[روز]

موال فلسطيني

مختار البلد طلـّـع دفاتر ،،،،، خلّي الصبايا تنقي ع الخاطر
والله لاقعد واظللي ناطر ،،،،، بلكي محبوبـي بمرق من هونــا

هي يا حبيبي وهي يا حبيبي ،،، لساني صغيّــر سن الحليبــي
ولو ع المحبة بندفع ضريبة ،،، كل ساعة بدفع مية ملويناا

جفرا وهي يا الرّبع وتسبل بالغرة،،، وتحرق قلوب الشباب وتقول انا حـرّة
حنّــي ع قلبي بدو يشوفكــ مرّة ،،، تا يطفي نار الهوى بالخدود الورديـّـة

جفرا وهي يالربع وتمشي ع مهلها ،،،،، يا بـيّ شو بتثقل عليّ لما بندهلها
بتصير تخلق أعذار وتتحججلي بأهلها ،، وتقول إوعى يا ابن الناس تقرّب حواليــّــا

على نبع الميّة نازل المدلل ،، رافع ثيابه وخايف يتبلـّل
يا ريتكــ تيجي عندي وتتعلـّل ،، ولو عالقليلة بالجمعة يومــــــــا

يا زريف الطول ومن الله الفرج ،،،ولبست الفستان وعالموضة درج
ولأبني للمحبوبة عليــّة ودرج ،،، وسكرة ومفتــــــــــاح والحارس أنـــا

يا زريف الطول ونازل ع فلسطين ،،،،، يا لون خدودو يا ورد البساتين
واللي مــا بعشق دينو ما إلو دين ،،،،، لوما المحبـــة شو بتسوى قلوبنــــا