|
عمل مدرسة في البلد
السلام عليكم ورحمة الله وبركاته
انا بوجه كلامي للمسأولين عن البلد ليش ما يعملو مدرسة للبنات و الشباب هديك السنة قالو انهم بدهم يعملو مدرسة وكلو طلع على الفاضي هادي المره جربو اعملوها انشاء بتنجح بدل ما شبابنا وبناتنا يطلعو بره البلد يدرسو ةانا بتمنى ان انو يصير مدرسة ثانوية للبنات وشباب في البلد (العيسوية) مع تحاتي ابن البلد |
رد: عمل مدرسة في البلد
اها انت هيك بدك عشان ما نطلع بره ا
بس ولا مره تصير في العسويه مدرسه مخطلط شباب وصبا |
رد: عمل مدرسة في البلد
اسمعي احلا لولو
اول اشي بحب احكي انو تفكيرك كلوووووووووو غلط تاني اشي ليش انتي يعني بتحكي انو يصير مدرسة مختلط ليش بتفكرينا مسيحية ولا شو احنا ولا حد برضا بنتو تدرس مع شباب وبعدين احنا ما بنقبل عشان هدووووول بنات البلد زي خواتنا واكثر وتالت اشي بدي احكي طيب ليش انتي مش معجبتك الفكرة بدل ما شباب البلد كل يوم يطلعو يجيبو مشاكل لأهل البلد الواحد يختصر احسنلو صح بعدين وليش بنات البلد يطلن يدرسن بره مش احسن يصير مدرسة عنا في البلد بدل المرمطة الي هما فيها واخيرا يا سيتي انا بشكرك على مشاركتك وكل واحد بحكي رئيو شـكــ وبارك الله فيك ـــرا لك ... لك مني أجمل تحية . |
رد: عمل مدرسة في البلد
قكرة كتير حلوه
مع احترامي لارائكم مش غلط تكون مختلط خلي الشباب و البنات يتأقلمو مع الوضع من شان لما يطلعوا على الجامعه يكونوا متعودين على هالشي هادا رأيي انا تحياتي للجميع |
رد: عمل مدرسة في البلد
مزبوط كلامك اخوي عاشق الرياضه الاحسن انو لو اهل البلد يعملو مدرسه للبنات ومدرسه للشباب احسن من المدارس بره والله لسه ايامنا في مدرسة العيساويه احلا من اي مدرسه بره بعدين بضل استر على سمعتنا ما حد بطب فينا وما بجيبو سيرتنا بالعاطل لانه كل ما يصير اشي بحكو شباب العيساويه او بنات العيساويه عكلن مشكور كتير عالموضوع الروعه وبتمنى انه المسؤؤلين عن البلد يعطونا جهدهم في الموضوع تحياتي القطة المشاكسة
|
رد: عمل مدرسة في البلد
بسم الله الرحمن الرحيم كل واحد برضا اختو تعد مع شب هاد واحد ما عندو شرف اذا بدها الدارة تسوي مدرسة للبنات فقط لنو البنات لما يطلعو مدارس القدس وبرا بقص ايدي ادا ما في ينت مزبطا شب مش بس بنات البلد وبنات القدس كمان وياما صارت الشب يلحق بنت بس يوشوفها يلقيها اختو صارة في القدس اانا ما بوجه الحكي لكل البنات لنو كل وحدة بتعرف حالها
|
مدرسة العبدللة
بسم الله الرحمن الرحيم
بسم مدرسة العبداللة بن الحسين لاازم انتو يا هل البلد تسوو مدرسة ثانوية لنو بطلو يطيقو حدا اسمو عيساوي صارو اي واحد يسوي اي نهفا زغيرة يقلولو الدارة على داركم و مترجعش الى معك ابوك يعني احنا ما نتحمل مسؤليتنا ومسؤلية بلدنا وما يسير كل فوج يطلع من عند مدرسة البلد يتمرمر بس السنا هاي شوفو اي مدرسة بدها تقبل العيسوية من مشاكلها يعني بلاش كل القصص هاي و نرجو من اكابر البلد يسوو مدرسة امنيحا ويحطو مدير زي المدير استاد خضر عبيد وشكرا سريت حداد |
