[الفراشة]

المشاركة الأصلية كتبت بواسطة همزة وصل

[align=center]السلام عليكم ورحمة الله وبركاته [/align][align=center]
بس حابة اقدم شكوى لباصات العيساوية....
اولاً:بنقعد نص ساعة وساعة نستنا ليجي الباص
ثانياً:ازا ما في مجال حد يقعد في الباص مش ضروري اطلعوا العالم اضل واقفة وهي دافعة 4 شيكل زيها زي الناس اللي قاعدة
ثالثاً:طلاب و طالبات المدارس بقعدوا يستنوا في الباص ليجي وبالاخر بيجي الباص وما بطلعوا الطلاب والطالبات
وانا خلصت كلامي
ويا ريت هالمرة يكون في نتيجة......[/align]
مع تحياتي
همزة وصل

السلام عليكم ورحمة الله وبركاته

والله كلامك صح خيتوو
مشكلة الباصات في العيسوية كبيرة كتير والله وخاصة الصبح ما هم عارفين حركة الطلاب والعمال الصبح بتكون كتيرة ليه مش متلا خلينا نقول كل10 دقايق يطلعو باص
طيب ومرة ما لحقت الباص يعني وصلت الموقف والباص طلع هذا الحكي الساعة سبعة الصبح وانا لازم اكون بالشغل الساعة 8 وبركب مواصلتين كمان لحتى اوصل طيب ظليت على الموقف للساعة سبعة ونص وانا بستنى ويمكن وصلت الشغل الساعة مع الازمة الساعة 8 ونص والله سترها يومها
بس الحمد لله هلأ اتريحت صرت اطلع بسيارتي ووقت ما بدي وبوصل قبل الموعد كمان بس يا حرام والله بشوف قديش بيكون في ناس على الموقف امبارح وانا طالعة الصبح كان الموقف عند بقالة الشام مليان ولما وصلت للجامع لقيت الباص هناك طيب يا ترى هلأ لما الباص مر ما كان في حد والا شو ؟؟
وبعدها بأشوي وصلت لراس البلد لقيت كمان باص هناك حمل الناس وطلع
وكمان في باصات صغار بيطلعو من فوق ما بينزلو على البلد بحملو من فوق وبيظلو طالعين يعني هذا الحكي حكيتو لاني شوفتو بعيني
يا ترى المشكلة في الباصات والا في الناس ؟؟
ان شاء الله بتلاقو حل بسرعة لانو كمان اشوي جاي الشتى وما في مواقف الواحد يقعد تحتها من المطر

طولت عليكم بس اعتبرت الحكي هذا انا فشة خلق

تقبلو مروري
احترامي
اختكم الفراشة