|
اعلان بخصوص الدبكة للفتيات
تعلن ادارة فرقة نادي العيسوية للدبكة الشعبية عن رغبتها وتلبية لرغبة الفتيات عن تشكيل فرقة للفتيات حيث سيكون التدريب بشكل منفرد أي الفتيات فقط وهذه الفرقة ستكون مخصصة للمشاركة في البطولات والمهرجانات وكذلك لعمل وصلات دبكة في الأفراح في صالة السيدات فقط ويجب أن تتوفر الشروط التاليه بالراغبات في المشاركة :
موافقة ولي أمر الفتاة أن يكون لدى الفتاة رغبة في الدبكة الشعبية أن يتراوح أعمار الفرقة من 16-18 عام أن تتمتع الفتاة بشخصية قوية كما سيوفر النادي احدى السيدات التي سترافق الفرقة في كل فترات التدريب والفعاليات للراغبات في المشاركة الاتصال بمدير الفرقة السيد عماد محمود على هاتف 0522407392 |
رد: اعلان بخصوص الدبكة للفتيات
شكرا الك على الموضوع خضر عبيد
بس ممكن اعرف مين المدرب يلي بدو يدربهم تحياتي جــــــــشـــــــــــ |
رد: اعلان بخصوص الدبكة للفتيات
شكراً كتير إلك على هالخبر الحلووو
وان شاء الله يتم هالمشروع بكل نجاح و توفيق ..... |
رد: اعلان بخصوص الدبكة للفتيات
مرحباا
مشكوور لالك كتير يا استتتاز خضر على المباادرة الحلوة تقبل مروري جرح الزمن |
رد: اعلان بخصوص الدبكة للفتيات
يلااااا ليش لا
بس اي ولي امر بوافق انو بنتو تدبك وترقص باعراس العالم |
رد: اعلان بخصوص الدبكة للفتيات
اقتباس:
ولكن يبدو أنك لم تنتبه بأن دبكة البنات فقط في صالة النساء وليس في أعراس العالم |
رد: اعلان بخصوص الدبكة للفتيات
أ.خضر عبيد
مشكور كتير على المشروع الرائع وان شاء الله بالتقدم والنجاح في هذه المشروع المميز وفرقه دبكة للبنات فقط فكرة كتير حلوة وراح تكون مميزه بالبلد الاشي مش غلط ولا عيب بالعكس اشي كتير حلو وبشجع اهل البلد وكل الاحترام للقائمين على هذه المشروع وبالنجاح والتوفيق ان شاء الله |
والله اشي حلو كتير ولش لاء خلي كل واحد يوخد فرصتو انا بحيك استاذ خضر على هلفكرة الحلوة
مع تحياتي |
رد: اعلان بخصوص الدبكة للفتيات
شـكــ وبارك الله فيك ـــرا لك ... لك مني أجمل تحية .
والله فكرة كويسة مش غلط يا ابو معن والله يوفقق مع تحياتي ابو العز...... |
رد: اعلان بخصوص الدبكة للفتيات
اشي حلو بس يا ترة من وين جايب هالفكرة يا ابو معن يا ريت اتقل لجميع الي في المنتدى
يا ريــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــت و بصراحة والله يعطيك العافية .................................................. ............................... |
رد: اعلان بخصوص الدبكة للفتيات
yaaa salaaaaaam
ana men zaman bastnna fe heeth eshi :D nshalla...awal el metsjlat jaya 3al 6areek :D:D |
رد: اعلان بخصوص الدبكة للفتيات
الفكرة بأن جميع الفرق في جميع المناطق يوجد بها بنات هذا أولاً
ثانياً من حق الفتاة أن تمارس النشاط مثل الشاب ثالثاً لأن ثقتي بأبنتي كبيرة فلا مانع لدي بأن تكون هي أول المشاركات اذا كان لها رغبة في ذلك |
رد: اعلان بخصوص الدبكة للفتيات
اذا بدنا نتسجل لازم نتصل على هاد الرقم
اعطونا طريقة تانية |
رد: اعلان بخصوص الدبكة للفتيات
اختي بتقدري تحكي مع استاذ خضر وهو بنسق الموضوع معك
|
رد: اعلان بخصوص الدبكة للفتيات
انا مش عارف ين راحت النخوة تبعت العرب
كال عنه نخوه كال عنه عروبه لا حول الله يا رب بلمره خلي البنات يحطان كباه تبعت اليهود لا حول الله يا رب مره عالم الصهينه بحملن ولحين دبكه أمبكره بصير مدارس مخطلت بختصار مفش نخوه بلعرب صار خلينه بلكي بنصير أجانب |
رد: اعلان بخصوص الدبكة للفتيات
مع احترامي للفكرة وصاحب الفكرة بس بحب اعطي رأي بالموضوع كوني بنت من بنات هالبلد وتقريبا بالجيل الي بنحكى عنو 16\18 انو كفكرة استاذي حلوة بمجتمعات فيها انفتاح بس مع فلاحين وعساسوة ما بتوقع انها تكون فكرة ممتازة ببلدنا صحيح من حقنا كبنات انمارس تنشاطات بس تتناسب مع طبيعتنا رغم انو كثير بنات بتدبك ولهيك اسمحولي احكي انو ما وصلنا لمرحلة فري او نفتح عينينا على هيك امور لانها بجوز تبدأ كفكرة هيك ولكن لا نعلم نهايتها وللاسف صرنا انشوف الناس الواعيه هي الي بتدفع فينا للتهلكه سواء اهل او غير وبالاخر بنلاقي تعليقات لولا البنت عملة ولولا سوة ووين اهلها فمن راي بلا ترويج لشغلات شبيهة...
