![]() |
مقبلات ...مقبلات ...مقبلات ..
السلام عليكم ورحمة الله ..
رمضان كريم .. في هذا الموضوع بيسعدني اني اعطيكم طريقة عمل لنوع من المقبلات .. طبعا مش راح اكتفي بعرض المقادير والطريقة .. ولكن سأذكر بعض المشاكل التي تعاني منها بعض السيدات او الصبايا عند تحضيرها .. طبعا كل اللي راح اعرضه ليس منقول ..هو شغلي وتصويري . بتمنى يعجبكم واي استفسار انا حاضرة ... وكل يومين تقريبا راح اضيف صنف جديد بنفس الموضوع . |
رد: مقبلات ...مقبلات ...مقبلات ..
http://www.esawiah.com/hosting/files...y574ocvszu.jpg
اول صنف بدي ابدأ في الكبة الكبة مش اشي جديد علينا ..ولكن ما بيزبط مع الكل .. المقادير لكل كيلو لحمة حمرا ناعمة كيلو برغل ناعم بصلة كبيرة قشر ليمونة واحدة كبيرة او اثنتين متوستطين ملح فلفل ابيض الحشوة كيلو لحمة خشنة او ناعمة ..ممكن 3 بصلات كبار مفرومين ناعم صنوبر مقلي او جوز ملعقة كبيرة ونصف سماق بهار فلفل اسود ملح الطريقة ..نتيجة العمل الناجح تعتمد بشكل كبير على طريقة تحضير عجينة الكبة . انتبهوا نقوم بغسل البرغل جيدا وتصفية الماء عنه مع ابقاء القليل منه وتركه لمدة ربع ساعة خلال الربع ساعة بيكون امتص كل الماء وما في ماء تعصؤيها ..لانه وجود الماء فيها بخليها طرية وتقلل من جودة الكبة . اذا ما بنغمره بالماء فقط شئ بسيط حتى تمتصه حبيبات البرغل . بعد ذلك نخلصه مع اللحمة ونضيف باقي المواد مع قشر الليمون والبصل ونفرمهم على مفرمة اللحمة مرتين افضل . وهيك بتكون العجينة جاهزة . الحشوة نقلي البصل حتى يذبل ونضيف اللحمة ونقلبهم حتى النضج ينضيف البهارات والملح والفلفل والصنوبر او الجوز ونخلطهم . هيك بتكون الحشوة جاهزة نقطع العجينة كريات صغيرة ونجوفها بحيث تكون الاطراف رقيقة وليست سميكة ونحشوها ونغلقها ..ونعملها بشكل بيضوي وندبب اطرافها .. وهيك كل الحبات . نتركهك لمدة نصف ساعة قبل القلي .. وممكن نحطهم بصحون فلين ونفرزهم لحين الحاجة عند القلي نراعي ان لايكون الزيت حار جدا ولا بارد ..تكون حرارته متوسطة وما نقلبهم لحتى ينضجوا حتى ما نتسبب بفتحهم . وكمان لازم الزيت يكون غامرهم حتلى يستوا بشكل جيد . المشاكل التي تصادف البعض .. الكبة طرية وغير مقرمشة ..يعني كأنه الواحد بياكل فلافل بايتة السبب انه البرغل تم نقعه لفترة طويلة الكبة تتفتح عند القلي السبب انه البرغل انتقع بكمية ماء زائدة ولم بُعصر جيدا درجة حرارة الزيت غير مناسبة الكبة شكلها خشن وكأنها فيها حبوب السبب استعمال برغل خشن . هذا ما لدي اليوم ..واي ملحوظة او استفسار حياكم الله . |
رد: مقبلات ...مقبلات ...مقبلات ..
شـكــ وبارك الله فيك ـــرا لك ... لك مني أجمل تحية .
ويعطيكي العافيه |
رد: مقبلات ...مقبلات ...مقبلات ..
والله بجد الف شكر يا ماما رويده وبجد المشاكل هاي كتير بسمع عنها او بلاحظها...
شكلي من هون لاخر الشهر وع ايدك بجد ح اعمل طبخه ... بس لوقتها بحكيلكم شو هيه هههه يسلمو وبانتظار الطبق الجديد ليل الهجر |
رد: مقبلات ...مقبلات ...مقبلات ..
