[ام زيد]

اما مضمون موضوعنا ..حقيقة ..محتارة من اين ابدأ !!!

هل اعلق على نظافة الاولاد ..ام ما يحملونه معهم الى المدرسة ..

ام على طريقة اللباس الذي يرتدونه ؟؟

ام على موديلات الشعر اللي بتكون البنت متفننة بحالها !!!كانها رايحة على حفلة ..

مش عارف ..

اول شئ بدي اعلق على كلمة ابو كايد حيث يقول احنا ما بنعمم ..

هذه قاعدة اكيدة ولا تحتوي نسبة 1% من الشك ..

ولا مرة بنعمم ..

فكما هو موجود الصالح ..فلولا وجود الطالح لما قدرنا واحترمنا الصالح ..

ولولا الظلم لما شعرنا بحلاوة العدل

اذا في كل مجتمع في خير وفي شر ..
ولكن ولاننا نهدف الى التغيير الى الافضل اوجدنا هذا القسم لُيظهر الجانب المظلم
من حياتنا ..
ولنطّلع على امور قد تغيب عن اعين الكثيرين منا .



نرجع لموضوعنا ..

يا جماعة اللي بيطلع من بيته وقت ذهاب واياب الاولاد الى المدارس ومنها ..

يرى العجب العجاب ..

واكثر ما يلفت انتباهي هي اللباس ..من كل شكل ولون ..هذا اذا كان نظيف !!!

البنات ..الصبايا ..قبل كم يوم شفت بنت قسما بالله لو انها رايحة على حفلة ما هي هيك !!

الشعر اللي على الظهر ..مسشور ..والهواء بيهفف بهالشعرات ..ويا ارض اشتدي ما عليكِ
حدا قدي !!!

تمنيت اعرف مين هالبنت لحتى اسأل اهلها ..بتوافقوا بنتكم بتصرفها ؟؟


موضوع ثاني التأخير ..مرات بتصير الساعة ثمانية وربع والاولاد والبنات ما زالوا يتسكعون في الشوارع !!

في احدى المرات ..
قامت مديرة الابتدائي بتوقيف كل البنات اللواتي اتين بعد دق الجرس ..

المدرسة فيها ما يقارب 900 طالبة ..لا ابالغ اذا قلتلكم ثلث الطالبات وقفوا على جنب ..

متأخرات !!!
اقتهم في الساحة لما بعد الفرصة !! علهن يتعلمن درسا !!


اما موضوع ما يحمله الطالب او الطالبة معه الى المدرسة غير القرطاسية والكتب ..

فحدث ولا حرج !!!

البلفونات ..الشفرات ..القداحات ..اودات الزينة ..اكسسوارات ...ووووو
القائمة طويلة !!

سؤالي للصبايا .. والشباب ..ليش بتحمل معك هالاشياء ؟؟

المشاركة الأصلية كتبت بواسطة العيساوي

اقسم بالله قبل يومين شفت منظر لحد الان مش قادر اخرج من الصدمه
انا انسان شاف بحياته ومش سهل اني اتفاجأ
ولكن كمان مره اقول والله والله يا جماعه الخير شفت بعيني وما حدا قلي شئ عجيب غريب
مخالف لكل قيم ديننا وكل عاداتنا وتقاليدنا وبنص البلد والصدفه فقط هي وصلتني للمكان وفي الزمان حتى اشوف ويا ريتني ما شفت

بطلب من العيساوي ان يورد ما رأآه ..اذا ما في احراج ..واكيد دون ذكر اسماء .
لانه في ناس بيقولوا انتوا بتبالغوا !!