واذا ممكن جواب لسؤال بسيط لو سمحتو ليه اخترتو هذا الجيل بالتحديد...ليه ما يكونو اصغر الي يكون عندهم قدرة للقط الدروس؟؟؟ ومن راي بشوف انو بعيد عن المنطق بنت تتصل لاي رقم المفروض تكون في طريقه مناسبه اكثر.. لا تأخدون على رجعيتي او تخلفي بس هيك اربينا.. والي ردو لو سمحتو بتقبل لاختك واحد يدربها دبكه ؟؟؟ مهما كان ادمي حتى وانا ما بقصد التجريح بحد.. سوك الفلاحين |
رد: اعلان بخصوص الدبكة للفتيات
مشكور على هالفكره ابو معن بس صراحة انا مش مع هيك شغلات للبنات...يعني لو الي اخت ما بقبل انها تدبك بغض النظر عن انو بين النساء بعدين ما بعتقد انها تزبط هاي الفكره والله النسوان بقطعنهن ههههههههه مش زي الشباب في طولة بال بالسهره فرقتين والدحية يعني الشاطره بدها يكونلها دور...خلوها على الله وبعتقد نشاط هيك يكون بناتي يا حمدانيه ازبط..
اخوكم صرخات |
رد: اعلان بخصوص الدبكة للفتيات
بسم الله الرحمن الرحيم
بخصوص الدبكه للفتيات ... وعلى الراغبات في التسجيل في الفرقه بعد موافقة ولي الامر التوجه بارسال رساله الى البريد الالكتروني للفرقه fnon_al3esweh@hotmail.com .. وان يكون مضمون الرساله : 1 - الاسم الشخصي الثلاثي . 2 - العمر من 15 فما فوق . 3 - لمحه عن حياة المشتركه في مجال الدبكه او في مجال الفنون والتراث ان وجد . 4 - رقم هاتف ولي الامر . مدرب فرق نادي شباب العيسويه للدبكه والفنون الشعبيه مصطفى محمود |
رد: اعلان بخصوص الدبكة للفتيات
[align=center]بــسم الله الرحمن الرحـيم [/align]
اخي سوك الفلاحين واخي صرخات واختي محرومه من الحب الموضوع مش بالصعوبه هاي ومش بالدرجه الي انتو بتفكرو فيها الدبكة ..رياضه عامه للجمـيع ..وانا ما سمعـت انو الرياضه حرام او عيب ومن حق الشب او البنت أن يختارو المواهب الرياضيه المفضله لهم بعدين لو اهل البلد يتقبلوا الموضوع بكل مودة واحترام اكـيد راح يكون اشي كتير حلو والدبكة رياضه فنيه شعبيه ومن تراثنا الفلسطيني العريق وغير مخصصه لشباب فقط ومع احترامي للجميع وان شاء الله تتقبلوا الموضوع بكل حب وأحترام وأتمنى ولكم التوفيق جميعا |
رد: اعلان بخصوص الدبكة للفتيات
حبيبي ابو عدي اخوي انت بحب اقلك انا ما طرحة ردي عشان اناقشك فيه لانو متل ما في معارض في مؤيد وانا بحترم الطرفين فما في داعي نعمل من وجهة نظر او رأي قصه كالعاده واذا ردي مضايق حد فا اسهل انو ينمحي اخي... تقبل مروري صرخات
|
رد: اعلان بخصوص الدبكة للفتيات
لا بالعكس ردك ما بضايق ولا اشي ولو اخوي
ومن حقك كمان انك تعبر عن وجهة نظرك ورايك في الموضوع بس انا برضو ما وجهت الكلام الك لحالك انا كتبت ل سوك الفلاحين واختي محرومه من الحب واكيد ما في داعي انو اناقش الموضوع زي دايما وبرجع بحكيلك من حقك انك تعبر عن وجهة نظرك اخي |
رد: اعلان بخصوص الدبكة للفتيات
[align=right]
