[صرخات]

بسم الله الرحمن الرحيم

رمضان كريم علينا وعليكم وانشالله ييكون هالشهر الفضيل نبعة عطاء ووفاء لربنا ولوطنا وقريتنا الي بتتميز بهيك شباب برفعو الراس....

بالبداية اسمحولي اشكر الخالة إم زيد بعتبارها الداعم الاول لنجاح المشروع المميز على مستوا القدس وضواحيها لانها بتستحق الشكر بجذارة مو بس لانها السبب وبس ما تنسو اننا اتعبناها معنا بالطبيخ وما تستهينو بالوضع ((بكرا يا زيد بتتجوز وبتشوف شو يعني طبيخ ل 40 واحد)).... متل اماياتنا... اليوم مش راح تلاقي ما بدي اشت عن الموضوع بس بصراحه طلع طبيخ امك بنفس حلوة ورائعه ومقلوبتها عربية اصيله من الي حبها قلبنا .. فالك كل الشكر يا خالتي ام زيد وقبال ما تطبخي بعرس زيد... اذا صعبه بنتعشى بالسهره هههههه...

ما بننسى الساده الكرام الي شرفونا ولبو دعوتنا من كبيرهم لصغيرهم((بالعمر طبعا))..فلولا حضورهم المشرف لنا.. كمشرفين وأعضاء ما قدرنا نجتمع بجو الموده والاحترام الي عشنا فيه .. فكل الشكر والتقدير الهم من شيخ لانسان معمر لوالد اسير لكل واحد زارنا.. والي ما قدر يجي للاسف راحة عليه..وانشالله الجايات اكثر من الرايحات ...

أما بالنسبه للمشرفين والايجابيات فالحمدالله الاخ ابو النون ما قصر جزاه الله كل خير الي بحسن نية منو جعلنا من اهل الخير ومشروعو تبرعو ب 1 شيكل لليتيم مشروع بستحق الوقوف عليه وانا ندعمو فلك كل الاحترام اخ ابو النون مفاجاتك بهذا الموضوع كثير عجبتني والها دور كبير بتمنى بنفس كل مسلم..وما بننسى الهدياه الي الها دور كمان بجعل بهجه مميزه والمهمات ومهمتي كثير عجبتني جزاكم الله كل خير..
أما انت يا زيد فكنت متل ام العروس ماشالله عنك .. الله يديم فيك روح العطاء فشي رائع انك تهتم بالاخرين وتتذكر حالك اخر اشي هههههه حبيبنا زيد...
واكيد كل المشرفين حبايبنا والاغلبية تواجدو والحمدالله في منهم ما كنا نعرفهم وفي منهم الي كسبنا شرف المعرفة والتعرف على وجوهم منورين طبعا...
فلا تتفاجأ يا عيساوي وصار لازم اقول اني الحمدالله عرفتك منور وما بننسى فضلك الكبير مو بس عالموضوع هذا لاء وكمان بشكل عام وكمدير لمنتدياتنا النا الشرف ندعم ونماشي منتدى فيه مدير متلك كل الاحترام والتقدير اكيد مو بس مني ومن الجميع...
محمد نخال الك مني كل الشكر والاحترام على تصويرك وانا ما بتعدى عليك ما بقدر تعودنا نشوف الصورة الصافيه منك يا ورد... بتمنى ما اكون ناسي حد جميعكم فخر للقرية من مشرف لعضو لانسان مدعو ..


أسف حكية كثير مع اني حاولة اوجز بس ما قدرةبتمنى اكون ما قصرة وهذا الكلامو مو مجاله بالعكس ... حاولة اني اعكس صورة صعب انعكاسها ووصفها لما فيها من خير... وبتمنا ما اكون ثقلة دمي عليكم بردي.. وما بننسى نشكر جدة ضياء المجد الها كل الشكر وبنتمنالها الصحه وطولة العمر
والمرة الجاي راح نجمع المشرفات لحالهن لانو في كثير منهم بستحقو المشاركه يهك مواقف فهن خوات لنا وعمود اساي بمنتديات العيساوية...
ما تدعو علينا لطول الرد اسف كثير ....
مع تحياتي لكم اخوكم منكم واليكم...
صرخات