[Ṁǎĵđ]

استعملو المياه الدافئة فقط ولا تستعملو المي السخنة لانو بيضر فروة الراس وبيفتح المسامات مما يساعد على تساقط الشعر!
والمي الساخنة تساعد على افراز مادات دهنية كتير وخصوصا للشعر الدهني
وكمان المي الساخنة تساعد على ظهور القشرة!

لا تحطو الشامبو من الانينة على راسكم فورا
لانو بيعتبر صابو سائل مركز والفروة الراس بتكون حساسة وكمان هالشي بيخلي الشعر يتساقط
طيب شو نعمل؟
حطو الشامبو على كفكم وبعدين حطو شوية مي فوق الشامبو يعني كم نقطة مي بس مشان اول الشي الشامبو يصير حرارتو من حرارة المي وومشان يتفاعل مع كفك والمي اولا قبل ما يتفاعل مع فروة الراس
طبعا غسلو شعركم كتيييييير منيح من الشامبو او البلسم (الكريم, الكونديشنر) لانو بقايا الشامبو او الكريم هم الاسباب الرئيسية لتقصف الشعر و جفافو وفقدان لمعتووو
ومشان الكريم او البلسم كمان حطو الكمية الي بدكم ياها على كفكم وحطو بعض قطرات الماء مشان ياخد الكريم حرارة الماء ويكون مناسب لفروة الراس

ملاحظة كتير ضرورية:
بعد ما تخلصو غسل شعركم وقبل ما تطلعو حولي المي الى كم درجة الى المي الباردة
يعني مو باردة انكم ماتستحملوها لالالا
بس شوي شوي حولوها لتصير انو مي اقل من دافئة وغسلو شعركم منيح
ليش؟
لانو انتو غسلتو بالمي المفترة وفتحت المسامات فروة الراس
وهلء بالمي الي باردة لح ترجع وتسكر هالمسامات مشان وقت تصرحو شعركم بعد الحمام ماتكون المسمات مفتوحة ويصير تساقط الشعر كتير سهل
هيك بتسكرو مسامات الفروة وبيصير الشعر اقوى

حاولو يا صبايا ويا شباب انو ما كتير تستعملو السشوار
وكمان بعدو عن كلشي جيل او موس او فكستور بقدر الامكان ...يعني خليهم للمناسبات بس
(مافي احلى من الشعر الطبيعي)

ونشفو شعركم بالبشكير كتير منيح
وغسلو شعركم كل يومين على الاقل او كل 3 ايام بالكتير
واذا كان في مطر او تلج حاولو ما يجي على شعركم لانو فورا وتاني نهار بيصير في قشرة
ويلي بيحطو طواقي يحاولو كمان ماكتير يخلوها على راسهم وخصوصي الشباب متل طاقية البيسبول لانو بتعمل فراغات بالشعر على حيذها...

انشالله كون قدرت افيدكم من هالمعلومات