السلام عليكم ورحمة الله وبركاته انا ابو العاصف عضو في فرقة دبكة شباب العيساوية والفكرة كتير حلوة وكتير بتهم وكتيربتساعد في تطور البلد وفي تقدمها وبتساعد في منافستها لفرق الدبكة على مستوى القدس والضفة يعني احكي اشي ازا ممكن يوم الاحد كنا في مسابقة على مستوى القدس وكل فرقة كان فيها بنات مع شباب مختلط ومن مناطق برضو زينا فلاحين االطور والبلدة القديمة يعني مش معقول كل الناس مش فلاحين ولا انا بحكي غلط وبعدين وين االغلط فيها االي شايف فيها غلط يا خواتنا ويا اخوانا والي خايف على اشي اصلا هو مش موجود وما في داعي الو وما في داعي نكون هلقد معقدين والي عنجد شايف في غلط او شايفة فيها غلط بتقدر ما تيجي او الي شايف فيها غلط عندو اخت وبنت عمو وبنت خال بقدر يمون عليهم وما يخليهم ينزلو وفي كمان اشي حابب احكي انو في بنات من البلد بتدربو بره البلد انو هاد ولي الامر الي بامن على بنتو على شباب من بره البلد وما بامن على بنتو على ابن بلدها الي غير تكون زي اختو ومع انهم مش مختلطين بس اكيد مش راح يخلي حدا يطب فيها وبعدين في فريق سلة للبنات ولا هاد اشي وهاد اشي بحيات الله ما نكون رجعيين البنت بتدرب في محل مسكر ويوم تروح تدبك اكيد برضو في محل مسكر يعني بنت بتدبك لجمهور كلو بنات احنا هاد الي بنحكي بس في مجال تطور الفرقة وازدهارها واحنا هاد اكيد ما بدنا اياه على حساب سمعة البنت او انو حدا يحكي عليها وبعدين في كمان اشي بحب احكي عن مدير الفرقة الاستاز الفاضل عماد محمود والاستاز الكبير الي الو فضل كبير على فرقة الدبكة الاستاز خضر عبيد يعني احنا شباب وما كانو يقبلو يخلو حدا يطب فينا او في سمعتنا واحنا شباب وزي ما بقولو الي برميهم بالمي برمي بالنار وهاد الي كانو يسوو معانا وما كانو يخلو حدا يطب فينا لا بمنيح ولا بعاطل وبتمنى اهل البلد يوخذو الموضوع بشكل جدي وبشكل متفهم وبشكر الكل واتحملونا طولنا عليكم [/align] |
رد: اعلان بخصوص الدبكة للفتيات
السلام عليكم
اسمعوا خضر عبيد مش قصدو انو يخرب البنات او انو يلغي العدات لاء يا جماعة وما تراهنو كثير على على اباء البلد ومش الكل طبعا يعني الي بيسمح لبنتو تلبس بنطلون لبنت عمرها 6 وهي صبية بنت 20 بريكوم بدو يمنعها تدبك .............بعدي هذا استاذ خضر كل ما يعمل اشي جديد لفرقة النادي فرقة اصايل بتحلقلة وبتتطلع باشي احلا واقوى ففلاخر ما لقى الى انو يعمل فرقة بنات لانو عارف انو الاصايل ما راح تعملها ههههههههههههههههههههههههههههه...........اصحا تزعل ابو معن بنمزح............اخوكم وهيب عليان:20f27c58: |
رد: اعلان بخصوص الدبكة للفتيات
مشكور يا ابو معن على هيك فكرة بس انا برايي انو هاي مش رياضة هاذا تراث
وانا ما بايد انو يصير فرقة للبنات لانو مش من عاداتنا انو نودي خواتنا على حفلات او على مهرجنات يعني مختلط تقبلو مروريwalid.m |
رد: اعلان بخصوص الدبكة للفتيات
السلام عليكم
في الكراتيه كان في البداية معارضة والآن نحن نفتخر في بطلات فلسطين بطلات العيسوية والجميع من فلسطين ومن العرب سعدوا لبنت العيسوية رزان صبحي ناصر عندما حازت على ميداليتان برونزيتان على مستوى العرب . كل بداية صعبة وأنا في البداية ترددت لأن أكتب الموضوع وكنت متأكد بأن بعض الردود ستكون مزعجة ولكن أنا رغم كل التناقضات والاختلافات في الأراء الا أنني متأكد من نجاح الفكرة أشكر كل من علق على الموضوع سواء معارض أو مؤيد وأرجو من الجميع أن يكونوا حضاريين في النقاش فمن حقك أن تعترض على الفكرة ولكن بدون تجريح |
