[SoFt G!rL]

شكرا هداية عالموضوع النايس

أنا بصراحه اول مرة واخر مرة اخدت لفت نظر بصف تاسع كنت كال يعني الطالبه الشاطره وكنت من الاوائل كنا بيوم قاعدين ما بنشوف الا مس الانجليزي بتدخل زي الوحوش وبتصيح وصارت تحكي الي بتفتح تمها بنقصها علامات كانت مستلمتنا بتنقيص العلامات والله يسهل طريقها ياريت كانت تفهم عشان نجيب علامات فأنا بكل براءه كنت ضايعه بالحصه ومش عارفه وين المس بتشرح حكيت للقدامي اي صفحه انتو الا ما الاقي الا جهنم قدام عيوني والمس صارت تقلي برا بسرعه انا كنت شاكه انها ماكله كتله وجاية تتفشش المهم فهمتها الموضوع وصحتلي شوي وكنت معصبه وبطلت بدي اشوف الشرح وتخطر عبالي فكره جهنمية واكعد ارسم المعلمه بس خلصت ابداعي بنت عمتي كانت بالجهة الي قبالي كاعده اخدت رسمي الا المعلمه تشوفها وهي توخد الرسمه وتقلي تعالي اطلعي عند الادارة واخدت لفت نظر واجت امي والمديرة انصدمت لما فتت عندها كنت من المجتهدات ومكانش وجهي وجه مألوف عليها المهم اكلت الي فيه النصيب ومن يومها بكره الرسم ههههه




تح،،يتي