شكوى ضد باصات العيساوية..
 

[align=center]السلام عليكم ورحمة الله وبركاته
بس حابة اقدم شكوى لباصات العيساوية....
اولاً:بنقعد نص ساعة وساعة نستنا ليجي الباص
ثانياً:ازا ما في مجال حد يقعد في الباص مش ضروري اطلعوا العالم اضل واقفة وهي دافعة 4 شيكل زيها زي الناس اللي قاعدة
ثالثاً:طلاب و طالبات المدارس بقعدوا يستنوا في الباص ليجي وبالاخر بيجي الباص وما بطلعوا الطلاب والطالبات
وانا خلصت كلامي
ويا ريت هالمرة يكون في نتيجة......[/align]
مع تحياتي
همزة وصل

رد: شكوى ضد باصات العيساوية..
 

السلام عليكم ورحمة الله وبركاته

هاد الحكي لي انتي بتحكي

بصير فكل قرى القدس مش بس فباصات العيسوية

يعني ما تكعدي تحكي ومش عاجبك الوضع احمدي الله انوو في باصات هيك فالبلد

وانتي بتكولي انو ازا ما في مجال حد يقعد في الباص مش ضروري اطلعوا العالم اضل واقفة وهي دافعة 4 شيكل زيها زي الناس اللي قاعدة

لو بصير انهم يبطلوو يطلعو بصير لي واقف على الموقف ومستعجل على موعد

يكول نفس الحكي لي انتي بتكولي الباص بيجي وما بطلع حد هيك بصير يحكي .


والله يعطي شفرية الباصات العافية

واذا انتي مش عاجبك تطلعي فالباص وهو ملان ما تطلعي انتي حرة ما حد ضربك على ايدك وكلك اطلعي مزبوو ط



تحياااتي

محمد

رد: شكوى ضد باصات العيساوية..
 

السلام عليكم ورحمة الله وبركاته
الباصات مشكلة عويصة في هالبلد
يا اخوي مين حكاللك انو هالمشكلة في جميع قرى القدس
انا في يو استنيت الباص 40 دقيقة شو و الله لو انو مسافر الى تل ابيب
و خاصة الصبح معاناة يومية لا يوجد ادارة و لا نظام و نأ\تأمل انهم يصيرو و يصبحوا الافضل

رد: شكوى ضد باصات العيساوية..
 

السلام عليكم ورحمة الله وبركاته

شكرا الك على الموضوع بس اكيد دايما في حل والحل لطلاب المدارس والجامعات انه يطلعو ابدر شوي وهيك ببطل في ازمه
لانه الجميع بيطلع بنفس الموعد متاخرين بتطلعو عل موقف عل ساعه 7 وتلت جربو اطلعو قبل ال 7 وتلت بتشوفو الاختلاف
وزي ما حكا اخونا يعطيهم العافيه شفريت الباصات ومزبوط في منهم مش لازم يسوق ههه بس خلص لازم نتقبل الوضع

رد: شكوى ضد باصات العيساوية..
 

[align=center]اخي محمد قبل ما احكي تعقيبي بدي احكيلك شكرا على مشاركتك يخي
و انا معك الله يعيهم الف عافية شفرية الباصات بس ما بصير هيك بقعدوا نص ساعة ليطلعوا


prince251079 شكرا على الرد خيوو وانا مرة قعدت استنا نص ساعة ل اجى باص


big boss يسلموو على ردك وعنجد في منهم مش لازم يكونوا شفرية باصات[/align]

[align=left]مع تحياتي
همزة وصل[/align]

رد: شكوى ضد باصات العيساوية..
 

السلام عليكم ورحمة الله وبركاته

والله كلامك صح خيتوو
مشكلة الباصات في العيسوية كبيرة كتير والله وخاصة الصبح ما هم عارفين حركة الطلاب والعمال الصبح بتكون كتيرة ليه مش متلا خلينا نقول كل10 دقايق يطلعو باص
طيب ومرة ما لحقت الباص يعني وصلت الموقف والباص طلع هذا الحكي الساعة سبعة الصبح وانا لازم اكون بالشغل الساعة 8 وبركب مواصلتين كمان لحتى اوصل طيب ظليت على الموقف للساعة سبعة ونص وانا بستنى ويمكن وصلت الشغل الساعة مع الازمة الساعة 8 ونص والله سترها يومها
بس الحمد لله هلأ اتريحت صرت اطلع بسيارتي ووقت ما بدي وبوصل قبل الموعد كمان بس يا حرام والله بشوف قديش بيكون في ناس على الموقف امبارح وانا طالعة الصبح كان الموقف عند بقالة الشام مليان ولما وصلت للجامع لقيت الباص هناك طيب يا ترى هلأ لما الباص مر ما كان في حد والا شو ؟؟
وبعدها بأشوي وصلت لراس البلد لقيت كمان باص هناك حمل الناس وطلع
وكمان في باصات صغار بيطلعو من فوق ما بينزلو على البلد بحملو من فوق وبيظلو طالعين يعني هذا الحكي حكيتو لاني شوفتو بعيني
يا ترى المشكلة في الباصات والا في الناس ؟؟
ان شاء الله بتلاقو حل بسرعة لانو كمان اشوي جاي الشتى وما في مواقف الواحد يقعد تحتها من المطر

طولت عليكم بس اعتبرت الحكي هذا انا فشة خلق

تقبلو مروري
احترامي
اختكم الفراشة

رد: شكوى ضد باصات العيساوية..
 

رد: شكوى ضد باصات العيساوية..
 

انا معك اخي

big boss

يصير الكل يطلع

على الساعة 7 او 7 وربع

شو بدو يصير بالعكس بتبطلو تكولو هيك

بدل ما تطلعو على الساعة 7 ونص اطلعوو ابدر وشوو شو بصير

تحياتي الكم وشكرا الك يا همزة على الموضوع



......................

رد: شكوى ضد باصات العيساوية..
 

مشكورة يا همزة وصل على الموضوع ..

بس انا حابب احكيلك انو باصات العيساوية من احسن الباصات لو في تنظيم
من قبل مدراء الشركة ... وشوية تنظيم من اهل البلد ....

وانشالله انو يتغير الوضع للأحسن يا رب ...

مع تحياتي ..

رد: شكوى ضد باصات العيساوية..
 

والله الحكي تبعك مزبوط اختي همزة وصل بس كمان لونو في في الادارة نظام كان بتكون الشركه في حاله منيحه

شكرا