رد: اعلان بخصوص الدبكة للفتيات
انا مش شايفة بالموضوع اي اشي عيب
مادام انو الي بتعلم الدبكة بنت زينا زيها واحنا مش راح نروح نرقص كدام الشباب وزي ما حكو الي مش عاجبا الفكرة ما يخلي لا اختو تتسجل وبدون ما يشككو العالم في حالهم |
رد: اعلان بخصوص الدبكة للفتيات
السلام عليكم ورحمة الله وبركاتة
أخوتي جميعا أشكر أقلامكم على ما نثرت هنا لكن أود القول لكم أنني فتاة من تلك القرية أول فرقه تدربت بها كانت فرقه شباب وبنات العيساوية في المركز الجماهيري وكان تدريبنا كل مجموعه لها وقت معين مع الدرب عماد عطيه كل أحترامي له والحديث عن تلك الكلام له سنوات لكن عندما تركنا كل منا انشغل عما لديه حقا كم كان شعور غير جيد لانني أشاهد تلك التراث الفلسطيني يذهب الى الوراء اي الى الغرب أخوتي بعدها عملت على تدريب وتدربت في عدة اماكن وكل من شاهد تدريبي في فرق أطفال اي مدارس يشكر من دربني حقا يوجد لدينا مدربين كل احترامي لهم لكن لايوجد التشجيع والدعم الكافي لتلك الفتيات لذلك التراث هو مجال راقي وفلسطيني والفتاه عندما تدبك تعبر عن تراثها الفلسطيني وكل احترامي لكم وأنصح كل من لديها الميول ان تتقدم الي تلك الفرقه لكن أنصح الفرقه أن تطمئن الاهل عن تلك التدريبات لانه بتلك الفكره يقتنعون وكل أحترامي لكم جميعا تحيتـــــــــــــي دلال المغربي |
رد: اعلان بخصوص الدبكة للفتيات
ههههههههههه.. اخوي ابو معن استاذنا انت ما حد قصد يجرحك ولا الاخ عماد محسوب علينا كمان... ضحكتي هون بحب اقلك اكيد راح تلاقي ناس تبعت بناتها بالاخر بقلك ليش... بس بحب اقول للاخ الي بقول الطور والبلده القديمه انو العيساوية مش متل اكثريتهم ما بقصد تجريحهم بالعكس فيهم الصديق والصاحب.. اما ليش راح نلاقي فبحب اقلك زمنا ضاع واليوم ملان جاج بالبلد لاسفي الشديد بحب اعلق عشغله معروفه كانو زمن يجاولو يجندو البنات لهيك نشاطات طبعا الجيل القديم وذلك لما فيه من مصلحة لدولتنا العتيده ((الغاية تبرر الوسيله)) ولكن للاسف مع ما نراه فان القاعده الامنيه هذه سقطت اليوم.... تحياتي لاخونا ابو معن وبتمنى ما تتفهم ردودي متل الي بالي بالك... اخوكم صرخات
|
رد: اعلان بخصوص الدبكة للفتيات
السلام عليكم
اخواني اخواتي كلاً منا له وجهة نظر خاصة به لا استطيع انا او غيري نقوم بأبدالها ولكن انا من رأي فالفكرة بغاية من الروعة وهذا ليس بشيء مميز لان جميع الفرق التي تقدم عروض بمستوى القدس وفلسطين تكون مكونة من البنات والشباب وهذا يدل بأن البنت لها حق المساوة وانها لا تنقص عن الشاب في القرية بأي شيء اخواني عندما يقومون اعضاء النادي بطرح فكرة معينة تكون الفكرة مدروسة مئة بالمئة ومضمونة وهذه الفكرة بلفعل فكرة سوف تُقدم من مستوى الفرقة فنحن نفخر بأبناء الفرقة عندما نرى لهم عروض فلا داعي للمكابرة اخواني وتقبلو ردي وبالنهاية هذه مجرد وجهات نظر تختلف عند البعض وتشترك عند البعض وشكرا |
رد: اعلان بخصوص الدبكة للفتيات
السلام عليكم