اقتباس:
اقتباس:
حياكِ الله العين الذهبية .. شاكرة مرورك ومشاركتك ..وان شاء الله تكوني من المتابعين هلا فيكِ اقتباس:
اهلا وسهلا فيكِ ليل الهجر .. اذا تابعتيني بتحداك ما تعملي اشي .!! لانه كل الاطباق اللي راح اعرضها راح تعجبك ..وتتقبليها لانها مقبلات ..حياكِ الله |
رد: مقبلات ...مقبلات ...مقبلات ..
مشكورة يا خالة ام زيد والله يعطيكي ألف عافية وبجد كبة على الأصول *_*.
والطريقة سهلة وحلوة والصورة أحلا وبتفتح النفس *..* وأنا بانتظار باقي الأطباق مع تحيات همسة الاحساس |
رد: مقبلات ...مقبلات ...مقبلات ..
اقتباس:
وان شاء الله تلاقي كل شئ بيعجبك .. اهلا فيكِ |
رد: مقبلات ...مقبلات ...مقبلات ..
http://www.esawiah.com/hosting/files...w83zdlawvs.jpg
فتة باذنجان المقادير 2 باذنجان كبير بدون بذور مقطع مكعبات ومقلي ومملح ومضاف له ملعقتين دبس رمان حتى يعطي شوية حموضة ..ممكن الاستغناء عنه. 2 خبز مقطع مكعبات ومقلي نص كيلو لحمة مفرومة ومقلية مع حبة بصل متوسطة طبعا مملحة ومبهرة كيلو لبن رايب مضاف له 3 ملاعق طحينة وسن ثوم وملح طريقة العمل واضحة من المقادير .. التقديم في جاط بايركس كبير نضع الخبز اولا ثم الباذنجان وعليه اللحمة ونساوي السطح بملعقة . نضع بعدها خليط اللبن . نزين الطبق باللوز المقلي والبقدونس وصحتين وعافية ملاحظات عند قلي الباذنجان اضافة القليل من الزيت ..لانه سيتشرب كل كمية الزيت ولذلك يفضل عدم الاكثار منه . وكذلك عند قلي الخبز ...ممكن نحمصه تحميص بالفرن . عدم الاكثار من الطحينة ..حتى لا يصبح طعمه مرا والف صحة وعافية |
رد: مقبلات ...مقبلات ...مقبلات ..
اكلك بيجنن يسلمو دياتك و نيال عمو خضر فيكي
ويعطيكي العافيه مع انتظار و صفات جدبده |
رد: مقبلات ...مقبلات ...مقبلات ..
[align=center]
يعطيكي العافيه ... بس بس بدي اسأل شو الهدف من وضع الطحينه مع اللبن... يعني احنا بالبيت بنعملها بلبن بس ...شو بتفرق؟ ويعطيكي العافيه مره تانيه ...ان شاء الله بتضلي بهالنشاط ليل الهجر [/align] |
رد: مقبلات ...مقبلات ...مقبلات ..
[align=center]
يعطيكي العافيه ... بس بس بدي اسأل شو الهدف من وضع الطحينه مع اللبن... يعني احنا بالبيت بنعملها بلبن بس ...شو بتفرق؟ ويعطيكي العافيه مره تانيه ...ان شاء الله بتضلي بهالنشاط ليل الهجر [/align] |
رد: مقبلات ...مقبلات ...مقبلات ..
اقتباس:
اهلا فيكِ لولو .. وايديك ..حبيبتي تسلمي ... الله بعافيكِ ..تابعيني وراح تشوفي اشي يعجبك .. بس بدي تتعدلي وتجربي انتِ كمان ... هلا فيكِ |
رد: مقبلات ...مقبلات ...مقبلات ..
اقتباس:
توضع الطحينة لسببين الاول انها بتعطي نكهة زاكية للبن مع الثوم ثانيا وهو الاهم انها بتشد اللبن وبتجعله اكثر تماسكا جربيها مع طحينة بس لا تكتري لان كثرتها تجهل طعمها في مرارة . وان شاء الله اضل في نشاط ..واقدم ما هو مفيد |
رد: مقبلات ...مقبلات ...مقبلات ..
يسلمو... بس يعني اديه ما اكتر؟
يعني بالمقادير تقريبا كيف بطلعو؟ اذا بدي اقول ح احط كاسة لبن اديه بدها طحينه وتوم؟ |
رد: مقبلات ...مقبلات ...مقبلات ..
اهلا فيكِ ليل الهجر ..
