23-01-2008, 06:37 PM
|
#84
|
عيساوي مشارك
|
دنيا ايه
دنيا ايه اللى بتجرحنا
ده احنا اللى بنجرح نفسينا
يبقى معانا اللى يفرحنا
وندور على اللى يبكينا
عمر الدنيا ما جرحت حد
واسالوا اى دموع على الخد
دا احنا بنقطف شجر الورد
وبنزرع شوكنا بايدينا
مين.... مين
مين اللى ضيع راحه البال
مين اللى ظلمه يهد جبال
وعذابه ما بعده عذاب
مين اللى صبح وظهر وليل
مش هامه لا عذاب ولا ويل
ولا عامل للدنيا حساب
مين اللى قاد بايده النار
مين اللى خلى الحلو مرار
مين اللى جاب بحر العذاب
مين اللى خلى الدنيا عتاب
مين اللى خلى الصبر يطول
وبيحلف بحياه ايوب
واتعجب على الايام
مين اللى خلى الغالى رخيص
وادى الفرص لكل خسيس
يزرع شوك ودموع والام
مين اللى سرق الحب وباعه
وبعذره اتسبب فى ضياعه
مين اللى دار ورجع محتار
وبيتمنى الحب كان صار
مين ....مين
مين اللى هانت روحه عليه
وبيرميها للنار بايديه
ويقولك قسمه ومكتوب
مين اللى داوى الجرح بجرح
مين اللى بكى عيون الفرح
مين اللى كله غل وعيوب
مين اللى خلى الدمع بحور
مين اللى بكره عليه الدور
مين اللى خان وملوش امان
وملوش حبيب ولا عنده قلب
مين.....مين
عمر الدنيا ماجرحت حد
واسالوا اى دموع على الخد
ده احنا بنقف شجر الورد
وبنزرع شوكنا بايدينا
|
|
|
|