منتديات العيساوية - كب كيك التوت والليمون ....

صباحكم \مسائكم معطر بشذى الجوري .. .. ..

كب كيك التـوت و الليمـون

المقدار يكفي 18 حبة تقريبا ...

المقـاديـر بالاكواب المعياريه ::
علبة جيلي توت -روزبيري- مذوبه بكوب ماء مغلي / ممكن تستبديلين جيلي التوت بجيلي الكرز كلهم نفس الشي
نصف كوب عصير ليمون جاهز او انتي تصلحينه بانك تعصرين ليمونه وتزيدينها مويه وسكر لحد مايضبط معك الطعم بس لا تخلينه حالي مره اطعم
علبة خليط كيك بيتي كروكر ابيض او بالفانيلا
3 بياض بيض
ربع كوب ماء
ثلث كوب زيت

الطـريقـه ::
لبسي صينية الكب كيك بورق البليسيه وسخني الفرن على 325 ...

باستخدام العجانه او الخلاط اليدوي اخلطي : خليط الكيك + بياض البيض + ربع كوب ماء + ثلث كوب زيت
+ ربع كوب من عصير الليمون + ربع كوب من الجيلي المذوب - بس انتبهي لايكون حار مره يخرب الكيك
اخلطيهم اول شي مدة دقيقتين على سرعه بطيئه بعدين دقيقتين سرعه متوسطه ...

صبي الخليط بصينية الكب كيك - اكثر من النصف بشوي -

http://etwksa.blu.livefilestore.com/...A/DSC03088.JPG

وحطيهم بالفرن بتاخذ تقريبا نصف ساعه
مهم بقولكم على شي : ترى لما تصير بالفرن بتلاحظين انها بتتحول لدونات
بترتفع الاطراف واللي في الوسط ينزل مره
لايضيق صدرك وتحسبين الكيك خرب ، ماراح يأثر لا عالطعم ولا عالشكل لان الكريمه بتغطيه
ولا تحمرينه من فوق مايحتاج يكفي تشوفين الاطراف تغير لونها ،،

اول ماتطلع وهي حاره خرميها بالشوكه
اخلطي باقي عصير الليمون مع باقي الجيلي - بس خوذي منه نصف فنجال شاي على جنب -
وشربي الكيك بهالخلطه - وخليك كريمه كلما كثرتي كلما صار احلى بكثيييييييير _
ودخليهم الثلاجه يبردون ،،

http://etwksa.blu.livefilestore.com/...A/DSC04037.JPG

كـريمـة التغطيـة :
قشطة خفق اخفقيها حتى تثقل - ترى بتاخذ وقت لا تستعجلين عليها -
لما توصل القوام المضبوط حطي عليها شوي سكر بودره - ماله مقياس محدد انتي ورغبتك -
وباقي الجيلي اللي خليتيه على جنب ،،
وقلبيهم بشويش حتى ماتروح نفشة الكريمه
وبالقمع شكليه فوق الكب كيك وقدميه بالطريقه اللي تحبين

http://etwksa.blu.livefilestore.com/...Q/DSC04077.JPG

http://etwksa.blu.livefilestore.com/...g/DSC05357.JPG

http://etwksa.blu.livefilestore.com/...Q/DSC05583.JPG

http://etwksa.blu.livefilestore.com/...Q/DSC03126.JPG

http://etwksa.blu.livefilestore.com/...w/DSC03140.JPG

************************************************** ***