رد: عمل مدرسة في البلد
انشاء الله ليش لا
.................................................. ........................ز |
رد: عمل مدرسة في البلد
السلام عليكم ورحمة الله وبركاته
مشكورين يا اخواني على ردودكم بس انا بحب احكي سريت حداد ميييييييين الي حكا يسو المدرسة مختلط ليش مين بقبل يا حلو بعدين انا بأبدك في كلامك لأنو كل كلامك صحيح ما عدا المدرسة المختلط هاي وانا بشكرك على رد الحلو زيك وبعدين يا ريت ادراة البلد تسمع هلحكي وتسوي مدرسة في هلبلد مع تحاتي ابن العيسوية الصامدة |
رد: عمل مدرسة في البلد
والله يا عاشق كل كلامك مزبوط ليش ما يعملو مدرسة في البلد مش غلط بعدين شبابنا وبناتنا بنضبو ما حد بجيب سريتنا بلعاطل والله يعمي هلبلد لزمها مدرسة ثانوية
شـكــ وبارك الله فيك ـــرا لك ... لك مني أجمل تحية . |
رد: عمل مدرسة في البلد
اليك اخي عاشق الرياضه فانا معك في كل كلمة نطقت بها لكن ,,, في الوقت الذي تم التفكير به لإعداد مدرسة الثانويه ( شباب / بنات ) ,,, قام فريق من الرجال الذين تهمهم مصلحت البلد ( بلد العيساويه ) بزيارة كل بيت قبل عامين والاغلب من الطلاب رفضو اكمال دراستهم في هذه البلد والذين سجلو اسمائهم ليدرسو في هذه البلده قليل ,,, اي لن يصلو الميزانيه التي طرحتها البلديه لأفتتاح المدرسه الثانويه ... مما جعل امر افتتاح المدرسه صعب وخصوصا الجهد الذي قدمه اولئك الرجال الراغبون في بناء بلدهم قد ضاع بسبب قيام اهل البلد برفض فكرتهم وتسجيل ابنائهم خارجا ... لكن ,,, اذ قامو بأعادت كل هذا ,, فلابد من الوصول الى نجاح هذه الفكره الممتازه لتطوير اهل البلد وخصوصا : ( من ليس لديهم من مصاريف لتعليم ابنائهم ويشكون من مصاريف المواصلات ) . وسوف تحقق انجازات مهمه وكبيره ,, منها : 1. الحفاظ على بنات البلد من اعين شباب القدس ( كأعين الذئاب التي لا تشبع ) . 2. ان يكون اولادنا و شبابنا امام اعيننا ( اي لا يجرأون على فعل الكثير مما يفعلون في خارج البلاد ) . 3. ابعاد شبابنا عن المشاكل التي غالبا تبتدئ بالضرب الحاد . والكثير الكثير من الانجازات المهمه التي ستتحقق ,,, وهذا هو ردي على موضوعك يا اخي عاشق الرياضه ... اما بالنسبه اليك اخي سريت حداد ,, فإن اقيمت هذه المدرسه المختلطه كما سمعت بان هناك صفوف للبنات فقط وصفوف للشباب ,,, وبلأصح ان هناك طبقة للشباب وطبقه للبنات ,, وان المدرسه لن تسمح بفرصه لألتقاء شاب ببنت ... وسأختتم ردي بان اذ قامو ببناء المدرسه فإن نسبة النجاح في هذه البلد سترتفع الا نسبه لن يتوقعها احد ,, لان الطالب سيكون بعيدا عن ما يشغله خراج البلاد ؛ والف شكر على موضوعك المهم |
رد: عمل مدرسة في البلد
السلام عليكم ورحمة الله وبركاته
الله اكبر الله اكبر شو هاذ يا زلمة اها هدول الشباب الي فهمو يا عيني وانا بشكرك على ردك الي في كل من المعنوية والمحبة والطلاقة في السان الله يحفظك يا اخي احلة فارس وبشكر كل من رد على هاذا الموضوع بشكل محترم مثل الفارس شـكــ وبارك الله فيك ـــرا لك ... لك مني أجمل تحية . |
