بسم الله الرحمن الرحيم
السلام عليكم و رحمة الله و بركاته
مسلسل بسيط من تأليف أخيكم الصغير " أبوالنون "
أرجو أن يعجبكم
و إليكم
الحلقة الأولى
أبوعجيب نائم في فراشه فيسمع صوتا ً :
يا نايم وحـّد الدايم يا فايق صحـّي النايم
قوموا على سحوركم أجا رمضان يزوركم
تسحـّروا فإن في السحور بركة
تسحروا و لو بجرعة ماء
أبو عجيب : مين هذا المزعج ؟ أبوك **** , الله ياخذك روح من هون
قومي يا بنت حضري لنا السحور
و يذهب المسحراتي مخذولا ً خائب الرجاء
أم عجيب : حِل عني ما بدي أتسحـّر , بدّك شوف شو في بالثلاجة و كـُل
أبوعجيب : بلا منها خليني أنام الله يقلق منام هالـ******
و عند الظهر
أبو عجيب : مش قلت لك يا بنت قومي حضري سحور !
هيني عطشان بسببك مش كان أحسن لو قمتي يا **** ؟
أم عجيب : واحد مثلك ****
أبو عجيب : انتِ وكل أهلك **** , مش عارفة إني صايم
أنا معصـّب دون هالواسطة
و تبدأ المشادّات و تنتهي بإعراض الاثنين و ......
الوجه الآخر
أبوعجيب نائم في فراشه فيسمع صوتا ً :
يا نايم وحـّد الدايم يا فايق صحـّي النايم
قوموا على سحوركم أجا رمضان يزوركم
تسحـّروا فإن في السحور بركة
تسحروا و لو بجرعة ماء
أبو عجيب : الله يا عيني شوهالكلام الحلو ؟
مين هذا ؟ تسلم يا طيـّب ما شاء الله عليك صاحي قبل الكل لتصحينا ! الله يجزيك الخير
المسحـّراتي : الله يسعدك يا عمّي شجّعتني
انتو بتستاهلوا أكثر, انتو أهل حارتي و بلدي
هذا واجب عليّ وكمان هيك بنحيي تراث أمـّتنا
أبو عجيب : بارك الله فيك يا بني
أم الحبايب, أم عجيب , قومي يا بنت الحلال نتساعد لنحضـّر السحور وانصحّي الأولاد
أم عجيب : تسلم لي يا أبو الحبايب , يسعد صباحك الفتـّاح
شو يا حبيبي !؟ أنا بحضـّر السحور انت بـَس صحي الأولاد لو سمحت و صلي ركعتين بكون السحور جاهز
و عند الظهر
أبو عجيب : تسلم يديكي يا أم الحبايب هذا القمر الدين مرطب لي حلقي فعلا ً إن في السحور بركة
أم عجيب : طبعا ً يا غالي لازم نتسحـّر حتى ولو على شربة مي
أبو عجيب : الله يسعده هذا الشاب الطيّب اللي صحـّانا
ما أحلى الصيام
اللهم صل ِ و سلـّم و بارك على الحبيب سيدنا محمد
و على آله و أصحابه أجمعين