الدكتور: كان معاها نزيف في الدماغ بس اتفاديناه لكنها تعاني من كسر باليد اليسرى وشوية تشويه في جبينها بس هي حظها حلو لان الصدمة كانت قوية بس هي طلعت منها على خير
يوسف: لا حول ولاقوة الا بالله الله يشفيها
والدكتور لمح احمد: شوف هذاك الرجال هو اللي جابها
وراح يوسف لاحمد
يوسف: السلام عليكم
احمد: وعليكم السلام
يوسف: صراحة ماني عارف ايش اقولك بس من جد مشكور
احمد: لا تقول شيء انا ماعملت الا الواجب
يوسف: مشكور وكثر الله من امثالك بس ابي اسأل انت تبرعتلها بالدم
احمد: ياليت كان انكتبلي اجر بس فصيلة دمي مو نفس فصيلتها اللي هي اتبرعت اختي
يوسف ابتسم: مشكووووووورين وماقصرتم بس انت فين لقيتها
احمد : صراحة انا كنت ماشي في الخط فجأة ظهرت اختك بوجهي وماقدرت اوقف بس الله العالم اني حاولت اني مااصدمها بس هي كانت مسرعة وشكلها كانت سرحانة وماتدري عن اللي حواليها
يوسف يفكر في كلام احمد ايش ودى مي ذاك الحي غريب والله
يوسف: على العموم انت مالك ذنب باللي صار كل شيء مقدر ومكتوب
وكفاية انك جبتها نا وماتخليت عنها
احمد: الله يسلمك
ونادى يوسف اهله وقالهم على اللي صار
يوسف: امي روحوا اشكروا البنت من جد ماقصروا
ام يوسف تحضن نادية: مشكورة يابنتي الله يسعدك انشاء الله
نادية: انا ماعملت الا الواجب ياخالة والله يشفها لكم انشاء الله
وسلمت مها على نادية وشكرتها
وام يوسف كمان شكرت احمد
......................... ........
ياسر كان في السيارة ومعاه عبير
وكان يفكر: على قد ماحبيتك ياعبير على قد ماكرهتك ولازم اخليكي تدفعي الثمن حق مي ماراح يروح وانا اللي باخذه منك نفس المكان اللي وديت له مي بوديكي له مكان كله وحوش بشرية تنتظر الفريسة بأي وقت هههههههههه
عبير: خير ايش عندك اشوفك تبتسم ضحكني معاك
ياسر: لا بس اتخيل الشكل لمن تكشف حقيقتي
عبير: ههههههههههههه ودي اكون معك
ياسر في قلبه: هههههه بتكوني معاي لاتتعجلي
ياسر: عبير انتي تكرهي مي
عبير: اكرهها واكره اخوها لوبيدي اذبحهم الاثنين
ياسر: اخوها؟؟ ايش دخل اخوها
وحكت عبير ياسر عن يوسف واناه حبته بس هو تركها وذلها
وياسر يسمع مي وقلبه صاير نار انا الغبي احبها واسوي لها كل شيء وهي ماهي دارية عني
ياسر: تحبي يوسف طيب وانا
عبير ارتبكت: هاا انت حبيبي كمان بس يوسف دحين اكرهه اكرهه
ياسر: بس كنتي تحبينه وتضحكي عليه
عبير ياربي انا ايش سويت
عبير تمسك يد ياسر: ياسر حبيبي والله انا احبك
ياسر يدف يد عبير: انتي كذاااابة
وصاروا ياسر وعبير يتهاوشوا والجو بينهم مكهرب وياسر مقهور منها وصدره شاب حقد عليها
عبيرتصارخ: ياسر انتبه بنصدم
وماقدر ياسر يتماسك واتقلبت فيهم السيارة
***************
في المستشفى
كانوا يوسف وامهم ومها جالسين
يوسف: انا بس ابغى اعرف هي وين راحت
ام يوسف: الله يستر شكلها مسوية شيء غلط حاسة كذا
مها: لا انشاء الله بس ابويه لايدري والله غير يتعب
يوسف معصب: يعني مانقوله
مها: لا قصدي نقوله أي شيء غير انه مي خرجت من الملكة عشان تروح لمكان الله العالم ايش هو
واتفقوا يوسف وامه واخته انهم يقولوا للسواق انه اخذ مي وهي طلبت منه انها تنزل وتتمشى وانه صدمتها سيارة
......................... ...............
طبعا تبغون تعرفون ايش صار بياسر وعبير
الحادث كان قوي وعبير على طول ماتت لكن ياسر انقذوه بس قلبه كان ضعيف وتوفى بعد ساعتين من الحادث وبكذا انتهت حياة ياسر وعبير واخذوا عقابهم من الله اللي يمـــــــــهل ولايهـــــــــمل
......................... ..............
جاء اليوم الثاني وابويوسف واهله كلهم بالمستشفى عند مي اللي لساتها بغيبوبة وام يوسف ماوقفت بكاء على بنتها ومها تشاركها الصياح وبندر يهدي فيها وابو يوسف قلبه مشغول على بنته بس هو يضاهر بالعكس وماجد وويوسف يهدون امهم ويصبرونها ومازن رغم صغره لكنه حاس باللي صاير وقاعد يبكي على مي حبيبته اللي دايما تلعب معاه على قولته
مازن: بابا مي يترجع لنا
ابويوسف يحضن ولده: انشاء الله مي بتقوم وترجع معانا البيت
مازن: انشاء الله
ويروح مازن عند امه ويحضنها ويبكي معاها
......................... .........