رد: عمل مدرسة في البلد
اخي/اختي سألتك حبيبي ,,,
اشكرك على ما نطق لسانك من كلامات لا اظن ان العسل بحلاوتها ,,, اشكرك فان لم يكن الرد بوضوح في الكلام غالبا ما ينتهي بسؤ تفاهم ,,, فإن لساني نطق بكل وضوح وخاصه باللغه العربيه الفصحه .. لكي اوصل المعلومه التي اريد ,, بطريقه يفهمها الجميع ,,, وان كان هناك عسلا حلو مذاقه ,, فمثل ردك اذاب العسل واطلق كلامه ,, بقلمي ,, مني الك .. والف شكر لك يا ايها الغالي ,, |
رد: عمل مدرسة في البلد
السلام عليكم لكل الاخوة والاخوات المتحاورين في موضوع اقامة مدرسة ثانوية فان جمعية العيسوية بادارة الشيخ رياض حمدان قد اعلنت قبل فترة وجيزة عن نيتها بافتتاح مدرسة ثانوية وان التسجيل جاري في المدرسة للسنة الجديدة و ونتمنى ان يتوفقوا في هذه الخطوة ونرى المدرسة على ارض الواقع قريبا بإذن الله |
رد: عمل مدرسة في البلد
خبرا جميل وسار تنقله الاخت ام زيد ,,,
كما اوصفها بطائر الساعده لهذا المنتدى ... وهذه خطوه مهمه وانجاز رائع من جمعية العيساويه ,,, وهذا سيكون خبرا جميلا جدا خصوصا لطلاب مدرسة عبد الله بن الحسين ,,, لإكمال التوجيهي هنا في هذه البلاد وسأقول لكم نبذه عن طلاب التوجيهي مدرسة العبد الله بن الحسين ,,, من العيساويه وخارجها وما يعانونه طلاب التوجيهي فيها ,,, 1 . استاز الانجليزي اللغه التي تعد اكثر صعوبه ((( مبتدء ))) . 2 . القليل من طلاب العبد الله يعانون من اللغه العربيه لضعف التعليم فيها . فعمل الجمعيه العيساويه انجاز رائع لطلاب البلد عامه وطلاب عبد الله بن الحسين خاصه . لكن ,,, من ما يساعد على افتتاح هذه المدرسه هو تسجيلكم او تسجيل ابنائكم ,,, وانها فرصة جديده على طبق من ذهب ,, هل ستدعونها تمر كما حدث من قبل ؟!! ----------------------- اشكر اختي ام زيد على نقلها للخبر السار .. من ما جعل اختتامية الموضوع اجمل من افتتاحه بكثير ,,, ومع الف تحيه للجميع |
رد: عمل مدرسة في البلد
[align=center] [align=center] بسم الله الرحمن الرحيم وقــــــــــل رب زدنـــــــــــي علماً يا أهلنا يا أحبتنا نتوجة اليكم بهذا النداء الحار من قلعتكم الحصينه قلعة القدس ( العيساوية) القائمة على التقوى والاخلاق الحميدة التي تفتخر بها وتعتز بأنها اخلاق الاسلام بإذن الله تعالى وبناء على هذا فإن الفضيلة والاخلاق المحمدية النبيلة تشرفنا في هذا البلد المعطاء وحرصاً منا على الحفاظ على ابناءنا وبناتنا فقد تحقق لنا العزم الاكبر لافتتاح مدرسة ثانوية للبنات في هذا البلد وكم ترنو العيون والقلوب لمثل هذا الامر حفاظاً على اخلاقنا وتصرفاتنا ، وقد سمعنا منكم الكثير الكثير والتمني اللامحدود لمثل هذة المبادرة و التقينا بالكثير من اهل هذا البلد الذين رحبوا وبكل عزم لفتح هذة المدرسة وها نحن وبعون اللة تعالى نمد لكم أيدينا ونفتح لكم قلوبنا لاستقبال بناتنا في هذا الصرح