|
مصطلحات فلسطينية أصيلة || من التراث الاصيل
السسسلآم عليييييييكم ما عندي مقدمات حلوة او بتجذب :no1p: عشان هيك خلينا نفوت بالموضوع على طول:tooth0000: بدي أعرض شوية كلمات وبدي تعرفوا معانيهن وهادي الكلمات طبعا باللهجة الفلسطينية القح وبدي تعرفوا هادي الكلمات في اي منطقة من مناطق فلسطين بتستخدم 1 بقلوش 2 كركوم 3 بروة 4 تبشة 5 طورة 6 مجيدي 7 غربال 8 منخل 9 شربة كل مره بجيب مجموعه يلا اشوف همتكم :yess: |
رد: مصطلحات فلسطينية أصيلة || من التراث الاصيل
يسلمووو رزروززتتي على الموضوع كتيررر روعة روعة :>
شوفي انا عرفت بس اكم كلمة الغربال لتنقية القمح,, والمنخل بستعملو لتنخيل الطحين قبل عجنه والشربة هو الفخار اللي كانو يشربو منو المي... \\ |
رد: مصطلحات فلسطينية أصيلة || من التراث الاصيل
السلام عليكم ورحمة الله وبركاته
المجيدي هو الليرة الذهب ..او العملة اللي كانوا يتعاملوا فيها وبشكرك روز عالموضوع الحلو |
رد: مصطلحات فلسطينية أصيلة || من التراث الاصيل
مزبوطة اجوبتكم
مجيدي وهذه عبارة عن مقدار من النقود تساوي 20 قرش غربال هذا وعاء مخرم كان يتسعمل لتنقية القمح من الشوائب وهو كبير يصنع من أمعاء الخراف وهو على شكل دائري المنخل ما يستعمل لتنخيل الطحين قبل عجنه شربة وهي اناء من الفخار يوضع فيه الماء لكي يبرد في الصيف ويستعمل ماؤه للشرب واهلاً وسهلا فيكم بالموضوع نورتو بنستنى الاجوبه التانيه من فات قديمه تاه |
رد: مصطلحات فلسطينية أصيلة || من التراث الاصيل
البقلوش وهادا يا جماعة مصنوع من الفخار وكانت ستي وستك تستعملة لتخزين الزيتون وبيتسع لحدود 3كيلو جرام زيتون الكركوم وهو هادا ابريق المية لما تنكسر ذنية ورقبته كانو ستاتنا يسمو كركوم بروة وهي الصابونة لما نستعملها وتصير صغيرة بسموها بروة تبشة أو كبشة وهي ما تحملة اليد من شيء وتغلق عليه يدك اليوم بحكيها كمشة طورة هذه تستعمل للعد والطورة للدلالة على عدد أصابع اليد اي اعطيني طورة أي في حدود 5 من اي شيء |
رد: مصطلحات فلسطينية أصيلة || من التراث الاصيل
كلمات جديدة
إزعق خركة كحوش رصيص طرمبيل كسر الهاء وعقد الميم هذه بعض العبارات التي استخدمها سيدك وستك وليس بالضرورة في كل انحاء فلسطين ولكنها استخدمت في بعض مناطقها ولكي نتعرف على لهجتنا يجب أن ننعش ذاكرتنا بتذكرها |
رد: مصطلحات فلسطينية أصيلة || من التراث الاصيل
امممم خلينا انجرب حظنا !! ما أزكى هالكلمات ههههههههه
اتطلعي يمااا ... إزعق يمكن معناها : صيح أو اصرخ خركة: اممم معناها قطعة قماش ؟؟؟ كحوش : يعني دور أو ابحث (بالفصحى :d ) بسسسس هدول اللي اعرفتهم ومش عارفة اذا صح :p :p وموضوك روعة |
رد: مصطلحات فلسطينية أصيلة || من التراث الاصيل
ازعق : بيصيح يعني اظن
خركة: شريطة او فوطة لمسح الغبرة رصيص : اشكال وتحف مزينة تحياتي |
رد: مصطلحات فلسطينية أصيلة || من التراث الاصيل
السلام عليكم ورحمة الله وبركاته
رصيص ...اللي هو الزيتون الاسود الذي يتم رصه حيث يوضع بكيس ويُرص بحجر حتى تنزل العصارة المرّة طرمبيل ...سيارة |
رد: مصطلحات فلسطينية أصيلة || من التراث الاصيل
يلا وين الاجوبة يا روووووووووووووووووووووووووووز هههههههههههههههههههه
بنستنا على احر من الجمر |
| الساعة الآن 09:37 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author