المقادير كما ذكرتها سابقا .. كيلو لبن رايب ..بدهم 3 ملاعق كبار طحينة ..وسن ثوم وسط وانتِ بتقيسي نسبيا حسب كميتك اللي بدك تعملها .. والف صحة وعافية |
رد: مقبلات ...مقبلات ...مقبلات ..
http://www.esawiah.com/hosting/files...5a1wukrz9h.jpg
كبة البطاطا المقادير كبلو لطاطا مسلوقة ومقشرة ومهروسة ناعم كيلو برغل مغسول ومنقوع بالماء لمدة ربع ساعة نص كوب طحين ملح ..فلفل ابيض الحشوة لحمة مقلية مع بصل ومضاف الها سماق وصنوير او جوز الطريقة بعد سلق البطاطا وتقشرها وهرسها . نتأكد من خلو البرغل من الماء ..والافضل هو غسله ونقعه بكمية بسيطة من الماء حتى تتشرب الماء كلها . بعد ذلك نعجنهم مع بعض ونضيف الطحين والملح والفلفل . ثم نقوم بعمل كرات صغيرة نحشيها باللحمة ونكورها جيدا ونتركها جانيا . وبعد الانتهاء من الكمية كلها . نقلي الحبات بالزيت الوفير وحرارته معتدلة ما يكون الزيت حامي كثير ولا بارد .. وسط افضل شئ..نترك الحبات دون تحريك حتى تحمر من الاسفل ثم نقلبها تقدم مع سلطة خضراء ..وسلطة خيار بلبن . ممكن انه نعمل الكبة بطريقة اخرى .. 3 كوب رز ابيض مطبوخ 3 حبات بطاطا كبار مسلوقين ومهروسين ملح وفلفل ابيض نطحن الارز على ماكنة اللحمة جيدا ثم نخلطه مع البطاطا ونضيف الملح والفلفل ..ونتبع باقي الطريقة والف صحة وعافية . |
رد: مقبلات ...مقبلات ...مقبلات ..
http://www.esawiah.com/hosting/files...jg8w67hscu.jpg
افخاد الدجاج المحشوة المقادير افخاد دجاج مسحبة من العظام مغسولة ملح بهار الدجاج الاحمر ( ممكن يكون حار او حلو حسب الرغبة ) زيت زيتون الحشوة هناك عدة خيارات للحشوة حشوة الارز ..ارز مفلفل نص استوى مع لحمة ولوز او فريكة مفلفلة مع لحمة ولوز او خضار جزر مقطع اصابع + كرفس (سلري) +فلفل احمر حلو مقطع اصابع + فلفل اصفر حلو مقطع اصابع الطريقة ندق افخاد الجاج لتصبح رقيقة نوعا ما ..وننتبه ان تكون بنفس السُمك نضع الحشوة اذا ارز اوفريكة ونلفها ونضعها في الصينية اذا خضار نضع في كل قطعة جزر وكرفس وفلفل حلو اصفر واحمر ونلفهم ونضعهم في الصينية نرش الملح نخلط البهار الاحمر بالقليل من الزيت وندهن القطع جيدا ثم نضع القليل من زيت الزيتون على الوجه ونضع بصلة مشرحة في الصينية ونضعهم في فرن حرارته متوسطة حتى النضج ..المدة تقريبا ثلاث ارباع الساعة . يقدم ساخنا وصحتين وعافية |
رد: مقبلات ...مقبلات ...مقبلات ..
http://www.esawiah.com/hosting/files...1cy83nvt0c.jpg
جنحان حارة المقادير كيلو جنحان منضفين ومشعوطين مليح نص كوب لبن شطة بودرة حارة 3 ملاعق زيت زيتون بصلة مبشورة سنين ثوم مدقوق ملح + بهار دجاج احمر الطريقة يتم نقع الجنحان لمدة لا تقل عن الساعة ثم نشويهم اما على الفحم او بالفرن .. طرق اخرى مقترحة الجنحان على الطريقة الصينية جنحان ملقعة عسل ملعقتين خردل القليل من الصويا صوي بتم نقع الجنحان بهذا الخليط لمدة لا تقل عن الساهة ويتم شويهم .. لا تفكروا انه بيطلع طعمهم حلو ..لا ..لانه الخردل مالح وكذلك الصويا صوس بس بيعطي لون جدا حلو طبعا ما بنضيف ملح ..لانه مثل ما حكيت الخردل مالح وكذلك الصويا صوص .. طريقة ثالثة للجنحان جنحان يتم نقعهم في لبن لوحده بنعمل حليط مكون من نص كوب طحين ملعفة بكنغ بادور ملعقة شطة حارة ملح زعتر او اوريغانو يتم تغطية الجنحان بالخليط الجاف ثم قليهم في زيت متوسط الحرارة تقديم الجنحان بكل الطرق لازم يكون فورا يعني سخنين والف صحة وعافية |
رد: مقبلات ...مقبلات ...مقبلات ..
