|
عمتي سارة الكشة
بسم الله الرحمن الرحيم انا اخوكم ابو ماهر محيسن يا عمتي سارة تعالي شوفي الرواية تعالي شوفي الدار الدار كانت كبيره واليوم صارت واكبر واكبر والخير كان فيها كتير واليوم صار اكتر واكتر ياعمتي الأولاد تعلموا وملوا الدار دكاترة وما شاء الله عنهم خداع لوطنهم لبلدهم صغار وكبار ياعمتي في حفلة الاستقبال الخير عم وطم كل القرايب والحبايب حضروا أولاد الخال والخاله ومعهم أولاد وبنات العمه والعم ياعمتي عيادة بتنعد من الأوائل وبتنعاد معتدة بصاحبها العدة من الطراز الأول تعالوا تعالوا جيبوا معاكم البنات والأولاد ياعمتي شوكلاتة حلو ومشروب وبسكوت من كل الألوان صور تذكاريه صاحبها صاحبها يبقى حي حي حتى لو مات حتى لو مات ياعمتي ديكور ديكور بلاط قشره وردي جوري فل ونرجس ياسمين قرنفل وريحان ابو ماهر بالتوفيق بالتوفيق يا ابن ابن عمتي يا فادي كشة وأول أسنان بحاجة الى تقويم أسناني وأول زيارة يا دكتور لك احشرني احشرني في الغرفة لحالي ولا تنسى ستك عمتي وانت بتقول لأبوي خالي أول زياره لك بصحيح أحشرني أحشرني لحالي ولا تنسى ولا تنسى ستك عمتي وانت وانت بتقول لأبوي بتقول لأبوي خالي خالي الأن الأسنان يا دكتور الموجودة في فمي مستعارة من زمن جدي مش أسناني مش أسناني مش أسناني عشان هيك أحشر نيلحالي أحشرني لحالي ياعمتي الطونة صحيح مصمودة في الشباك ومكسورة وعينها وعينها ما غمضت ودموعها ودموع الفرح وجفونها ورموشها بترمش وبترف ياعمتي الطحونة ما وقفت الطحونة أبد ما وقفت بتلف وبدور وبدور ياعمتي النسوان من حواليكي نجوم وانت وانت قمر منور مدور بدور وبدور يا عمتي النسوان من زمان بقين يهزين في الغربال ويغربلن يا عمتي القمح بظل في الغربال ويغربلن يا عمتي القمح بظل في الغربال والقصول بجولن الصرار والزوان بترلن يا عمتي مين ما بتذكر طنجرة ورق الشولي لكبيرة وباتية والجرة واجيلة والجرة ولبرق والجن خبز الطابون والجراديش والفرايك بالزيت من ايدين يا رب يا رب لا بنبلين ولا ينعدمن يا عمتي صلي صلي في جنات النعيم ادعي لهم وادعي لنا يا عمتي يا عمتي في الجنة عين منها تمسى سلسبيلا نقطة منها تروي روابيهم وروابينا يارب يارب اسقيهم وسقينا ارجو ان تنال اعجابكم مع تحياتي العم ابو ماهر العيساوي |
مشاركة: عمتي سارة الكشة
اقتباس:
واحكولي شو رأيكم بسيدي اوكي وان شاء الله بنكتب اكتر من هيك |
مشاركة: عمتي سارة الكشة
الله يرحمك يا ستي
زرعتي حب في الحياة و لاقيتي الحب في الحياة و في الممات لأنك زرعتي الحب في احلى و أغلى نبات مشكور يا أبو ماهر اذا انت مش ناسيها كيف انا بدي انساها؟؟ ..... |
مشاركة: عمتي سارة الكشة
مشكور اخي ابو ماهر
وين ايامك يا ستي لمن بكيتي تحملي العقدي واتروحي على البيارة عند سيدي وايام الحصيد اتغني للحصيدي .......... تحياتي |
مشاركة: عمتي سارة الكشة
شكرا الك عموو ابو ماهر عنجد كلمات روووعة والله يوحمها ويجعل مثواها الجنة تحياتي,, |
مشاركة: عمتي سارة الكشة
والله مشكور يا عمي لانو الحمدلله لساتك متذكر شو صار بحياتك احنا اليوم احكيلنا شو صار معنا قبل سنه ما بنتذكر والله احلى عمي محمد ابو ماهر وانشالله بنشوف منك اشياء اكتر وبتعرفنا على اكم من اشي الي يفيدنا وما ننسا طول حياتنا مع تحيات .....امير الحب
|
مشاركة: عمتي سارة الكشة
أول شي الله يرحمك يا ستي سارة و هادا الرد من ابوي عزيزي ابو ماهر أشكرك جزيل الشكر على هذا الزجل الأصيل ،الزجل الصادق الذي يعبر بحق عن عواطف نبيلة و أصيلة . أنت ترجع إلى الوراء باحثاً عن الأصالة وعن التراث، وتصور هذا التراث أصدق تصوير بالكلمات الحلوة البسيطة الخالية من التكلف.. بقد أثرت فينا بحق الكنز المدفون من الذكريات البريئة و الجميلة عندما صورت بكلماتك التراثية أحداث الماضي وأدواته . المخزن والراوية واللجن و الطاحونة وكراديش الذرة وخبز الطابون .... أدامك الله لنا يا ابن الخال وأدام شعرك الجميل الذي يعبر عن نفس صافية وشفافة . ابن عمتك عبدالله كشة |
مشاركة: عمتي سارة الكشة
هلكيت اجا دوري ارد عن الموضوع حتى لو رحلتي عنا بجسدك ... فإن روحك الطاهرة تحوم حول دارك ... ونراكي تتجسدين في كل انسان طيب ... وفعلاً ان وراء هذا العالم امرأة طيبة وحكيمة وهبت وأعطت دون ان تطالب بالمقابل.. لان المنبت الطيب لا يعطي إلا كل طيب ... والإنسان لن يخلد في هذه الدنيا بل ستخلد ذكراه التي نقشت في صخور الذاكرة ... فرحمك الله يا جدتي وجعل الجنة مثواكي ... وجازى الله الخير لكل من ذكرك من بعد الرحيل ... لن ننساكي حفيدتك |
مشاركة: عمتي سارة الكشة
مشكور اخي ابو ماهر ع القصيدة الحلوة لستك سارة الكشة والله يرحمها ويرحم جميع موتى المسلمين
ومشكورة يا بنت البلد ع هالكلمات ... |
مشاركة: عمتي سارة الكشة
شكرا كتيررررررررررر
على مروركم وان شاء الله ليس في كمان كتيرررررررررررررررر بس كل يوم شي |
| الساعة الآن 09:05 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author