منتديات العيساوية

منتديات العيساوية (http://www.esawiah.com/vb/index.php)
-   ابداعات الشباب العيساوي (http://www.esawiah.com/vb/forumdisplay.php?f=40)
-   -   اغنية راب عن المدرسة (http://www.esawiah.com/vb/showthread.php?t=14870)

نسائم الايمان 30-05-2007 01:53 PM

اغنية راب عن المدرسة
 
السلام عليكم


عندي اغنية راب من تاليفي وموضوعها عن المدرسة
وهاي الاغنية بتنتقد :_

اولا: كثرة الامتحانات التي نقدمها يوميا
ثانيا: قلة الرحل
ثالثا: عدم قول الطلاب انهم غير فاهمين الدروس اذا يوجد شئ غير مفهوم
رابعا: في بعض الاحيان قول كلام سيئ من المعلمين للطلاب
خامسا: صعوبة المواد
سادسا: الشباب الذين يقفون امام المدرسة
سابعا: عدم التزام الطالبات بالزي المدرسي
ثامنا: الاعتذار من المعلمين(مش ناقصنا فضايح معهم ههههههههههههه):36_3_10:


حلي عنا يا حياتنا اليومية
وين الحرية وين الموضوعية
كل يوم عشرين امتحان
وفش كتب مدرسية


وما في رحل زي الناس
كله على الوادي او عبانياس
حطولنا الفاس بالراس
وقالولنا يلا على عمواس

وما بكفي معلمة اليوم
قاعدة على الطاولة او بتحوم
واحنا قاعدين قدامها زي البوم
مش فاهمين اشي ولا منقول

يهري بدنكوا هبايل
ولا كلمة فاهمين
والله عالنار غير تروحوا
او كونوا شاطرين

عدلي درجك انتي وياها
اقعدي منيح بلا بلاهة
بدل ما بالامتحان
تفتحيلنا اياها مناحة

واجتنا معلمة كيميائية
بتقولنا مولالية ومولارية
بلا الكانات بلا الكينات
بلا مصطلحات غبية

ومش ناقصنا الا الميكانيكا
خلتلي عقلي انتيكا
صرت امشي مع حالي
واغني مازيكا

ولا شباب ال...........
اللي واقفين على باب ال.........
بستنوا البنت الغبية
والشعر منفول
ولا اطول من هيك مريول
والكل بيحكي الكل بيقول
حلي عنا يا ............

دخيلكم لا تواخذونا
بعرف علمتونا
بعرف ربتونا
بس بالضغط خنقتونا
وبالامتحانات قرفتونا
ملاحظة: النقاط اسماء مدارس بس ما بدي احدد اي مدارس لاني بديش اسئ لسمعة اي مدرسة

وان شاء الله تعجبكم:36_1_39:

نرمين 30-05-2007 02:53 PM

مشاركة: اغنية راب عن المدرسة
 
ههههههههههههههههههههههههههه
ما ازكاكي
والله كلامك كلو صح
وخاصة بتعديل الادراج

يسلموو دياتك ليدي على الكلمات الجد روووعة

تحياتي
نرمين

العيساوي 30-05-2007 03:47 PM

مشاركة: اغنية راب عن المدرسة
 
الامانه حلو اذا كان هذا تأليفك
جد كلمات ملائمة جدا لاغنية راب
والى الامام والله بالتوفيق

meno_kw 30-05-2007 03:52 PM

مشاركة: اغنية راب عن المدرسة
 
ههههههههههههههههههه
مشكووووووووووووووووورة ليدي
على الكلمات الروعة هاي
بس والله معك حق بكل كلمة

meno

سيدرا 30-05-2007 03:57 PM

مشاركة: اغنية راب عن المدرسة
 
ومش ناقصنا الا الميكانيكا
خلتلي عقلي انتيكا
صرت امشي مع حالي
واغني مازيكا



جد جد جد حلوه
ولابقه ع الوضع
شو رايك انلحنها ونغنيها بننشهر
ههههههه

يالله موافقه حبيبتي
وبانتظار كل جديد لالك

تحياتي
سيدراااااااااااااااااااا

نسائم الايمان 30-05-2007 04:00 PM

مشاركة: اغنية راب عن المدرسة
 
مشكورين على مروركم :36_1_13:
وان شاء الله بتشوفوا المزيد

نسائم الايمان 30-05-2007 04:01 PM

مشاركة: اغنية راب عن المدرسة
 
ههههههههههههههههههههههههه سيدرا
اه الها لحن
اه منغنيها سوى ليش لا ومننشهر هههههههه

كبرياء الحب 30-05-2007 04:01 PM

مشاركة: اغنية راب عن المدرسة
 
يسلمووووووووو على هل الغنية جد روعة منك

تحياتي ,,,
كبرياء الحب

عـذااب الـحـب 30-05-2007 10:58 PM

مشاركة: اغنية راب عن المدرسة
 
كلمااااااااااااااااااات بجنونو اتبعيني اياها بس عنجد الله يعطيكي العافيه على تأليفك الحلو

بس عنجد اتبعيني اياها ؟؟؟

SąddaM 30-05-2007 11:01 PM

مشاركة: اغنية راب عن المدرسة
 
هههههههههههههههههههههه
مشكوووووره كتير على الكلماااااات الرووووعه وكل كلامك صح
بس ازا بدك لحــن الها وتغنيها انا جاااااهز ببعتلك اي لحن بتطلبيه ,,او بعينا ايها واحنا بنعملها بنرحيك
ههههههههههههههههه

مشكوووره اختي


الساعة الآن 02:07 PM بتوقيت العيساوية

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author