السلام عليكم ورحمة الله وبركاته خالة ام زيد ما شاء الله عنك بجد انك مبدعة بالطبخ وشكل اكلك رائع فكيف هيكون طعمه أكيد طعم اكلك هيكون اكثر من رائع و زاكي كتير تسلم ايديكِ على الأكلات الرائعة وبتمنى اشوف موضوع الك لعمل الحلويات:5fc0f22 ودمتِ برعاية الله مع إحترامي صمتـ العيونـ |
رد: مقبلات ...مقبلات ...مقبلات ..
والله يا ماما رويده دايما بتفاجئينا ....
بس بدي اسأل عن الخيار المستخدم للزينه ... شو الطريقه لصنعه بهالشكل؟ علفكره اليوم انا ولاول مره طبخت ..... بس شو طبخه ... اشي من الأخر ... وطبعا ما في حدا قدي.... بس الغريب انو ماما بتضل تقلي منيح ما هيه كرشات شو كنتي عملتي ...(قال انو انا مزودتها بكلامي ) وما بعرف ليه مع انو انا طبخت الا انو ماما اصرت تطبخ طبخه تانيه ..ولما سألتها ع السبب ...قالت لانو على قد ما ح تكون طبختي زاكيه الكل ح ياكلها وما ح يتركولي شي اكلو.. ف خليني الاقي شي اكلو بوقتها ... اه صحيح نسيت احكيلكم انو طبختي العظيمه كانت معكرونه ههههههههههه بعد الفطور بحكيلكم شو صار فيها ..(اذا اتاكلت او............) |
رد: مقبلات ...مقبلات ...مقبلات ..
اقتباس:
شكرا لكلماتك الحلوة والمشجعة .. وهيني قدمتلك طريقة عمل كعكة الجبنة .. تعدلي وريني شغلك ..بلا شدي حيلك .. بامكانك المشاركة بمسابقة افضل طبق بلكي تكوني الفائزة .. |
رد: مقبلات ...مقبلات ...مقبلات ..
اقتباس:
شو المعكرونة اتاكلت او ...............؟؟؟ خبرينا .. بالنسبة للخيار شوفي هالاداة اللي رقمها 4 بالصورة http://www.thaicarving.co.uk/assets/images/knife07.jpg بالجهة اللي من تحت ..بتمسكي الخيارة وبطريقة لولبية بتقشريها .. بتطلع معك بتطلع القشرة شرائح ملتوية ..والحبة بتكون مثل ما انتِ شايفتيها بالصحن .. وهي عادة بتكون في قشارة البطاطا .. روحي شوفي قشارتكم فيها هيك اضافة والا لا !!! ممكن كمان تقشري فيها حبة الليمون وتزيني كاسات الليموناضة .. حياكم الله |
رد: مقبلات ...مقبلات ...مقبلات ..
اه القشاره عرفتها ..ز بس لفتت نظري الادوات كأنها ادوات جراح؟ ولا انا غلطانه؟ههههه
بشكرك ع الافاده ... وبخصوص المعكرونه اتاااااااااااااااااكلت ... بصراحه كنت هكلانه هم اخوتي لانهم كتير شغل مسخره وبيعملولي من الحبه قبه دايما .... بس لما شفتهم عم ياكلو وهمه ساكتين .... اتفاجأأأأأأأأأأأأأت |
رد: مقبلات ...مقبلات ...مقبلات ..
اقتباس:
هذه ادوات تزيين الخضار والفواكه ..فهي تستعمل لانها دقيقة وحادة نوعا ما .. حياكِ الله |
رد: مقبلات ...مقبلات ...مقبلات ..
