[خيّال البلد]

يا ميت مرحبا .. شرفتي الموضوع مرة ثانية اختي ندين

1) شو بتتمنى بحياتك ؟؟
ابكى انسان ناجح بمعنى الكلمة !!

2) لو عرفت انو وحده من قرايبك بتحب شو بتعمللها
مهو حسب مدى تفاعلها مع هذا الحب .. يعني اذا بتحب وكاعدة في هالدار .. يعني ما انجرتش ورى حبها وصارت تكل ادبها وحياها .. تظل تحب .. الحب من الله مش في ايدها .. اما اذا ترتب على هالحب شغلات وعملات .. ساعتها لكل حادث حديث ..

3) بتروح تحكي معها ولا بتطنش ؟
مهو زي ما حكيتلك حسب !!!

4) اعطي نصيحه لهدول المشرقين
اول شي العيساوي : نصيحة اشرب مية في هالشوب .. بالاضافة للنصيحة السابقة .. فري جوي : حكيتله يرجع لهالبلاد .. المدمر : يدير باله على حاله
بلاك: بصراحة ومن غير زعل .. مرات بحسه شايف حاله .. مرات كليلة مش دايما ع سلامته هو .. بس يعني ..
محمد نخال: كل منيح خليك تنصح
ابن الاقصى : اصبر واصبر واصبر .. واحمد الله على كل حال .. جمال داري : دير بالك على قسم قضيتنا لانها مش سهلة ..

5) اعطي نصيحه لكل المشرفات في المنتدى؟
نصيحة وحدة بالجملة ؟؟ ..
تحاولنش تسيطرن على الاشراف وتكيموا المشرفين .. لانه مجرد التفكير يؤدي الى عواقب وخيمة .. نسوان وبنعرفكم .. هههههههه
لا جد .. حاولن تثقيف بنات المنتدى اكثر واكثر وحاولوا تقنعوهن بالمناديل والجلباب والاشياء هذه .. لانكن كلكن صاحبات وبتعرفن بعض .. وطبعا بنات البلد كلها مش بس المنتدى .. لانها اجر ذلك عند الله عظيم .. ويا نيالكم من الله

6) شو رايك بالوضع الي بيصير في الوقت الحالي ؟
بصراحة الوضع بده ردع ..

7) شو الشي الي بعجبك بالعيساويه بشكل عام ؟
وقوف اهل البلد بعضهم مع بعض في الازمات والافراح والاتراح ..

8)شو الشي الي بتتمنى ينمحي من عقول اهل البلد ؟
الجهل !

9) بتأمن بالحب ؟
يعني مش كثير ..

10)حابب تمر بتجربه الحب .؟
بصراحة من جهة حابب او لا .. بيجي علي اوقات بتمنى لو اني بحب .. ومرات بحمد الله 50 مرة اني ما بحب ..

11) لو انتا بتحب بنت وامك اختارت وحده تانيه شو بتعمل ؟؟
عادي .. بوخذ الثنتين .. فش اي مشكلة .. واذا ابوي حابب يخطبلي وحدة ثالثة فش مشكلة كذلك .. عند ال 4 بنوكف .. شو بدي اسوي يعني .. مجبور ..






اختي دانيا ..

يا هلا ومرحبا فيك ..

انا من الله بخير .. من عباده لا .. بس الحمد لله على كل حال .. يجوز هذا الاشي بس في الفترة هاي .. بس الحمد لله

لا هو من ناحية تعب فش لا تعب ولا اشي بالعكس .. من دواعي سروري
بس شكلك مش عارفة شو بدك تسالي بجوز لكيتيها حجة .. هههه
على كل حال شكرا للمرورك الحلو وبصراحة انبسطت شوي .. لاني مش كثير ميسوط بالذات اليوم ..
مواضيعي عمرها ما بكت رائعة الا بعد ما انتو طليتوا عليها وشرفتوها ونورتها ..
وان شاء الله خير .. ان شاء الله اظل عند حسن ظنكم وما اخيب املكم يا رب ..
وتحياتي للجميع ..