اخواني اعذرو تطفلي واسمحو لي برد ثاني ربما فهمتم ردي الاول بشكل خطأ بالفعل وجود بنات في الفرقة شيء يساعد على ازدهار وتقدم الفرقة ويبين ان هذا الشيء يساعد على التنافس بين الفرق ولكن انا ضدد تواجد بنات في الفرقة من البلد لا دينا ولا عدات ولا تقاليد بتقول انو لازم او يكون في بنات فأسمحو لردي بلمكوث هنا واتمنى ان اكون الان وضحت الجواب وبالنهاية كل شخص حر برأية وكل اب بقدر يعارض او يوافق على تواجد بنتة في الفرقة ولي المتابعة |
رد: اعلان بخصوص الدبكة للفتيات
لا والله وفي زلام وناس تخاف على بناتها او لو كنت شب كان ردي بكون جارح بالفعل مع احترامي للبعض لانو كان بخاف على بنات بلدي متل ما بخاف على بنتي وخواتي وما بستبعد انو يقومو بشغله بسيطه حتى يستقطبو البنات مثلا بجيبو بنات من برا البلد فبتصير الوحده تقول لابوها شايف بابا هيهم بدبكو شايف يا اخوي ليش مانعني بترد عصاحبك امنع بنتك بس تتجوز او من هالبنات الي الوحده فيهم بتسجن ابوها او جوزها وبهماهاش اكيد راح يقومو بعمل خطوة متل هاي... صحيح ضاعت واذا التراث بطلب هيك مؤمرات فويلي عليك يا تراث... بشكر ك انسان خاف على كررامة بنت وبكوني بنت وبنت ناس بحييكم وبالفعل انت اخوتي وخواتي الي اعترضن بفخر فيكم... اختكم بنت هالبلد سوك الفلاحين..
|
رد: اعلان بخصوص الدبكة للفتيات
اسلام عليكم
الفكره حلوه مش غلط بس الغلط انو الواحد بيدور على اشي يستر حاله في يلااااااااا اسنه هاي صار فرقة دبكه اسنه الي جاي فرقة رقصات وسنة الي بعديه بئذن الله على اخر مستوى احلا تطور بنات العيسوبه رقصات اتقبلو مروري وحدو الله يا عرب |
رد: اعلان بخصوص الدبكة للفتيات
مشكور على المبادرة الحضارية في رائيك
لا تعليق |
رد: اعلان بخصوص الدبكة للفتيات
السلام عليكم ورحمة الله وبركاته
اخواني واخواتي انا من قرائتي لبعض ردودكم بالفعل شيئ يدل على الجهل ويبين في رده كم هو جاهل اخواني واخواتي على ما اظن ان الكلمه واضحه جدا وهي (( لن يدبكن الا في صالة السيدات )) وانتم في ردودكم تتكلمون على انهم سوف يدبكون امام الشباب ارجو ان تقرأو الموضوع قبل ان تضعو ردودا لا معنا لها . وبالنسبة لي كما قال الاستاز خضر عبيد وهو انه ما فرق بين الكراتيه والدبكه ان كان الكراتيه امام الشباب وبل امام قناة فلسطين وتصويرات في جريدة القدس في صفحة الرياضه من فيكم قال هذا ليس لائق في البلد لكن عندما قال الاستاز خضر بانه سوف يعمل على عمل فرقة دبكه للفتيات وامام السيدات فقط ارى بأنه لم يأخذ رأيكم يا من جاء يعتبر نفسه مدير القريه ويقول رأيه ولا هو الا بجاهل ارجو بان الذي لا دخل به بالموضوع بان لا يعطي رأيه او يرد بالاساس بالاصل هذا الموضوع للفتيات ما دخل كل واحد فيكم ان اردت ان تحرم اختك من هذا التراث ولا تثق بها عن ماذا تفعل فأحرمها لكن لماذا ؟؟؟؟ لماذا ان كان امام السيدات فقط !!! انا اشكرك يا استازي على هذه الفكره الجميله واشكر المدرب الذي ارجعنا للماضي وجعل السنتنا تتحدث عن هذا التراث العظيم واريد ان اقول لك يا مصطفى لا عليك يا اخي لا تهمل فريقك لانهم مرو بمراحل صعبه ولم نتوقع منهم هذا واشكر كل من يساهم في هذه الفكره والسلام عليكم ورحمة الله |
رد: اعلان بخصوص الدبكة للفتيات
انا ضدد هده الفكرة املم ولا اريد ان اعلق فقط اريد القول انه كل اب يريد ان يبعث ابنته الى هدةه الدبكة فهو انسان ليس لديه قيم ولا مبادء ابدا ..