http://www.esawiah.com/hosting/files...1xum8d3i6w.jpg
معجنات مشكلة مقادير العجينة .. كيلو طحين فنجان شاي زيت ذرة 3 ملاعق حليب بودرة او كوب حليب سائل ملعقة ونصف كبيرة خميرة 2 ملعقة كبيرة سكر ملعقة كبيرة ملح بيضة كبيرة او 2 صغار طبعا بنعجنها باضافة ماء دافئ .. الكمية حسب الطحين تعجن بشكل جيد لحتى تكون طرية ..لانه لما بتكون طرية بتعطينا معجنات طرية ..رهفة ونتركها لتختمر تقريبا ساعة لساعة وربع هذه العجينة تصلح لكافة انواع المعجنات بكل اشكالها .. بعد ان تختمر نقطعها ونتركها ترتاح قليلا .. بعد ذلك نحشيها بالحشوة اللي بدنا اياها .. حشوات مقترحة .. 1- لحمة مفرومة مقلية مع بصل ووبندورة حمرا مفرومة وفلفل حار طبعا الملح والبهارات ما ننساها . 2- جبنة صفرا مع زيتون اخضر او اسود واضافة زعتر ناشف 3- جبنة بيضا واضافة بقدونس 4- خضار مشرحة طوليا مقلية مع صدور دجاج واضافة صويا صوص خضار مثل جزر فلفل حلو ملون ملفوف اخضر بصل طرق التقديم ..ممكن نتفنن بشكل كل نوع ..ممكن نستعمل صواني الكب كيك مثل اللي بالصورة فوق نحشي ثلاث كريات صغيرة ونحطهم جنب بعض وبيطلع شكلهم مثل ما انتوا شايفين او كرة واحدة .. ممكن مثلث ...او مربع ..ممكن شكل اسطواني .. ممكن على شكل الكروسان .. يعني الابداع في المطبخ ما اله حدود .. بعد الحشو ..بضعهم في صينية مدهونة ..ونتركهم يرتاحوا 10 دقائق على الاقل ..ضروري حتى تكون العجينة اسفنجية وطرية . يخبزوا على درجة حرارة متوسطة .. بعد ما نطلعهم من الفرن ..بنخليهم يبردوا شوي ..ولازم نلفهم وهم دافيين بكيس نايلون ..انتبهوا فيهم شوية دفا .. مش سخنين حتى ما يصير نتيجة البخار عليهم ماء . والف الف صحة وعافية |
رد: مقبلات ...مقبلات ...مقبلات ..
la2...la2 ya 5alty shu hatha..esm7ele y3ni ...
ana ba6aleb fe 3azooma 5assa hhhhhh la banat el montda aw kazdy 3azooma ele la7ali hhhhhhhhh y3ni masha2alllah jad ana 7akeetlek aslan enty el befoozy be musabqet ajmal 6abak...b3deeen lashu lazem twz3e ktaab mama rowaida lal 6abe5 mish manal el 3alam :D.... ana jad :D bahaneeke 3ala hay el a6baak el ra2e3a hhh wnshalla ele rdood tanya 3al mawdoo3 |
رد: مقبلات ...مقبلات ...مقبلات ..
mmmmm
فعلا ولا اروع طريقه التزين روعه بجد محترفه *_* بتمنى ما تبخلي علينا من ابداعاتك بتمناالك كل التقدم والتوفيق تحيتي لكِ |
رد: مقبلات ...مقبلات ...مقبلات ..
والله يا ماما رويده حطوها فيي وقالو طباخة المنتدى ...طبعا كان غلط مطبعي مش اكتر ....
بس احنا مستحيل نقبل بالصوزر بس... يعني شو؟ اسلوب شم ولا تدوق؟؟؟ كل مشرف وعضو صحنو بيوصلو لبيتو بلاش نعلنها حرب ههههههههههه |
رد: مقبلات ...مقبلات ...مقبلات ..
بجد ولا أروع
على فكرة أنا متابعة الموضوع من أوله وأعجبتني الصورة اللي في موضوعك التشيز كيك في الأخر ماما عملتلي متله :D وسبحان الله بالصدفة امبارح كان فطورنا معجنات وتقريباً متل الطريقة اللي بنعملها. الله يعطيكي العافية ولي عودة انشالله |
رد: مقبلات ...مقبلات ...مقبلات ..
اقتباس:
اهلا وسهلا حمدانية ..دوبه القمر طل .. حيالله .. طيب معزومة انتِ والبنات ...بس حددوا يوم وحياكم الله بعدين بدك تبليني في كتاب منال العالم انا حكيت كتاب المطبخ الفلسطيني لسهام بغدادي زعرب مش مناااااال !!! انا بشجع الصناعة الوطنية !!! هذا الكلام لحمدانية ما حد يقرأوا [hide] ليش فايتين ما انا حكيت لحمدانية بسسسسسسس حمدانية انا بدي اشتريلك كيبورد عربي !!! [/hide] تسعدني متابعتك وتواصلك ورأيك .. |
رد: مقبلات ...مقبلات ...مقبلات ..
