|
:: الى ماذا تفتقر العيساوية ::
احمد : مسالخير يما .. ام احمد : مسالنور يما كيف المدرسة ؟ احمد : انسينا يما من المدرسة هلا .. جعان اكتير اكتير حطيلي اكل .. ام احمد : والله يما انزلت عالقدس اشتري اغراض وما طبخت .. احمد : طيب شو بدي اكل انا هلا .. ام احمد : روح يما خود خمسة شيكل من جيبة ابوك واشتريلك شغلة .. احمد : ييي شو بدي اشتري يعني ؟ ام احمد : اشتريلك كعكة يما ساندويش فلافل شو بدك تشتري يعني .. احمد : ييي ما بدي .. ما في بالعيساوية كلها مطعم شو هدا .. ام احمد : يما روح اشتري ساندويش من عند داوود سندويشاتو زاكيين .. احمد : بعرف زاكيين بس ما في غيرو .. ازهقت .. ام احمد : طيب خلص روح هلا .. شو يعني بدك انزلك عالقدس اشتريلك وجبة شاورما من عند ابو العز ! وبعد هذا الروبورتاج .. برأي احمد ان العيساوية تفتقر لوجود مطعم .. http://kaheelaalmanaar.jeeran.com/52.gif برأيكم انتم الى ماذا تفتقر العيساوية ؟ مطعم ؟ ممكن - محل ملابس ؟ ممكن - اماكن تواجد الشباب ؟ ممكن - خدمات عامة ؟ ممكن .. اذا كنت مُقدم على عمل مشروع في العيساوية .. فماذا يخطر على بالك ان تكون فكرة هذا المشروع وما هي الخدمات التي يقدمها ؟ ولماذا ؟ ^ ^ ^ .. اعطوني ارائكم وافكاركم بخصوص هالموضوع .. فكرة وكتابة : ابو وديع تنسيق : محمد نخال |
مشاركة: :: الى ماذا تفتقر العيساوية ::
نفتتح معاً إن شاء الله هذا النقاش نقاشٍ هاديء بناء يصب في مصلحة القرية بدأنا بسم الله |
مشاركة: :: الى ماذا تفتقر العيساوية ::
مرحبا انا من ناحيتي البلد مش نقصها اشي من ناحية المطاعم لانو اذا بتتزكرو يوم ما فتح محل البروست ما كانت موفيا معاه لانو بمشي اما من ناحية الشباب شبابنا والعياذ بالله مش كلهم ها يعني بتيجي بدك تفتح محل قهوة بسيرو يتكاتلو وسو مشاكل ويلعبو كمار يعني بتسير سير صاحب المحل على اللسان الي بسوا والي ما بسوا بتسير سمعتو بالارض وانا من ناحيتي بكفي خليني افتح المجال لغير ومشكورين على هالموضوع وعلى الصفحة الحلوة ويعطيهم الف الف عافية |
مشاركة: :: الى ماذا تفتقر العيساوية ::
أشكرك أخي ابن فلسطين على مشاركتك وإبدائك لرأيك
وبخصوص المطعم ، فهذا الروبرتاج كمثال ليس الا تحياتي |
مشاركة: :: الى ماذا تفتقر العيساوية ::
والله البلد ناقصها كتير اشياء
بس ما في عنا هل الناس الي بدها تطور البلد للاسف هادا راي |
مشاركة: :: الى ماذا تفتقر العيساوية ::
البلد بحاجة الى
منتدى ثقافي يحتوي على قاعات ومسرح ومكاتب استشارة يضم في داخله كل المتعلمين في القرية ومقر يسمى بنادي خريجي الجامعات |
مشاركة: :: الى ماذا تفتقر العيساوية ::
السلام عليكم
مشكور اخ نخال على الموضوع المهم والهادف وأنا برأيي أن العيساويه تفتقر لمحبة اهل البلد لبعضهم البعض والتكاتف والعمل يدا بيد وجنبا الى جنب في سبيل المصلحه العامه واذا تحقق هذا الشيء أتحدى أن تفتقر العيساويه الى شئ؟؟؟؟؟؟؟؟؟؟؟؟؟ ( اللهم ألف بين قلوبتا) |
مشاركة: :: الى ماذا تفتقر العيساوية ::
انا بقول من ناحيت الشباب لازم نكون أيد وحده
********************************** |
مشاركة: :: الى ماذا تفتقر العيساوية ::
البلد ناقصهااااااااااااااااااا
انو نصير ايد وحده...وانو ما نحارب الناس اللي عم تنجح....ولا نحاربهم برزقهم... يعني اخر فتره كتييييييييييييير محلات ومراكز وحتى بوتيكات عم تفتح... بس للأسف مشوارها بالاغلب قصير.... بدنا نحب البلد...منشان البلد تحبنا.... ليل الهجر |
مشاركة: :: الى ماذا تفتقر العيساوية ::
مشكوور اخي ابو وديع على الكلمه الرائعه اللي ابديتها البلد كتير نقصهاا اشياااء بس مستحيل تكمل الاا بوجود انااس مخلصين لبلدهم وقريتهم ممكن انو الواحد حابب يكون مسؤول كبير المشاريع اللي حابب تكون في القريه متل يعني مركز كبير ثقافي يضم اكبر عدد من الموهبين وكمان للي يحب يشارك بدورات ثقافيه تعليميه فكريه ... المهم يكون يعني في ايدي مساهمه في هذا المجااال متل كتير اشياااء اذا بدي احكيها بفتح اكتر من صفحه وانا ما بدي ازغج اكتر برأيي للي بيقرؤا الرد ..... وممكن انو ينفتح مو مقهى شي تاني مش ضروري نطلع على السلبيااات وهاد الشي كلو لصالح البلد ..... وشكرا لالك تحياتي أمير الحب |
| الساعة الآن 06:45 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author