04-06-2008, 01:03 PM | #1 | |
عيساوي مشارك
|
التاني: أنا ماشي حالي الحمدلله بس الوالد عطاك عمرو الأول: العمر إِلَك.. بعرف كان عندو القلب يالله الله يرحمو التاني: بس والله ما مات من القلب الأول: معكول هالحكي؟! كيف توفى؟ التاني: الله يرحمو بآخر فترة ضعف نظرو كتير.. مرة طلع ع البلكون ما شاف الحفة وقع وبتعرف بيتنا تالت طابق الأول: لَهْ لَهْ على هالموتة، بكل الأحوال الله يرحمو التاني: والله تعذبنا فيه كتير وعملنالو شي 12 عملية لَتْحَسَّن الأول: لكان كيف توفى؟ ! التاني: صار يحمل عكازة ومرة عم يقطع الطريق، سيارة مسرعة خبطتو الأول: يَهْ يَهْ يا لطيف ... الله يرحمو التاني: ربك رحيم كان فيه جار إلنا حطو بالسيارة ولحقو ع المستشفى بس النزيف الداخلي كان رهيب الأول: الله يرحمو بكل الأحوال التاني: بس سفرناه على إسبانيا وضلينا شي 6 أشهر عم نعالج فيه والحمدلله تحسن الأول: طيب كيف مات التاني: صار معو فشل كلوي حاد وصرنا ندور على متبرع كلية وتأخرنا وصار معو تسمم الأول: الله يرحمو ارتاح التاني: بالصدفة إجا شخص بيعرفو من زمان تبرعلو بالكلوة بآآآآآآآآخر نفس الأول: لكان كيف مات؟ ! التاني: والله مرة بالبيت وهو قاعد ما انتبه ع الغاز احترقت الشقة وهو لحالو فيها الأول: يا لطيف على هالموتة ما أبشعها الله يرحمو التاني: بس والله جارنا الله يجزيه الخير كسر باب البيت ولحقو بآآآآآآآخر لحظة الأول: لَكْ فهمنا كيف مات !!!! التاني: والله اضطرينا نطخُّه آخر شي !!!!!! |
|
04-06-2008, 08:18 PM | #2 | |
عضو جديد لنج
|
نكته بتجنن كتير يا لمى :36_15_24::36_15_24: |
|
05-06-2008, 12:41 AM | #3 | |
عيساوي مجتهد
|
نكتة حلوة مشكورة لمى بس لازم لما سأل كيف مات اخر مرة يحكيلو خلص عمرو ومات بصبابا بنستنى منك كمان نكت مـــــــــشـــــــــكــــــــــورة مازن :3_3_21[1]: |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|