اقتباس:
شكرا لمرورك الحلو ..وحياكِ الله |
رد: مقبلات ...مقبلات ...مقبلات ..
اقتباس:
معناه طباخة ..وطباخة شاطرة كمان ... خلص بدي اعملكم عزومة ..انتوا بس حددوا اليوم ..وما عليكم ولووووووووو حياكم الله بتشرفوا . |
رد: مقبلات ...مقبلات ...مقبلات ..
اقتباس:
لازم صورتي حتى نشوف ونتعلم من بعض .. وصحتين عالمعجنات ..ويعافيكِ |
رد: مقبلات ...مقبلات ...مقبلات ..
اقتباس:
على كل حال أنا عمالي بخطط لمسابقة أجمل طبق والله يوفق :--) |
رد: مقبلات ...مقبلات ...مقبلات ..
اقتباس:
لا ما نسيت ..بس فكرتك نشيطة وصلحتيه او دبرتي بديل !! خططي ..بس لا تنسي في وقت محدد لاستقبال المشاركات .. شدي حيلك ..بانتظار مشاركتك . |
رد: مقبلات ...مقبلات ...مقبلات ..
[http://www.esawiah.com/hosting/files...9a5zej9bqy.jpg
صدر الدجاج اللذيذ المقادير كيلو صدر دجاج مقطع مكعبات كوب لبن كوب طحن ملعقة كبيرة بكنغ باودر بهار دجاج احمر شطة بودرة .حسب الرغبة ملح ممكن اضافة زعتر جاف الطريقة ننقع صدر الدجاج في اللبن لمدة لا تقل عن ساعة بعد ذلك نخلط كل المكونات الجافة ونضع قطع الدجاج على الخليط ونقلبه جيدا حتى تتغطى كل القطع جيدا . في زيت متوسط الحرارة نقلي القطع ونقلبها على الوجهين .. ملاحظات اللبن يعطي طراوة محببة للدجاج اضافة الشطة تعطي نكهة لذيذة وكذلك الزعتر الجاف . القلي يكون في زيت وفير .. يتم تقديم الدجاج حال قليه وهو ساخن . والف صحة وعافية |
رد: مقبلات ...مقبلات ...مقبلات ..
السلام عليكم ورحمة الله وبركاته
مشكوره ماما رويدة على المقبلات الذيذة و شكرا الك لاني استفدت منك من بعض الوصفات . بأنتظار جديدك تحياتي لكي ملك |
رد: مقبلات ...مقبلات ...مقبلات ..
اقتباس:
العفو عزيزتي ملك ..وانا مبسوطة انك استفدتِ وان شاء الله تجربيهم و ينالوا رضاكِ حياكِ الله |
رد: مقبلات ...مقبلات ...مقبلات ..
http://www.esawiah.com/hosting/files...z35hxbos82.jpg
سلطة المعكرونة المقادير نص كيلو صدر دجاج مقطع شرائح صغيرة فلفل ملون نص حبة من كل لون ..اصفر احمر اخضر برتقالي . علبة فطر معكرونة ملونة ..او عادي ..اي شكل بس تكون قطع صغيرة بصلة مشرحة صوص للنكهة ( زيت زيتون ليمون او خل ملح ) الطريقة نسلق المعكرونة لفترة بسيطة ولا ندعها تنضج كثيرا حتى ما تكون طرية ..بعد السلق ننشلها من الماء الساخن ونشطفها بالماء البارد . ونتركها جانبا نقلي الدجاج ونتركه جانبا نقلي البصلة ونضيف الفلفل حتى يذبلوا ..بعد ذلك نضيف علبة الفطر ونتركهم لخمس دقائق على النار . بعدها نخلط كل المقادير مع بعض ونضيف الصوص عليهم ويقدم والف صحة وعافية .. |
رد: مقبلات ...مقبلات ...مقبلات ..
السلام عليكم ..
وددت التنويه للاخوات المتابعات للموضوع ان الوصفات المذكورة هي من صنعي وتصويري انا وليست منقوله لان البعض يقول انني انقلها من مواقع اخرى ..حسب ما وصلني! ولكن اؤكد بان اي صورة تحمل اسمي هي من تصويري الشخصي واذا كانت وصفة اكل فهي من صنعي وحياكم الله . |
الساعة الآن 02:23 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author