تحياتي .... |
رد: اعلان بخصوص الدبكة للفتيات
الشكر لك على هذا التعليق
لكن هل من يبعت ابنته الى تدريب الكراتيه له مبادئ إن كان الكراتيه لعب مختلط وان كان الدبكه فرقة موحده للفتيات فقط ؟؟؟ |
رد: اعلان بخصوص الدبكة للفتيات
السلام عليكم ورحمة الله وبركاته
اول اشي هاي الفكرة حلوة مش بعدين خلينا نعتبر انو صار فرقة للبنات منيح وبدبكو في قاعت النسوان واجا في يوم من الايام مهرجاناو مسابقة مش بكون فيالمسابقة او في المهرجان شباب بحضرو المهرجان انو واحد بيحب انو اختة تدبك قدام شباب والله اشي يعني الامانة انو كرامة بتنذل يا عرب وين النخوة في هذة القرية لا حول ولا قوى الا باللــــــــــــــــــــــــــــــــــــــــــــــ ــــــــــــــــــــــــــــــــــــــــــــه العلي العظيم |
رد: اعلان بخصوص الدبكة للفتيات
مرحبا اختي الوردة البيضاء
والله كلامك معبر بس شيئ طبيعي بأن للفتاة لها حق برفض خروجها بمثل هذا المهرجان لكن ان كنتم ضدد هذه الفكره فماذا عن فكرة الكراتيه ان كان الدبكه من تراثنا الشعبي فالكراتيه بأي تراث تتحدث اختي الوردة البيضاء فأنا احترم رأيك هذا لكن سامحيني على تعليقي لانه كتب بيدي وبيد المدرب وبيد استازي خضر عبيد بأنه لن يدبكن الا امام السيدات اي مهرجان تتحدثين عنه ؟؟ كما قلت حتى لو كان يوجد مهرجان للفتات لها الحق برفض تقدمها بهذا المهرجان لكن الكراتيه فتياتنا عند دخولهن مهرجنات وتمثيلهم بعض الحركات مع الشباب بالكراتيه فهذا شيئ جميل ومعبر لكن من في البلد قال بأنه هذه مهزله لنا ؟؟؟ هل سأعيد كلامي واكرر في قول بأن الفتيات لا يوجد اي شاب يدبك معهم ولن يدبكن الا امام السيدات ما هو اعتراضكم ان لم يدبكن امام شباب القريه وبان لهم حق الاعتراض في نزولهم الا اي مهرجان , نعم ما هو اعتراضكم ؟؟؟ |
رد: اعلان بخصوص الدبكة للفتيات
بسم الله الرحمن الرحيم
اخوتي واعزائي نحن نعيش في قرية محافظة على عاداتها وتقاليدها ولا نسمح بان نرى اي تجاوز على هذه القيم فهي رسخت فينا منذ الصغر وتربينا عليها وبما اننا في قرية ارى انه من الصعب ان تتكون فرقة دبكة للفتايات فقط فهذا شبه مستحيل لانه اذ اقيمت هذه الفرقة سوف تنتشر الاشاعات على القائمين بالمشروع وعلى المشاركات باحياء هذا المشروع وبالتالي فان سمعت الفتيات سوف تتشوه فمثلا يوجد عرس لعائلة معينة فالبنات المشاركات في الدبكة سوف يتجمعن الساعة 9 ويخرجوا في سيارة الى القاعة في منتصف الليل فهذا برأيي سوف يطبع صورة عن العيساوية غير اجابية وفي اوقات التدريب كما يعرف الجميع انه يوجد شبان سقط وهمل كثير فلا بد ان ينتظروا البنات في ساعات الذهاب والعودة الى المنازل ويا اخواني نحن نقع تحت احتلال وكما كشفت المصادر الامنية الفلسطينية انه يوجد في جميع المؤسسات التي داخل القدس عملاء للشباك الاسرائيلي فسوف يتم اسقاط بعض الفتيات بسبب المشاريع المطروح من قبل جهات اسرائيلية وخاصة بيرس للسلام فانا برايي انه يا ابو معن ويا ادارة النادي مع احترامي لكم ان تشيلوا الموضوع من راسكم لانه سوف تقع شجارات لها بداية وليس لها نهاية ويكفيكم فساد في العيسوية وشكرا مع تحياتي لكم بالقلم الساخط العيساوي الحالم بالتحرير |
رد: اعلان بخصوص الدبكة للفتيات
خلص حكمو على الاشي بالفشل قبل ما يبلش
مهو اذا بدا يفشل فهو من حكيكم الزايد طيب يا ابو معن بدناش ندبك في العراس بس بدنا نتعلم اذا بصير لانو الكل معارض انو ندبك بالعراس |
رد: اعلان بخصوص الدبكة للفتيات
السلام عليكم ورحمة الله و بركاته