صرح {جمعية العيسوية الخيرية } وامتدادا لاكاديمية المستقبل العلمية النموذجية سائلين المولى عز وجل ان يتم لنا ما تصبوا إليه العلم يبني بيوتا لا عماد لها .. والجهل يهدم بيت العز والكرم الاعلان بسم الله الرحمن الرحيم "وقل رب زدني علما" مدرسة أكاديمية المستقبل العلمية النموذجية - العيساوية مدرسة ابتدائية ثانوية يسرنا ان نعلن لأهلنا الأعزاء في العيساوية والإحياء المقدسية المجاورة عن افتتاح مدرسة ثانوية نامية للبنات كما ويسرنا الإعلان عن بدأ التسجيل للصفوف التالية للعام الدراسي 2009/2010م ابتدائي:- بنات وبنين (صفوف أول – سادس ) إعدادي:- بنات فقط - صفوف سابع ثانوي:- بنات فقط - صفوف التاسع والعاشر الوثائق المطلوبة للتسجيل:- 1) صورة شخصية (صورة الهوية) 2) صورة عن هوية ولي الامر 3) صورة عن شهادة الميلاد الرسمية للطالبة 4) شهادة الفصل الأول للسنة الدراسية الحالية 5) شهادة انتقال وشهادة اخر صف . - التسجيل للمراحل الابتدائي, الإعدادي والثانوي يتم في أكاديمية المستقبل حي البستان شارع الشهيد زكي نور الدين مقابل ملعب الشهيد ياسر عرفات - هاتف رقم 025825690. ساعات التسجيل: من الساعة التاسعة صباحا وحتى الساعة الواحدة ما بعد الظهر. *المواصلات مؤمنة للطلبة. رئس مجلس الأمناء الشيخ رياض العيساوي والسلام عليكم ورحمة الله وبركاتة أ. يسري الشيخ رياض العيساوي مدير الادارة والعلاقات [/align] [/align] |
رد: عمل مدرسة في البلد
شكرا الك يا اخي يسري حمدان على الخبر السار بس يعني ما في كمان مدرسة للعواشر ممكن تفكرو بلموضوع
|
رد: عمل مدرسة في البلد
بسم الله الرحمن الرحيم حضرة الاخ الكريم عاشق الرياضة المحترم [align=center]نشكر حرصك على اهل بلدك والعمل على مساعدتهم والدعوة الى بناء صروح علمية تربوية تقوم على الفضيلة والاخلاق الحميدة والتربية الايمانية السليمة. يسرنا ان نعلمك ونعلم اهالي وسكان القرية ان اكاديمية المستقبل العلمية النموذجية مدرسة(ابتدائية واعدادية وثانوية)، ترحب بالطلاب الراغبين بالتمييز والتحصيل العلمي المتفوق.المتطلعين الى التفوق والتقدم من الصف الاول وحتى الصف الثاني عش. اذا توفرت الاعداد من الطلبة لفتح شعبة في الصف السابع او الثامن او التاسع او الصف العاشر الذي جاهد اشراف هذه القرية للحصول على ترخيص فقد تحقق املهم بافتتاح صف عاشر. متطلعين الى اقبال الاهالي على تسجيل بناتهم في اسرع وقت ممكن لان المقاعد محدودة حتى لا يحصل مع اولياء امور الطلاب كما حصل العام الماضي ولم يجدوا مكانا للتسجيل. واننا اذ نعلن ان نجاح المدرسة يتوقف على متابعة الاهالي للطلاب متابعة مستمرة، ونبشركم انه اعتبارا من العام القادم سوف يتم التواصل بين الاهالي وادارة المدرسة عن طريق الانترنيت، لتسهيل امور مراجعة ومتابعة التقدم العلمي والتعرف على مستوى الطلاب. هذا من اجل ان نبني معا طلابا قادة في المستقبل القريب. وفقنا الله واياكم ونشكرك على هذه الملاحظة القيمة. "وفي ذلك فليتنافس المتنافسون" والله من وراء القصد مدير الادارة والعلاقات [/align]أ. يسري الشيخ رياض العيساوي |
