السلام عليكم ورحمة الله وبركاته
شكرا الك ابو سمره على طرحك للموضوع وبحييك عليه والله وزي ما حكو قبلي كل واحد عنده رأيي
ومن جهتي انا بحكي الوطنيه
انه شباب البلد يخافو على مصلحت البلد من عدة جهات يعني انا ما بحكي ما يوقفو ضد الاحتلال لا بحكيلهم وقفو بس بالعقل مش بالقوه لانه كل القوه عند ولاد عمنا وهما اقوا مننا بكتير وصارو اكتر مننا بالعدد والسلاح
لما شباب البلد يطلعو يطبشو ويسكرو البلد بدي اسالهم كلهم ... استفدتو اشي !!
ممم لا بلعكس حتى لو ما انمسك ولا واحد من الشباب وحتى لو ما كان في ولا جاسوس بيناتهم حتى لو اتضررو الجيش شوي وكمان كتير احنا بنضلنا الخسرانين
خسرانين : اول اشي شوهنا منظر البلد .. دخلت البلد الي بتبدا من عند الكزيه لعند محلات روز يعني تفرجو عليها كلها حجاار ومحروقه واشي مقرف
تاني اشي ازا شفتو انه تاني يوم سكرو البلد على الداخل والطالع وصار في تفتيش على الجميع
الصبح صارو يحطو محسوم ويأخرو طلاب المدارس كتيير عن مدرستهم ورجال الاعمال عن اعمالهم
غير التاخير .. كل واحد طالع من البلد يمكن ياكل مخالفه او اي اشي هاد غير ازا حبو يفتشوه تفتيش كامل زي ما شفت اكم سياره داخله عل بلد نازلين ركابها بيتفتشو هما والسياره كلياتها هاد الحكي بالليل كمان
الواحد يحب وطنه وانا بحيي كل واحد بحب وطنه بس ازا بده يقهر اليهود يقهرهم بالعقل .. اول اشي بقدر يسويه يقاطعهم من منتجاتهم تاني اشي ازا هما ما نظفولنا شوارعنا احنا بنخلي شوارعنا نظاف احنا بنزرع شجر حولين دخلات البلد كل واحد بينظف باب داره
في حلول كتيره بتوقع بتفيد
بدل ما الواحد يطلع بالليل يتلثم ويطلع يخربش على حيطان دور العالم والجوامع .. اول اشي بيبدو الاصلاحيين يدهنو حيط الجامع من الخرابيش وما بسدقو هدول الحركات الي بالبلد يشترو علب رش ويخربشو على الحيطان
طيب ما احنا ناويين انظف مش انوسخ بس هما ما بيفهمو منيح
بس بعين الله
تحياتي بتمنا اني اكون وصلتلكم الي بدي اياه
وشكرا ابو الجوج عل موضوع
|