[SaMoOoH]

مرحباا...
حابة اشارككم بما اني بنت البلد وطالبة بتعلم برة فلسطين

السؤال المطروح مهم كتير
لانو كتير ناس بتأيد هيك فكرة وفي ناس ما بتأيدها

انا بالنسبة الي كنت كتير حابة اني اتعلم ببلدي واتعلم بجامعة من جامعتها من وانا صغيرة كتير كنت احلم اني ادرس بالجامعة** والحمدلله اتحقق** بس كنت كتير اتخيل انو انا بجامعة من جامعات فلسطين مش جامعة بدولة تانية..

بس ظروف الاحتلال والوضع الي منعيشوا كتير بأثر على الانسان والطالب الي بروح وبيجي كل يوم على جامعتو بيكون عندوا ساعتين محاضرة او تلاتة وبيقضي نص يوموا على المحسوم وهادا كلو علشان الناس تزهق من انو يروحوا ويجو كل يوم ويحرمونا من التعليم

فكرة انو الدراسة بالخارج فكرة مش غلط بس ازا كان الانسان بقدر يتحمل المسؤولية وقد هاي المسؤولية ما في مانع ويكون عارف انو هو متغرب وبعيد عن اهلو ووطنوا بهدف واحد وهو انو ياخد الشهادة ويرفع راسوا وراس اهلو وطنوا ويوقف ادام العدو الي ما بدو يانا نتعلم ويكون هادا سلاحنا هو شهادة الي بإيدنا....

وبتمنى انو ربنا يوفقني ويوفق كل الطلاب المغتربين والطلاب الي بجامعات فلسطين
ونخلص جامعة وناخد شهادة ماجستير كمان لانو التعليم كتير حلو....

وبتمنى لكل طلاب التوجيهي هاي السنة والسنين الجاية كل التوفيق وشدو حيلكم

سماح بنت القدس
جامعة البترا (الاردن)
تخصص محاسبة
سنة اولى (فصل تاني)
وهادا موقع جامعتي للي بحب يشوفوا http://uop.edu.jo/