[محمد نخال]

المشاركة الأصلية كتبت بواسطة عماد بوجه

السلام عليكم
أهلين بأخوي وزميلي نخال
تسمحلي أسأل؟؟؟
شكرا1- شو مبدأك في الحياه
2- لو خيروك بين (المنتدى\الفطبول)شو بتختار
3- شو رأيك في حال الرياضه في العيساويه بشكل عام \وشو اقتراحاتك
4- حسب رأيك بتشوف هناك تقصير من قبل النادي في بعض الأمور
5- لو عينت مدير للنادي ماهي أول قرارات بتتخذها
6- كلمتين في حق كل من1-خضر عبيد
2- عاصم عبيد
3- باسل محمود
4- محمد عمر
5- ثائر محمودهذول بغض الأسئله بخصوص النادي
نيجي للمنتدانا شوية أسئله:-
1- المنتدى \ ماهي الأسباب برأيك اللتي ساعدت في انجاحه
2- العيساوي\ هل هنالك قرارات برأيك اتخذها كانت خاطئه أو بغير محلها
3- المشرفين \ هل تنطبق عليهم (المشرف المناسب في القسم المناسب)
4- الأعضاء\ هل تراى برأيك أن بعض الأعضاء لم يأخذوا حقهم بالمنتدى كالاشراف مثلا
5-الأقسام\ هل عندك اقتراحات لبعض الأقسام أو انتقادات (احكي ومتخافش
6-لو خيروك تكون مشرف فقط على قسم واحد أنو قسم بتختار\ليش
7-شو رأيك في 1- ناصر دين الله
2- خيال البلد
3-المدمر
4-عماد بوجه
أسأل ولا تعبت ؟؟؟
بعرف انك تعبت بس أنا متورملك من زمان
بنيجي للأسئله الشخصيه؟؟؟
1- محمد نخال هل هو عصبي\ مرح\مزاجي
2- ما هو الشيء اللذي يغضب نخال(طبعا غير كثرة الأسئله ههه)
3- لو أبوك قرر يرجع يسكن بريحا شو بتعمل
4- أسرارك لمين بتعطيها
5- وكتيش أخر مره أكلت فيها كنافه ووين ومع مين وعلى حساب مين
طيب مشان أنا بدي اطلع على الشغل اسمحلي (ان شاء الله لنا لقاء مع أسئله اخرى)
وأسف لأني مسألتش كتير مشان مستعجل
اخوك وحبيبك (عماد بوجه)

يا هلا بزميلي المتألق صاحب الأفكار الخنفشارية عماد بوجه

بس بدي احكيلك كلمة .. أول ما شفت إسمك إنك رادد على الموضوع .. قلت مش راح يمضيها على خير .. عماااد وبعرفك :36_1_2: ...

تسمحلي أسأل؟؟؟
شكرا

خلص هو انت خليتلي مجال أجاوب ... على كل حال عفواً .. ولو انه الخيار بإيدي كان ما وافقت

1- شو مبدأك في الحياه

التسامح

2- لو خيروك بين (المنتدى\الفطبول)شو بتختار

طيب ليش معصب ؟؟ .. خلي النقاش هادي .. هيك بتعامل الضيوف؟؟ .. بعطيك الجواب الشافي لاني بحبش اللف والدوران ... رح أختار الفطبول .. مثال : لما يكون عندي تمرين بترك المنتدى وبنزل على التمرين .. على ما أظن هيك قصدك يا عماااااد

3- شو رأيك في حال الرياضه في العيساويه بشكل عام \وشو اقتراحاتك

لو قارنا حال الرياضة في العيساوية بباقي الأندية المقدسية ، تلاحظ أن نادي العيساوية من أفضل النوادي الموجودة من حيث البنية التحتية والإهتمام بالجيل الصغير .. لكن بشكل عام حال النوادي المقدسية سيء بسبب الظروف التي نعيشها من إحتلال وغيره ... الإقتراح هو تكاتف أهل القرية مع هذا النادي ودعمه بما يستطيعون وبشتى الطرق أبسطها التشجيع والتواجد في المباريات ، وهذا جميعه يصب بمصلحة وإسم البلد لا بمصلحة شخص معين ...

4- حسب رأيك بتشوف هناك تقصير من قبل النادي في بعض الأمور

إسمحلي أغير سؤالك بوضع كلمة (حنية) بدل من تقصير فبنظري ليس هنالك تقصير ... مدير النادي خضر عبيد قلبه طيب كثير الى درجة أن إذا لاعب أخطأ في حق النادي أو حق زميله في الفريق لا يؤخذ بحقه عقوبة صارمة تمنعه من تكرارها وتمنع غيره من فعلها .. برأي هذه هي السلبية الوحيدة في النادي ، ولو تم علاجها لن يظهر لاعبين يسموا بالنماريد ، ولا يحترمون المدرب بقدر ما يحترمون أو يخافون من المدرب خضر عبيد ..

5- لو عينت مدير للنادي ماهي أول قرارات بتتخذها

العمل على جعل اللاعبين يحترمون بعضهم البعض وإحترام الحكم خصوصاً . فهذا برأي هو الفريق الناجح لا الفريق المهاري الذي يفتقد للأخلاق ..

6- كلمتين في حق كل من1-خضر عبيد
2- عاصم عبيد
3- باسل محمود
4- محمد عمر
5- ثائر محمود

يا زلمة بكفيش كلمتين

1_ خضر عبيد :- صاحب الفضل الكبير في رفع إسم العيساوية عالياً .. صاحب الشخصية القوية والمحبوبة .

