وأنا باخد دورة إسعاف أولي وراح أخلصها عن قريب ان شاء الله
بالنسبة للجواب
قبل كل اشي
اذا كنا في حالة خطر سواء احنا (المسعفين) أو المصاب فلازم نحمله وبالطريقة الصحيحة (حتى ما نضره) ونبتعد عن مكان الحادث
اذا ما كان فيه خطر فلازم نفرق الناس المتجمهرة
وبنطلب من أي شخص الاتصال بالإسعاف
وبنبلش...
بنتأكد امن انه الشخص بيتنفس
وبنفحص نبضه
هلأ اذا كان يتنفس وفي نبض فشوفه شو راح نسوي
بنعمل تنفس اصطناعي وعملية انعاش وبنعمل كالتالي
بنعمل عملية انحناء لرأس المختنق فبنرجعه لورا
تاني شي بنرفعله فكه السفلي
تالت شي بنسد منخاره بأصبع السبابة والإبهام
رابع شي بننفخ في تمه بقوة كبيرة(شدو حالكم ههه) لبين ما تحسه انه صار في عملية انتفاخ بصدره
ولازم نعمل في كل دقيقة 12 نفس
لازم نواصل العمل لبين ما تجي سيارة الإسعاف اذا إجت بتقول للطبيب اللي داخل السيارة هاد المصاب عملناله هيك هيك هيك وبتسلمه اياه
واذا ما أجت سيارة الأسعاف وحسيته انه لسا المصاب بحاجة لإعطائه نفس
فلازم تنقلوه انتو على المشفى مع الحرص انكم تعتنو فيه طول مسافة الطريق
وطريقة الإعتناء اللي بحكي عنها هي نفسها (التنفس الإصطناعي)
هيييييييع حلو صح ؟ ههه
مشكور عمو بكر