[ابو كايد]

بسم الله الرحمن الرحيم

السلام عليكم ورحمة الله وبركاته


نعـــم :..... من الجميل ان نتوجه بجولات للعيسوية الجديدة شرق البلد
ونشوف كيف الناس بتعمل بأرضها وبالطرق البدائية
وكمان في غزلانأكيد يا أم كلثوم يا كوكبة الشرق
لازم كلنا نتوجه للشرق للشرق نعم لشرق البلد وعلى عج


هذه تذكرة للجميــع ليس إلا

العيسوية الجديدة تناديكم وتشد على أياديكـــم

التوجه الحر وبسرعة كل حسب ظروفه وإمكاناته لأراضيكم
وعليكم تعرفوا ما بيجرث الأرض إلا عجولها


خذوا أولادكم وعيالكم وحلالكم واعملوا شمات هواء
وبيجوز من باقي طعامكم عجمة زيتون وبزرة الليمون تتطلع شجرة
ومن بزر البندزوة تطلع نبتة إعملوا بيار مية وتخشيبة أو عريشة
وبعدها حتشوفوا ما أحلى هالعيشة

إحنا بنشوفكم من ظهرة الأزور وسعدنا بجيراننا الجدد
الحمد لله شايفينكم نشيطين
الله يوفقكـــــــــــــــــــــــــــــــــم
شو بدكم بس تعالوا لعندنا في عندنا ظل وماء وشجر وبيوت من حجر وخشب
وكل ما بيلزم في البيت موجود بس تعالوا بنهب ريحكم وبتنبسطوا
وبنطبخلكم على النار ومش حينقص عليكم شيء والجار للجار

والله إحنا مكيفين بنشوف العيسوية والعيزرية والخان الأحمر والأردن والبحر الميت
وكل الأحراش قبالنا ومعاليه أدوميم ومناظر بتشرح الصدر
وإنشاء الله بتعمر العيسوية وبنعمل من عندنا لعندكم تل فريك بس شدو حيلك


مين فيكم صادق في إنتمائه لأرضة
وبيغار عليها زي ما بيغار على عرضه
من خلال تفعيل العمل التطوعي الدؤوب وتعبكم منكم وإليكم والسلام عليكم

يالله في الحركة بركة شدو حيلكم وتوكلوا على الله
بدنا الإنتشار الإنتشار في العيسوية الجديدة

موفقين بإذن الله ... ولكم منا أجمل تحية .يا أهل البقيع
وعركان مفظل وبير الحاج والزيامبا ومغاير الظبعة
والمكثاة والسنيسل والوعر

وشو بدي أعدلكم لأعدلكم من أسماء المناطق
وهيك بتجيبوا ولادكم وبتعرفوهم على أرضهم
قبل ما نموت هالكبار في السن

ليكن صيف 2009 صيف خير وبركة ومخيمات صيفية لشرق البلد

وسلامتكم