2- عاصم عبيد :- هالزلمة طيب كثير كثير زيادة عن اللزوم لدرجة انه ما بحب يفشل ولد صغير طلب منه طلب

3- باسل محمود :- رجل المهمات الصعبة صاحب الإنجازات الكبيرة في مختلف رياضات البلد .. بس عصبي ههههههههه

4- محمد عمر :- الخبرة الرياضية الطويلة ، الشخصية الغامضة ، القلب الطيب .. وعصبي مرات ههههههه


5- ثائر محمود :- كما قال عنه الأستاذ خضر ( نجم النجوم ) .. فعلاً لاعب تفتخر فيه العيساوية ، قد عاد من جديد الى الملاعب ، ترقبو حركاته تسديداته تمريراته .. فهي جميعاً تدل على أنه لاعب ذي خبرة وذي عقلٍ كبير .

هذول بغض الأسئله بخصوص النادي
نيجي للمنتدانا شوية أسئله:-

يلا إمشي . إتكل على الله

1- المنتدى \ ماهي الأسباب برأيك اللتي ساعدت في انجاحه

الحمد لله على هذا النجاح .. السبب هو الأعضاء القدامى في المنتدى وعلى رأسهم خيال البلد .. من ثم الجيل الجديد الذي عمل على بناء المنتدى حجراً حجراً سواء المشرفين أو الأعضاء الى أن وصل الى هذا النجاح ..

2- العيساوي\ هل هنالك قرارات برأيك اتخذها كانت خاطئه أو بغير محلها

كل إنسان معرض للخطأ .. ممكن العيساوي يكون أخطأ بإشي وانا ما إنتبهتله .. لكن بخبرته في الإنترنت والمنتديات خاصة فانا متأكد انه كل قرار بياخذوا بيكون صحيح ، والحلو فيه انه بياخذ رأي المشرفين في معظم قراراته ..

3- المشرفين \ هل تنطبق عليهم (المشرف المناسب في القسم المناسب)

سبحان الله .. اكن القسم بإسمهم قبل ما ينولدوا ... كلهم في مكانهم المناسب

4- الأعضاء\ هل تراى برأيك أن بعض الأعضاء لم يأخذوا حقهم بالمنتدى كالاشراف مثلا

لا أظن انا الأعضاء الجديين يفكرون بهذه الطريقة .. بالغرم من وجود أعضاء فعلاً يستحقون الإشراف ، لا أظن أن الإشراف هو وسيلة لتكريم المتميز بشيء ما ، يكفي ان أعضاء المنتدى يحترمونه فهذا هو التكريم بذاته ..

5-الأقسام\ هل عندك اقتراحات لبعض الأقسام أو انتقادات (احكي ومتخافش

قلت في رد سابق انه يكون في قسم لنقاش الجاد والبناء لأهل البلد .. وممكن انه يكون قسم فرعي من أخبار البلد .. الإنتقادات ، بنتقد طريقة بعض الأعضاء في الرد على المواضيع .. الله يهديهم

6-لو خيروك تكون مشرف فقط على قسم واحد أنو قسم بتختار\ليش

الرياضة في العيساوية بدون تردد .. لاني بحس انه مكاني في هذا القسم ، ولا أحس بتعب أو ملل حين اكتب موضوع ما بخصوص الرياضة .

7-شو رأيك في 1- ناصر دين الله
2- خيال البلد
3-المدمر
4-عماد بوجه
أسأل ولا تعبت ؟؟؟

1_ ناصر دين الله :- قلت سابقاً .. يعجز اللسان عن وصفه .. اخ بكل معنى الكلمة
2- خيال البلد :- له الفضل الكبير في نشر المنتدى ، وهو العقل المدبر في المنتدى .
3-المدمر :- طموووح وطيوووب وحبووووب وصاحب المشاريع .. يمكن بنامش الليل وهو بفكر بمشاريع ههههههه
4-عماد بوجه :- شب محترم آدمي .. وبستغل الفرص إستغلال كامل ،، وأكبر دليل إستضافتي

أسأل ولا تعبت ؟؟؟

تسألش وما تعبتش :36_1_2:

بعرف انك تعبت بس أنا متورملك من زمان

تنساااش انو جاييك الدور ...

1- محمد نخال هل هو عصبي\ مرح\مزاجي

مرح ..

2- ما هو الشيء اللذي يغضب نخال(طبعا غير كثرة الأسئله ههه)

له يا زلمة ما بغضبني كثرة الأسئلة .. بغضبني مضمون الأسئلة ... تخافوش بغضبش بسهولة أنا .. على الحساب مرح

3- لو أبوك قرر يرجع يسكن بريحا شو بتعمل

بزعل كثير والله .. بس تخافش مش راح أرجع رح أضلني قاعد على قلبك

4- أسرارك لمين بتعطيها

بعطيهاش لحد

5- وكتيش أخر مره أكلت فيها كنافه ووين ومع مين وعلى حساب مين

هههههههههههههه والله يا عماد كنت متوقع 200% إنك تسألني هالسؤال .. طيب رح اجاوب عليه .... أخر مرة أكلت كنافة كان يوم الخميس قبل صلاة المغرب ،أكلتها معك ومع ناصر دين الله في المسجد الأقصى على حساب شخص جزاه الله خير ، ما بدي أذكر اسمه علشان يضل عند الله

طيب مشان أنا بدي اطلع على الشغل اسمحلي (ان شاء الله لنا لقاء مع أسئله اخرى)
وأسف لأني مسألتش كتير مشان مستعجل
اخوك وحبيبك (عماد بوجه)

ولو .. خذ راحتك الجايات أكثر من الرايحات ....... تنساااش جاييك الدور