[ليل الهجر]

اشكركم على طرح هذه القضيه المثيره للجدل
بعد كل ما قرأت من ماما رويده والعم ابوكايد واخي العيساوي... لا اجد ما اضيفه فقد جمعتم ب ردودكم معظم ان لم تكن كل المشاكل الحاليه ...
احب ان اتطرق لموقف حصل امامي اول امبارح تحديدا ....
حظي العاثر خلاني اروح من الجامعه بكير ... بكير يعني بحدود الساعه 3 العصر ....
وقفت ع الموقف متل العاده وكان بلحظتها الباص الطويل (او الكبير في روايه اخرى) هلأ اتحرك وما لحقتو ف وقفت استنى الباص اللي بعدو ...
استغربت لانو السايد اللي بتكون فيه الصبايا بالعاده فاااااااااااضي ...بس السايد اللي قبالو ملياااااااااااااااااان ...وقال انا يا حرام شفقت ع الشباب وقلت اكيد هلأ ح يجيهم باص كبير ياخدهم ...
وخلال هاللحظات اجو بنتين من المامونيه طبعا ...(ومتل ما قالت ماما رويده حدث ولا حرج...بس ح اضيف شغله ..انو قسما بالله لما مرت من قدامي ما انتبهت انها لابسه مريول وكنت مفكره انهم كاينين برحله...وبعد ما وقفت قدامي 5د اكتشفت انها بجد لابسه مريول ... بس ما ببالغ اذا قلت انو ما بغطي جيبة البنطلون الجينز...!!!!!!!!!!!!يعني بمعنى اخر كفة ايدي اطول ....)
ما علينا ..مش هادا موضوعنا ....
موضوعنا انو اجا باص صغير وقف قدام البنتين ...يعني البنتين اقرب مني للباص ...ف انا من دافع الزوق استنيتهم حتى يمشو قدامي ...بس لقيتهم ضلو واقفين ...قلت يمكن بستنوا حد وكملت طريقي وقبل ما اركب الباص اجا الشوفير وقلهم ...هاي الباص شو بتستنو؟مش شايفينو؟؟؟
ما تتصورو النظره اللي اطلعو فيها ع الشوفير ....(لا تعلييييييييق)...
المهم انهم بالنهايه طلعو...وللصراحه انا انبسطت ...الهيئه انو مخططهم فشل هههه

هادا الموقف اللي صار معي وبصراحه يعني انا طالبه جامعه وبالجامعه في كتير وقليل بس بضل تحت منظور الجامعه والزماله اللي لا مفر منها ...بس مع هيك ما شفت اللي شفتو ع مواقف المدارس

حابه اناقش هاي النقطه او الموقف ..للأسف فكرت بحلول وحاولت احلل ابعادو بس كلو ع الفاضي ...
يعني لما فكرت بالاهل ...قلت انو في احتمال من 2...
1- انهم مبسوطين ع بنتهم وهيه زي اللعبه؟
2-انهم معتبرينها صغيره (خصوصا لما تكون اخر العنقود)

لما فكرت بالمدارس..والله المدارس عملت اللي عليها ...
1-حددت الزي
2-وحددت مواعيد المدرسه
بس ما بتقدر تلاحق طالباتها بعد ما يطلعو من بوابة المدرسه ...وانا متأكده انو مش هيك بكون شكل البنات وهمه بالحصه

لما فكرت بالشفريه لقيت انهم كمان عملو اللي عليهم
1-فصل البنات والشباب بالوقفه ع الموقف (مع اني شايفه انو الفصل هادا زاد الموضوع سوء صارو قدام بعض وهات يا استعراضات)
2-باصات خاصه بالبنات
3- وصلت فيهم لحث البنات على الركوب بالباص

البنت نفسها
1-انا زغيره بدي اعيش...ما تتوقعو مني اكونزي امي او حتى اختي المتجوزه

العالم اللي بالشارع
1- بيلبقلها مقصوفه العمر ههه

برأيي ربو الاهل بعدين اسألو على ترباية البنت او حتى الشب