نوف كانت في الصالة ومسرحة تفكر بمي
نور: نوف
نوف: نعم
نور: ايش رايك نروح عند سارة وسمر
نوف: افكر
نور: نوف ايش فيكي
نوف: اقولك يانور على شيء ماتصدقينه
نور جلست عند نوف: قولي
نوف: مي امس سلمت عليه وباركتلي وقالتلي سامحيني
نور: لا كويس تصدقين نوف ماجد دايما يحكيني عن مي يقول شخصيتها غريبة مرة تكون حنونة وطيبة خصوصا مع مازن ومرات تكون عصبية وحقودة
نوف: الله يهديها وتصير طيبة معانا
نور: طيب ايش رايك نزورها ونخلي علاقتنا تقوى
نوف: ههههههه انتي بس بغي تخرجي ها بتروحي عند سمر ولامي
نور: خخخخخ عادي كل يوم نروح لاحد
نوف: هههههههه افكر واردلك
ودخل عليهم بندر ومبين عليه انه زعلان
بندر: السلام عليكم
نوف + نور: وعليكم السلام
بندر: وين امي وابويه
نور: في غرفتهم ليششششش
وراح بندر عند امه وابوه وطنشهم
نور: هذا ايش فيه مايرد
نوف: شكله مايطمئن الله يستر
نور: ياخبر النهارده بفلوس بكره ببلاش
نوف: على قولتك
وكملوا هروجهم
وشوية يخرج ابو بندر وهو لابس ثوبه والشماغ بيده وشكله مهموم
نوف: ايش فيكم
ومحد رد عليها وخرجوا
نوف: امي ايش فيه ابويه
ام بندر: لاحول ولاقوة الا بالله
نور: امي قولي خوفتينا
امهم: مي بنت عمكم صار لها حادث
نوف ونور صرخوا مع بعض توهم جايبين سيرتها يالله
نوف صارت تبكي: المسكينة امس تعتذرلي عن كل شيء اتاريها حاسة
نور: ودحين هي كيف
امهم: يقول بندر انه كان معاها نزيف بالدماغ بس عالجوه لكنها في غيبوبة الحادث كان قوي
نوف تحضن امها وتبكي وام بندر تهدهد عليها وجاهم بدر
بدر: ايش فيكم
وقالتله نور عن اللي صار
بدر: الله يشفيها
نوف: انا ابغى اروح لمي
ام بندر: هي دحين بغيبوبة ماتدري عنا
نوف: برضو بروح حرام مها اكيد زعلانة
بدر: خلاص دحين نروح
وراحوا بدر واهله المستشفى
......................... .............
بعد مرور اسبوع على الحادثة
حالت مي ماتحسنت و لساتها بغيبوبة
وامها ارتفع عندها الضغط ونوموها بالمستشفى
والباقين حزنانين على مي ويدعولها بالشفاء
ونوف كانت مرررة متاثرة على اللي صار وكل يوم تبكي
سارة: نوف حبيبتي خلاص انشاء الله تقوم بالسلامة
نوف: اااه ياسارة انا اخر وحدة شفتها تخيلي اعتذرتلي وحضنتني ااااااااه ماني قادرة انسى شكلها ياليتني ليتها تجلس ولاتروح
سارة: نوف كل شيء مقدر ومكتوب حرام تقولي كذا انتي ارتاحي دحين
ونامت نوف على رجل سارة اللي قاعدة تمسح دموعها وشوية الا تلاقي نوف نامت بعدين حطت راس نوف على المخدة وغطتها وخرجت من الغرفة وهي تفكر بنوف على قد ماشافت من مي لكنها تحبها ومتاثرة على اللي صاب مي ربي يخليكي ليه يانوف
وكانتسارة بتروح بيتهم بس قالت بتمرعلى بدر تسلم عليه من الحادث ماشفته زين
بدر كان يكلم جوليا اللي اتصلت عليه
جوليا: والله مشتاقيئلك كتير
بدر: وانا اكثر بس
بدر وقف موقادر يكمل يخاف يقولها على سالفة زواجه تقوم تزعل
جوليا: بس ايه بدر
بدر خليني اقولها وارتاح
بدر: جوليا انا بتزوج قريب
جوليا انصدمت: شووووو
بدر: جوليا انا قلتلك من زمان اني مستحيل اتزوجك انا احب بنت جيراننا من زمان ودحين خطبتها وصارت ملكتنا وزواجنا بالصيف
جوليا: بس انت ماقولتلي انك تحب
بدر: ماكنت ابغى اجرحك
جوليا: بس انت جرحتني كتير باولتك دي انا اتأملت منك كتير بدر
بدر: انا اسف جوليا بس والله انا احب سارة ومن زمان اتمنيت اني ارتبط بيها
جوليا بحسرة: اوكي بدر الله يوفقك
بدر: لاتزعلي جوليا والله اني حبيتك
سارة كانت بتدخل الغرفة بس سمعت جملة بدر الاخيرة وماقدرت وعلى طول خرجت وراحت بيتهم ودموعها على خدودها
......................... ............