|
حلوياتي للعيد ..بالصور التوضيحية
السلام عليكم وكل عام وانتم بخير ..
حلوياتي لعيد الاضحى .. العجوة بالمكسرات http://www.esawiah.com/hosting/files...v6ptso7mg3.jpg المكونات لكل نصف كيلو عجوة نحتاج فنحان شاي من اللوز = = = = كاشو = = = = البندق = = = = = فستق حلبي 100غم زبدة 15 حبة بسكوت الشاي السادة ندق المكسرات حتى قطع اصغر مما هي عليه. http://www.esawiah.com/hosting/files...llratcbgr6.jpg انا بالصور ضاعفت الكمية الطريقة نضع الزيدة على النار في طنجرة ونضع العجوة ونقلبها حتى تصبح طرية بعد ذلك نضع المكسرات ونقلبه جيدا ثم نبعد الطنجرة عن النار ونضيف البسكوت المكسر ونخلطه جيدا http://www.esawiah.com/hosting/files...sb8eqhx5t3.jpg بعد ذلك نأخذ كمية منه ونشكلها حتى تصبح اسطوانية الشكل نضعها على ورق الزبدة او على كيس بلاستيك ونرشه بجوز الهند وندحرجها عليه ونشكلها جيدا .ثم نضعها بالثلاجة حتى تتماسك جيدا http://www.esawiah.com/hosting/files...jojfhn77so.jpg وبعد ذلك نقطعها وتقدم وصحة والف عافية .. http://www.esawiah.com/hosting/files...q7uim7a9oe.jpg هذه الطريقة بعملها من اكثر من 20 سنة وما زلت بعملها لانها زاكية ومفيدة كمان . |
رد: حلوياتي للعيد ..بالصور التوضيحية
كرات الشوفان
http://www.esawiah.com/hosting/files...1oqc5xiwjo.jpg المقادير كوب شوفان كوب حليب بودرة كوب جوز هند خشن علبة حليب مكثف ومحلى http://www.esawiah.com/hosting/files...lu00ec1e7s.jpg الطريقة نضع المثادير الجافة في مقلاة او طنجرة على نار هادئة ونقلبها جيدا حتى يصبح لونه مائلا الى البني لحظتها بتشمي ريحة زاكية ..انتبهي انه ما يحترق . بعد ذلك بتضيفي الحليب المكثف والمحلى وبتخلطيه جيدا بتكوريهم وبتدحرجيهم على جوز هند او كاكاو وبتشكليهم جيدا وبتقدميهم والف هنا وعافية http://www.esawiah.com/hosting/files...izarwlmzdm.jpg |
رد: حلوياتي للعيد ..بالصور التوضيحية
الله الله الله
كل عام وانتِ بخير خالة رويدة اول شي .. ثاني شغلة انا اشتقت لزيد وحابب ازوره في العيد :p بس الله يسامحك لو نزلتي الموضوع قبل بأسبوع كان عملت انقلاب على امي وخليتها تعمل مثلك هههههههههههه طبعاً ست الحبايب عملت معمول ولا يعلا عليه بس حلو التنويع ^_* والله يسلم دياتك على الموضوع وعلى الحلو كمان ^_^ |
رد: حلوياتي للعيد ..بالصور التوضيحية
الخالة رويدة تسلم ايديكي اشي بشهي فعلاً هالحلويات إجت بوقتها فعلاً..الله يعطيكي العافية وكل عام وإنتِ بالف خير وكل الإحترام والتقدير لكِ على مجهودك الرائع دمتِ بود تحياتي لكِ صمت العيون |
رد: حلوياتي للعيد ..بالصور التوضيحية
يسلموووو ماما رويدة عالحلويات اللذيذة
تحياتى ............ pity |
رد: حلوياتي للعيد ..بالصور التوضيحية
اقتباس:
وسأكون سعيدة بزيارتك . الله يخليلك امك ..وتفرحها بنجاحك يا رب طبعا احنا ما بنسعى للنجاح فقط ولكن للتميز والتفوق ان شاء الله . وعلشان التنويع انا عملت هالحلويات هاي بالعيد .. حياك وبياك |
رد: حلوياتي للعيد ..بالصور التوضيحية
ما شاء الله عنك خالتي إم زيد .. الله يعطيك ِ الصحة .. شي كتير حلو .. بس فكرك جيل هالأيام ( البنات ) بعرفوا يعملوا هيك !! قصدي إلهم خلق لهيك شي !! أكيد مش فاضيين ههه .. يعطيك ِ العافية أفكار حلوة وبسيطة تكسر الروتين التقليدي لضيافة العيد .. لكن , لا تنسي القهوة السادة خالتي إم زيد أهم شي ههه .. ههه لو الإسنان فيهم حيل , كان قلتلك بدي حصتي ههه .. تحياتي الك والله يوفق الجميع . |
رد: حلوياتي للعيد ..بالصور التوضيحية
اقتباس:
اجت بوقتها ...انا خصوصي نزلتها بهالوقت ..يلا شدوا حيلكم يا صبايا وفرجولي ابو وديع انه فيكم خير وانكم بتعملوا احسن من هيك كمان ...لولا الدراسة بتمنعكم .. شكرا على كلماتك الحلوة ..يا حلوة اهلا فيكِ |
رد: حلوياتي للعيد ..بالصور التوضيحية
كتير زاكية والله احنا بنقولها ( حطبه ) ويعطيكي العافيه وانا بقول لأبوا وديع ما بتقدر تحكم على كل البنات أنهم ما بيعملوا هيك اكلات زاكي يمكن بيعملوا وما في ناس بتقدر يعني ما تحكم وهيك يمكن دايقتني ودايقت كل الصبايا صح انتا جمعت كل بنات هالأيام يلا شو بدي اقلك ال فينا مكفينا الله يسامحك ابو ديع
|
رد: حلوياتي للعيد ..بالصور التوضيحية
وااااااااااااااااااااو
من الصور جعنا !! ما شاء الله عليكي خالتي ام زيد والله يسلم هالايدين على الاكلات الطيبة كتير و زي ما قال محمد لو نزلتي الموضوع قبل فترة على شان نعرف نتصرف هههههههههههه |
| الساعة الآن 02:04 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author