بصراحة الموضوع كثير حلو و ما في اشي غلط او عيب لانو رح يدبكو في صالات السيدات مش في حفلات الشباب وكل واحد عندو وجهة نظر يعلق بدون تجريح[align=center][/align] |
رد: اعلان بخصوص الدبكة للفتيات
اليك يا اخي العيساوي الحالم بالتحرير
ان تمانع في هذا القرار فأنا احترم رأيك لكن لماذا لا تذهب الى بعض مطابع القدس وتكتب فيها هذا الرأي الذي تمنع به دبكة للفتيات وتطلب من الفتيات الذهاب الى الكراتيه المختلط ,,!! هل سيأيدك احد فلماذا تكون ضدد لهذه الفكره التي حدثت في جبل الزيتون واصبح عندهم فرقة دبكة مختلطه وفي البلده القديمه اصبح عندهم فرقة مختلطه لكن نحن لا نطلب فرقة مختلطه نطالب بأعادة تراثنا الفلسطيني وللفتيات دورا به يا اخي انظر الى رد سالي تطالب بتعلم التراث وقالت جمله قتلت كل من جاء يرد ضددا لهذا الموضوع وهي : (( حكمو على الاشي بالفشل قبل ما يبلش مهو اذا بدا يفشل فهو من حكيكم الزايد طيب يا ابو معن بدناش ندبك في العراس بس بدنا نتعلم )) يا اخوتي فأن كان رغبتهم بالتعلم كبيره فيوجد من يعلمهم التراث الفلسطيني ارجوك اجبني عن سؤالي انت ام من يكون ضدد لهاذا الموضوع كيف تكون ثقتك بأبنت بلدك التي تتعلم الدبكه خارج البلاد ومن يدربها شاب من خارج البلاد , وكيف يكون ثقتك بابنت بلدك تتعلم الدبكه داخل بلدك ومن يدربها من بلدك ؟؟ اخواني واخواتي يوجد من 10 وفوق من فتايات بلادنا يخرجن لتعلم الدبكه والتراث الفلسطيني في مراكز القدس وبيت حنينا فماذا لو اتو الى داخل بلادهم لتعلم هذا التراث بدون الذهاب الى مسافات لتعلمه (( واعيد قول الاخت (( ملك )) اتمنى منكم الرد لكن بكلام لم يعاد في هذا النقاش وشكرا )) والسلام عليكم ورحمة الله وبركاته |
رد: اعلان بخصوص الدبكة للفتيات
مممم شو فيها عادي انتو بتكبرو المواضيع صبايا حابات يتعلمو دبكة فيها شي؟؟؟؟؟
أكيد لاء كمان ما فيها شي عادي لو يشاركو في بطولات هي مدرستي أسست فرقة دبكة وكل بطولة هي بتفوز الدبكة مو بس للشباب وللصبايا كمان يعني لا عيب ولا حرام ومين الشاطر فيكم أفتى انه البدكة للبنات عيب . اذا عيب للبنات معناته عيب للشباب ههههه احنا هون بالبلد ما في شب أحسن من صبية واللي مو عاجبه فهو حر لحالو . كمان انتو ليش حكمتو على المشروع بالفشل يعني الفرقة ما بدت !!!! ........ مشكور خيي أبو معن على الموضوع الرائع وانشاءالله تلاقي إقبال على المشروع المميز تحياتي الك |
رد: اعلان بخصوص الدبكة للفتيات
يعطيك العافية أ. خضر
على جهودك و ان شاء الله يتم المشروع بنجاح تحياتي *************************** |
رد: اعلان بخصوص الدبكة للفتيات
اقتباس:
اخي المتمرد كلامك مزبوط ميه في الميه معظم الردود في الموضوع كانت ردود تافهة وجاهله وليس لها اي قـيم .وأنا متأكد مئه بالمئه انو معظم االاعضاء الذين شاركو في ردودهم في الموضوع لم يشاهدو الموضوع او ماذا كتٌب استاذ خضر من معلومات للدبكة وانما شاهدو عنوان الموضوع فقط ,,(اعلان بخصوص الدبكة للفتيات ) هذه هو ومنهم كما قلت شاهد عنوان الموضوع فقط ودخل للمشاركه في الموضوع وهو لم يفهمه من البدايه ,,ياريت يا اخواني ان لا تملئو الحقد والكراهيه في قلوبكم كونو متعاونين مع بعضكم البعض هذه الرياضه الشعبيه رياضه تراثيه قديمه الزمن ولا يوجد فيها اي عيب او اي خوف او اي ضرر لاي شخص مهما كان اتمنى من الجميع اخد الموضوع بجديه اكتر تحياتي أبو عـدي |
رد: اعلان بخصوص الدبكة للفتيات
بحب احكي هو ضل بنات في العيسويه من سن 16 ل 18 ما هو اسم الله لانو اكتريتهن تجوزن فازن بهالحاله بدكم موافقه الزوج مش الوالد ..