رد: عمل مدرسة في البلد
[align=center]والله فكرة كتير حلوة عنجد
ومناسبة كمان لانو في كتير اهل بطلو بناتهم من المدارس لهالسبب انو ما بدهم بانتهم يطلعو لبرا يدرسوو وهادا ظلممم[/align] |
رد: عمل مدرسة في البلد
انا بشكرك اخي على موضوع الحلو متلك ومفيد كتير
وكلام عاشقة مزبوط |
رد: عمل مدرسة في البلد
بسم الله الرحمن الرحيم
انا احب مدرسة البنات و الاولاد جوة البلد وشكرا على تعاونكم |
رد: عمل مدرسة في البلد
مرحبا حابه اوجه شويه تعليقات
اول اشي انو احنا ازهقنا العيسوية وشبابها وبناتها واهلها ليش منغير جو ونطلع برة ونتأقلم على الوضع وثاني شي بالنسبة لمدرسة مختلطة انا عادي هالاشي عندي بس المجتمع العربي معقد وخاصة سكان القدس وبس المدرسة المختلطة في الها سلبيات وفي ايجيابيات وشباب البلد بيجيبو المشاكل لاهل البلد من كثر فلسفتهم بدل ما يدخلو فلعالم يروحو يلاقولهم شغله احسن من جيبت المشاكل لاهل البلد هذا رأيي وانا بأيد وما بأيد انو يكون مدرسة فلبلد ثانوية حسب الوضع وشكرا |
رد: عمل مدرسة في البلد
السلام عليكم ورحمة الله وبركاته
اول اشي بدي احكي لا توتو اسمع او اسمعي مجتمع العربي ولاسلامي الي انت بتحكي عنو معقد الاجانب الكفار صارو يحلو مشاكلهم المعقدة في دين الاسلامي هاد الي بتحكي عنو معقد وبعدين يعني مع احترامي لجميع ما في حد بقبل اختو او بنتو او قريبتو تقعد تدرس جنب شب وخاصة انك انتي بتعرفي شو هما شباب اليوم صح أما أهل القدس ليش ما بقبلو قريبتهم تدرس مع شباب عشان هم شريفين غيورين على عرضهم عشان هيك بس بعدين انتي بتحكي انو زهقتي العيسوية بس مش الكل يا اخي \اختي متلك اذا انتي بدك \ او بدك تغير جو هاد اشي بخصك لحالك مش كل البلد صح يا اخي \ اختي عشان هيك انا بشكرك جزيل الشكر على ردك وكل واحد حر في رئيو مع تحياتي( عيساوي ) |
رد: عمل مدرسة في البلد
بسم الله الرحمن الرحيم
احترامي لعاشق الرياضه طارح الموضوع بحب اقلك الله يرحم ستي كانت دايما تقول يا ريت لكن ياريت عمره ما كانت تعمر بيت وسلامي لكل المحترمين من كلا الجنسين اعلموا انه لا ولن تكون هناك مدرسه مختلطه لاعظم سبب وهو اننا مسلمين قضي الامر الذي فيه تستفتيان وهنا اذكر الجميع ان في الحركة بركه ولنبدا بمناقشة الموضوع مع من يدعون المسؤليه عن البلد ومصلحتها لنجتمع ونبث الرسائل الى المعنيين ولتكن هناك دعوات الى اهالي الطلاب ولتكن هناك اجتماعات بنائه مع لجنة اولياء الامور لاستخلاص العبر وشكري للجميع كوكب الشرق ييحيكم |
رد: عمل مدرسة في البلد
والله فكره حلوه على الموضوع المدرسه للبنات فقط
بس مش حلوه تسير المدرسه مختلط يعني انو برضا على اخته انو تفوت على مدرسه مختلط بنات وشباب ما فشي حدا يخلي اخته اتفوت مدرسه مختلط شباب وا بنات.............. ,,,,,,,,,,,,,,,,,,, مع تحياتي,,, فتى الغرام ,,,,,,,,,,,,,,,,,,,,,,, |
