ..


شفيقة : جوزنا الولد وتساليش اجاه نقوط 300 الف شيقل ..


رفيقة : ما شاء الله ( وبعقلها بتقول كذابة) ..


شفيقة : ولبسنا العروس طقم لؤلؤ اورجنال وحيات عينيكي يا رفيقة من اغلى محل ..


رفيقة : وشو كلف ؟


شفيقة : دفعنا عليه 30 الف دولار ..


رفيقة : اووووووف هذا محرز ؟؟


شفيقة : انوه محرز ؟


رفيقة : قصدي الطقم محرز ..


شفيقة : اه فهمت عليك ..


رفيقة : احنا اطلعنا معها طقم صحون اجانا خصوصي من لندن


شفيقة : ييي لندن احنا جبنا من امريكا صنعولنا اياه خصوصي ..


رفيقة : انوه خصوصي ؟


شفيقة : قصدي الطقم خصوصي ..


رفيقة : اه فهمت عليك ..


شفيقة : الطاولة كلفتنا 40 الف شيقل


رفيقة : وللللللل جايبين لها طاولة رخيصة للعروس؟


شفيقة : ليش بشو طاولتكم ؟


رفيقة : ما ليك علاي حلفان كلفتني 41 الف شيقل .


شفيقة : يعني فرقية الف شيقل عن تعتنا


رفيقة : المهم اغلى يختي


شفيقة : اصلا داركم على بعضها بتسواش اشي جنب دار ابني


رفيقة : ضبي لسانك يا شفيقة


شفيقة : رفيقة !!!!!!!!!!!


رفيقة : شفيقة !!!!!!!!!!


شفيقة : مليكة !!!


رفيقة : حديقة !!!!!


شفيقة اني حديقة !!!


رفيقة : وانت انيه مليكة !!


شفيقة : (بدات مز شعور)


رفيقة : (ابوك يلصبغة .. امعط )


وتوتا توتا خلصت قصة شفيقة ورفيقة في هالحتوتا

تحياتي : مجد نخال

[وئام العمر]

ههههههههههههههههههههههههههه
هاي اخرت الحكي اللي ما الو معنى بدا بالمباهاة وانتهى بطوشة
هههههههههههههههههههههههههههههه
يسلمووووووووووووووو حلو كتير

[مجد نخال]

مشكوره اختي وئام العمر على الرد الحلو والرائع لموضوعي
وان شاء الله عجبك الموضوع
تحياتي : مجد نخال

[نيرفانا]

مشكور كتير على هالموضوع
عجبني كتير
والله في هيك نسوان بس اسعار ارخص شوي طبعا
هههههههههههههههه ههههههههههههههههههه
بانتظار الجديد منك خيي
مع تحياتي
نيرفانا

[ريم الفلا]

والله يا عم نخاال اشي شلبي

ما في احلا من الطوش بالعالم ههه

قمة الرقي الطوشه
شكراا الك

[مجد نخال]

مشكوره اختي نيرفانا على الرد الجميل والرائع لموضوعي
وكلامك صحيح مئه في مئه
تحياتي : مجد نخال

[مجد نخال]

مشكوره اختي ريم الفلا على الرد الحلو لموضوعي
وارجو من المزيد من تواصلك من مواضيعي
تحياتي : مجد نخال