هي فكره حلوه |
رد: اعلان بخصوص الدبكة للفتيات
اولا يا اخي الميزان الشكر لك على هذا الرد
اخي انا بالنسبة لي ارى بأنه من الافضل للمتزوجه البقاء في بيتها , لأنه كما نعلم بأنه سوف يأتي يوم قريب عليها وتطلب استقالتها من الفرقه فلهذا اقول بأنه الافضل لها البقاء في بيتها ... فإن احبت التسجيل واقنعت زوجها فلا عليهم فليرسلو رسالة الى ايميل مدير بالموافقه fnon_al3esweh@hotmail.com وتكتب رقم بيتها او رقم بلفون زوجها وهذا هو الحل وشــكرا . لكن ... اخي الكريم اولا الله يستر على جميع فتياتنا وثانيا احب انو اوضح لك بأنه لو كما تقول بأنه جميعهن متزوجات في هذا السن على ما اظن لم يقوم المدرب والمسؤول ورئيس الفرقه بأختيار هذا السن . قامو بتحديده لأنه يوجد في هذا السن طالبات في الثانويه واتمنى لهم التوفيق والنجاح وشاهدن الدبكه أو التراث الفلسطيني ومعظمهم احبها ورغب في تعلمها ولكن لم يكن لهم مجال في ذلك اما الان باب التسجيل مفتوح لهم واتمنى لهم التوفيق في جميع اعمالهم ... وشـــكرا |
رد: اعلان بخصوص الدبكة للفتيات
بدكم الصراحة يعني كل ردودكم ما بتعني أي شي مع اني مو من المشتركات بهذا المشروع لكن من المهتمات له.
وياريت تقرؤا الموضوع منيح قبل ما تكتبو الكلام اللي عندكم وترسلو الرد. وأنا شايفة انه كل المعترضين أغلبهم متعلمين وفاهمنين . يمكن حبيتو تتشاطرو بكلامكم وتحكو والله انهم بنات ليش ما نسمعهم أكم من كلمة. اللي أرسل رده يا ريت يرجع ويقرأ الموضوع كمان الأستاذ خضر ما بيعمل شي إلا لما يكون متأكد منه وانه اللي عمله هو الصواب. |
رد: اعلان بخصوص الدبكة للفتيات
اختي همسة الاحساس
لما يكن ردك الا بصواب ولا احد يقول بأن يوجد خطأ صغير فيه فلهذا انا جئت هنا الى هذا الموضوع فرأيتهم يردون ردود ليست للموضوع وكتب في ردودهم بأن الفتيات سوف ينشرون او يدبكون التراث الفلسطيني امام الشباب وكتب في الموضوع بأنه امام النساء فقط لكن ماذا ستفعلين سوا ان تقولي عن هذا جهل بجهل اما يا اختي فأنا اقدم لكي الشكر فلا يهمني ان تسجلتي ام لا لكن يهمني رأيك ويهمني تصحيح معلومات عرفتيها عن هذا الموضوع ليست صحيحه ويهمني كل من ينوي الرد بقرائت الموضوع اولا وأشــكرك على ردك |
رد: اعلان بخصوص الدبكة للفتيات
اهاا الشكر الك خيي المتمرد هيك الناس الفهمانة ولا بلاش
تحياتي لكل من ساهم في هذا المشروع |
| الساعة الآن 11:35 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author