رد: عمل مدرسة في البلد
شكرا الكم ردودكم الجميلة يا شباب \صبايا
مع تحايتي ابن العيسوية |
رد: عمل مدرسة في البلد
والله يا عاشق كل كلامك مزبوط ليش ما يعملو مدرسة في البلد مش غلط بعدين شبابنا وبناتنا بنضبو ما حد بجيب سريتنا بلعاطل والله يعمي هلبلد لزمها مدرسة ثانوية
تحياتي ابن الجبهة الشعبية جـــــــــــــــــــــــــــــــــــــــــــــــــ شـــــــــــــــــــــــــــــــــــــــــــــــ,, , |
رد: عمل مدرسة في البلد
يعني انت
يا حلو يا فتى الغرام انت ما بطارضا عن اختك بطارضا على حلك |
رد: عمل مدرسة في البلد
بسم الله الرحمن الرحيم
الى الجميع وخاصة غدر الزمان والله شكلك من هلاء بدك تخرب سمعت المدرسة الي راح يفتحوها في البلد وشو هذي خلي البنات يتأقلموا مع الشباب والله بدك هيك روح ادرس في شيكاغو او المدارس المسيحية وبعدين احنا البنات ما منقبل نكون مع شباب اذا فتحوها وبعدين هذا علم ودراسة مش تأقلم معكم انتو الشباب مع تحياتي. |
العاشقة الحزينة
والله انت يا استاذ توتو شكلك ما في عندك اخت ولا بتعرف شو يعني الواحد يحكي عن البنات وانت من الشباب الي مش مهتمين لا في بنات البلد ولا بس بتقبل على بنات غير اختك وبنات البلد ما تقبل عليهم الا الكلام الغلط مع تحياتي. |
رد: عمل مدرسة في البلد
اول شي انا بحترم اراءكم كلكم بس مش غلط انوا يفتحوا مدرسة مختلط ما دام الشباب بطبقة والبنات بطبقة يعني عادي ....
وبعدين كل واحد يقول ما بقبلها على اختو و قريبتو او او او ....... هي مش مسوية اشي غلط هي رايحة تتعلم وبعدين على ما اظن كل واحد بعرف اختو وكيف تربيتها ازا اخته قد حالها ليش لا ما تتعلم بالمدرسة وبعدين لازم الشباب ازا بخافوا على خواتهم ما يسوا شي غلط وبعدين اولا واخيرا رايحين تتعلموا وبس هاد العندي وكل واحد حر برايئوا ..... |
رد: عمل مدرسة في البلد
شكرا الك على كلامك لأنو كلامك ميه ميه بصراحة بس يا عمي الواحد يختصر صح
شكرا الك على درك الجميل مع تحياتي ابن العيسوية |
رد: عمل مدرسة في البلد
منورين المنتدى والله احلة شباب العيسوية
...................................... .................................... |
رد: عمل مدرسة في البلد
السلام عليكم ورحمة الله وبركاته
والله يا ريت شاب وبنات في مدرسه واحد عشان يبطلو يعكسو لبنات مع تحيات ام تالا |
رد: عمل مدرسة في البلد
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية . وهذه السنه 2009 فتحت مدرسه للبنات صف 10 ويا ريتهم فتحوها السنه الماضيه كان نحن ما طلعنا ب الاصل من البلد |
رد: عمل مدرسة في البلد
بسم الله الرحمن الرحيم
فكره حلوه كتير وخاصه لازم يعملو للبنات مدرسه ثانويه في البلد هيك بصيرو الاهل يبعتو بناتهم على المدرسه وهم مطمنين اكثر وفي اهل ببطل بنتو من المدرسه من الخوف عليه انها تطلع تدرس برا البلد ومشكور اخي عاشق الرياضه |
| الساعة الآن 01:52 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author